陳儀興滷水鵝專門店

營業中

休息中

我在新蒲崗有事辦，經過見到「陳儀興滷水鵝專門店」開設新分店，店鋪裝置光亮整潔，冷氣充足，於是順路外賣兩份套餐回家開飯。招牌鵝三寶飯+油菜+是日例湯/自選飲品和秘製沙薑雞飯+油菜+是日例湯/自選飲品。招牌鵝三寶飯~鵝肉~肉質鮮嫩鵝味濃厚，鵝皮的油香和滷汁滲透每件豐厚鵝肉，的確回味無窮！鵝肝~香氣撲鼻的滷汁，入口鮮香，與鵝肝的軟嫩甘香，滋味又回味！鵝腸~口感Q彈有嚼勁，香濃不鹹。鹹酸菜~被譽為潮汕三寶之一的鹹酸菜口感爽脆，微甜不過這鹹，配合鵝三寶吃，美味可口！秘製沙薑雞飯~沙薑具有化痰行氣，消食開胃，健脾去濕功效，帶有獨特的薑香，配合熟油香氣，是最佳佐料，與嫩滑美味雞肉，是最佳拍檔。每盒飯量也不少，足有兩大個家用飯碗。足料老火湯~西洋湯、紅蘿蔔、雞腳和南北杏，湯味濃郁，清甜不鹹。清爽生菜及清甜菜心都是心儀油菜。

講到新蒲崗老字號一定非陳儀興莫屬最近又見佢開左新舖，主打滷水鵝仲有雜拼同滷水鴨等等呢日去睇戲前決定過黎試下佢招牌鵝三寶飯分量超足料，有鵝肉、鵝腸、鵝肝鵝腸爽脆而不膩，鵝肝細緻滑順，入口即化，帶有淡淡鵝香，鵝肉依然保持水準，肉質鮮甜一次過獲得多層次的滿足滷水鵝肉飯搭配濃郁的滷汁，入口立刻感受到香氣層層釋放。鵝肉鮮嫩多汁，滷製得恰到好處，外皮帶點Q彈，肉質細膩，肥瘦分明仲配例湯，配油菜都係加$10大大碟絕對抵食

屹立於新蒲崗超過半世紀的「陳儀興飯店」近年開設多條副線，近日再於本舖附近開設「陳儀興滷水鵝專門店」，主打性價比高的滷水鵝客飯，設有外賣，方便斬料加餸-招牌鵝三寶飯 $108加油菜、是日例湯及自選飲品 +$18油菜有兩款選擇，分別是菜心及生菜，同樣鮮嫩例湯足料鮮甜，湯料有胡蘿蔔、沙葛、雞腳及豬骨等，毫不油膩鵝三寶有鵝肉、鵝肝及鵝腸，附芽菜及開胃酸菜；鵝肉緊實軟嫩，鵝香跟滷水完美融合、鵝肝細滑甘香、鵝腸爽脆入味-秘製沙薑雞飯 $42加油菜、是日例湯及自選飲品 +$18雞肉面鋪滿沙薑粒，雞肉份量豐富，肉質緊緻嫩滑有雞味，配搭濃香沙薑是絕佳組合

🍗【外賣鹵水鵝專門店！$174食到招牌三拼仲要爆盒！】 📍 陳儀興飯店｜九龍新蒲崗崇齡街 ✨ 街知巷聞嘅老字號，外賣自取先發現咁抵食！ 以為名店一定貴？錯！$174有齊鹵水鵝飯＋招牌三拼＋油菜＋汽水，兩個人都食到捧住個肚走～ 🔥 鎮店三拼鹵水 ▫️「招牌三拼」揀咗豬生腸＋豬大腸＋墨魚片 鹵汁香到癲 大腸爽脆冇異味，墨魚片彈牙唔韌，吸盡鹵香送飯無得頂！ （聽講鹵水鵝髀每日限量，外賣要早啲撲！） 🍚 靈魂鹵水鵝飯 ▫️「鹵水鵝飯」$58 超大盒！鵝油撈飯香到呢～ ▫️ 追加$10「郊外油菜」唐生菜，翠綠爽甜唔老身 💡 外賣小貼士 → 三拼$98有齊3款，抵過連鎖店多多聲 → 等餐編號清楚，晏晝3點幾等15分鐘搞掂 → 鹵汁分開裝，返到屋企翻熱一樣濃香！ 💰 抵食指數 ★★★★☆ 人均$90食到老字號手功鹵味，外賣盒仲要實淨唔漏汁～ 📣 後記 一直以為堂食先夠風味，今次外賣徹底改觀！鹵水鵝油滲透成盒飯，墨魚片爽口到呢⋯⋯$100有找食到米芝蓮級水準，街坊飯堂果然無得輸👏

