阿爸廚房 (已結業)

(回到2013年尾，當阿爸又名M立坊時…)在荃灣的工廠區，大家以為這裡只有簡陋平民化的食堂？原來，最近在這個工廠區的邊緣位置都有一間具有新穎裝修格局的食肆。至於其食品都是大眾化的口味，中西式菜式都有，以碟頭粉麵飯為主，還有下午茶餐。這次點了午餐之中的「咖哩牛脷飯」，配餐湯及飲品。餐湯選取西式的忌廉湯，內裡有麥粒，令口感變得豐富。餐飲也很快地做好，是凍奶茶，可見他們不吝嗇牛奶啦，端上來時仍可以讓我去將奶和茶混和。到主食「咖哩牛脷飯」，噢！這裡的咖哩是超級的辣要注意。另外以碗上的咖哩的醬汁很濃郁，用匙羮舀起時，濃濃的還有微粒，估計是醬料和馬鈴薯泥的融合？而且，咖哩除了有主菜牛脷外，還有配菜一大塊馬鈴薯，而碗底有椰菜墊著。不過，咖哩真的很辣，如果怕辣的朋友就不要「尋寶」吃墊底的椰菜。

大前日(30-10-2016 Sun)晏晝同老公落荃灣整啲o野,順便先食個晏,去紅茶冰室,我o地去到,多人排隊等,老公話唔等喇,因座位又迫.咁去邊間?呢間?佢記得並贊成,於是行o黎,我o地o黎到, 格局唔同o左,人亦唔算多.睇完menu,我o地決定要兩個$42.00o既set lunch,一個係蒜香什菌豬扒火腿天使麵,一個係東江什錦少米粉,要中,西湯各一,各加$2.00要凍檸水同凍奶茶.好快,兩杯o野飲到o黎,我杯凍檸水好甜,甜得滯,好重手.甜到飲唔到檸檬o既清香,最尾更飲到檸檬o既澀. 老公o既凍奶茶呢?茶味濃,口感滑,OK.然後係兩碗湯, 中湯係番茄薯仔煲唐排,西湯係羅宋湯,我先飲番茄薯仔煲唐排,冇薯仔但變o左紅蘿蔔,味道清甜,唐排夠腍好尾,飲到最後見到有啲薯仔.羅宋湯呢?我一飲,辣o既, 羅宋湯係酸辣,但我覺得呢個辣得過份o左,即刻唔飲,俾返覺得正o既老公飲埋佢.蒜香什菌豬扒火腿天使麵亦好快到o黎,一直嗅到佢o既香味,不過我先食東江什錦少米粉,呢個大大碟,食落,味道淡啲,一條條o既唔係豬肉絲,而係魚片,又有蝦仁,呢個感覺唔油膩,米粉亦唔會糊埋一堆.食o左一半就同老公交換食,相對地

13-9-2014(Sat)又等男友放工後食晏,諗住去大會堂o個間社企或呢間,最後因男友去o左熊貓酒店等我,所以o黎呢間.呢間o既門口唔係開o係沙咀道,而係榮亞工業大廈同寶業大廈之間o個條巷.我o地o黎到唔係好多人,可能星期六,啲人放o左工出晒去第二區玩吧,我o地揀o左$48.00o既拿破崙香草龍脷柳天使麵,加$2.00要凍奶茶,$52.00o既海南雞飯,加$2.00要凍檸水,重有中,西餐湯,o既係老黃瓜紅蘿蔔煲唐排同俄羅斯雜菜湯.好快,兩碗湯到o黎,顏色有啲混濁,湯好熱,我先飲俄羅斯雜菜湯.辣味多過酸味,內裡雜菜有紅蘿蔔,番茄同洋蔥,全部都好腍.味道: 3分然後同男友交換,我飲第一啖老黃瓜紅蘿蔔煲唐排,即飲到薑味,乜咁重手?除此之外都冇乜o野.味道: 2.9分之後兩杯餐飲到o黎,都幾大杯,我o既凍奶茶甜同澀,可能奶落得唔夠.味道: 2.8分等o左幾分鐘,我o既拿破崙香草龍脷柳天使麵到o黎,一擺低就嗅到好勁香草味,食落,除o左香草味,都食到牛油味,啲汁好杰同creamy,麵同龍脷柳都好熱, 龍脷柳外面都煎到香脆.而呢個天使麵份量唔算少,加上佢咁creamy,所以我食唔到一半都而飽飽地.

和同事完成上午工作, 落樓下食午飯.這間是新開張不久的店, 聽過其他同事推介, 所以拜會一下.裡面地方好大, 位子也有很多, 不過卡位都是5-6人座位, 今天我們只有2人, 所以侍應不讓我們坐卡位.看一看餐牌, 感覺不太廉宜, 一個西式午餐接近$50.-看來看去, 除了西式午餐幾個選擇, 中式午餐幾個選擇, 就只剩下常餐.就連一般餐廳會有的散叫多士, 通粉都沒有... 好奇怪.最後, 我們要了常餐豬扒公仔麵, 火腿奄列, 蒜味厚多士.豬扒幾大件, 肉質淋身而且醃得香和夠味, 湯底略嫌清淡.公仔都應該是用一丁都, 麵身很爽口.奄列好油, 厚多士蒜味不會太濃或太少, 烘得剛好, 外脆內軟.不過如果是配太陽蛋, 至少我可以沾點蛋汁吃, 淨吃多士, 好DRY.原本還以為$30貨式不會夠飽, 但當我們食完後, 都捧著肚返OFFICE.希望多點選擇, 下次還是想要再回來試試.

　　　我和弟兄姐妹返完教會，便來這裏吃飯。組長告訴我，這家餐廳的老闆是教會的一個弟兄，她特意帶我們來光顧，支持與捧場。　　　我要了一個常餐，就是多士火腿奄烈配豬扒通粉，其實在落單時我要求改為煎雙蛋，通粉則改為公仔麵，但可能同行的人太多，叫得有點亂，侍應後來告訴我這個餐規定只供應奄烈，所以我也不堅持要雙蛋，但卻沒告訴我不可以轉通粉，同行的姐妹也改公仔麵，但上來的時候我發現給了通粉，我也沒介意，可能我自己沒講清楚。　　　首先要讚賞一下的是多士，烘得恰到好處，夠脆夠爽口，而牛油恰好滲透到多士的裏層，被熱的多士溶掉，真的很甘香。　　　至於通粉，我卻不太能欣賞了，因為我本來就不愛吃通粉，而豬扒很油膩，連湯也浮上了一層油。　　　反而餐飲值得一讚，它夠香濃，使我回味再三。認真之作。　　　環境也不錯，夠乾淨整潔，我猜很多食客都是教會的弟兄姐妹，真夠捧場。　　　印象難忘的是多士和咖啡，有機會定必再試。

第一次來新開張兼主張食品不含味精的阿爸廚房，雖然位處工業大廈內，餐廳室內環境舒適，枱與枱之間的距離不會太近，而侍應的服務殷勤。先來西蘭花忌廉湯，味道不錯，又香又滑。香草忌廉野菌鮮三文魚天使麵，份量剛好是一位lady的晚餐食量，味道幾好。皇妃牛肩扒配美式煎薯餅雜菜沙律，牛肩扒夠厚，味道尚可，驚喜的是美式煎薯餅，好吃!餐飲的奶茶茶太濃，不夠香，未到水準。最後叫了跟餐加$10的甜品"Tiramisu"，在雪櫃放久了，有點霜，試一次就夠。最讚是食品不含味精，食材新鮮。價錢方面，抵食。