陳儀興飯店 (嘉悅)

營業中

休息中

電視節目介紹潮州美食，又勾起對潮州菜的思念，所以今晚來到屋企附近的潮州餐館晚餐。 平日也几乎滿座，果真受街坊歡迎。就座後，職員上茶芥小食。淥過餐盤碗筷後，要做最重要的事：點菜潮州蠔餅      到潮州餐館，當要來一份潮州名物～蠔餅。一碟二大塊厚厚的蠔餅，蠔仔勁多不吝嗇，蠔仔飽滿又爆漿，配鴨蛋香的餅身，外脆內軟，難怪多枱客人皆選擇蠔餅。間中來一口鹹酸菜解膩。鹵水鵝件   在鵝片和鵝件之間，最終選擇鵝件。除了價格平尐尐，還因為帶骨的鵝肉更滑溜。椒鹽鱔球      真身：薄薄的金黃色炸皮包著薄身鱔片，並非用粉漿扮大隻。炸過後的鱔片，魚皮收縮，捲起如金錢。 而鱔片薄切，魚骨變得唔明顯唔㓤牙，可直接咬碎，無需吐骨，整體感覺似椒鹽九肚魚。鱔球沾上喼汁，似九肚魚。有蠔餅，鹵水鵝，今期有新款，一於試試。特色懷舊焗魚腸        表面金黃，下層是細碎的魚腸和蛋。魚腸中有薑絲，中和了魚腸的腥，無需再加胡椒粉了！  底層較濕潤，而金黃色表層較薄而軟，估計是先蒸後焗。 涼瓜炆魚雲     看到涼瓜又心思思想來一份。枱上美食都是煎呀炸呀，有涼瓜，感覺健康左。魚雲表面漿粉煙煙韌韌，是地瓜粉?手工芋泥   反沙

我依D油尖旺人以為將軍澳咁遠未必有好嘢食，點知探朋友又有新發現。離將軍澳站幾分鐘路程的陳儀興，就算唔熟路都好容易去到。源A2出口識路嘅可以行上樓上商場經商場天橋過去，快啲啲。好似我咁少嚟將軍澳，行路面都係幾分鐘兩條馬路就到啦。店內裝修以潮式打冷文化為主題，店面都唔細，分二人枱，四人枱同圓形大枱，我哋訂位平日晚飯時間，已經座滿8成，就連下圖影相嘅大枱都係俾人預訂咗嘅，我見晏啲先到嘅人就未必有位啦。睇餐牌見佢有多款白鱔料理，蒸白鱔食得多，依一道椒鹽鱔球，減去咗食鱔嘅肥膩感，令佢嘅口感更加爽口彈牙，椒鹽加上炸蒜為香味加分，加上白鱔球冇骨啖啖肉簡直令人食唔停口。#白鱔 #補身#必食 去新地點食飯，我一定會周圍睇吓其他人食啲乜，見到每枱都有點的滷水拼盤，材料豐富，食落滷水味鹹香適中，特別係佢嘅墊底豆腐滑嫩無比👍🏻個滷水蛋非常入味，連呢啲配菜都咁精彩，佢中間嘅墨魚片、滷肉、大腸、生腸、紅腸等當然非一般啦#滷水拼盤 潮式鹹菜豬肚湯一直係我哋好鍾意嘅湯品，佢依個湯已經煲到鹹菜出晒味，豬肚腍得嚟仲有少少咬口，我哋多人食就點大鍋，點餐時知道原來小人食嘅話可以點大碗份量就夠二人食啦，好似係大約半價左右。上完

之前聽過2 groups 朋友都推介呢間潮洲店, 佢地都去過將軍澳分店吃, 評價不錯, 所以打電話去 book 位.訂位時店方已說明用餐時間是90 mins, 問我要6pm or 7:30pm. 我揀了6pm. 當天我5:45pm 到達, 比原定時間早了15 mins. 店里有幾枱客人. 到了6點多, 其他客人開始魚貫進入, 真的坐滿了. 員工服務態度有禮、勤快, 跟熟客們時有互動.環境乾淨、枱與枱距離還可以, 沒壓逼感.我們3條友叫了4個菜:卥水鵝片($168) :卥水味夠香濃, 刀功勁, 切得薄，可能叫卥水鵝的滿足感會高許多.潮州蠔餅($98) :粉漿比例係不錯, 幾鬆脆. 但蠔仔則太細隻, 所以蠔味不足梅子蒸大白鱔($150) :5掂…….首先勾芡太厚, 底層鋪了透明的芡漿. 其次鱔片切得薄, 可能蒸得過火, 有點韌. 再者佢GE 梅子汁太稀少, 聞5 到, 吃不到味道反沙芋頭($88) :佢GE 外層糖皮有點厚, 所以比較硬實. 芋頭則是食材5夠香茶芥每位 $10, 係抵的. 因為有一碟花生, 又有普洱、鐵觀音、香片、菊花揀. 但蘸醬汁則給得有點少.由于我帶