屹立於新蒲崗超過半世紀的「陳儀興飯店」近年開設多條副線，近日再於本舖附近開設「陳儀興滷水鵝專門店」，主打性價比高的滷水鵝客飯，設有外賣，方便斬料加餸-🔹滷水雜拼飯 $58加油菜、是日例湯及自選飲品 +$18油菜翠綠鮮嫩，調味不過鹹；當天例湯為紅蘿蔔沙葛煲雞腳湯，加入豬骨，例湯味道天然，清甜不膩，自選飲品可選罐裝、咖啡或茶雜拼有墨魚、紅腸、大腸、豬耳、豬頭肉及腩肉等，附芽菜及潮式酸菜，份量十足；墨魚鮮嫩細滑、紅腸緊緻入味、大腸清理乾淨、豬耳爽脆，滷水汁清香濃郁-🔹滷水鵝肉飯 $58加油菜、是日例湯及自選飲品 +$18鵝肉份量足夠，皮嫩肉滑帶嚼勁，肉香甘甜又吃到濃香的滷水味道

陳儀興滷水鵝專門店📍新蒲崗崇齡街46號地舖去到新蒲崗，真係可以行幾步就見到陳儀興！“乜又係你呀陳生？”😂🤣陳儀興滷水鵝專門店喺崇齡街46號地舖，顧名思義呢間主打滷水鵝。店舖環境乾淨企理，帶點老香港嘅懷舊feel，有打冷嘅親切感，職員阿叔阿姐親切，點餐快靚正，價錢仲好親民！有各式滷味同套餐，嚟呢度真係啱晒！叫左2個飯餐，滷水雜拼飯、滷水鴨飯，包左1個湯。飯可以免費轉河粉/米線/銀針粉/粗麵，配油菜都係加$10，有菜心/生菜/芥蘭等等選擇。湯算足料，唔係hea野，好飲！滷水雜拼有大腸、紅腸、滷蛋、腎，仲有墨魚！一次過唔同料，每款都滷得入味，濃郁香料味正！滷水鴨飯都好好！鴨肉多，鴨肉瘦得黎滷得軟嫩多汁，滷水汁帶甜鹹香料味。兩者都有滷水花生，花生撈飯都好好食！！原來連蔡瀾都推！絕對有下次！下次想試吓滷水鵝同其他斬料，期待😋

屋企人成日同我去陳儀興度嗌小菜同埋打邊爐，最近發現原來仲有副線係滷水鵝專門店，定價偏低，客飯好抵食，有時想加餸斬料返屋企都好唔錯！招牌鵝三寶飯鵝三寶包括有鵝肝、鵝腸同鵝肉，包括晒我最鍾意食嘅三款部位，鵝肝好滑溜，滷得好入味，鵝腸好爽口，鵝肉一啲都唔鞋！滷水鵝肉飯我嘅份量超多，肥瘦均勻，而且唔會好似出邊嘅滷水鵝咁過鹹，而且仲有芽菜同酸菜，啖啖肉之餘仲可以食吓菜，夠晒健康。每款都送一碗老火湯，每碗都超多紅蘿蔔，仲有豬骨，夠晒足料，仲可以加$10有一客時蔬，真係夠晒抵食！

