陳茶館芋圓甜品專門店 (黃埔天地第3期百寶坊)

營業中

休息中

陳茶館嘅黑芝麻豆乳大滿貫真係值得一試！今次我去咗紅磡黃埔天地三期百寶坊分店，環境好有格調，乾淨企理，坐得舒服。呢款甜品用上濃郁黑芝麻配上香滑豆乳，口感順滑，唔會太甜，面層仲加咗香脆配料，口感層次豐富，食落有驚喜。小碗內嘅配料亦用心擺盤，整體賣相吸引。店員服務有禮，落單至上菜都非常流暢，令人感覺貼心又放鬆。以呢個價錢嚟講，絕對係高性價比之選，無論同朋友打卡定自己慢慢歎都非常合適。誠意推介畀鍾意芝麻甜品嘅你！

喺附近飲完夜茶，食咗太多煎炸嘢，咁就食個糖水滋潤吓。不是都會經過呢間糖水舖，但係就從來都未試過。見佢有芋圓就叫咗一個嚟試吓，芋圓大大粒咬落去相當有芋頭味，亦都好煙靭，相當驚喜。個黑糖都幾甜，建議撈勻先至食。我試咗朋友個桃膠，處理得相當乾淨，如果自己煮過桃膠就知道個工序有幾繁複。另外佢啲小丸子都幾糯，好有有咬口，呢間對於個人來講回頭率頗高。只係店舖太細，枱比較多坐得比較逼夾，隔籬枱六個人都係坐兩張枱，真係有啲誇。

我哋總共有四個人，三個嗌咗開心果雪燕西米露得我嗌咗開心果豆乳。1️⃣開心果雪燕西米露我試咗佢哋嘅開心果雪燕西米露，啲料超足，裏面嘅芋圓煙靭、好好味！係開心果湯底，裏面仲有滿滿嘅開心果碎，好香口！2️⃣開心果豆乳開心果豆乳都好足料，佢嘅豆乳好香加埋開心果底，係超級好飲，味道唔會好甜，都唔會好膩！題外話，佢哋嘅甜品仲會附上一張嘅小卡仔，裏面大概講吓有咩食材同埋一啲小佳句，我覺得好有心思，好加分！建議佢開多啲分店，咁就可以成日都食到。

每次係黃埔附近食完飯，都會嚟陳茶館食糖水，呢度啲糖水大大碗，又唔算好貴😋！黑糖珍寶仙草⭐️⭐️⭐️⭐️⭐️入面有芋圓、珍珠、小丸子、仙草、冰底，但啲冰唔係打得好碎🧊芋圓好煙韌，大大粒，好有芋頭味、紫薯味同蕃薯味🍠。珍珠都好煙韌，好有黑糖味，份量亦都好多🥄。仙草好清涼，唔太甜，食落口好舒服😋！佢呢度嘅糖水真係好大碗，食完會有啲飽🤰！

朋友推薦的甜品店，間中也有人排隊，芋圓無論味道，口感也高別家糖水店一级，首先芋圓不是千篇一律的只是死實梗Q彈的糯米粉口感，而是軟硬適中又帶微軟而又有芋頭香軟的味道，原來有質素的芋圓是有這樣味道和口感的芋溶和芋圓份量超多，各自分半巳填滿整碗。芋溶粉绵，非常好食，勁推芋圓，口感不是死實Q彈，而且味道充滿芋頭香味近年大熱的開心果糸列，糖水味道甜淡適中，入口濃郁的開心果味道，糖水上層面巳蓋滿了粒粒香脆果肉碎，大滿足

以前出面食開嘅芋圓都好普通，唔係好粉就冇芋頭味，呢間嘅真係好好食又煙靭又有芋頭味！喺黃埔行完街想食吓糖水，就見到人唔多就排咗陣，入去嗌咗個黑糖芋圓同埋芝麻豆乳芋圓。講真個性價比真係幾好，份量夠，價錢唔算好貴，質素都幾高！舖頭裝修到幾靚，好舒適！真係好食過鮮芋仙好多好多倍，如果佢有其他分店就更加好啦！

🍵【網紅糖水店實測｜陳茶館】 後補食評收藏list躺了半年的「陳茶館」終於來朝聖！這家以開心果糖水聞名的糖水店，實在好出名。 🌟 開心果糊 第一口就被濃郁開心果香衝擊！質地綿密得像絲綢，甜度剛好不會膩。但...吃著吃著突然「咔」一聲咬到超硬顆粒（疑似開心果外殼碎😨）。然後成碗都要好小心翼翼咁食，店員坦承已收到類似反映，老闆已經知道，但後來被我係網上群組發現過左2-3個月都仍然係咁😓。 ⚫ 黑芝麻糊 意外成為黑馬！芝麻香濃到在嘴裡開派對，質地比開心果款更滑溜無渣。表面還撒了碧根果碎，熱食時香氣加倍～ **扣分位**： 1. 開心果殼碎影響口感😓😓有啲顆粒唔似係殼，可能係開心果枝部分 2. 碗量偏細，男生可能不夠滿足 **回購指數**： 黑芝麻糊 ★★★★★ 開心果糊 ★★★☆☆（等改善後再加星）

