阿妹糖水 (已結業) 查看

菠蘿包酥皮豆腐花($32)-司令見佢個名咁搞笑，即刻叫黎試下，上枱個酥皮焗得唔算好靚仔，有一半都凹左落去，咬兩啖試下先，酥皮唔酥，相當濕喎，唔好食！上網望咗一望人哋食個一份，司令拎到個份似係未焗好喎，咁都上枱比人食😭。之後試埋豆腐花，又做得幾好喎，好夠滑，仲有黃糖任加，豆腐花有驚喜，不過個皮呢就真係得個樣啦😂，好失望呢。糖水價錢呢相當平，不過附近咁大競爭，要加把勁做好把關工作，先會再比機會啦。

係附近食完晚飯，想搵間甜品鋪食下甜品，朋友之前食過所以介紹我黎呢間試下。我叫左個朱古力雪花冰。個朱古力雪花冰黎到。一試入口，嘩！d朱古力味好濃，我未食過咁好食既朱古力雪花冰。d雪花杯一入口即溶，每一啖食落去都有幸福既感覺不過我覺得份量唔夠多，如果再多d就perfect la

有些地方，未必是最好，但你會走下天后的甜品舖多得數不到，這家阿妹甜品，我是看到別人的IG 而來我很喜歡這種陳舊的感覺，令我想起有個人帶我去街邊吃炒面，我喜歡這些用紙皮石整的枱面，回到小時候點了這個榴槤飄香，有西米，榴槤肉，柚子肉等等。榴槤幾甘香，味的很適中，不會太甜。還有這個朱古力心太軟。即叫即焗，配上一球很好吃的雪糕，半軟心的朱古力蛋糕時間剛好。最欣賞會配上一半清茶。很細心窩心。這裡食品其實算同地區只是一般，但這裡的那種復古感是值得一去，有些地方，不是最好，但都會令你尋找一下，因為有時我們迷失了。

平日搭車經過，總會看到大大個招牌的阿妹糖水，終於有機會一試！店的裝修是懷舊冰室路線，四周掛了很多舊式海報，用上很古舊設計的餐桌，十分有特式。鮮製菠蘿包酥皮豆腐花一看到就忍不住要叫了！十分新奇，豆腐花上是大大的酥皮。其實不是菠蘿包的皮，有小小失望。是平常喝酥皮湯的那一種，但樣子是十分吸引的！豆腐花熱熱的豆味很濃，本身不帶甜，要自己落糖。把酥皮加上豆腐花，味道咸咸甜甜，確是特別，不算十分好吃，但也可以一試。焦糖栗子窩夫（香草雪糕）這個味道是期間限定的。窩夫一層層疊得很高，十分美觀。窩夫上枱時味道很香，一切，外脆內軟，很不錯。栗子醬味道天然，不會太甜，配上窩夫很夾。焦糖醬和雪糕增添窩夫味道的豐富程度，雪糕的凍和窩夫的熱交替着，很好吃！甜品店外在懷舊，但甜品款式卻很有創意且具水準！比很多只有外在的新興甜品店來得更好呢！

天后成條街都係食肆，除左餐廳，甜品店都愈開愈多。 慢慢連一d唔覺眼既角落都開埋糖水店。就好似呢間，如果唔係有易拉架廣告，應該無咩人發現佢。儘管一試。叫左個心太軟睇睇佢功力。無期望果然比較好，心太軟唔太流心，似朱古力蛋糕比較多。 甜度適中。如果下次焗既時間拿捏得好d,我相信結果一定會唔錯。

今日去天后食完飯經過見到一間裝修得幾有特色嘅糖水店。但甜品款式亦都好多。試咗菠蘿酥皮豆腐花，賣相非常好，價錢亦都合理，不過味道就較為普通，豆腐花口感不是太滑，酥皮也不是太香口。

每次到阿妹糖水，都看不見阿妹，店內很多時候只得一位穿啡色制服的叔叔在招呼客人。 這裡裝潢很有特色，可見店主花了不少心思。感覺比較像幾十年前的香港，掛在牆上的是手繪的廣告畫，還有那些用類似馬賽克磁磚組合而成的桌子，彷如打開叮噹的隨意門，回到了昔日的香港。牆上的那一個掛鐘，顯示的時間總比正常時間慢許多，彷彿是想告訴客人：來這裡就是要慢活吖，點一份甜品，情侶間輕鬆的對話，朋友間熱情的問候，飯後的時光，應該是要好好享受的。打開Memu懷舊的中式甜品，創新的西式窩夫，夏日的透心涼刨冰，冬天的滋潤糖水......選擇困難症又發作了。西式甜酒系列Baileys和咖啡的配搭沒有違和感，苦和甜的交集中和，加上厚厚的cream，有點像吃甜酒加雪糕。 第一次嘗試，喝完有點飽肚感覺😬👍🏽中式湯丸湯丸總體來說還可以，薑汁味道不算突出，餡太幼滑，少了層次感和咬口，但數量搭夠。小巧的外型，適合女士一啖一粒。忘了時間的鐘，滴滴答答不休... 可能當年的阿妹都已經長大成人，成為了一位可人兒。小小的糖水舖裡，沒有活潑可愛的阿妹，剩下的只有舊日情懷。

依間阿妹糖水都係採用中式佈置本身以為係食中式糖水點知都有好多西式甜品揀😂雪糕唔會話雪到結冰 亦唔係好硬 軟硬適中但個窩夫就差少少雖然係暖既但好林有啲媒媒地咁唔係窩夫一貫既脆但粒粒蘋果整暖左 加焦糖肉桂 都唔錯