今次到訪呢間人氣小店，主打滷水鵝，另有不同主食供應。店內環境唔大，座位之間有適當距離，喺附近住或返工嘅呢度都係個唔錯嘅選擇。招牌菜為滷水鵝飯，鵝肉肉質的鮮嫩，濃郁香氣，滷得夠入味，滷汁鹹香同鵝肉鮮味完美融合，讓人回味無窮。沙薑雞飯性價比同樣令人驚喜，雞肉保留肉質鮮嫩，搭配沙薑調味，多咗層獨特嘅香氣，同飯一齊食真係幾Match。無論係上班族定家庭聚餐，都能滿足唔同人嘅需求。另外套餐會搭配郊外油菜，味道清新，感覺健康。

香港老字號滷水店足足60年最近喺新蒲崗，又開新鋪俾我發現佢嘅晏晝超抵食無論係堂食定係外賣都好抵佢除咗有主食，仲配埋一個油菜同湯主食同油菜嘅份量都算幾多我真係覺得一個餐絕對可以分兩餐食食落去真係好香好好食街坊經過一定唔好錯過超鍾意食佢嘅滷水鴨同埋鵝一打開就已經好香 啖啖肉大大件食滷水一定要諗到佢三寶都係108平時一樣嘢就已經唔止呢個價錢🥰🥰佢嘅湯係老火湯，唔係味精湯好出色好似飲緊住家湯咁🫶🏻🫶🏻🫶🏻

最近喺新蒲崗開咗一間滷水店佢話係有60年嘅老字號晏晝時間，佢仲好優惠🤩🤩堂食外賣都一樣價 我最鍾意就係食滷水鵝架啦除咗滷水鵝，仲有雜拼同滷水鴨都有優惠仲要除咗個飯之外，佢仲有油菜同埋湯個油菜都算幾多 好正啊佢嘅份量都幾多一個人其實都食唔晒仲要即叫即斬，好新鮮❤️佢嘅味好香濃好夠味仲有我最鍾意食嘅鵝肝超級大件，我真係一個人可以食晒🫣🫣🫣滷水送飯，真係好好食性價比咁高，我下次都要嚟買下次再試吓其他套餐

突然想食潮州野，專程叫咗陳儀興飯店嘅外賣返屋企，未開餐盒，陣陣誘人香氣已經鑽出嚟，簡直勾魂！先開招牌鵝三寶飯 ，分量超足料！鵝肉、鵝腸、鵝肝搭配得妙，鵝肉炆到腍滑入味，咬落肉汁四溢；鵝腸爽脆彈牙，咬嘅時候「咯咯」聲超過癮；鵝肝綿密細膩，簡直入口即化～三者同香軟白飯交融，每一口都係驚喜。另外滷水鵝肉飯 ，滷水汁簡直係靈魂！鹹香帶甘，滲透每絲鵝肉，鵝肉嫩到出汁，滷汁浸過嘅飯底更是絕，鹹香撲鼻，輕輕鬆鬆就扒晒一整碗！追加嘅郊外油菜（菜芯+唐生菜） 好貼心，菜芯爽甜脆嫩，唐生菜軟糯帶甘，簡簡單單灼熟，保留曬蔬菜鮮甜，食完多肉菜，解膩又清新，完美平衡感！例湯粉葛湯 ！非常足料 ，湯底清甜潤喉，帶住淡淡葛香，飲落暖粒粒。陳儀興果然係鵝肉行家，連外賣都做到禁高水準，返屋企食都有儀式感！

新蒲崗呢間老字號分店，前身係60年代東頭村起家嘅「牛丸陳」，而家傳到第三代陳生掌舵，做潮州滷水超過半世紀，功力真係滲透骨髓㗎！今次外賣試齊招牌貨： 招牌鵝三寶飯（配油菜+例湯） 一開盒滷水香攻鼻！鵝肉嫩滑唔柴皮，鵝油甘香撈飯食到舔舔脷；鵝肝軟滑似滷水版paté，甘香到痹；鵝腸爽彈「索索聲」，配微甜潮汕鹹酸菜，邪惡到忍唔住扒晒成盒飯！ 滷水雜拼斬料佬最愛！鵝腎脆到彈牙、豬耳爽脆豬腸索盡滷汁精華，連肥嘟嘟嘅五花腩都滷到入口即化，抵食過自己煮！ 油菜揀菜心翠綠無渣，例湯居然係足料西洋菜雞腳湯，飲到膠質同紅蘿蔔甜，完全冇味精感。包裝仲要超細心——飯盒分層防浸淋，例湯密封一滴唔漏，兩個餐$200到三個人都夠食外賣最怕滷水又乾又鹹，陳儀興由鵝肉嫩滑度到滷水生津回甘都keep到水準，百年滷膽果然係鎮店之寶，新蒲崗外賣斬料首選非佢莫屬！