不知不覺已經吃遍全港的陳儀興飯店，每間分店各具特色，菜品也略有不同，今次終於來到將軍澳分店，好在有訂位，就算星期三晚飯時間都座無虛席，食客主要是附近的居民，比起老店來說環境一定好，就算新店都好都可以保持水準，價錢也是好貼地實惠，店員和顧客談笑之間帶出小區獨有的人情味鹵水鵝件$148太令人感動的份量了已經開業了幾十年的老店以潮式打冷聞名，獨門秘制的陳年滷水中慢煮入味，滷料中配合各種香料，鵝件肥瘦適中很好吃蟲草花燉雞湯$68天氣凍，馬上飲一啖熱湯好暖胃，燉湯足料好養生，燉湯風味比煲湯更為濃郁，但湯色不混濁魚香茄子黃饍煲$118一開始以為睇錯價錢，估唔到平時小菜茄子煲都最少$90，加埋肥美嘅黃鱔都唔貴，黃鱔冇骨好入味，魚香茄子煲非常之好送飯，就係因為佢我哋每人加一碗飯潮州蠔餅又係必點菜式之一，蠔餅最緊要夠乾身蛋香味濃，而且蠔仔每粒都好飽滿多肉，個人就喜歡原味不蘸魚露已經好鮮味—————————————————陳儀興飯店 (嘉悅) (將軍澳)將軍澳至善街9號嘉悅地下2-3號舖—————————————————

🙋🏻‍♂️餓底探員今晚去咗將軍澳調查呢間潮州打冷，呢個老字號餓底之前已經調查過佢嘅潮州菜，牛什粉麵同火鍋，今次就嚟到呢間潮州打冷店，去到餐廳已經好多人等位，要食記得提早預訂，食物高質夠地道，性價比高🔥老火燉湯 $68🙋🏻‍♂️表示個燉湯有兩款，一款係蟲草花燉雞，另一款係茶樹菇燉烏雞，燉湯口味會定期更改，蟲草花燉雞飲落好清甜，蟲草花味道甘香，茶樹菇燉烏雞飲落有濃郁菇菌味，加上烏雞夠晒滋補，兩款燉湯都好足料，無味精，充滿住家味道🪿鹵水鵝件 $148🙋🏻‍♂️表示個鹵水鵝件份量多，鵝件染上鹵水汁顏色，底下墊有花生同大荳牙，鵝件厚切，食落肉質嫩滑，皮層脂香，充滿鹵水汁嘅鹹香，非常入味🦑椒鹽百花大腸 $118🙋🏻‍♂️表示個百花大腸將墨魚滑釀咗喺豬大腸入面再落鑊炸，面頭灑上椒鹽，食落夾雜住酥脆嘅大腸同爽口鮮甜嘅墨魚滑，口感層次豐富🦪潮州蠔餅 $98🙋🏻‍♂️表示個蠔餅有兩大塊，炸到脆卜卜，口感酥脆，食落充滿蛋香，蠔仔大粒，食落好有鮮味，點埋魚露食更加提鮮📈吃貨指數😋好味度 9/10🔙返啅度 9/10

諗起潮州菜，就要去九龍城，不過發覺最近新蒲崗嗰間陳儀興喺將軍澳開咗分店，而最近又想食潮州菜，所以就嗱嗱臨過嚟將軍澳試吓。 今晚我哋6:30都達，人客都坐咗六七成， 咁嘅環境都算唔錯了，我哋坐低咗分別叫咗一啲潮州菜分別有椒鹽鱔片， 方魚炒芥蘭，薑蔥桶蠔煲， 整體質素都唔錯。薑蔥桶蠔煲一上枱已經聞到一陣陣薑蔥香味， 全部熱辣辣，啲蠔仲有啲脆口，食落口感，味道都不錯。椒鹽鱔片香口嘢味，一陣陣蒜香的味道，配啤酒一流👍。 方魚炒芥蘭呢個雞蛋都炒得唔錯，啲方魚仲卜卜脆，方魚配芥蘭，其實真係幾夾。 鹵水鵝片好入味，吾會柴，同樣出色

