陳記石磨腸粉

營業中

休息中

成日經過呢間石磨腸粉，今日終於都有機會食喇！食物種類都算幾多，有飯、餃子、腸粉、粉麵、粥同各種小食.....價錢亦都非常合理招牌腸粉~腸粉即叫即整，餡料有芽菜，令到腸粉嘅口感非常有層次，最重要係靈魂醬汁，都幾肯定係小店秘方，腸粉夠曬滑漏，值得推介！牛丸湯~牛丸好彈牙，牛味亦夠足粟米餃、韭菜餃~餃子有分大份/細份，兩款我都選擇咗大，足足有八粒，可以講係皮薄餡靚，當中會比較鍾意粟米餃，食得出係用新鮮粟米去包。

【陳記石磨腸粉｜聯和墟隱藏版廣式風味】 今日上水收工肚餓餓地，唸起粉嶺聨和墟美食，唸都唔唸就揸車去兜兜。路過揸聯捷街見到個好搶眼嘅黃紅色招牌，唸都唔唸就將架車泊入榮福中心買外賣返屋企慢慢嘆，榮福免費泊車20分鐘真係乜都夠晒！行到小店，店内有兩個職員，我見店内有個石磨，睇來都好正中嘅石磨腸粉🤗今次外賣試咗4款腸粉+潮式肉丸湯，個男仔職員好熟手咁整腸粉，問佢嘢就怕怕羞羞，後面個叔叔就好勤力咁洗菜準備腸粉食材，腸粉都係即叫即做，夠晒新鮮👍🏻招牌腸粉~配上香脆菜莆，芽菜絲，豬肉餡料，足料配搭，餡料絕不吝嗇，菜莆切得很幼細，制做過程令菜莆&粉漿混為一體，夾起來唔會散晒。雞蛋腸粉~原味派嘅選擇，蛋香混入腸粉，增加香滑度口感。豬肉腸粉~足料爽脆肉餡配以生菜絲，口感不失。叉燒腸粉~原粒叉燒粒加入生菜絲使到腸粉有清新嘅感覺。老闆(洗菜叔叔)話石磨米漿每日鮮磨，薄到透光但夾起唔易穿，師傅仔係怕羞D，但蒸腸粉火候控制有料到～ 手工肉丸湯真係有潮州嘅風味，湯底我飲到好香濃豬骨味，仲有應該係鹹菜香氣，令人回味，牛肉丸多汁彈牙，豬肉丸有濃厚嘅肉汁香味。老闆仲教我極速取餐方法，下次起外賣平台落單，泊好架車，直衝

去行山後，到粉嶺聯和墟行下。經過陳記石磨腸粉小店，有幾位人客等外賣。我哋行完返轉頭嚟買外賣，雞粥$38濃郁綿密，米粒煮得恰到好處，雞肉鮮嫩多汁，好有家的味道同溫暖。招牌腸粉$28入面有豬肉，雞蛋，生菜,芽菜,菜甫，更是不可錯過，石磨製作的腸粉皮薄而滑嫩，搭配特製醬汁，口感層次豐富，讓人一試難忘。紫菜蛋花肉片湯$38清爽鮮美，紫菜的香氣與瘦肉的鮮甜完美融合，喝起來十分開胃。蒸米粉簡單卻不失美味，米粉吸收了湯汁的精華，口感柔軟，搭配店家自製的配料，令人滿足。每一道菜都充滿了傳統風味，價格親民，絕對是粉嶺區內值得一試的美食小店！