陳儀興滷水鵝專門店📍新蒲崗崇齡街46號地舖去到新蒲崗，真係可以行幾步就見到陳儀興！“乜又係你呀陳生？”😂🤣陳儀興滷水鵝專門店喺崇齡街46號地舖，顧名思義呢間主打滷水鵝。店舖環境乾淨企理，帶點老香港嘅懷舊feel，有打冷嘅親切感，職員阿叔阿姐親切，點餐快靚正，價錢仲好親民！有各式滷味同套餐，嚟呢度真係啱晒！叫左2個飯餐，滷水雜拼飯、滷水鴨飯，包左1個湯。飯可以免費轉河粉/米線/銀針粉/粗麵，配油菜都係加$10，有菜心/生菜/芥蘭等等選擇。湯算足料，唔係hea野，好飲！滷水雜拼有大腸、紅腸、滷蛋、腎，仲有墨魚！一次過唔同料，每款都滷得入味，濃郁香料味正！滷水鴨飯都好好！鴨肉多，鴨肉瘦得黎滷得軟嫩多汁，滷水汁帶甜鹹香料味。兩者都有滷水花生，花生撈飯都好好食！！原來連蔡瀾都推！絕對有下次！下次想試吓滷水鵝同其他斬料，期待😋#陳儀興滷水鵝專門店 #新蒲崗美食 #新蒲崗 #潮州菜 #滷水鵝 #斬料 #滷水鴨 #香港打冷 #香港潮州菜 #香港必吃 #香港好去處 #香港旅游攻略 #食在香港 #香港探店 #香港美食 #香港打卡 #香港生活

新蒲崗斬料加餸好地方，仲有超抵食嘅飯餐。送老火湯，+$10有時菜，+$8有汽水。🔸招牌鵝三寶飯$108鵝片、鵝肝、鵝膠鵝片肥瘦適中，靚過唔少潮州菜餐廳。薄薄嘅鵝皮同鵝油味道好香，又唔會肥膩到要lur。鵝肝就更加係極品，軟嫩肥美，滷水汁唔會遮蓋咗鵝肝獨有嘅甘香。鵝腸爽脆彈牙，完全冇腥味。🔸滷水雜拼飯$58豬脷、豬頭肉、豬大腸、紅腸豬大腸預先去晒肥膏，滷得香，完全冇異味。豬脷炆得好腍仲有微微彈牙口感。豬頭肉係預想到嘅肥，不過食少少都ok。

最近發現朋友屋企附近新開左一間平靚正嘅滷水鵝店，原來係陳儀興飯店嘅副線！質素有保證之餘，性價比更係超高，無論係客飯定斬料都一樣出色，絕對值得一試🤩我哋叫咗兩個客飯返屋企食，仲加埋湯同飲品，真係超滿足。首先講個湯，味道濃郁但完全冇味精，好健康又好飲，真係加分🥳至於主菜方面，滷水鵝肉飯真係唔講得笑，鵝肉香嫩，不會太肥膩，份量亦非常足，食到好滿足😎另一款滷水鴨飯都同樣出色，鴨件帶有淡淡嘅油香，滷水味滲入肉裏面，皮薄肉嫩，令人一試難忘🥰除此之外，佢哋仲有其他吸引嘅菜式，例如沙薑雞同鵝三寶，睇落都好想試晒！呢間店嘅性價比真係高得驚人，如果鐘意滷水味嘅朋友，一定唔可以錯過🤓