阿Sir廚房 (已結業)

早前外賣咗個 蘿蔔牛肋條，個湯就好好飲！但係個牛肋條得咁嘅3舊，完全唔飽個，😓飯勁大個🤣同埋嗰啲牛肋條係唔入味真係失望😵 之前食過佢話梅豬手，個味道都一模一樣，天呀，係咪煮埋同一兜野？？太無成意了吧！

大埔好多小店，好多嘢食，今次呢一間地方比較細，坐得好迫，唔係好傾到計🤢但係食物質素唔錯，叫咗個胡椒豬肚雞湯，我覺得有少少味精重口味，如果講到明唔用味精，或者無咁咸就更好，不過胡椒味好足，雞肉份量好多，豬肚冇怪味，處理得好好好軟熟，讚！雖然係跟飯，但係都係好想試佢喇沙手工面，所以加$5轉左自製手工麵，覺得個湯底嘅香味超正，椰香好香好濃郁，非常值得一試！手工麵口感唔錯但係偏軟身左少少～不過喇沙就當然同胡椒豬肚有少少衝突哈哈哈🙈 朋友嘅花雕醉雞，雞肉唔算太滑，但係勝在非常入味，酒味balance剛剛好，值得一試～ 佢講到明冇用味精，非常之甜嘅粟米蘿蔔湯，跟餐嘅例湯質素來講幾好，下次都會再encore！飲品柚子蜜好稀唔洗試😹😹😹

呢間喺太和嘅小店已經唔係第一次幫襯，令我一去再去嘅原因主要係佢嗰碗招牌喇沙，因為喺香港唔知點解，真係好難食到一碗好味嘅喇沙，但係喺新加坡同馬來西亞就求其一間都好好食。另一個真心推介嘅，就係佢嘅小食：白蘿蔔。個汁配埋蔥絲，真係好食！另外，佢嘅豬手都值得一試。不過呢間野我唯一挑剔嘅就係佢地全部都係用用完即棄嘅餐具，雖然佢嗰啲餐具已經屬於用完即棄品種入面嘅極品，除咗唔太環保之外，個感覺始終都係唔太良好，當然明白洗碗要成本，不過用呢啲咁嘅餐具去配美食，好似有點錯配，浪費左廚師一番心機。如果黎開太和，就不妨試吓佢嘅喇沙啦！

兩大兩細, 叫了一個清湯花膠麵, 一個清湯魚蛋粉絲, 一個清湯海鮮粉絲。清湯夠味, 其他食材新鮮,  料足, 上菜速度可以。飲品配250ml盒裝飲品, 這點沒有意見。唯一可惜是幾碗粉麵中的蝦全部無挑蝦腸。大家可以話人手不足, 出街食係咁, 但係泥腸是汚糟的東西, 不應該在食物中出現, 這點需要注意。另外, 餐具是用即棄的, 但筷子有印花, 相當漂亮, 而且沒有木刺, 質素很好, 客人也感到較衛生。最大問題是兩位服務員態度勁差。落order時盒裝飲品已表明要唔凍, 轉頭另一位服務員給了凍的, 忙中有錯並唔出奇, 叫了兩聲「唔該」無反應, 於是大聲一些叫「唔該」, 終於望過嚟, 向佢哋表示飲品要唔凍的, 落單服務員更換時, 居然向客人說「駛唔駛咁爆呀」。然後,  另一位服務員上面時, 我向她表示要多一隻碗及筷, 她只取了碗, 我以為她聽不到我要多一雙筷子, 於是上第二碗粉時, 向另一位服務員表示要多一雙筷子, 她回應「(托)盤入面已有」, 我表示我看見有, 我是要多一雙, 她居然表示「我都要放好啲嘢至攞到俾你架」, 而另一位服務員更說, 「基本係唔可以要多一雙, 要收錢的」, 我表示可以收

太和呢邊一向都好多野食，同事大力推介呢間茶記，咁就試試啦！同事大推喇沙同霸王雞，我地就叫左幾個唔同嘅餸share食，可以配菜飯，不過菜飯嘅菜略嫌少左啲啲。幾個餸果然無令人失望，味道唔錯，牛腩算林，又幾入味，豬軟骨相對遜色一點，無牛腩咁入味。霸王雞都好好味，個油好香，雞都算滑仲有咖哩雞，幾香幾濃，送飯一流！而喇沙就比我想像中普通，可能各人口味不同吧！唯一不太好就喺佢用即棄餐具，喇沙都用紙碗，不太環保，但飯同餸又用番膠碗，真不明白！下次有機會可以再試試其他菜式！

