84
54
11
港鐵銅鑼灣站 F1 出口, 步行約3分鐘 繼續閱讀
電話號碼
27109953
開飯介紹
阿貓地攤有多隻可愛小貓在場, 小貓還會坐在客人身旁, 店內提供多款小貓造型小食, 深受客人觀迎。 繼續閱讀
特色
適合寵物
營業時間
今日營業
12:00 - 22:00
星期一至日
12:00 - 22:00
公眾假期
12:00 - 22:00
付款方式
AlipayHK 支付寶
座位數目
40
其他資料
支持防疫 詳細介紹
Wi-Fi
電話訂座
外賣服務
加一服務費
當面支付
招牌菜
三塊貓曲奇 花面貓 帶子大菇貓 層層貓 貓樣蛋糕 麵包貓布甸
食評 (171)
等級2 2020-11-23
0 瀏覽
第一次去貓Cafe得兩三隻貓貓 可能夜左去 有少少失望 不過嘢食都OK 叫咗個好得意嘅飯 上面個形狀係貓嚟嘅 唔捨得食添 嘢飲係抹茶latte 啲cream多咗少少 不過大致上都OK好食😋 繼續閱讀
(以上食評乃用戶個人意見 , 並不代表OpenRice之觀點。)
等級2 2020-10-07
714 瀏覽
以前細個,一聽到有貓貓Cafe,就一定會衝過去。呢間就係港島最早期既貓Cafe,當年真係好多人食,好多人黎,中學生一放學就去呢到叫杯野飲閒聊😆。當日上到去,雖然係星期一晚,但係都無客人,我果刻覺得好唏噓🙁一上到去就見到店員係玩玩貓,真係心都融埋,啲貓貓勁嗲店員老闆😂見到你會好奇但會驚你摸佢😂但我都有啲比佢地嚇親,會無啦啦係你身邊好快咁經過😂😂😂😂嚇死我。仲會無啦啦係你隔肋底下跳上張枱,再枱上牆邊跳板,我果下嚇到叫左出聲😂😂😂😂😂😂食物大部分以貓既樣作為特色XD,係幾Cute既。以一間有得任坐,玩貓,背景音樂好聽舒服既黃色樓上cafe,佢呢個價錢可以接受啊😀。1. oreo朱古力奶 有得叫脫脂奶!大讚呢個貼心選擇!以家成日好多舖頭堅持要味道行先,唔比轉做脫脂奶。我明白佢地既堅持,但作為消費者我係想可以滿足到我所需既野, 用咗脫脂奶佢都係好飲嘅! 上面仲有Movenpick雪糕,好味。我要大讚呢間舖頭用環保飲管! 喺早年好流行嘅時候, 都仲有一啲舖頭會用。 但近呢幾年已經好少見到舖頭用環保餐具, 真係有啲sad。 但當呢間舖頭用環保飲管嘅時候, 我真係對呢間鋪頭嘅分數加好多分!!2. 抹茶鮮奶 同行嘅朋友飲呢杯, 我自己就覺得有啲偏甜, 冇乜茶味。 如果你係鍾意飲甜, 應該會覺得幾好飲, 因為上面啲cream加埋佢下面甜嘅牛奶, 係幾順口嘅。 不過我個人就唔太鍾意飲甜野。3. 黑松露意粉 好似去到邊度都要食黑松露咁, 最近寫嘅食評都有食黑松露😂😂😂😂😂。 意粉偏淋身, 但係黑松露好多, 味道好味。 意粉醬都好食, 仲要加咗好多菇, 菇好爽, 而且好入味。 不過個人唔鍾意食煙肉😂, 同埋我比較鍾意食硬身嘅意粉。4. 素咖喱豆卷飯 上面用咗黑芝麻醬畫咗隻貓, 啲黑芝麻醬幾好食😂。 咖哩食落去似日本中辛甜咖哩。 配菜唔難食! 呢樣好加分, 因為成日出去食, 側邊啲配菜會好硬, 唔熟, 冇調味。 但呢度嘅菜好味。 個豆捲非常好, 食落去有啲似素鵝, 好味道。5. 