影片
港鐵尖沙咀/尖東站 B2 出口, 步行約4分鐘
繼續閱讀
電話號碼
25278383
附加資料
可網上訂座 , 可電話訂座 , 可賞訂座積分 ; 用餐時間入座計2.5小時, 完結前45分鐘最後加單
營業時間
今日營業
17:00 - 00:00
星期一至日
17:00 - 00:00
以上資料只供參考, 請與餐廳確認詳情
有關獎賞計劃
相關文章
餐廳：阿爺八鮮鍋 (尖沙咀)地址：尖沙咀金馬倫道48號中國保險大廈1樓A&B號舖講到食飯聚餐，火鍋一定喺香港人嘅頭幾個選擇，加埋「任食」兩隻字，就更加喺香港人嘅至愛❤️，近排去咗尖沙咀阿爺八鮮鍋食任食火鍋🍲，$368就可以享有2.5小時任食，但如果你夠醒✨，趕得切7pm前埋單就即減$70，即喺$298就可以無限享用頂級食材，仲可以加$20升級任飲啤酒汽水🍻，試問邊個抵擋得到🤤未開始打邊爐，已經率先送上刺身拼盤，只要like同share餐廳任何一個社交平台就有👍，當中包括生蠔🦪、吞拿魚、北寄貝、八爪魚🐙、甜蝦🦐、魷魚🦑、赤貝同馬刀貝，每一款都夠新鮮，媲美得上日式餐廳嘅質素🍣食食吓店員送上門脆口嘅鱔連骨魚皮同自家製五指毛桃湯，湯味清甜，健脾又潤肺，好啱食完刺身暖暖胃😜。之後就有任食嘅雞煲，我就揀咗花膠雞煲，雞肉嫩滑惹味，濃郁得嚟唔會過膩，配埋滑溜爽口嘅花膠勁滿足😌，食完一煲雞煲已經開始有啲飽，但主角火鍋都仲未開始😂火鍋揀咗蕃茄湯底🍅，味道鮮中帶甜，配牛肉同海鮮一流，送嘅手切安格斯牛肉牛味濃厚，油花分佈啱啱好，入口嫩滑有啲嚼勁 ，落鍋十秒左近吸收蕃茄湯底更加有層次🤓然後就喺龍蝦海鮮盤 ，入面竟然有鮑魚、龍蝦🦞、蟹🦀、海蝦🦐、帶子 ，每一樣都夠新鮮大隻，龍蝦肉質鮮甜，鮑魚夠爽口，有啲仲喺任食，呢種級數真心少有💯點餐紙上面仲有接近60款火鍋美食任你叫，食材豐富到驚人🫢，豬牛雞類、各種海鮮、蔬菜、麵食、火鍋配料 ，選擇多到食唔晒，完全滿足所有人嘅口味，就連蟶子、龍躉片、珍珠蠔、豬肺豬腦、牛骨髓、雞腎雞子等都喺任食，應有盡有👏加錢任飲嘅嘢飲有燕京啤酒、椰汁馬蹄爽、仙草清涼爽、清熱降火、烏龍茶、各式汽水，款式唔多但都算唔錯喇🙈
繼續閱讀
阿爺八鮮鍋今次要介紹一間喺尖沙咀有一間火鍋店叫「阿爺八鮮鍋」，呢間火鍋店係位於尖沙咀中國保險大廈1樓，輪椅人士係去到，呢間火鍋店賣點係1700至1930前離座就$368，享有2.5小時河鮮海鮮雞煲火鍋放題，加$20任飲指定啤酒或各式飲品！一入座就會先送一兜炸魚皮、一碟手切安格斯牛肉（潮汕）同超級多嘅生猛海鮮拼盤，海鮮拼盤包括有龍蝦、帶子、鮑魚、蟹同蝦，雞煲我揀咗花膠雞煲，火鍋湯底就揀咗椰子雞湯底。雞煲估計有半隻雞，雞件大約15舊，花膠都有幾片，每一片花膠都好厚切！仲有就係Follow佢哋任何社交平台會即送時令刺身拼盤，每一種刺身都好新鮮，當食到好飽時，竟然仲會送埋時令生果，我話一人份量就夠啦！火鍋食材超過60款都可以任食，蟶子當日竟然係蟶子皇，鍾意食火鍋同海鮮嘅你不妨嚟呢一度試下啦！如果火鍋鑊轉為有層架可以蒸海鮮就更好味！2人總共價錢$854，其他有加一服務費！個人口味總評分：8.5/10 @grandpa8383 地址：尖沙咀金馬倫道48號中國保險大廈1樓A&B號舖Please follow me🙆♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻♂️#阿爺八鮮鍋 #打邊爐 #火鍋 #任食火鍋 #香港美食 #尖沙咀美食 #尖沙咀好去處 #hkig #hkboy #hkkol #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
繼續閱讀
