陳根記 (已搬遷) 新店位置

環境很惡劣！很惡劣！很惡劣！D人係你身邊不停行泥行去行泥行去！超級超級嘈嘈嘈！員工態度「友善」，點餐都唔想寫，叫我地自己寫⋯ 但東西真係好好食，價錢唔貴，有意試陳根記請有心理準備全餐飯要自己照顧自己😅不過唔好誤會，雖然個環境係比較混亂，但係唔污嘈嘅，起馬見唔到小強同Micky...另外呢度可以自已帶酒泥飲，埋單時職員都冇另收費，係一個PLUS😁! 上菜很快，夠熱，有鑊氣！建議要早少少泥搵位同order定WASABI 手C雞，因為好搶手架～😋

陳根記,讀中文大學的學生一定聽過!這個大排檔位於沙田禾輋,聽說很多中大學生都會相約食消夜這天我和家人就慕名而來,因為聽說要早點來才不用等位,於是我們五點半已經來了未到5:45大排檔差不多已經坐滿人我們心裏大叫了一聲好彩!這裏所有東西都是自助的,自己把要點的菜寫在落菜單,自己找位置這裏環境如果是大排檔來說是不錯,至少感覺不是濕濕漉漉污糟的來說一下食物,這天我們點了知名的Wasabi手撕雞,名字是有點fusion菜般的老實說沒有Wasabi味,只是與普通手撕雞差不多,沒有驚喜但不過不失反而我對於香煎腐皮卷超有驚喜他是比外面一般吃到的更要大,煎得香脆之餘裏面餡料充足,意想不到這個價錢會有這樣的份量和質素😆😆😆接着蠔仔粥亦是我想推介的!蠔肉大粒而且相當鮮甜,這裏沒有因為要減輕成本而加大量水於粥中,反而是吃到綿綿香米,真材實料👍🏻我們亦點了一般茶餐廳都有的金銀蛋時蔬金銀蛋份量相當驚人!與一般茶餐廳有別,菜亦十分鮮甜,浸菜的湯底於是帶有點點鮮甜味❤最後這個牛柳煲就相對有點肥膩了,不過我這個喜歡吃三色椒和洋蔥的人來說就相當興奮,值得一讚是配菜與牛肉比例同樣地多,不像一般外面供應的配菜多而牛柳只佔三份

去沙田點可以不去食埋沙田名店「陳根記」，佢係沙田冬菇亭佼佼者。一到六點人山人海，仲要等位。一去到已經買曬招牌手撕雞，唯有叫其他餸，孜然一字骨（68元）上枱不熱只可以說係暖，熱氣野不熱就好似薯條不熱，一d不好食失去了靈魂。😟田雞粥（62元）普普通通無驚喜！蝦醬鮮尤炒西蘭花反而這個餸尤魚鮮味但太多蝦醬，菜好鹹。成日話陳根記，究竟係出名啲咩？我想應該係甜品。我叫了芒果一口脆同特色榴槤奶露。真係冇令我失望底下有冰凍嘅cream 底但班㦸本身係熱，有內熱外冷冰火感覺，一盒四件有豆沙，四件無呀。芒果好甜。一心諗住食不曬，點知二個人都可食曬。上層全是奶cream,下層全是榴槤蓉，要攪拌食先最滋味，佢好多榴槤肉所以好好食，一比一黃金比列👍綜合以上結論，小菜可以去隔離大排檔食，之後返嚟外賣甜品就prefect.😛

終於星期六啦，難得放假梗係要同男朋友食啲平時難食到嘅野啦，兩個九龍人今晚就選擇咗禾輋嘅陳根記。去到一如所料要等位，等咗二十分鐘左右就有位。不過呢到實在太多客人，提提第一次黎食嘅朋友，呢到要自己落單㗎。本來想食wasabi手撕雞，但可能星期六嘅關係，八點半左右已經賣哂。兩個人叫咗三個餸已經好夠飽！冬陰功浸蜆($72)對於我唔太食得辣黎講，呢種辣度剛剛好，唔會太淡，但辣得黎又唔會要灌水，唔似我之前食過果啲咀都腫。啲蜆都幾大隻，大部分都係痴住個殼唔會甩出黎。XO醬炒花枝片($72)爽滑，同去飲宴果啲其實差唔多。份量超多，但XO醬味唔算太出。沙拉醬燒骨($63)唔知點解我地食到wasabi醬，幾多肉唔算多骨，沙津醬幾開胃。（食咗陣先記得影）男朋友話今晚好滿足，成枱都係佢鍾意嘅餸。食物質素的確唔錯，唯一要改善嘅係唔夠伙計，想叫枝可樂都舉咗好耐手先有人理我地。