呢間兩母子經營的小店即叫即整，潮汕風味十足，令人期待下次試吓佢哋嘅粥同小食 😊。我試咗潮式牛腩飯，甜滷水味濃郁，唔單止有牛腩，仲有牛筋同牛肚薄切，恰到好處，加上一少少酸菜調味，整體味道非常平衡，份量亦都足夠，絕對夠飽 🍛🐮。再來就係手工牛肉丸同牛肉餅湯，湯底清澈卻充滿濃郁牛味。牛肉餅質感紮實，不規則形狀反而增添咗手工感，而牛肉丸則非常爆汁，口感彈牙，食落令人好滿足 🥣🐂。生菜絲嘅搭配亦令整碗湯更加清爽 🥬。飲品方面，我選咗熱豆漿，似無糖豆腐花清香嘅味道，口感滑順，底部會有少少豆粉沉底，味道更加濃郁 🥛。最後，粟米生菜芽菜雞蛋腸，搭配蒜蓉醬油同辣椒油，腸粉足料，各種蔬菜爽口，配上雞蛋蛋香，令整道菜更加豐富 🌽🥚。

📍粉嶺✨陳記石磨腸粉✨店面雖然唔算好大，但菜式選擇多，即叫即蒸嘅腸粉夠晒新鮮熱辣🔥🔹蒸米粉味道非常鮮美～米粉蒸得啱啱好，口感滑嫩，搭配香濃醬油，簡單卻令人回味無窮。🔹皮蛋瘦肉粥粥底稠度適中，皮蛋香味融入粥中，搭配瘦肉，令整碗粥層次更豐富，係早餐嘅完美選擇。🔹招牌腸粉餐廳招牌菜式，必試！有齊豬肉、雞蛋、生菜、芽菜、菜莆，無論色彩定係口感都相當吸引！腸粉皮薄而韌，豬肉鮮甜、雞蛋滑嫩、生菜又夠爽脆，有驚喜。🔹雞蛋腸粉腸粉包著滑溜雞蛋，口感柔軟，淋上特製醬汁，味道鹹香可口。🔹豆漿香氣四溢，豆香濃郁，口感滑順，特別適合配搭腸粉。陳記石磨腸粉✨📍粉嶺聯捷街1號榮福商場地下87&110號舖

聖誕食🧑🏻‍🎄足幾日聖誕大餐，今日好想清清地食D簡單午餐，街坊介紹依間石磨腸粉，門口黃色招牌好易搵🥢菜淨牛丸菜湯加彈牙牛丸，熱辣辣🥢齋腸腸粉的質地柔軟，加少少秘制豉油醬汁，絕對番頭回味，腸粉有水準🥢叉燒石磨腸粉搭配的叉燒肉質鮮嫩，切粒粒，配上秘制醬汁甜而不膩，與腸粉的滑順口感很配🥚雞蛋腸粉第一次食雞蛋腸粉，另一番風味，腸粉上鋪上了薄薄的一層雞蛋，有色彩又營養🥢皮蛋瘦肉粥可選大碗或少碗，餡料都算多，米粥軟綿綿的，香濃米粥🌟每款腸粉都好味🌟石磨腸粉滑順香🌟簡單一餐真是美

天氣涼了，好想食暖肚的東西，經過陳記石磨腸粉，見到有粥粉麵飯腸粉咁多選項，外賣正合心意像地鐵站的“聯和墟”裝飾十分吸睛，做米漿的石磨都係第一次見，兩位店員很賣力工作，不停接單，新鮮熱辣，趕快點選食物先佢哋設有套餐，選了豬肉腸粉加豬什枸杞湯的套餐，這裡的用料十足十，豬肉腸粉可以用飽滿來形容，每啖人口都是滿滿的料和腸粉皮，配合特製的豉油和輕輕的蒜蓉，極為滋味！枸杞養肝明目，配合豬什是營養價值高並美味的做法，湯做得清甜，豬什也是極為足料，切得幼細但保持口感$38的套餐邊度揾另外點了豬什粉，豬膶腸粉，海鮮粥和豆漿，河粉大大碗，也是滿滿的豬什用料那麼多，就知道誠意十足！也是$38，抵到爛呢！很久沒有食豬膶腸粉了，豬膶入口就知道新鮮極了，微微的粉狀，但保持爽口有咬口，一定是嚴選的材料，腸粉很滑溜，石磨米漿的價值就在於此，那麼用心的製作，都只是$16一份，性價比太高吧！熱辣辣的海鮮粥是我最滿意的，粥底極綿，配以鮮蝦，花甲，青口等，海鮮保持彈牙有口感，顯出是用心的烹調，也豐富了整碗粥的層次，$48是超值石磨腸粉選陳記性價比高很貼地用心製作有驚喜新鮮大份又美味

