阿翁深井燒鵝大王

營業中

休息中

晚上大概七點到來，這是一場商務活動，訂了一個包廂，各位服務員態度相當友善，上菜、清碟及斟茶都相當到位。就因為是商務活動，所以照片就拍得馬馬虎虎。一行五人叫了一個六人的套餐，四個大男人也吃不完，最後打包了一大袋離開。套餐以外叫了一碟蜆仔，飲品方面叫了一款韓國的啤酒，4%多是可以的。套餐都是流行系列，燒鵝特別大隻大碟，蝦仔翅也不錯。我們坐到大概十點，多數人客都已經離開，整體而言招呼相當到位，洗手間衛生也是可以。

中秋節同家人去食飯過節，阿翁不但無逼客戶選套餐，反而菜單價格依舊，食物質素、份量同服務都保持高水準。燒鵝肉嫩皮脆多汁好吃，海蝦生猛應該足一斤肉質彈牙，翡翠炒龍躉好新鮮啖啖肉，脆豆腐炸鮮魷香口好味道，三層冰燒肉就不過不失豬肉香唔夠突出，蒜蓉唐生菜份量較少不過都算新鮮。整體黎講，呢餐飯好豐富、有水準，佐敦區域人均$250都算抵食，服務人員笑容滿面有講有笑，食得開心舒服。由於今晚要番屋企食月餅，只能錯過糖水。

第一次光顧阿翁，整體餐飲質量同服務都算驚喜連連。菜餚碟頭夠大，唔會過咸，價格合理。好耐無食過皮咁脆肉咁嫩既燒鵝，蒸白灼海蝦夠大隻新鮮，西蘭花龍躉球肉質彈牙，白雲豬手好味道，蒜蓉莧菜嫩口無渣，金針雲耳牛肉嫩滑好食，士多啤梨骨夠大件肉嫩唔會大舊炸粉，豉油王鵝腸脆口多芽菜。整體菜式色香味俱全。飯後職員有主動送糖水俾客戶，芝麻糊唔會太甜，有驚喜。餐廳地方唔大，不過勝在包房夠多，對於需要私人空間既客戶比較方便。