一如以往地好多人。仲要係星期六！起碼預早半小時等位三個人食飯，叫三碟餸！職員忙到唔得閒招呼你，叫你自己寫....好吧。。。椒鹽九肚魚＄72搞笑地裡面有幾舊魷魚～炸粉都幾薄，不過並冇任何味道，要靠自己沾上華鹽。不過一D都唔油，十分爽。海蜤手撕雞(例)＄65配一個平時用黎點海蜤，有生蒜同白醋既汁，幾好食。可能要show比你睇係手撕，裡面有幾條雞脾"骨"。腰果牛柳粒＄68比較油膩，腰果唔太脆。牛柳粒就比較薄，唔似牛柳，似普通牛肉片。

一行15人去沙田食陳根記！大排檔係要一大堆人去食先夠爽心水推介有：醉拳（豬腳），海蜇手撕雞，冇蔭公牛柏葉，蠔餅，我地叫左粟米斑塊，鱔，豉油王鵝腸，麻甩大什燙，椒鹽九肚魚，咕嚕肉，椒鹽鮮魷，辣酒煮花螺，其他菜就唔洗特別講啦個醉拳入味，香，肉夠淋，唔會硬掘掘海蜇手撕雞，肉夠滑冇蔭公牛柏葉，係汁結左少少，但mix埋又幾好味蠔餅，啖啖蠔肉豉油王鵝腸，肥肥地，唔會勁油勁鹹辣酒煮花螺，反而味偏淡，無咩辣味，係螺味濃既，但我原本想食勁重辣味香料味果種，有啲出入，我自己就麻麻地，同埋都唔太搶手孜然一條骨，好似有少少芥辣味咁，都ok好味每人食左$111，飽晒

陳根記的名氣在新界大排檔中也是極負盛名，偶爾也能看到朋友們的status:又又又一次光顧陳根記。說巧不巧，一個月內我竟然去了三次陳根記！每每食一次，給我的感覺都不一樣。作為推薦菜的椒鹽九肚魚同椒鹽魷魚，我覺得真心一般。我諗生意太好，師傅八隻手都炸唔切。評判椒鹽菜最重要就係佢炸個火候，而椒鹽鮮魷明顯未炸透，軟腍腍，入口還有炸粉的黐牙感，根本食唔到果種鹹脆feel，認真失望。鹹肉娃娃菜：推薦菜之一，無甚麼特色，鹹肉為半肥瘦，口感過得去，只是這菜湯汁的確重鹽味，勝在份量巨大。陳根記有個slogan：食靚雞唔洗返大陸。幾乎每枱必叫的wasabi手撕雞就真係好普通，海蜇火腿蟹籽撈雞，wasabi味道淡淡地，不難食，也不驚艷，食過一次就足夠。食雞不如食醉香雞，倒是一個不錯的選擇。原來醉雞係凍食，雞肉軟腍，浸過酒後愈加冰甜，咬下去有酒香溢出。食兩件雞配啖鵪鶉蛋，蛋黃就住酒汁，立刻融化在齒間。不似我之前食過的「醉酒系列」，有種說不出的苦澀味。醉香雞的確做的出色！酒汁味濃重而鹹，建議輕蘸即可。紅燒乳鴿亦都中規中矩，皮炸得唔够脆口。乳鴿應該事先鹵得未足夠，所以無咁香。我總結出一個經驗，食陳根記唔好嗌炸物。

陳根記真可算是麻甩的浪漫情人節呢啲咁浪漫嘅日子當然係成班人一齊去陳根記慶祝一下😂原來各位街坊都係一樣唔駛慶祝 結果2月14還是要等位今次叫左以下嘅野🔹wasabi手撕雞(半隻)呢啲枱枱必叫嘅野都唔駛講咁多 依舊係攻鼻得來好食🔹燒鵝(例牌)熟路的友人話好好食一定要叫 但我又覺得無咩特別啦 不過不失🔹煎蠔餅無得輸嘅蠔餅👍🏻蠔仔夠多夠足料 送酒一流🔹椒鹽豆腐細細粒 大大碟 熱辣辣 炸得脆卜卜又係送酒一流 相信陳根記嘅炸野應該點叫都唔會伏......除左🔹芒果一口脆之前search openrice啲人都話呢個好食 但食完我又覺得一般喎其實係將一個芒果pancake炸左佢面頭嘅脆皮比較似酒樓沙律卷果啲 而且咁啱我食果舊芒果雪得凍得滯冰左🙈除左對芒果一口脆比較失望 其他咸野都係大滿足啊

宜家嘅香港大排檔真係買小見小囉，所以豪哥特登帶我過黎體驗下，以前只可以係TVB，港片入面捕風捉影，宜家可以體驗下一支啤酒兩佬吹的感覺，招牌力薦嘅washabi手撕雞有驚艷到我，辣而不嗆，海蜇，蟹籽遍佈令口感更加清爽，正皮；砵仔蒸魚腸，表面焦脆內裡魚腸味鮮，不腥鹹香是為一絕！蒜子大鱔煲，鱔肉色白有彈感，肉味明顯，但若果炆時久些，相信會更加窩味。沙田呢除左跑馬，你也可以選擇beer，炒一兩味，與友共肥。

