8
7
0
是晚收工去食打冷，其實有好多野都想食，但無奈眼闊肚窄，叫左4樣野食炆得夠入味，而且都好冧，損一損就骨肉分離d花生都好好食，因為雞腳係同豬手一齊炆，所以底個到有幾塊豬皮，執到寶份量都幾多，不過食到中間有d咸好香芫茜味，蠔仔都漲卜卜，蠔仔粥真係打冷必食!!估唔到無鵝片，有鵝腸，墨魚，豬腸，紅腸，豬頭肉，仲有d豆卜同芽菜墊底，除左豬腸咸左d之外，其他都好食侍應會同你傾下計，有講有笑，走親民路線😂成餐飯都食得幾開心
繼續閱讀
近來多入了荃灣, 發覺有好多野食, 而且人不及旺角的多, 容易搵位, 是日店舖全滿, 老闆問我們上不上樓上閣樓, 當然無問題啦, 沒有裝修, 而且略為污衊少少少, 但勝在寬闊, 坐得舒服, 一碟鵝片, 七十八元, 鵝片比想像中少, 底下的豆腐也只有三片, 但肉質尚算可口, 肉滑也彈口, 九菜豬紅, 非常好, 十分夠熱, 而且加了些蘿蔔和豬皮, 炸蠔餅, 比期望的差, 不算太多蠔, 炸得內裡也太乾了, 實實硬硬的粉, 太燶的邊, 只吃了一半便放棄了.
繼續閱讀
十月一日, 打完風打冷~與朋友去打冷, 來到久違了的陳記.以前陳記成日都好多人, 而家好似少左人~~佢地十年如一日的街坊式服務, 真係冇得頂~~ 頂我叫蜆, 佢話冇, 叫我叫其他..我叫花甲, 佢話 : 呵 , 蜆冇貨, 花甲都係冇架啦..佢地一齊搭飛機過來...我頂, 冇你又問.....我問 : 蠔仔粥一窩夠唔夠食, 大約有幾多碗 ?答: 睇你食幾多啦, 睇你用咩碗啦....用我地d碗呢..就...梗係問你地d碗啦, 唔通我自備碗....正題, 我地食唔多, 叫左d例牌野[2. 豬紅正路, ok .. 顏色比味道好..3. 大腸正常水準IMG:3]4.鵝片水準之上, 入味, 肉味夠濃, 推薦..但都係花生太多... 份量唔算多~5.蠔仔粥我最喜歡, 有蠔味, 蠔仔算多, 算肥美--睇得食得不過, 應該加左唔少味精, 食完要飲可樂解渴~~
繼續閱讀
我daddy同陳記的「伙記」有些交情，所以自小就常常到這裡吃晚餐，自己也不知不覺間對「打冷」有一種特別的「情」。但平心而論，這裡客似雲來是有原因的。店內裝潢不是堂皇十分，坐得也頗夾迫，動個身也是困難。但為何還是有那麼多的人從遠處慕名而來呢？這裡的大眼雞、烏頭絕對「足料」，每條都滿身是肉，價錢還相當合理。蠔餅不油膩，每一口也必有蠔蛔，每一次都是熟呼呼的，值得一嚐。這裡的胡椒豬肚湯更用白果來煲，入口沒一般的那麼濃烈，反而多了一份幼滑的感覺，又不失胡椒的香味，個人特別推介！喜愛打冷的朋友，不妨嘗試這陳記打冷！
繼續閱讀
日頭賣潮州粉麵，都OK，夜晚變身打冷鋪，諗住佢哋夠專，又見夜晚幾多客咁，專登一心哩試，結論係一般咁啦，而且覺得佢貴唔多抵食添！ 鹵水三拼：鹵水豆腐、墨魚、生腸，大路嘢，可惜普普通通、味淡，係咁多！俾個 佢，因為一家潮州菜館，鹵水嘢好少咁失手！ 鹵水鵝肉：附送一大埋墊底花生，預咗，好彩D鵝肉肉味濃，鹵得入味，所以咁先奇怪佢個鹵水三拼點解又做得咁鬼麻麻！ 大眼雞：問個伙記大眼雞點賣，佢就唔答，凈係叫我自己出門口揀，佢哋將一條條嘅大眼雞放晒晌門口張摺枱度俾客揀，不過就唔會標價，問佢幾錢條，佢話$128，大眼雞咋喎，心中覺得唔抵食，同屋企人商量後都係算數照叫，即管睇吓佢有幾好食，但個師傅又話依條唔夠靚，幫我揀過另一條，嘩，仲要貴多幾十$168，好食嘅話都算，但真係食唔出有咩特別，魚肉唔係話特別甜，真係把鬼呀，呻笨！ 蠔仔肉碎粥：依個粥幫今餐飯攞番多少分，因為蠔仔落得唔手緊，又算肥厚有咬口，肉碎粥做出潮州粥嘅質感。 老實講，整體我頂多都係俾佢50分，因為咁嘅質素，唔配收咁嘅價錢，唔可以話貨不對辦，只係物非所值咁啫！
繼續閱讀