阿夫利拉麵 (The ONE)

營業中

休息中

尖沙咀行街見到呢間拉麵店開，所以想試吓。入面有得食湯拉麵同埋沾麵，就嗌咗個辣嘅沾麵同埋炸雞，仲配埋杯凍飲。開頭都冇諗住有咩expectation，點知食落真係好好食，雖然個沾麵係冇過火去溫住個湯，但係個沾麵湯底真係好香好好味，佢係有個特色，唔知係咪fusion咗啲咩國家嘅風味，好特別，出面未食過呢個味道，個面底又好香又煙韌，份量都好豐富好夠食！個炸雞都好好味。本身真係冇諗過呢間餐廳會咁好食，真係好驚喜

因趕住睇戲，喺the one 想快個晚餐，就試左呢間喺時裝店入面既拉麵店。呢個沾麵餐可以㨂冷或熱既沾麵，我就㨂左冷沾麵，配柚子汁，清爽美味，豚肉軟熟，油脂適中，又包一個細既叉燒/雞丼或沙律或餃子滿足左我又想食麵又想加多個小食既想法。仲有一杯凍飲跟餐。我就叫左杯自家製薑味汽水👍佢仲有叉燒丼，大大碗，又有肉汁鮮味既叉燒👍讚仲想試埋佢既餃子、炸雞係要自己買飛有d 複雜，不過waiter 都好主動過黎幫手落單，完全無難度。

柚子鹽味拉麵清香為主，湯底清淡的鹽味和柚子味叉燒厚身，火炙過的叉燒真的不錯，不會柴👍🏻麵度是正常偏硬，未到十分好掛湯柚子辣湯鹽味拉麵辣味有點像中式辣豆瓣醬味，辣味更能突出柚子既清新口感，沒有違和感，可以一試羽根豚肉餃子肉餡比較碎，皮十分薄，煎得更隨身會更香口整體拉麵水平中上，東京店的湯底柚子味更突出更清新，但心思思想吃拉麵，是不錯選擇阿夫利拉麵 (The ONE) (尖沙咀)尖沙咀彌敦道100號The ONE 2樓 i.t orange

有時我自己會好唔小心咁對號入座，見到係飲食集團營運嘅餐廳就覺得應該唔會差，唔係飲食集團營運嘅就不會抱期望，其實咁樣真係唔多公度。首先，其實都有試過某些飲食連鎖質素參差已經唔係新鮮事，同時間，又無明文規定話唔係飲食集團整嘢就唔一定好食。所以，我這種耐唔耐會出現嘅心態真係自己都覺得唔好。就好似I.T旗下嘅餐廳，J.S. Foodie我已經鍾意到極點，佢哋唔算係飲食集團(會唔會其實都算係呢🤔因為佢哋潮界嘅形象太鮮明，我無當佢哋係飲食集團)，但質素非常有保證。啱啱去咗The One i.t. 嘅 @afuri_hongkong ，喂，真係好唔錯喎，碗拉麵嘅水準基本上不比市場上我食過嘅差，甚至乎好過其中一兩間開到用圍都係嘅連鎖拉麵店！另外嗌咗碟炸雞(無影相)，好啱我口味，食落唔會有某啲韓式炸雞感覺上咁熱氣。第一幅相係一個素Gyoza，亦都好出色。食呢一餐其實係未夠鐘食晚飯，行過見到諗住入嚟試一試，見到佢哋裝水嘅玻璃樽有品牌「阿夫利」三隻字，樣樣出品都好，喜出望外！真係要搵次正餐再來試多幾樣其他出品。

依間來自日本神奈川的afuri 嘅柚子鹽味湯拉麵 無味精雞湯底配清香嘅柚子汁，比起一般嘅豬骨、味噌 、醬油味嘅濃湯，個人較喜歡依款清新不膩嘅湯底，正因為咁把拉麵食完後唔會口渴，口中仍留有少許柚子香。