今晚唔想煮飯，家姐話好想食潮州菜，於是同家人喺屋企附近搵間坐得舒服，又好味嘅餐廳食飯。胡椒豬肚湯湯底濃郁滑順，細細品嚐，豬肚肉質彈牙酥嫩。胡椒香氣四溢，帶有一股溫潤的麻辣感，味道極佳。椒鹽鱔球鱔球外皮金黃酥脆，鱔魚肉肉汁四溢，配合椒鹽調味非常香口開胃。蒜蓉蒸蟶皇蟶子肉質飽滿彈牙，鮮甜多汁，上面鋪滿香口的蒜蓉粉絲，令人食過返尋味。脆盞拔絲咕嚕肉咕嚕肉酥脆可口，肉汁滑嫩,完美結合了甜、鹹、香等味道。糯米釀大腸大腸煎得十分香脆，糯米口感軟滑Q彈，是一道美味醇厚、口感絕佳的潮式經典。脆皮落湯錢糯米煎至兩面微脆，口感香糯黏滑，加埋花生、芝麻粉混合，味道不會太甜，難怪是潮州人喜愛的美味小食。

一次起，第二次就即止！訂枱一心想坐得舒服啲，點知同第一次次無訂枱結果一樣都係坐門口，勁迫。 服務態度無得要求，一般正常嘢。食物上菜速度極快，不過同行9位有6位之後都勁眼瞓，好攰。第二朝完全唔想起身返工，食物原來係師傅級，所以唔會再幫襯。將軍澳 The Lohas嗰間好食好多，唔會係師傅上身先囉。咁佢都有好嘅地方就係無追我哋交枱，因為可能落雨同平日無人等枱。其實第一次食時都唔覺咁誇張，係咪換咗厨房班師傅？

我最近和家人來到了陳儀興餐廳，由於家人對潮州菜情有獨鍾，所以我們選擇在這裡用餐。⭐️滷水鵝件這道菜以鵝肉片入味滷製而成，肉質鮮嫩，入口即化。醬汁的味道非常濃郁，帶有一種獨特的香氣。配上白飯或白粥都很適合。⭐️燉烏雞茶樹菇湯這道湯品非常濃郁而滋味。烏雞與茶樹菇的香氣完美融合。湯的湯底清澈，味道鮮美，每一口都能感受到濃郁的雞肉風味。⭐️香煎蓮藕餅蓮藕經過煎炸後，外酥內軟，口感極佳。蓮藕的香氣與餅皮的酥脆完美結合，讓人愛不釋手。⭐️豉汁蒸白鱔白鱔鮮嫩可口，配上豉汁的調味，味道鮮美。蒸煮的過程保留了白鱔的鮮嫩口感，豉汁的味道完美滲入鱔魚肉中，讓每一口都充滿了豐富的風味。

如果問我 邊間係我屋企樓下既飯堂當然係 陳儀興飯店 啦最鐘意就係佢既無味精湯& 蠔餅真係我既必食推介呀蟲草花淮山瘦肉燉湯這道湯品結合左蟲草花、淮山和瘦肉味道豐富且滋補蟲草花可以提高免疫力和滋補身體的功效淮山清甜的口感與瘦肉的鮮嫩搭配得好好燉湯的口感濃郁 湯汁充滿了各種食材的香味冬天飲真係暖心暖胃鹵水鵝片鹵水鵝片係傳統既潮州菜用嫩鵝肉切片 再用特製的鹵水滷一滷鵝肉鮮嫩多汁 仲好入味tim~鵝肉的油脂在鹵水中得到很好的平衡既不會太油膩也不會太鞋好香好好食招牌生炒骨超香脆的口感 加埋波羅真係大人細佬都超鐘意最正係外層則炒至酥脆 但肉質依然香脆嫩滑脆炸潮州蠔餅麵粉&蠔肉混合而成 然後經過油炸 香脆可口外皮酥脆但內部超鬆軟且帶有蠔肉的鮮味蠔肉的仲有海水既鹹香 好天然既調味仲見到有人叫左兩客蠔餅自己食呀 超勁陳儀興飯店將軍澳至善街9號嘉悅地下2-3號舖