春節期間在牧師家裡團拜之後，與一眾教友到了陳根記食好西。店之名物手撕雞，果真夠滑，混有火腿絲，麻香爽滑，作為前菜一絕！炆得腍糯的藥膳雞腳透出陣陣藥材味料，食後感竟是清而不膩的。燒鵝肉不實，但咸了些，未算太好，不試亦未為損失。齋腐皮卷包含椰菜、菇、蘿蔔、西芥各種絲，應有盡有，炸得通透，中間爽口，必試項目。吃大排檔追求的就是小炒，這味生炒骨確實做到鳥。鑊氣夠，酥脆的肉加上酸酸甜甜的芡汁，吃到人心花怒放！香港的大排檔買少見少，絕對追捧。

抱歉只得一張相，不過佢有幾出名我諗都真係唔洗多介紹，宜家陳根記已經成為沙田區其中一間男女老少都岩既一間大排檔，特別係gathering之用。當晚我地4個人去食晚飯，其實我地都係去食生日飯，幫其中一位朋友切餅，可能呢度無話咩要加切餅費同埋gathering既感覺真係好好，當晚10圍枱有8圍都會切餅慶生日，哈哈，呢個場面都幾得意👍🏿👍🏿不過都唔太長編大論了，不如就等我用列點既形式講下宜家陳根記有咩特點啦😉😉1. 太多人去食了，就算平日都係，所以晚上630過後，基本上都必要等位，同埋係要自己等位既👍🏿2.帶餅去切不須額外收費，等位時可先交個餅比d姐姐先得保管雪住佢3. 手撕雞可以話係必食既菜式！4. 場內有埋甜品供應，可自行購買，都唔錯5.酒類飲品10點前要係返陳根記內部入面買 (只收現金！) 10點後才可到外面買入餐廳6.始終係大排擋，如果唔太接受到地方淺窄或環境比較髒既話，陳根記就唔會係首選了以上為小編大約既總結，希望幫到大家😋(以上純屬個人意見，不喜勿插)

#芒果一口脆🤤(HKD32)✔️👅：7.5/10✏️ 聽聞2個鐘內賣曬既甜品🤔 真係幾正😍 芒果班戟炸完之後內冷外熱💕 芒果香甜配上鬆脆外層 再蘸上幼滑忌廉冰火三重天❤️ 輕鬆清空8件😂⭐️ 另外WASABI手撕雞都係招牌 但有點失望 手撕雞幾乾身 WASABI太勁啦蓋曬所有味 蟹籽海蜇只係增添口感 但冇乜特別啦（5.5/10）

我地一行11人，唔知可以book枱，等左個半鐘就有枱。不過朋友們好耐無見，所以邊等邊傾都可以。下次記住book枱。不過太早去無好處，因為係自助式攞枱，好多人會企係你後面等枱。到我地8點有枱巳經無人要再等枱，所以無人企我地後面。😝呢個wasabi手撕雞聽說係必叫，點知我地11個人叫左2個既份量都唔夠喉。係真係好野味，幾開胃既！呢個蠔餅又係唔夠喉咁，超香超脆！又係必叫架！對呢個抄蜆真係好失望。一啲都唔香同埋個汁唔夠味，無抄香既感覺，同埋無咩蜆肉。呢個沙拉骨都不過不失，不過無咩特別。椒鹽瀨尿蝦係正既！勁香脆同野味，肉質都好鮮甜！如果中意食炸大腸既朋友就必叫拉。因為佢都炸得幾好食，我食到停唔到。椒鹽豆腐都好好味！重有西檸雞，通菜，上湯菜無影。其實係咁忙既情況都算唔錯，亦值得我再去既

對上食陳根記已經係暑假嘅事，今次藉着朋友生日，就嚟食陳根記啦，估唔到咁耐佢嘅水準都係冇跌到， Keep住一樣咁好食，黎到陳根記， 必要食嘅嘢手撕雞仲係Wasabi架，真係好好食架， 另外我哋仲有一個明爐燒鵝， 之前都一直想食可惜就勁早賣晒， 今次嚟到終於可以食呀。佢嘅Wasabi 手撕雞，入面Wasabi味都唔算好辣， 而且佢入面都有蟹籽，食落去又係啖啖肉，另外個燒鵝，佢都烤得唔錯，肉都唔會好乾，點埋個醬汁簡直冇得彈，另外我哋仲叫咗個椒鹽魷魚，雖然有少少偏鹹，但係都係一個唔錯嘅選擇，可惜依家就分量較少，但總括來講陳根記真係好好食架

大概晚上七点多到的，已经人山人海要等位子了，这里的规矩是自己找一桌看上去快吃完的，等在旁边，人走了再招呼服务人员收拾桌子，点菜。味道都不错，总体感觉性价比很高，环境是挤了一点，但是很热闹，别有一番风味！