南瓜餐湯 濃郁嘅南瓜味, 好味道! 仲要我好欣賞佢用埋麵包皮, 唔會浪費食物😆😆😆。 而且呢條麵包仲焗得好脆🥰😍😍6. 雞翼 雞翼個失色咗啲啦, 原本以為有四隻雞翼, 原來只有三隻。 雞翼嘅價錢就真係有啲唔抵啦, 不過佢嘅味道係好食嘅, 但係似係普通雞翼囉, 冇乜特別。 我建議都係嗌佢個小食拼盤比較抵啦😆。 最後食完飯就去影下貓貓, 呢隻貓貓勁惡!! 佢唔畀我摸😭😭😭😭 有啲呢就好怕醜, 又對我愛理不理, 果然係冷漠嘅主子😂😂😂店入面仲有一隻黑貓好可愛㗎!呢間店舖嘅店員都好好人, 個老闆又非常nice😆, 喺呢度食飯覺得好舒服, 我覺得係值得上嚟食! 與其畀呢個價錢去其他舖頭, 啲音樂又嘈, 店員又冷漠, 有時態度仲好衰㖭, 坐又坐得唔舒服, 又要限時食完飯就走。 不如我過嚟呢度坐, 放鬆下, 食下野傾下計玩下貓, 咁咪仲好我走嘅時候佢哋都要閂門啦, 去到出面嘅時候落雨, 佢哋嘅員工見到我哋, 仲走嚟問我哋有冇遮㖭🥰🥰🥰, 真係好友善啊! 係愛與被愛嘅感覺呀😂😂😂😂不如大家都去支持一下, 元老級貓貓cafe, 仲要係黃店添😆😆😆 繼續閱讀
(以上食評乃用戶個人意見 , 並不代表OpenRice之觀點。)
等級3 2020-10-04
381 瀏覽
估唔到男朋友會帶我去貓cafe!真係萬萬都估唔到。佢仲要係第一次去!XDd飯真係好Cute!好鍾意個擺盤。黑色繪線係 黑芝麻味!味道十分濃郁!d雞有少少乾身。不過d汁撈飯就剛剛好。我第一下就食個頭先😂店主話好多人唔捨得食,d飯最後得番個頭😂hmm,都係食左開心d 杯朱古力都好好飲。我幾鍾意。場地有好多貓貓,不過唔係好痴人。都係自己行出去摸下。有board game 可以比人玩。整體黎講,都好適合比學生hea XD 繼續閱讀
(以上食評乃用戶個人意見 , 並不代表OpenRice之觀點。)
等級4 2020-09-12
605 瀏覽
好耐好耐無來過阿貓地攤,經歷過佢兩代唔同嘅儲分卡同積分卡,最後都因為份量太少好少來(係外子同我偏大食)。今日因為食咗啲下午茶點,晚餐就唔洗正常食噉多。一開門就有兩隻貓走過來,正當我感到受寵若驚之際,發現佢哋原來係去揾放咗喺門口嘅玩具,自作多情了。講返食物,味道還可以,肉唔靭,雞扒微香又唔覺熱氣,飯對我來講係太少,但個樣真係•超•可•愛。怕唔夠飽,另外叫做件pizza,味道無咩特別,勝在•很•可•愛。想有貓陪你食嘢,最好揀果啲有貓床嘅枱。 繼續閱讀
(以上食評乃用戶個人意見 , 並不代表OpenRice之觀點。)
等級3 2020-08-31
715 瀏覽
銅鑼灣舊式大廈既樓上貓cafe~ 鬧市中既貓咪動物餐廳,而且仲係黃店💛 只不過食物、環境、貓貓互動率等都略為比預期失望🙊 見到店主對食物既伴碟裝飾係有放左心思,以各種貓咪圖案、形狀為主題,不過食物味道就一般,而且份量亦相對少~ 成間貓cafe空間算大,坐得都舒服,但燈光、裝修就比較殘舊,而且貓貓比較少周圍走,幾難可以同佢哋玩到😮 見到比較多係以往既熟客黎探貓,建議住港島區既朋友可以一試,專程去就未必需要~ 繼續閱讀
(以上食評乃用戶個人意見 , 並不代表OpenRice之觀點。)