陳意齋

營業中

休息中

唔知幾時開始有好多享負盛名嘅老店， 被食評家彈到一文不值，或是主持人退休光榮結業，令到揾食肥華呢類尋找老味道嘅為食友，若有所失， 呢間有近百年歷史嘅陳意齋 在港島設舖時，揾食肥華已經時常搭車搭船專程誠去光顧購買佢哋嘅蝦子扎蹄，用來作送禮或自己享用 雖然佢哋嘅蝦子扎蹄售價係比坊間一般齋舖貴但味道又真係好食好多， 所以数拾年前若肥華要買扎蹄送禮或自食，肥華寧願付出多啲交通費及時間都要到港島光顧此店，直至此店终於猛龍過江，在九龍太子港鐵站附近開設分店，令到肥華 再不用長途跋涉才享用到此美食

陳意齋個名就聽得多香港懷食唔多地方有得賣，今次行過買懷舊零食試下，夜左去無哂一直想試燕窩糕包裝好好，全部細細包，可以試多D唔同款齋雞粒 🌟🌟🌟🌟脆身既齋雞粒，唔油無油臭味，味道唔錯鴨潤牛肉乾 🌟🌟🌟好特別既牛肉乾，加入左鴨潤，好香既潤味，但真係偏硬一包有3片，但中間個片係碎濕濕，有點呃人成份

之前有朋友送左包素鵝同蒜蓉花生，食落感覺不錯，尤其素鵝很係會食唔停，而且又近屋企，所以去幫襯下今次買左佢嘅棋子餅同陳皮棋子餅同普通既杏仁餅口感差唔多，而且比較甜左少少陳皮就超級伏呀，咸到飲左成杯水都沖唔曬d咸味，真係食唔落，最後好浪費咁扔咗因為蝦子札皮好多好評，我仲有試佢用腐皮包蝦子既卷物，可能抱太大期望，唔係想像中咁好食，不過都唔難食，只係覺得一般般總括嚟講，除咗素鵝同花生🙊其他野應該唔會再試

話說十月時為左買手信送俾台灣朋友而發現陳意齋原來係老字號，送左的蝦子花生同杏仁餅俾朋友，順便買左的雞仔餅同杏仁餅孝敬母親。自從十二月從北海道返香港，一星期後就開始喉嚨痛，後尾變埋感冒，反覆一直咳，到一月中又再扁桃腺炎發高燒加感冒，加上狂咳不止，就算睇左中醫，藥效顯著，但食左藥兩個鐘就又咳，早又咳晚又咳，苦不堪言。忽然諗起陳皮可以止咳，就去陳志齋睇下有冇，竟然真係有! 個名叫川貝舊陳皮，其實仲加左甘草。喉嚨一痕起上黎真係咳唔停，拎一片用滾水沖，篤散塊陳皮，飲左就即刻止到咳起碼一兩個鐘。如再咳就再沖黎飲，我估飲飲下就應該斷尾啦掛～

呢度嘅扎蹄真係要一食再食！已經唔知第幾次幫襯喇...記得第一次買嘅時候，見佢有原味扎蹄 同 蝦子扎蹄，都係一樣$16一條，就各要左一條試下，發現真係只差蝦子嘅味道，自此我每次都買蝦子扎蹄。抵啲丫嘛🙊⋯⋯講番扎蹄嘅味道，鍾意食腐竹腐皮嘅人 應該都會鍾意食扎蹄。係好厚實嘅腐竹...入口好易咬開，加埋香口嘅蝦子味，真係一流！有時唔剪開，我仲成條咬，又別有一番滋味！我每次去都會帶自己嘅食物盒去裝，而姨姨亦都好樂意放入去。真係行過路過都要買番條食！今次係食到尾聲先記得影相添呀⋯⋯因為真係好好味！

呢排呀爸係咁嚷著想食牛肉粒！！我哋全家人都出動想滿足呀爸呢嗰嘅小小願望！！但呀爸對食嘢好有要求！！要揾到啱呀爸口味嘅牛肉粒！！絕對吾係一件易事！！終於揾左數天先係位於太子嘅陳意齋揾到！！原來呀爸話佢之前都係皇后大道中嗰間陳意齋買牛肉粒嚟食！！不過退休後！！好少過海啦！！呀爸話嗰度嘅菓汁牛肉粒很啱佢口味！！夠晒有嚼勁！！我今日買埋五香豬肉粒來食！！好靭呀！！咬極都咬吾開！！味道就ok啦！！但我都放棄左想再食嘅慾望！！男友人則買了蝦子花生！！大大包！！很香脆可口！！食完一粒又一粒！！

記得第一次食扎蹄，係家姐帶我去既，仲要係灣仔果間。之後一直都念念不忘扎蹄既味道，但果時連名都唔知道，上網揾，又俾我揾到喎！而家原來太子都開左間陳意齋！以後想食就方便好多喇！陳意齋係一間賣舊香港零食既老鋪，呢d特色名物真係買少見少，扎蹄就係佢既鎮店之寶，上網揾既時候先知道，原來以前既人都好鐘意食，入戲院睇戲唔係食爆谷，而係食扎蹄。蝦子扎蹄既做法都好考師傅工夫，全人手製造，條條都一樣重量大細，唔好睇佢細細條，入面有三層腐皮，要續層續層塗上秘製醬汁，加上蝦子，再用繩扎好，唔怪得食落好有口感，食完係會有飽既感覺。最喜愛蝦子，食落非常香口。扎蹄呢樣食物相信年輕人很少接觸，希望陳意齋扎蹄既手藝唔會失傳，我會繼續食多d

同事在早前又拎咗杏仁餅回來公司請其他同事吃,這間一直知道好出名,地點太遠了，所以根本冇機會去試 ,同事好愛買杏仁餅，今次又可以試下香港老字号,上次吃澳門個間好散，今次吃這間杏仁餅好硬到,吃了半塊已經不想吃了，杏仁味的確好重，口感太硬了,杏仁餅不是我的口味，我真心覺得不好吃了，口味人人都不同味道杏仁餅，口感好硬,硬到不想吃 ,比上次澳門個間冇咁粉 ,但是又太硬了

創業於1927年的中式懷舊零食店’陳意齋’, 在官塘APM分店於今年7月搬往太子聯合廣場繼續營業. 新店裝修跟中環總店一樣, 店內掛上其’金字紅底’的大招牌作生招客之用. 時至今日該店仍堅持以全人手在港製造, 品質保証吸引了城中名人追捧. 首推燕窩糕 $48(6片) 深得作家張小嫻與李碧華鍾愛的’燕窩糕’, 原為30年代給有錢人家小孩的高貴健康零食. 兩層雲片糕中間夾了燕窩碎, 入口甜而不膩, 還帶點煙韌, 因新鮮每日製造, 無防腐劑, 所以不宜存放太久, 即食為佳.蝦子扎蹄 / 素食扎蹄 $15蝦子扎蹄是廣東佛山小食, 始創於老闆娘’陳老太’. 該店售賣的扎蹄分’有蝦子’同’無蝦子’兩款, 以方便素食人仕購買食用 (素食扎蹄外有’牙簽痕’以作分類之用). 據聞扎蹄的腐皮用上等蠔油烹調, 再細摺卷疊一層層而成, 入口甚有嚼頭, 蝦子扎蹄鹹香味道豐富, 無論用作伴飯或作小食, 確是不二之選.店內零食過百款，其他如: 齋燒鵝, 蝦子花生, 蠔油豆, 薏米餅, 杏仁餅, 杏仁露, 杏仁霜, 各款肉乾, 涼果, 糖果等. 希望下次有機會再慢慢品嚐.