影片
以上資料只供參考, 請與餐廳確認詳情
門面唔太起眼嘅隱世小食店。 無論係落單過程，食物製作，服務埋單等等，所有嘢都好人性化。 而人性化，亦包括隨著忙碌程度而有起伏。 但整體上係良好嘅，係一間值得支持嘅小店。豆花有黃豆同黑豆，兩者各有優點。 黃豆豆花比較滑，亦夠豆味。 而黑豆花其他地方比較少見，亦多一層黑豆嘅味道。 薑糖水本身已經幾夠味，隨喜好略略加黃糖已經好夠。豆漿亦有分黃豆黑豆，有糖同無糖。 黃豆漿微微帶炒過豆嘅焦香味。而黑豆漿亦都唔錯。自家製餃子有韭菜、白菜或者粟米。 未至於超大隻，但尚算飽滿。 湯底用冬瓜水，味道唔錯。另外，仲有蘿蔔糕同各色港式小食。 蘿蔔糕夠蘿蔔味，唔會變咗食成一舊沾米粉。 牛筋丸同粉果亦都好食。
繼續閱讀
樓下間小食店係小食救星！韭菜湯餃爆肉汁每一次都係我必食！燒賣彈過乒乓波，我個仔超鍾意食～仲有咖喱蘿蔔，燜到好入味，抵食到阿媽都拍手掌👏🏻🌟 最緊要佢哋嘅豆漿，每日都係新鮮整㗎！尤其係黑豆一定要試
繼續閱讀
今日去咗做街坊生意既旺角隱世小食店。所有食物性價比極高。💜香滑腸粉$14 4條+燒賣$10 6粒（⭐️⭐️⭐️⭐️⭐️/5）腸粉好滑，口感滑溜，加埋甜醬同麻醬，係人間極品。燒賣一d都唔粉，口感軟糯，味道可口。💜雙拼水餃（大$41 8粒）（小$35 6粒）（⭐️⭐️⭐️⭐️⭐️/5）試了白菜豬肉、韭菜豬肉、粟米豬肉，外皮唔厚，餡料十足，每隻都大大粒。我最鍾意招牌白菜豬肉味，係咁凍天氣食，特別好食，食完水餃可以飲埋啲湯，沒有味精，全身暖笠笠。💜黑豆豆腐花$15 （⭐️⭐️⭐️⭐️⭐️/5）黑豆豆腐花比較少見，但黑豆非常健康，可以補血補腎。豆腐花都係一個招牌，口感順滑，本身已經有糖水，夠哂甜，可以唔使再加糖。🍴整體評價：✅性價比高✅食物份量足✅支持小店❌人手唔夠，食物可能要等耐少少
繼續閱讀
成日經過都冇試過，今日好想食餃子就入去試吓，食左第一啖覺得好味喎，皮薄👍🏻餡料唔可以話好多，但個味道岩岩好👍🏻再配埋豬骨湯，平時去食餃子，我通常唔食個邊皮，因為我覺得好厚，但哩個我食曬，係全部食曬🤣🤣店舖一個人做野，不停都有人入嚟食野，不過好多小食豆腐花都整定，所以一個人都夠做👍🏻餃子就等8-10分鐘
繼續閱讀
〰️小店經營，唔少老一輩黎食。亦有唔少港式小食，腸粉、燒賣、咖哩魚蛋等，外賣單源源不絕。午飯時段不少打工仔買外賣。好在價格較實惠，如果在附近經過，不妨夏天黎碗凍豆腐花～〰️黑豆豆腐花(熱）$14評分: 2/5黑色豆腐花看似新奇，食落黑豆豆味重，豆腥味較出。堂食碗都較細，嚐鮮一次就好～加上地理位置唔太方便，唔會再encore〰️
繼續閱讀