聽同事話幾好食，我又嚟試下去到係有自助機先買野食然後入坐我就點咗柚子醬油拉麵$108一碗坐低一陣好快就有麵食喇～望落都好大碗，啲料唔算多。叉燒得一片，厚薄適中但偏肥。溏心蛋都係半隻正常發揮。麵身係幼麵款幾好咬！軟硬適中幾岩我食。其實重點係個湯，淡淡清新柚子味配埋醬油原來又幾新奇有趣！有啲爽口又唔油膩嘅感覺！不過湯底依啲都係偏高鈉，飲一兩啖試下就夠。整體來講佢都只係正正常常，所以一碗麵要成過百蚊真係偏貴咗啲啲。

💚💚💚💚下午1:30，過了中午食飯時間吧，所以只有3枱客人。在自助販賣機點餐時，服務員馬上前來協助及安排枱號，並提醒仍然有lunch set，態度良好。食物味道沒有讓人失望，醬汁散發香濃而又清新柚子味，沾麵軟靭度適中，肉略嫌有點肥，可是入口即化。Lunch set 包飲品，選了玄米茶，芳香醇和，配上香濃的沾麵，絶對是完美的平衡。Lunch set 還有一客小食，選取了蒸餃子，可惜忘記影相，餃子肉汁鮮嫩，也不錯。整體來說，很有日本風味的拉麵，喜歡柚子味的，要嚐嚐喔。

🇯🇵日本東京好出名的拉麵，Afuri拉麵以其獨特的柚子風味湯底而聞名。原來幾年前已經在香港開店，但一直都沒有試過。👍🏻Afuri的湯底以清淡的豬骨湯為基礎，並添加了柚子的香氣。的確比一般豬骨湯拉麵湯底清爽，也比較不油膩。但柚子味不是很突出，醬油味為主。面的口感紮實又不會軟爛，有彈性，不過掛湯程度稍遜。叉燒好食，軟嫩多汁。此外，配料還有半熟蛋、海苔和蔥花等傳統的拉麵配料，份量對女生來說足夠。還叫了唐揚炸雞，味道不過不失，夠熱夠脆！

餐廳地方不大，座位空間算是寬敞舒服，員工態度也不錯！枱上附上樽裝清水及餐具，擺放十分整齊。點餐需要在門口Kiosk 自助落單及付款後才會送上食物，食物送餐時間也算是很快，跟一般拉麵店很不一樣。柚子鹽味拉麵，味道幾清新，柚子味道很淡，拉麵質感也適中，不太遠不太硬，份量對女士來說還足夠，對男士應該需要加些份量！海老雲吞是白灼的，配上醬汁，清淡得來也很美味！

今次有機會食到日本過江龍拉麵店🇯🇵以清爽風「柚子鹽拉麵」為主打除咗卡位之外佢仲有bar枱位可以坐😏🔸豬骨濃湯拉麵 $108佢個豬骨湯比起柚子較為重口味，啱晒啲鍾意食濃湯嘅朋友仔😝湯底再加埋個黑蒜油，聞落已經夠晒重口味🤤Ps. 另外佢有得揀要唔要辣🔸柚子鹽味拉麵 $98依個係佢其中一個嘅招牌冇味精柚子湯拉麵。淡淡嘅柚子香氣同鹽味互相配合，食落都幾fresh😋就算食晒成碗都唔會覺得好肥膩🤭絕對係夏日清爽嘅首選🏝️#FEVI_Ramen#FEVI_尖沙咀📍阿夫利拉麵 AFURI Ramen尖沙咀彌敦道100號The One 2樓i.t orange forest

「向更高邁進」- AFURI2001年於日本神奈川縣成立，取名自其地區的阿夫利山，所以品牌標誌亦是一座山🗻之前曾經想在東京食，但那店沒有開門，想不到尋尋覓覓，最後在香港食。柚子鹽味拉麵「湯底就是拉麵的靈魂」第一步是喝喝湯底，它的招牌是無味精的柚子雞麵湯底，一入口又飲到滿滿嘅柚子香，又有少少雞油香，但係湯頭整體比平時豚骨湯底清淡，唔會太過油膩，整體嚟講風味偏簡單清晰，不會有太多層次，但好處是沒有雜味，就是柚子香和鹽味。麵底有點與眾不同，採用北海道產全粒粉及裸麥調和製成的細麵，麥麵條吸滿了柚子清香，即使浸了很久湯底，口感也有彈性，喜歡細麵的人應該會喜歡。火炙叉燒西班牙栗飼豚叉燒經過火燒之後，脂肪慢慢揮發出嚟，叉燒邊充滿焦香，一入口即溶，夠晒肥美。配料方面，只有少少筍同香菜，仲有拉麵一定要有的糖心蛋，呢隻蛋無咩味道，應該無經醃製。份量方面，麵底非常之多，但叉燒只有一片，略嫌孤寒咗少少。另外都有純素的食物，適合不同人士需要。如果喜歡重口味少少，點醬油拉麵會比較合適，但坦白講我就覺得一般般。原來有午餐set (拉麵+1個小食，加一杯飲品 $118)平時一個拉麵都$108，呢個set平好多。推薦指

