阿土伯鹽水雞 (長沙灣廣場)

長沙灣廣場3樓最平既餐廳, 買完自己拎, 地方算乾淨, 出餐都快台灣麵線餐 $55幾間分店都食過, 荔枝角分店雞肉最唔鞋, 不過都唔係嫩, 份量都正常唔多唔少不過鐘意其他配料多D, 冬筍同玉米筍同黑木耳幾爽口,同原味個汁幾夾百頁豆腐口感好過凍豆腐，不過都唔似平時打邊爐果種如果配冷麵會有D咸, 麵線餐好似岩岩好, 食完唔會太口渴…查看更多

一開頭俾佢門口個台式麵線餐吸引咗，話哂第一次食呢間餐廳，問吓阿姐有咩好推介，點知阿姐態度冷淡完全冇望過我 叫我自己睇menu，我心諗咩態度，心諗咁串以為好好食啦首先講吓個鹽酥雞，啲菜又硬啲雞又靭，個台灣麵線仲衰，完全唔係台灣麵線應有嘅味，味精湯嘅味+一pat漿糊咁，點食得落啊？ 真係請我都唔會再食。🤮🤮🤮🤢…查看更多

又到下午茶時間又唔想食咁飽去到長沙灣廣場行下行下，見到呢間賣鹽水雞有個套餐幾啱我食😀😀叫咗呢個台灣麵線，細細碗入面有貢丸，套餐會有4分1隻鹽水雞，另外再可以揀多三個餸，最正係多葱💚💚…查看更多

中午12:30嚟到，都幾多人排隊，等咗一陣先order到，啱啱新出台灣麵線套餐+1/4 隻雞再加兩個餸，再加碗麵線套餐。（仲有幾種鹽水雞口味俾你揀）一個人嘅份量啱啱好👍🏻鹽水雞我嗌咗中辣，都夠辣，雖然係雞胸肉，但都唔係柴肉唔錯，可以再叫👍🏻麵線就一般，好似用蝦子麵嘅一碗麵多過似台式麵線，可以唔使試😅…查看更多

剛剛同朋友去吃 買左兩個皇牌飯餐 個飯有臭味 d雞明明話唔要辣 食落辣到pk！唸住投訴 點知關左門！跟住回到家肚子痛！十分無良的商家！🤬🤬🤬🤬🤬🤬🤬🤬🤬🤬…查看更多

以前喺其他分店食開，今日來開呢邊，第一次喺呢間分店買，堂食位置都算多，不過好多枱食完嘢之後阿姐都冇執枱，買完攞返屋企食，路程20分鐘，而且因為本身買咗啲急凍食品擺咗落保溫袋，我買完之後成盒嘢都擺咗落保溫袋同啲急凍食品一齊放，所以應該唔會係返屋企途中令到雞肉有餿味，真係冇諗過雞肉有餿味，係好大浸餿味，買咗咁多次真係未試過，其他餸嘅味道係正常嘅，調味都係正常，只係雞肉唔新鮮囉！食到雞肉有餿味嘅時候已經全部掉咗，唔敢再食。阿姐態度一般般，佢哋好大聲咁傾偈好嘈，嘢飲正正常常唔算好特別，唔會再返去呢間幫襯㗎啦，有陰影！…查看更多

前排我係社交媒體網站搵好西 🩷咁我帶左響鈴黎左荔枝角食阿土伯鹽水雞🫶🏻聽講都好出名！我就揀左一人餐(1/4雞)，餸就揀左甜不辣、鳳爪根同花枝丸，醬就揀左阿土醬，走辣🤓麵就揀拉麵，感覺好味同飽肚啲，不過拉麵要加$7架🤣飲品就揀左茉香奶綠，少冰🫶🏻整體好大兜，啲餸大舊又足料，啲醬好好食，野飲又ok🥳超好味既鹽水雞，有機會會再回訪🤍阿土伯鹽水雞 (荔枝角)📍荔枝角長沙灣道833號長沙灣廣場3樓302號舖…查看更多