時至今日的香港。太多飲食業倒閉。一有空就同朋友出去幫助下市面經濟。聯和墟勁多小店去幫襯。**豬膶腸**的口感讓我驚喜。這道菜的豬膶腸新鮮且處理得當，外皮脆嫩，內裡卻保持了豐富的汁液，咬下去時的鮮香令人陶醉。搭配上特製的醬油和蒜蓉，讓整道菜的味道更加層次分明，讓人一口接一口，根本停不下來。**招牌腸粉**，這道菜的選材非常講究。腸粉的皮薄而滑，內餡的豬肉、雞蛋、生菜和芽菜的搭配，讓每一口都充滿了鮮香與清新的口感。特製的醬汁淋上去，讓整道菜更加美味，無論是作為主食還是小吃，都非常合適。**潮式牛腩飯**則是另一種享受。牛腩經過長時間的燉煮，肉質軟嫩，湯汁濃郁，搭配上香噴噴的白飯，讓人感受到滿滿的幸福感。牛腩的鮮香與米飯的香氣交融，讓每一口都充滿了滿足感。**豬什湯飯**的湯底清澈卻不失濃郁，豬什的多樣口感讓整道菜品更加豐富。湯中加入的蔬菜也為整體增添了清新感，讓人感受到一種健康的美味。

蝦腸，蝦夠新鮮腸粉夠滑，招牌腸正，有菜甫，牙菜，生菜，肉同蛋入口爽，口感很好，海鮮粥，有蝦，蠔，豬肉丸，潮汕做法，新鮮夠味，服務0K，仲有牛腩都是潮汕做法，很正，滷肉飯同牛腩飯有酸菜或酸豆角中和口味炸花生值得一試

作為粉嶺友一直都支持小店，今晚想清淡地食下粥同腸粉，經過呢度，就畀黃色嘅特色小牆而吸引到，立即加分！親切感UP!雞粥$38~一睇粥底嘅顏色就知道非常夠味，一打開，油香四溢，雞件亦都啖啖肉。招牌腸粉$28~即叫即整嘅腸粉夠曬熱辣辣，而且皮薄多餡，當中有非常開胃嘅菜莆，淋上獨門醬汁，立即將腸粉昇華至另一個層次！生菜牛肉餅湯飯$42~牛肉餅嘅牛味非常香濃同時有口感，絕對唔係粉多過肉嘅行貨！一口一件，非常方便。海豐小米~第一次食呢個小食，外皮晶瑩剔透有彈性，肉餡係豬肉做成，內有微微嘅汁液，鮮味濃郁。現磨豆漿$8~水同豆嘅比例恰到好處，口味比起市售嘅，豆味更加香濃。

貨品有問題個皮蛋瘦肉粥水汪汪，完全無味 我投訴後店主打電話來態度十分差也並不是解決問題而係同我爭吵我覺得感受很差，夜麻麻叫外賣食到d咁既食物仲要受到不禮貌既對待，仲話粥係咁架啦，但另一碗粥就爭好遠而且味道都算不錯，真不明白同一間出品點解會爭咁遠

呢個腸粉麻麻地，可以唔洗食，老闆脾氣好差，講唔夠2句就鬧人，叫腸粉外賣，竟然無汁，打電話俾老闆同佢解釋個餐無汁，自己做錯嘢又唔道歉，又唔彌補錯處，最後總要問候老人家，你開呢間嘢目的都係搵錢做好招牌，都係做附近街坊生意，有無必要鬧粗口？你向我表示唔鍾意可以退款，咁我退款，你又係平台拒絕我，服務態度差，餐飲唔出眾，你繼續你的經營之道啦