陳記冰室小廚 (已結業)

黃金鮮魷不錯。小炒王腰果不夠爽，冷氣夠，杯茶都夠濃不是開稀的，埋單時有小插曲，突然收貴了$40， 原來是開瓶費（自帶紅酒）， 其實可以提一提客人要收錢，去到埋單先知到要收感覺不良好.

簡單晚餐，整體份量略細，味道尚可豉椒脆鱔就無泥味，新鮮，爽脆，但份量真係少得可憐椒鹽九肚魚，我唔太喜歡用濕漿炸，變得厚粉，但唔差嘅菜又係個句$90一碟菜俾多兩條好睇啲囉坑腩煲就未夠冧，明明話可以揀肥腩，來到瘦蜢蜢最後加個事頭婆炒麵，我好耐無試過三個人四個餸再要加主食，無偈，唔夠飽

極失望，見新開左間陳記一家人去試下，堂食叫左個椒鹽鮮魷，完全無味，之後再叫左個雜菜煲又係無味，粉絲得幾條，蝦乾得2舊，員工態度極差，好似唔休做咁，下次請都唔會去食🤮

很少去鴨利洲大街食午餐，咁啱今日中午經過，見到這一間陳記冰室幾新淨，所以停低車就去試吓，打開餐牌見到有一款魚香茄子魚塊煲是我鍾意食的菜式，就叫咗一煲嚟試吓再配埋飯一杯嘢飲，冇幾耐啲菜送到我面前，我一睇，咦！點解見唔到鹹魚及肉粒碎，餐牌及票明明寫魚香茄子魚塊煲，但是一粒鹹魚及肉碎粒都冇。跟住同侍應及老細反應，佢哋都無語。又冇任何表示，心諗，算啦是一餐啫費事講咁多。嚴格嚟講係違反商品條例啊。不過茄子同埋魚塊是可以，魚塊比較嫩滑味道也正常。是意外驚喜。

辛辛苦苦，係上面利東整完個馬桶，望一望個鐘…………嘩！八點半架喇？咁即時同老友落大街搵食啦～行下行下，而？有間陳記冰室小廚，有位，好即試，都未見過。原來都開左幾年了，可能真太少深度遊得兩個人，所以叫左3碟餸……第一碟，酒香椒鹽豬扒香口，彈牙，唯一覺得椒鹽豬扒應該要乾身d但好好食，配埋炸蒜，一流。沙嗲牛肉炒西蘭花好食，沙牛夠入味，普通一碟小炒，卻回味粟米班塊香脆味美，一般一定有既小菜但呢間我食得回味無窮簡單咁講，呢間陳記，價廉味美無得彈

成家去鴨脷洲搵野食，細佬之前食過話呢間好食又大份。ok！一於試下一入去已經冇空枱，只可搭枱。一張圓枱搭咗3 group人，茶餐廳都預咗嘅，但冇諗過要同陌生人坐得咁逼。我叫咗個常餐 雞扒通粉 w/ 奄列&牛油方包&熱阿華田 $46湯唔算味精重；雞扒煎得唔錯，但咬落去好大陣雪藏味，呢樣就麻麻；通粉正正常常；奄列出面嘅蛋皮唔錯👍🏻好有蛋味，同埋唔會煎到乾晒，濕濕哋👍🏻👍🏻整體而言，對得住價錢，但我本身唔係住嗰邊就唔會特登再幫襯。同埋建議佢哋唔好3grouo 10幾個人放埋同一張圓枱，全程幾乎冇講過嘢，食完20分鐘就閃。

近排去開南區做嘢，多咗機會去發掘下，覓食下🤤🤤 不過今日有啲趕，亂入咗間茶餐廳，落咗單之後即刻search下，竟然咁啱係黃店🥰🥰🌞 常餐 ($44)🍗雞扒公仔麵雞扒啱啱炸起，雖然無另外用碟分開上，但影完相食嗰時仲超級熱同鬆脆，好正😋🍳奄列+牛油方包火腿奄列好嫩滑，唔同一般舊式茶餐廳嘅好油個種奄列，幾有驚喜🤤食食吓嘅時候見有一家人係專登喺區外揸車過嚟食，慶幸自己入左黎食，感覺上覺得自己無揀錯，好開心🥳

陳記係我既飯堂之一食中午飯除左有熱飲仲會送大大碗例湯碗湯飲落好甜而且唔咸唔肯定係咪無味精但忍唔住成碗飲晒都唔會頸渴食過咸魚雞粒炒飯 好香 有獲氣蒸排骨飯都係好好味 大大碟佢既早餐我都好鍾意沙嗲牛轉一丁加蛋包麻油同味粉比你自己落感覺特別開心佢既早餐係我係大街食過最鍾意❤️基本上唔會再考慮其他茶記老闆同店員都幾有禮貌感覺幾親切佢既下午茶 雞翼係炸既但入面保持肉汁肉好滑！蛋治 熱狗 基本上冇野難食凍奶茶有茶香諗起都想食真心推介！

最近，鴨脷洲大街開咗間新嘢，既是冰室又是小廚。地方細細，招呼卻很周到。中午時分，來到此處，簡簡單單，叫了個是日午餐A $47，即係乾炒海鮮烏冬，配香濃熱咖啡。餐廳比較細，於午飯時間，客人比較多，故此，廚房出餐都比較慢。慢功出細貨，烏冬是即炒的，上到來時，是熱氣騰騰的，在這個氣溫剛轉冷的日子，吃這個炒烏冬，的確是很合時。雖然，配料不多，只是些急凍海鮮，但是整體來說，這個烏冬的味道蠻不多。咖啡亦很香濃，絕對是冰室風味那種，美式咖啡店出品的是比不上的。

本來要去海馬公園哈囉喂，但是因為公眾活動被取消了，原本避免夜歸而訂的酒店不能取消，所以就改成了南區遊。下午去了南朗山觀賞日落美景，夜晚就到鴨脷洲大街品嚐南區風味。走遍整條街，1900這個黃金時間很多人，餐廳都滿座。女朋友想吃鱔，所以就來到陳記這間餐廳，來到剛好有位。兩個人吃，點的不多，豉汁蒸白鱔、蜜椒薯仔牛柳粒和海味粉絲雜菜煲。那個豉汁蒸白鱔，新鮮美味，聽老闆道來，供不應求，非常新鮮，剛從街市買回來的，女朋友對此讚不絕口。而雜菜煲也很足料，很多款菜種。原來這間餐廳開了不久，才兩個月，老闆還很熱情好客。

一個月一次來到鴨脷洲，每次都試下不同的食店，記得上次去了一間食店食西多士，質素一般。今次4:00來到鴨脷洲，來回行逛，終於決定入去陳記冰室試試😁下午茶餐我叫了一個西多士丶一杯熱華田，華田非常香濃，西多士質素好好，令人滿意突然想吃雞翼，侍應問我要多少隻，餐牌沒有的，廚師好好人，肯煮兩隻俾我😛雞翼外脆內軟，非常好味😋很久未食過咁好味了👏🏻👏🏻小店有這個質素，又有人情味，下次再試其他食物😋