83
0
0
港鐵西營盤站 A2 出口, 步行約2分鐘; 取餐請使用位於大廈地面只通往Freshlane的入口 繼續閱讀
電話號碼
65328633
開飯介紹
中菜外賣店,以多元化的惹味菜式作招徠,集四川、台式及茶餐廳鑊氣小菜,有單點及套餐選擇,配合不同人數需要。 繼續閱讀
營業時間
今日營業
11:00 - 21:00
星期一至日
11:00 - 21:00
付款方式
AlipayHK 現金
招牌菜
麻辣香鍋、雞煲、滷水拼盤、小菜
食評 (85)
等級4 2022-03-01
516 瀏覽
《高質外賣住家菜🏡》———————————————-#陳家菜 🥬-最近夜晚無得堂食,我又唔係好識煮嘢食,無飯家庭可以點算好🤨咁就一定要叫外賣啦,每晚諗食咩都係一大難題,狂碌手機就唔知叫咩好,附近餐廳都食到爛,就比我發現咗原來有間叫freshlane嘅kitchen,裡面有唔同嘅小店,完全係虛擬嘅food court😎-手機點完菜就可以去外賣自取,又或者可以經外賣app 喺網上外賣平台外送到屋企,非常方便😙 我哋揀咗自取,上到去好似去左順豐站咗,喺ipad登記咗就可以喺locker無接觸直接拎取食物🥡-🐠 紅燒金鯧魚原條套餐原條金鯧魚夠哂正,估唔到外賣返到去水準仍然咁高,我哋拎入蒸焗爐翻熱咗魚片仍然肉質嫩滑,又無咩骨,好易入口,辣味適中,帶點麻香,配埋寬粉十分惹味😆-🍍 鮮鳳梨咕嚕肉份量都算抵食,糖醋汁酸酸甜甜,味道非常開胃,令人忍唔住食指大動,撈飯一流😚-⭐價錢參考:紅燒金鯧魚原條套餐:$93鮮鳳梨咕嚕肉跟飯:$90🍌抵deal 指數:7/10💰人均消費:$90 繼續閱讀
(以上食評乃用戶個人意見 , 並不代表OpenRice之觀點。)
智能順豐櫃相信即使大家未用過,都聽過原來而家買外賣都有智能自取櫃😮全新體驗令🐻大開眼界,梗係急不及待同大家分享啦😎.位於上環嘅Freshlane,係一間專做智能外賣櫃嘅平台,入面進駐咗好多餐廳🍴只要用主流外賣app 落單,餐廳就會製作好外賣放喺智能櫃🗃然後你可以憑住app落單記錄去智能櫃自取外賣,或者由外賣速遞員拎完再送俾你都得🛵取餐過程快捷又方便,同埋減少人與人之間嘅接觸,保持社交距離👥.當然最重要係食物嘅質素啦👅今次食嘅「陳家菜」好有住家菜feel,水準亦非常高✨.🌟 秘製麻辣雞煲 二人餐 包麻辣雞煲、蠔油生菜、湯、白飯💰$215.🍴秘製麻辣雞煲🐓醬汁夠麻辣,食完條脷真係好麻,爽🤪雞肉嫩滑,同埋份量都幾多下😆三色椒、雲耳吸收左麻辣醬汁好惹味😋如果食唔到辣嘅朋友仔就要留意啦,因為都幾辣下未必啱🌶.🍴花膠雞湯🍲無味精,入口有花膠煲溶咗張口嘅感覺冬天飲好滋潤,夠哂暖身🥰.住港島西嘅朋友仔,如果有時唔想煮飯但又想食無味精住家菜陳家菜就啱晒你,用app 落單簡單快捷🙂轉個頭就有人送上嚟屋企,慢慢嘆😚記得Bookmark阿🥴.—————————————————— 繼續閱讀
(以上食評乃用戶個人意見 , 並不代表OpenRice之觀點。)
等級4 2022-01-04
614 瀏覽