最近開心果真係hit到乜咁，所有甜品都離不開開心果，目前為止我都中過伏唔少，又貴又難食。今次我黎黃埔都係因為佢，成碗綠色野仲要有開心果碎真係超吸引！都唔平，要$52。我買嗰陣只知佢係開心果冇留意其他，直到食嗰陣先知原來佢有芋圓，真係滿足哂我。好驚佢好凍，因為生完B都盡量戒凍野但出奇地佢唔係冰凍嘅偏向室溫非常好！甜度唔係死甜，適中，係少甜版，開心果味都出嘅，不過再濃啲就perfect 喇。食開心果粒要小心啲，我啲牙肉俾啲尖尖位整到損左。唯一美中不足係佢啲開心果粒連埋衣一齊搞碎。$52貴左少少因為開心果嘅成本。整體好滿意同埋一定會再食，期待佢出多啲開心果嘅甜品。

紅磡舊區有一間開業幾年的新派糖水店，吸引了許多年輕人前來品嚐。最近在網上看到店裡推出了開心果甜品，但最受歡迎的還是店裡自開業以來一直暢銷的芋泥芋圓仙草糖水，價格非常實惠，只需$38。作為一個芋泥控，對這款甜品讚不絕口，每一口都讓我愛不釋手。芋泥同糖水唔會過甜，調味啱啱好。佢嘅芋圓、番薯圓、紫薯圓配方合好，唔會溝得太多粉，食得出裏面斤兩十足，份量好慷慨，每款都有至成十粒。 最緊要嘅影相超靚，打卡就啱晒

每一次经过这家店都好多人！实力认证！开心果糖水：真有开心果味，不光颜色开心果。好次到要把边边上粘住的开心果酱都刮干净。里面有雪燕丰富糖水的口感！芋圆一直都是那么优秀。后面两款都是店里一直常驻嘉宾芋圆芋泥控完全爱不释手呢

教會boardgame查經喺紅磡永恩堂，完咗大約1030行去黃埔陳茶館🍵得返外賣🥡，叫椰汁🥥桃膠三寶$42轉豆漿，門口等5分鐘就有，山長水遠搭地鐵🚇再轉小巴🚐拎到返屋企食，先覺得轉豆漿笨咗，因為屋企有百福豆漿，應該椰汁🥥底先啱。打開嚟食有芋圓桃膠小丸子🍡，三樣口感都煙韌正，食完皓飽

Bookmark咗好耐嘅呢間人氣甜品店 今次終於輪到我食喇😊◈ 開心果雪燕西米露 $52表面有勁多開心果碎❗️好重堅果味🥜材料有煙韌芋圓粒粒西米同滑溜雪燕 口感超豐富😋 但個人認為開心果再濃D會再好味D◈ Oreo芋泥鮮奶 （熱） $38芋泥質感非常綿密 味道香甜 甜度岩岩好 冬天飲完暖笠笠♨️但有d失望 Oreo味失咗蹤😱

我知道❗️我知道❗️陳茶館出咗呢個開心果雪燕西米露都一段時間，但係我一直都未有機會去～ 琴晚趁親子時間去開黃埔一帶，帶咗娘親去拜訪一下～ 星期六晚8:00去到已經大排長龍，雖然開多咗分店，但係黃埔分店依然有好高嘅人氣！➿ 開心果雪燕西米露 ($52)如卡仔所講，食完真係會開心㗎☺️ 好鍾意面頭嗰浸，加埋開心果碎一齊食都幾濃郁～ 雪燕冇咩味，但加埋煙靭嘅芋圓同埋西米，口感好豐富😆➿ 芋圓紫米羹 ($39)娘親就覺得紫米露嘅甜度相對高啲～

開心果雪燕西米露$52這款是西米露，加咗開心果碎果仁、雪燕和芋圓，唔好見到咁綠色以為好濃開心果味，係個羹有開心果仁一齊食就有開心果味😜整體味道偏淡，試一次就夠，個人覺得如果喜歡食濃味就可以不用試。

星期六下午到黃埔陳茶館，離遠已經見到要排隊啦～不過好快就有得入座，試下bookmark左好耐嘅開心果糖水，同埋最近新出嘅黑芝麻系列🤤🌟開心果雪燕西米露 ($52)糖水好足料，除左有雪燕同西米之外，仲有少少芋頭粒、好多芋圓同開心果碎！不過開心果味唔算濃，單飲糖水會比較有開心果味，但如果夾埋啲配料一齊大啖食，就唔太覺有開心果味🤣🌟黑芝麻豆乳大滿貫 ($50)呢碗糖水一樣大滿足，有粒粒碧根果碎、仙草、芋圓😋黑芝麻溝左豆乳，所以比較稀，唔會好似平時去中式糖水舖食嘅芝麻糊咁濃郁，整體唔會話食到好濟😌整體而言，糖水好足料，尤其係芋圓特別多，亦唔會整得特別甜，值得一試，不過堂食用餐時間得30分鐘，所以適合快食多啲～