呢間開左短短數個月，已成為我同屋企人既飯堂！佢店鋪好家庭式經營感覺，亦都好乾淨，不過可能請洗碗太高成本，所以佢全部餐具都係即棄，但對即棄筷子都好靚，唔係一般茶餐廳外賣個Ｄ木筷子，整個感覺都好乾淨同舒服。呢度標榜無味精，但佢食物絕唔會淡而無味。佢主打既喇沙自家麵，麵夠煙韌，湯底夠濃，我都好耐無食過咁好味又無味精既喇沙！如果食佢豬扒喇沙麵，佢豬扒好大份。另外，佢既胡椒豬肚雞飯亦都好好食，湯底係５粒星星　（雖略嫌佢湯Ｄ雞大多係雞胸同背＞＜）！如果跟飯，你亦都可以免費轉菜飯，健康美味之選

今日中午經過太和邨，同老友搵地方醫肚，見到對面個招牌幾搞野，諗住去望下，見到入面都幾企理，門口仲介紹喇唦，諗起都好耐無食，佢仲有個叫花膠喇唦麵，即刻望下裡面D客，見D客都有食喇唦，仲好似幾好味，見淨番一張枱，我地即刻衝入去 !雖然是$68，但我都想試下個花膠喇唦，個待應仲話好足料，我就豪一次，兩個老友就叫了金牌咖哩豬扒同話梅豬手。等左大約8分鐘，有野食啦。見到碗麵送上黎，熱辣辣，碗麵面頭見到幾塊大花膠，個湯D色水幾靚，即刻飲啖，味道濃郁，又不太重椰汁味，掂呀! 跟住即刻食塊花膠，好淋，易入口，膠膠地，再配埋D喇唦湯食，真係唔錯。對於我黎講，只要個湯掂，碗麵同D料都唔會剩。我兩個老友就話D咖哩豬扒既咖哩汁送飯一流，不太辣，豬扒炸得香口。話梅豬手都幾特別，有苦瓜配，金金地又酸酸地，好少食到D豬手甘淋。最後就叫杯即磨咖啡試下，雖然沒有星X克的味道，但也算不錯。總括，這間餐廳必定再試。

我走暈港九新界找醉雞， 間間都唔太夠味， 今晚， 我亂打亂撞， 在太和俾我找到啊！ 夠花雕酒香， 份量唔錯，d 花雕汁撈埋d 飯度， 搞到要加飯！ 個無味精例湯好足料， 果然唔覺有味精， 讚！ 老闆好有heart, 仲配埋半隻醉旦， 好夠喉！ 我一定再來！

昨晚路經太和，近翠怡花園，朋友介紹話有間專門食雞既舖頭，於是我就去左呢度醫肚!店內坐位唔算多，但感覺都企理衛生! 餐牌選擇唔算好多，但雞的確有不少口味選擇，對我一向爱食雞的我，的確係件好事!可惜今日得自己一個，無得叫多幾款，最终我叫左個口水雞跟喇沙麵, 果然好得!口水雞肉嫩，味道棘得黎野味, 唔錯唔錯! 喇沙麵d麵質恰到好處，唔淋唔硬，夠彈口! 個湯底都好有馬拉風味!最後靚女介绍花膠燉鮮奶，花膠大大塊，甜甜地，又夠lim口，Yummy Yummy下次再吃。份量好夠，$150元有找，抵食!

前幾日嚟咗呢間“學校”到食飯。 餐廳主題好得意 有校規貼咗係board到咖哈哈。本人就點咗“口水雞餐” 配菜飯同埋一碗例湯。 菜飯嘅菜太少啦 其實同食白飯冇咩分別。 而個口水雞都嫩嘅 唔算好辣 不過個口水汁個人覺得唔夠正宗。同行友人點咗“胡椒豬肚雞” 配白飯。 呢個湯就出色啦味道岩岩好胡椒味唔會太多 可惜個雞就比較“鞋”。另外仲點咗個喇沙麵。個喇沙湯底係正嘅 只係個麵就好淋 一啲口感都冇 可以改進下個麵質就會好啲。

