陳茶館芋圓甜品專門店 (馬頭圍道)

終於明點解成功逆市擴張！🔥小編仲以為熱潮已退特登約班friend去啟德分店食點知依然人氣爆棚！🔥結果轉場去土瓜環分店人數明顯少好多～呢間真係討論度Max 褒貶不一呀呀呀！✨小編私心最愛：黑芝麻豆乳大滿貫加入豆乳後甜度大減！💯勁鍾意面頭嘅奶油碧根果碎烘烤過嘅香味超酥脆～燒仙草結實Q彈 有啲似涼粉口感！🥭夏日好芒系列都唔錯！跟一大枝臺農芒果冰🍧金枝玉糯有勁大舊麻糬不過口感偏向水麻糬 似奶茶店風格唔係個個都鍾意～🍃開心果雪燕西米係我最期待但較為失望😢堅果味主要靠生開心果碎糖水本身冇乜特別但料多到爆：西米+雪燕+芋圓當打個和啦～…查看更多

叫兩個外賣等左三十分鐘，出餐慢到無人有。野食唔係太特別， 店員也無有禮貌，只叫人外賣要係門外等，只係覺得想多啲人係門口企就俾人 感覺好多人排隊食，完全浪費客人時間， 所以根本唔會再嚟食。…查看更多

今晚突然間想食甜品，於是乎就去試吓新餐廳，一去到門口已經嚇親，因為見到門口一大堆人，原來佢哋係等緊外賣，好彩入到去啱啱有一張二人枱即刻坐低咗。首先叫咗佢哋其中一個signature 「開心果雪燕西米露」，跟住再叫咗個「木瓜桃膠雪耳」。開心果嗰個有滿滿嘅開心果味嘅，我亦都見到服務員倒咗好多開心果喺面，入邊仲有芋圓，亦煮得好味，好多西米露，不過我就食唔到雪燕嘅味道。至於個木瓜就正正常常，唔係甜到漏嗰隻，桃膠大大粒，都有幾粒，不過就冇咩味道。我見到好多客人都食「原個臺農芒果雪糕」，賣相好吸引，可以打卡，下次可以試吓。服務就一般般啦。…查看更多

芒汁仙草芋圓西米露，新鮮芒果汁濃郁酸甜，仙草滑溜解暑，煙韌三色芋圓彈牙入味，西米露Q彈粒粒分明，層次豐富不膩口，夏日必試！芋圓芋頭香濃、紫薯奶香、地瓜甜脆，完美配搭。另試椰汁桃膠三寶，椰香撲鼻，桃膠軟糯滋潤，配雪耳芋圓養顏解渴，回甘一流！…查看更多

最近兩次買一個糖水外賣，等待時間都接近半個鐘。上次係週末嘅晚上時間都勉強可以理解，今次只係平日去到嘅時候亦都冇乜人，都等咗20幾分鐘。仲要見到後過我哋張單四個甜品都已經出咗，我哋只係買一個甜品都未有，之後去問佢，佢係冇正面回答過，淨係同同事講嘢。忍唔住等多幾分鐘再問一次佢先至話等多2分鐘。即係買一個甜品要等接近半個鐘先至有，時間長到不能接受，甜品店唔係淨係組裝嘅咩？有乜要等半個鐘？仲要俾我見到後過我哋嗰張單四個甜品都已經出咗，都唔肯出我嗰個，真係嬲左。唔會再想光顧土瓜灣分店，體驗極差。…查看更多