Afuri Ramen - 原來呢間過江龍，The One就有一間，睇返原來佢哋係一間於2019-2020年開始紅嘅一間拉麵點，同年佢哋就係香港開咗間分店。見咁耐我哋都未去朝聖，機緣巧合下我哋就去咗食。柚子醬油拉麵 ⭐⭐⭐/⭐x5 推薦指數 - 108$上菜嘅一刻，柚子味芳香撲鼻，見到湯底嘅顏色就知佢係一個好正宗嘅醬油湯底味道，可惜叉燒份量少咗啲，就只有薄薄嘅一片。湯底飲落口... 柚子味呢？原來柚子味都只係掩飾，整個過程只有醬油湯底嘅味道，醬油味只係合格，始終比唔上喺日本食到嘅味道🥲 不過喺香港止下癮就足夠了。喺麵底方面，感覺上佢比較有特色，眼見有明顯嘅小麥纖維，食落口都好似蕎麥麵，麵條夠彈牙，而且食到最後都冇話淋曬，值得一讚。👍至於其他食材方面都比較一般，流心蛋嘅醬油味都較為突出，幾好食。但係竹筍時粗時幼，而且有啲都好老好多纖維。

前兩個月去東京嘅時候喺日本都有幫襯Afuri，返到嚟就知道原來香港都有㗎🥺🍜！！早少少6:00就去到可以直接入座👍🏻餐廳環境都幾靚同埋幾舒服！同男朋友嗌咗一個沾麵同埋一個拉麵🤤⬆️雞肉沾麵🌟🌟🌟一直都知道沾麵嘅麵底係凍嘅，但係呢一間係連沾麵汁都係凍🧐放入口嗰下有少少驚喜😂沾麵汁係柚子加醬油，記得要撈一撈勻佢先，因為佢啲醬油係沉晒喺個碗嘅底！（麵質係我中意嘅麵質 / 溏心蛋有少少overcook / 沾麵汁太鹹 / 總括而言：麻麻地）⬆️柚子醬油拉麵🌟🌟🌟🌟拉麵比沾麵好！而且仲有荀絲🤤最中意食荀絲了（雖然份量不多），拉麵隻溏心蛋比較好喎，而且面嘅質地都唔差，但係整體來講就係一碗平平無奇嘅拉麵，可能係因為心入面拎咗佢同東京嗰間嚟比較🧐🧐不過拉麵嘅嘢真係每個人口味都唔一樣，如果大家有興趣柚子系列嘅湯底，都可以自己去試一試！❤️

拉麵係一種好濃郁、好重味道嘅食物。有時覺得味道好濃，口感好厚滑嘅拉麵湯底好吸引，但往往食完感覺味道有啲膩。早排想食拉麵，然後揀唔尖沙咀阿夫利，由於想治食拉麵癮，但又想清新啲，始終天氣有啲熱。於是揀咗柚子醬油湯底。今次湯底帶柚子的清香，將由味中帶點酸酸香香嘅柚子味，有醒胃嘅作用，真能「自我感覺良好」，一口氣吃了一整碗。

無意中給我發現了Afuri 有無麩質的蒟蒻麵，太驚喜了！立刻點了個豚骨鹽味湯底，味道濃郁，沒有味精，灸燒叉燒肥而不膩，實在太滿足了！再點了兩個季節限定小吃「羽根海老燒賣」和「野菜麻糬餅」配清酒，想不到這裏的清洒和cocktail 也很多選擇，和朋友聚腳又有新地方了。期待銅鑼灣Hysan的新店😊。