見係新好頭所以試吓，不過第一次幫襯，外賣入面就有小動物，我老婆打電話叫佢送過上黎，餐廳反應非常晦氣，話冇人送大賣喎，叫我必須主動去餐廳扲，仲晦氣話:「叫你老公拎囉」。我地真係行唔開先至外賣，而餐廳最終肯送上嚟，不過態度真係好晦氣，晦氣話:「係咁啦」。後尾補送上嚟嗰個後生仔態度就唔錯。餐廳嘅態度，完全都唔覺得係佢哋餐廳衛生有問題，仲覺得我哋要佢送上嚟係我地唔啱。食嘢唔係貼錢買難受，咁晦氣，已Blacklisted

環境唔錯，地址都易搵.但價價錢唔清晰，全部睇相多左碌右碌，先望到門口位貼左張餐牌仔.門口睇相見幾吸引，入到去坐，試下啦坐底，比3張menu你睇一張Lunch - 有飯有麵揀一張乜乜經典推介，又係唔寫價錢，要問一張係飲品.好啦，點餐，點左一個「瑞士雞菜飯+$3凍檸茶」，另一個「花雕醉雞菜飯」.先講餐具-全部用即棄餐具，極唔環保到食1.菜飯 - 摸碗飯都暖暖地，入口凍兼硬飯2.瑞士雞 - 個汁好怪3.花雕醉雞 - 一點酒味都沒有，很普通一份凍雞.因為唔岩口味，做了大嘥鬼😞

話說見佢岩岩新開張就第一次入去試下，夜晚6點半入去冇咩人，餐牌選擇唔多，就叫左個瑞士雞配菜飯試下，等左十分鐘左右就有得食，眼見全部餐具都係用完即棄，心諗洗唔洗咁唔環保，算。一食d雞，全部都係凍冰冰，係凍到個嘴唇食完都會仲有d冰凍，d汁又係凍又苦，感覺真係吹脹，但係d肉又熟曬，好明顯一早整定再番叮得個面小小暖，個菜飯d 飯又硬又係凍，唯一跟餐個碗湯正常番多料又夠熱，可能俾你食完d凍野俾你可以暖下胃，咁既食物仲要收差唔多80蚊，真係食到火都黎，冇下次！

行過見到呢間鋪頭新開張，見入面都幾乾淨，入去食個午餐叫咗一個蜜桃京都骨，係季節限定，另外叫咗個話梅豬手，$53一個餐包一杯熱飲，凍飲加$3豬手炆得好琳好入味，個京都骨都唔錯幾鍾意呢種小炒配飯餐，味道唔錯，不過略嫌個味道涼左少少，每次食餸，都要陪一大啖飯。如果個味道淡少少就最好啦

阿SIR廚房話梅豬手 $65口水雞$65金牌咖哩豬扒$65以上是晚餐,配菜飯/白飯/無味精例湯 黑豚肉喇沙湯麵 $56手拍青瓜$28南乳單骨雞翼$28香茅單骨雞翼$28粉紅佳人(洛神花蜜) 跟餐+12喋變(蝶豆花椰果蜜)跟餐+12宜家為左搵美食都唔介意4圍去聽聞太和開左間小店有個話梅豬手好好味,咁就同朋友去左食喇小店座落太和,裝修有點似甜品店檯是雲石花紋,為食物影相打卡一流裝修小精緻,餐點價格好平民,尤其食左之後真全覺得係非常良心既價錢話梅豬手,其實我在其他地方未食過架上菜後範得有點奇怪,因為豬手上有幾片苦瓜當我食左之後,苦瓜就由奇怪的小配角成為了大卡苦瓜應該是醃製過??入口爽脆甜甜酸酸最後先散發一陣回甘味連唔食苦瓜既朋友都覺得唔錯呢豬手份量都算多,而且每件都掛滿醬汁,睇弱都食慾大增豬手非常軟,亦都食到特別既話梅味道初時會覺得偏甜,不過配上菜飯食就剛剛好口水雞份量多,味道亦不是很流果種,絕對食得過雞嫩,調味適中,平時怕辣既朋友應該都食到,當然對鍾意食辣既朋友就可能唔夠辣金牌咖哩豬扒,咖哩汁夠多,唔算太有辣味,很好下飯豬扒唔會柴,反而最欣賞佢既薯仔,因為佢係新鮮炸過再加落去外脆內軟既薯仔