2021年12月22日 星期三今日係西營盤早左收工準備放聖誕節,原本諗住買定餸返屋企煮飯咁啱行過呢一間大廈,見到裡面原來有唔少外賣食肆,一直都無發現到,只要預先點左餐,等一陣間之後就可以上去自行取貨,十分方便,突然間就諗不如買外賣返屋企食就算,可以省卻買餸煮飯既時間,所以就戰戰兢兢上左去上到去見到好似提貨點咁,有好多智能櫃,指示好清晰,而且夠晒整潔最後我選擇咗陳家菜呢一間餐廳,因為想食雞煲,冬天之下食就最正,而且仲可以揀唔辣,符合晒老婆既要求,最重要係雞煲好難自己係屋企整到,因為要包含好多配料同調味料,加上整得好食難度十分高最後我仲加多左個菜同小食添拎返到屋企已經急不及待咁打開個雞煲,想試下咩味,估唔到仲係有煙出,暖暖地唔需要加返熱就食得,目測已經見到有好多配料,雞就佔左絕大多數,試食其中一舊發現非常入味,食得到有花椒、八角既味,雞肉仍然保持嫩滑,而且啖啖肉唔多骨,醬汁食完都唔口渴,用嚟送飯一流!!小食方面有黑椒蜜汁雞翼,黑椒同蜜糖味配合得岩岩好,而且煎得好香脆,食落去幾惹味最後加多一個菜,用左蒜蓉黎炒,菜睇落去完全唔黃,加上唔老,所以食落口係爽脆既,而且水份好足夠,食完兩個人都已經飽晒 繼續閱讀
(以上食評乃用戶個人意見 , 並不代表OpenRice之觀點。)
托呀姨嘅福❤️今晚加料有餸🤣原本諗住外賣唔寫啦😋點知到訓教前仲有陣麻香味🤪不得了!食物秘製麻辣雞煲 - 必試送餸一流!我個人唔係好食辣都勁掛住雞煲🤣🤣🤣呢個餸食完係會令你條脷👅先有辣嘅味,後有又麻又酸嘅刺激🎢撈飯一流🤓麻辣豬耳 - 必試應該係一樣汁秘制?🙈又係先辣後麻!但因為係豬耳!勁爽!我食咗2舊,已經俾人搶晒😵‍💫超好食!愈食愈開胃!🤪涼拌牛肚 - 必試呢個係凍嘅!個牛肚勁爽脆!同埋都有好多舊❤️❤️❤️椒鹽雞翼 - 小朋友之選🧒🏻👦🏻頭先個啲辣野實在唔岩小朋友食🤣🤣所以一開蓋已經俾卡樂b偷食一舊🤓好香椒鹽味,外面仲有小小脆脆口感!入面啲雞肉又嫩又入味…最後因為唔夠雞翼😵‍💫2兄弟爭食下次嗌多份先得蜜汁烤豬肋骨 - 媽咪之選呢個好好食😋又可以令小朋友安靜嘅食物🤣就係揸住一枝骨密密咬🙈我就可以快快脆脆食其他野🤪呢個其實啲用好冧,因為連骨,所以肉味香濃。其實啜下枝骨,你又會發現佢個蜜味都仲有!滷水拼盤 - 小朋友之選好香嘅醋味❤️魚仔餅勁愛呢個,一個2歲人仔,剪啲腩肉俾佢,食到一碗仔飯😋叻叻☺️特別資訊原來呢間野自取係要係後巷行樓梯上一樓,而呢到係好多間餐廳廚房。啲車手就會係呢到好似智能櫃咁簽到拎餐走!係等外賣其間同人吹水,原來呢到大部分都係送西環區,中環都送唔到,原因係要保住食物質素👍🏻咁樣外賣自取又幾好喎❤️❤️❤️😆 繼續閱讀
(以上食評乃用戶個人意見 , 並不代表OpenRice之觀點。)
等級4 2022-05-23
0 瀏覽
今日唔想煮飯又想食有質素的住家飯,見陳家菜口啤好好,就試下去freshlane的智能櫃「外賣自取」。外賣流程和去智能櫃取貨一樣,㩒吓平板電腦,就會知道自己的外賣在智能櫃的哪一格,打開就可自取,真係好方便,以後無飯煮婦無煩惱了。點了一牛一魚,都相當惹味,而且份量十足。🔸黑椒牛仔骨~黑椒、甜椒、牛仔骨是最佳配搭。牛仔骨醃得入味,黑椒醬又夠香濃,送飯送啤酒都好。🔸水煮魚~要了小辣。差不多大半個外賣碗都是魚塊,超級多和嫩滑,魚肉吸收了湯汁,食起來會食到啖啖辣味和鮮味,好過癮呢。此外還有薯粉和木耳等,味道不錯。 繼續閱讀
(以上食評乃用戶個人意見 , 並不代表OpenRice之觀點。)