新蒲崗老店以前成日同屋企人食但係自從搬去將軍澳就比較少去但係自從將軍澳開咗食過幾次質素都唔錯服務OK有人情味 地方都乾淨企理-今次因為屋企人怕熱氣所以冇食蠔餅其實次次都想食凍蟹或者海鮮可惜唔夠多人但我哋真係比較傳統次次食潮州嘢都係「滷水鵝」價錢唔貴百零蚊 滷水汁依然都做得唔錯夠晒入味 肥瘦適中 重點一定要試呢度嘅辣椒油辣味有層次-魚香茄子黃鱔 私心係因為呢個菜式再來煲仔小菜好香濃茄子「走油」技巧唔錯而且黃鱔量足 印象中$100左右定價合理抵食-燉湯 - 平時屋企好少煲湯首選茶樹菇燉烏雞因為唔會太油燉湯都會煲湯更原汁原味-咕嚕焗排骨平時家常小菜雖然唔係潮州菜但係個人嚟講覺得幾好送飯特別係有小朋友就啱晒酸酸甜甜味道OK

陳儀興飯店新店可以保持舊店水準，難得！潮州蠔餅成塊大大塊外皮不會好厚粉好脆口但偏咸蠔仔份量多幾新鮮滷水拼盤裡面有墨魚片、腩肉、大腸、紅腸、生腸、豬耳、豬頸肉、滷蛋、豆腐款式多多所有滷水必食嘅精華都係哂入面滷水味啱啱好唔會太鹹黃金鮮魷咸蛋黄醬外皮香脆咸蛋黃香味濃內裡魷魚新鮮淡淡甘香魚湯浸活蜆魚湯活蜆鮮甜暖胃一流加上粉絲吸收湯嘅精華清淡得嚟卻鮮甜陳儀興飯店 (嘉悅) (將軍澳)將軍澳至善街9號嘉悅地下2-3號舖

午市去食，雖然冇叫佢哋嘅招牌菜結果叫咗個乾炒牛河同燉蟲草花，但係個乾炒牛河又鹹又唔好味個湯又好似水咁樣。。。應該會俾多次機會佢食嗰啲招牌菜，如果都係咁差就冇回頭

朋友介紹陳宜興食滷水嘢好出名，今日帶老竇嚟試吓！枱位置闊落都坐得好舒服！服務周到～鹵水鵝件$148鹵水鵝件百幾蚊有咁大碟啖啖肉，好滿足！味道👅滷水味豐富，但唔會太鹹，又唔會韌，肉質幾滑！必叫！豉汁蒸大白鱔$150蒸大白鱔好鮮甜美味！最重要係冇腥味！份量好多又好大，豉汁吸晒喺墊底嘅豆腐卜度好惹味～～～潮州蠔餅$98有超大嘅兩大嚿！本身諗住係咪炸粉多？點知一夾落去啲蠔仔係好大隻。真材實料，最緊要老竇讚佢既蠔仔係冇沙嘅，所以每一啖都好正👍🏻脆皮夾住大大粒蠔仔，又夠鮮味～老火燉湯（$68@碗）蟲草花燉雞湯夠晒滋補，淡淡濃郁又夠熱，夠晒火候！白飯，粥@12潮州粥夠晒軟綿～🍱陳儀興飯店 (嘉悅) (將軍澳)📌📍將軍澳至善街9號嘉悅地下2-3號舖

🌟整體評分: 8/10🌟❤️味道：8/10🧡環境：8/10🩵服務：8/10💚性價比：8/10💗小朋友喜愛度：8/10呢間餐廳位於將南，地理位置唔算10分就腳，但無步行可至，經常門口都大排長龍，就知幾Hot😆將軍澳潮州菜館唔多，呢間都可以話係代表作！唯一座位較迫…第一推介滷水拼盤，滷水鵝香濃入味，鵝肉唔會好韌，配埋潮州辣椒油就fit啦！魚香茄子黃鱔煲超有鑊氣，打開蓋熱香噴噴，可惜黃鱔唔夠爽口，美中不足。當然唔少得小朋友最愛脆盞拔絲咕嚕肉，小朋友食到舔舔脷！反沙芋太硬，麻麻地，反而綠豆清心丸不錯！