尖沙咀🚇嘅阿爺八鮮鍋絕對係海鮮控嘅天堂🤩，佢哋除咗有多樣化嘅即劏🦀海鮮之外，仲有多款雞煲任食添🤤。入坐就送炸魚皮🐟同埋灑參玉竹炖海底椰老火湯🥣，食住飲住揀/等雞煲，😆爽呀。呢度有多款雞煲🐓任食，我哋㨂咗芝士雞煲，一上枱就拉晒絲，濃郁嘅🧀芝士包住嫩滑雞件，仲有勁多洋蔥🧅吊味，真係邪惡到爆！佢哋仲有送🔪刺身拼盤，款式多又🐟鮮味。火鍋湯底🍲選擇亦都唔少，我哋就揀咗🥥椰子雞火鍋湯底，用料足👍又清甜，配海鮮就啱晒喇。重頭戲係送嘅🦐海鮮拼盤，份量十足，入邊有🦞龍蝦、帶子、鮑魚、🦀蟹同埋蝦，全部都係新鮮劏🔪嘅，鮮度爆表呀！海鮮任食嘅部分都好👏豐富，例如有海蟹、蟶子、🐟龍躉頭腩、魚鰾、大蜆同埋🦪珍珠蠔等等，絕對係海鮮控🦐嘅天堂。肉類方面除咗送嘅🔪手切牛油花靚到似藝術品🎨，任食安格斯牛雪花紋均勻🥩，特別推介罕見部位有牛骨髓，滑溜似豆腐、🐖黃沙豬潤爽脆無渣、蝴蝶腩🦋帶筋有咬口，呢啲出面放題真係好難食到！其他火鍋配料😋，首推招牌手打蟹子蝦滑🍤，真材實料勁多蝦肉，加上🟠蟹子層次更加豐富，另外招牌手打黑松露🦑墨魚滑都唔錯，呢餐真係勁滿足啊！加20蚊仲有啤酒🍺同埋其他飲品任飲。佢哋依家仲有獎抽😆，我就抽中一大包越南🇻🇳河，真係又食又拎，正呀。
繼續閱讀
心思思想去食海鮮，尖沙咀鬧市中有一間性價比超高嘅海鮮放題。一個價錢就可以享受新鮮嘅海鮮，雞煲同刺身等！阿爺八鮮鍋舖頭面積唔大，大約十幾張枱，職員數量多，對每枱客嘅服務都好足夠。放題可以食足兩個半鐘，當中店門員會遞上唔同嘅菜式， 樣樣賣相都好靚，食物新鮮，有驚喜！1）一開始會上刺身拼盤，款式好多，每樣可以淺嘗，賣相好精緻，食落亦好鮮甜2）雞煲- 可揀唔同味道。 我哋揀咗芝士味，雞肉鮮嫩，好有焦香感，芝士可以拉絲，配上洋蔥，好惹味，食完唔會覺得油膩！可以繼續加雞添🤩3）香菇滾湯-用茶壺盛載湯，外型好特別，飲落去好香菇味，鮮甜美味，飲左即刻暖胃4） 椰子湯海鮮火鍋-食完雞煲就可以轉打邊爐，可揀湯底（有藥膳、麻辣等）我哋就揀咗椰子湯底，湯底清甜。店員會生猛珍貴嘅海鮮（一次性），例如龍蝦、鮑魚、帶子、蟹、海蝦。樣樣都好大隻，多肉，肉質鮮甜5）潮汕牛肉-牛肉嫩滑，肥瘦均勻，好有咬口6）任點海鮮-無限任叫多種海鮮及打邊爐食物，樣樣都好新鮮，全部即叫即起，好豐盛。其中紫菜響鈴卷有非常大條、A4豆腐紙買相好特別， 好讚！7）飲品-加少少價錢仲可以任飲， 款式都好多同朋友嚟呢度聚會，食到咁優質既海鮮放題，暢飲暢食，真係大滿足！🎉
繼續閱讀
最近小編就約左朋友仔一齊試下尖沙咀呢間「阿爺八鮮鍋」。話說呢間餐廳以前鋪位位於旺角家樂坊附近，但依加已經搬左去尖沙咀啦🏡 餐廳主打一個價錢$368 👉🏻2.5小時河鮮海鮮樣樣都有既火鍋放題，如果鐘意食海鮮既朋友仔就岩哂啦。👍🏻一開始會上雞煲先，而雞煲口味有幾款選擇，分別有麻辣、芝士、花膠等等，小編就當然揀左花膠雞煲啦，雞煲份量都唔少，香口惹味，花膠食落軟腍腍炆得夠入味。😋燉湯會用茶壺裝上，有特色之餘仲可以保持湯既溫度，飲落鮮甜濃郁，就好似飲緊老火湯咁好正阿。🤤去到打邊爐部份，係湯底方面就揀左椰子雞，主要係覺得椰子湯可能帶出海鮮原味及鮮味，去到重點就當然係霸王海鮮拼盤啦！🦞🦐🦀拼盤上面除左原隻龍蝦，仲有海蝦、帶子、蟹及鮑魚，篤下隻鮑魚仲見到佢郁下郁下咁就知d海鮮有幾咁新鮮啦！另外仲會有一份門鱔連骨魚皮同埋一份手切安格斯肥牛，魚皮咬落脆卜卜魚味濃郁，而肥牛就就鮮嫩又有牛味。🙌當然仲會有任食點餐紙可以比各位朋友仔們無限追加食物，配料款式夠多基本上海鮮類、肉類菜類都有成幾十款，小編當然唔汁輸仲叫左十幾款試下，樣樣既質素都唔錯唔錯，最後就當然order返一個稻庭烏冬作為結尾，咁呢餐就滿足啦。😇最後總結下，以呢個價錢可以食到咁多新鮮高質素既活海鮮，係性價比真係高質喎。岩哂成班朋友仔約埋聚下食飯既好地方。👍🏻👍🏻最後提提睇到呢道既朋友仔，如果like and share餐廳社交平台 專頁仲會送刺身拼盤添🍱 刺身拼盤有成五六款，分別有象拔蚌、馬刀貝、赤貝、北寄貝、甜蝦、八爪魚及生蠔等等，樣樣新鮮美味。🥳
繼續閱讀