環境：舊香港嘅裝修，牆上有啲舊戲嘅poster，地板同檯面都有啲磚咁，幾得意。一入去就聞到好香嘅waffle味，香到忍唔住好想嗌嚟食！香蕉waffle：waffle上有好多塊沾上朱古力既香蕉，但可惜waffle完全冇味、冰凍、乾身，又係唔飲水一定會食到打思egg咁乾。明明成間舖都好香waffle味㗎？點解啲waffle都唔係新鮮熱辣，反而係凍冰冰架呢？旁邊嘅朱古力雪糕好似石頭咁硬，用匙羹係食唔到㗎，哈哈要用刀切先得！到差唔多走果陣，啲雪糕仲未溶過！果日雖然係好凍，但係都唔係凍到唔溶嘛？薑汁芝麻湯圓：第一啖薑味甚濃，哎呀心諗弊喇一定好辣喇，但點知下一秒，吞都未吞啲薑味已經四散.... 蛋白燉奶加湯丸：湯丸唔會好甜，似係自家製而且細細粒咁。蛋白燉奶都算滑而且冇泡泡嘅，係就甜咗少少，不過好在湯丸唔甜，叫做中和返吖！服務：OK！

其實天后好多糖水鋪呢間又入 所以好少經 亦唔知佢ge存在不過因為聽朋友講呢d ge feel好好所以今次特登黎試吓入面其實好復古而d位又唔會太密又唔算好多人所以坐得好舒服咁我朋友就叫左個士多啤梨窩夫（sorry唔記得左影相）不過佢話個窩夫好脆又熱熱地好正而我就叫左個綠茶雪花冰綠茶味好濃又夠冰，所以無一邊食一邊溶得好勁ge情況而加左ge配料我就覺得偏甜尤其係紅豆蓉我估我下次會叫佢比少d或者走左佢 因為我都無食曬d紅豆可能知大家都食到好流所以待應都比左杯熱茶我地我覺得都好貼心總括黎講呢間甜品鋪都算唔錯

朋友介紹之下去到呢度食糖水，窩夫係主打店員都好好人，而且唔係太多人，感覺好舒服，係度談心都無問題似蛋糕既waffle我麻麻，始終覺得脆口個隻最好味😋呢間做得很不錯 保持到應有既鬆化💥特別鍾意佢既口味配搭😀檸檬味呢款我最喜歡！本身窩夫已經係檸檬味，加上薄薄既蜜糖🍯甜得黎帶酸好清新，再點埋旁邊既檸檬醬 好好食～而雪糕都係自家製，揀左香芋，較冰感同硬身。朋友叫左玉桂味香蕉蜂蜜玉桂窩夫($48)玉桂味既窩夫好香，夾香蕉係個簡單又好味既組合價錢合理，呢種小店一定要支持！

食糖水我都係鐘意食比較傳統的，今次黎到天后區都算出名晚甜品鋪阿妹糖水，裝修比較簡單同好有懷舊感，有傳統感覺，令人覺得好有親切感，而且入面d sfaff 都好好人同nice，我點左店入面最出名既窩夫，有好多唔同味，我叫左蘋果玉桂窩夫，d人話好甜，但我覺己就覺得ok，蘋果肉冧冧地，個人覺得硬返d會好d，窩夫煮得都好鬆脆，有四塊夠哂食，整體黎講算幾好！

食完別府覺得仲未見飽，所以去食甜品。店裡古色古香，好懷舊，一入店就聞到好香既窩夫味。於是我地不約而同咁叫左窩夫類。抹茶紅豆窩夫，紅豆份量夠，而且紅豆好大粒好綿。雪糕比較硬，旁邊有件cream,三者合而為一味道剛好。蘋果玉桂窩夫既蘋果醬整得好，黏黏的，蘋果肉煮得綿中帶脆，少少酸，惹味，可惜完全食唔出有玉桂味，今次配左朱古力雪糕，味道幾夾。整體窩夫甜品賣相好靚，份量好足，共有四塊，件件夠厚而外脆內嫩，少食不錯，食足成份就太甜太漏，食完好飽但好口渴，因為紅豆偏甜，雪糕都係，窩夫多食就會覺其實都幾甜。愈食愈有種感覺係好想飲水同好飽，之後就會食得愈黎愈慢。

跟家人吃完晚餐後突然好想吃點飯後甜品，來到了這家挺有特色的糖水店。 一踏進店面，便被它那特殊的擺設給吸引住，整家店都走懷舊風，配上舊香港的家品，讓人有分外的親切感。 店面還彌漫著一股好香的奶油味，是店中有名的窩夫 餐牌上的甜品跟其他甜品店差不多，該有的綿綿冰、蛋糕都有，比較特別的是他們有自家製造的雪糕，味道更加濃郁。叫了杏仁露豆腐花，味道濃郁，豆腐花也很滑，好吃！

食完晚飯(@鼎壹館)，個肚仲有位剩，甜品又叫我喇! 見到阿妹糖水，懷舊feel, i like it! 即刻入去。入到去有D似冰室，好鍾意佢D格仔磚枱，好classic!打開個menu，好多選擇，唔只有多款中式糖水(例如豆腐花、芝麻糊)，仲有飲品(例如milkshake,龍眼冰)，仲有最吸引我的Waffle!!!!!! Waffle都有好多口味，有mango, strawberry, seasonal fruits, 煉奶etc.)，每款都有一球雪糕。原來佢地D雪糕係自家製的，加分!我揀咗Mango Waffle + Mango Ice cream($48): 嘩，好大碟，好多芒果呀!!! 果度起碼有1.5個芒果，而且D芒果粒粒都超甜的。Waffle的份量也很多，有4塊，口感是比較鬆軟那種，有糖漿在Waffle上，配合自家製的Mango Ice Cream，很香芒果味，不太甜，食完唔會覺得好滯。