这店主要如其名食雞，但最貼心的是它的配菜。單人可叫餐跟麵或飯，配菜有成約30樣東西可選擇，其中有芭樂，青蘋果是健康之選。我就點了2個女仔都夠食的半隻雞餐，配3樣配菜再加拉麵及1飲品，總共$100。如果麵量加多一些會更好，始终當正餐係少了些。…查看更多

宵夜必備鹽水雞!打包左一個返屋企食!呢度嘅鹽水雞冇咁重味 食完個口唔會成浸味 一共有三隻口味可以揀 而且雞嘅份量都幾多 食落好滑 配料選擇都好多 叫咗木耳好爽口 杏鮑菇好多汁…查看更多

最近長沙灣廣場3樓開咗好多新嘅餐廳，我連續兩個星期都係食呢間鹽水雞，$55.1個餐，¼隻雞兩個配菜，古飯，食完好餓，加$13珍珠奶茶我覺得一個大男人都夠食，暫時喺香港食過最好味嘅鹽水雞，比較失色嘅，就係雞皮。台灣美食嘅時候，可以過嚟試吓…查看更多

今日lunch 想食得無咁heavy, 就諗起不如食鹽水雞呢間阿土伯ga 配菜都幾多選擇，有台灣名物水蓮菜，喺香港真系好少見到😍$47 有1/4隻雞 or 3隻雞翼，再加3款配菜👍🏻幾抵食， 雞肉都幾嫰滑！…查看更多

咁多間鹽水雞嚟講我最鍾意竟係阿土伯佢哋調嘅味係好啱我胃口必叫阿土醬小辣😍😍間唔中收工途經都會買一隻返去加送配料嚟講我必叫皮蛋 鳳梨 雞腳根 甜不辣 青蘋果 加啲生果落去口感清新啲感覺冇咁油膩罪惡感都減低啲…查看更多

每次唔太肚餓，想食少少野嘅時候，我都會去食阿土伯鹽水雞，因為真係好好味！之前鋪位喺D2 place，今年就搬咗黎長沙灣廣場我次次都係食一人餐加拉麵，通常都會揀甜不辣、芭樂、花枝丸，味道就阿土醬配微辣，因為我覺得呢個配搭係最惹味過癮。不過有一兩次食甜不辣，佢好似整得唔太熟，入面唔夠煙韌，但都可以勉強接受如果想飽啲，可以叫兩份拉麵，夠當正餐食，都食得飽，而野飲就可以跟餐半價，台式奶茶同鮮果茶只係$12蚊，好抵飲…查看更多

🤤 小編如果喺香港掛住台灣夜市嘅鹽水雞，就會諗起阿土伯，所以依日走去過口癮！［ 亂闖試飲試食 ］🍜 台灣麵線套餐 - 沙茶麵線 😋😋😋同喺台北嘅夜市麵線有啲唔同，大概係因為依款有沙茶味🤔，麵線好軟淋，一吸就滑入口。佢哋用咗類似扎肉嘅豬肉🐷做配料，食落有胡椒味。🍽 台灣麵線套餐 - 1/4雞 + 蓮藕 + 高麗菜 (原味、微辣) 😋😋😋😋😋自選鹽水雞，好鍾意有得揀蓮藕做配料，好爽身，加埋高麗菜同雞件🐥，雞件嫩滑多肉，原味加微辣，有唔少蔥蒜，仲帶鹽水鹹味令台灣夜市風味大大提升！🆙🧋 胚芽奶茶 (少冰、少甜) 😋😋😋😋加配一半價錢就有一大杯茶飲 👍🏻 胚芽量十足，奶茶奶味濃！午餐 💵💵 約港幣$70/人💁🏻‍♀️ 依間喺香港都有幾間分店，可以慰藉一下大家想念台灣夜市嘅心靈，特別係鍾意食鹽水雞嘅朋友，就千祈唔好錯過啦！🙆🏻‍♀️ 最後，喜歡嘅話，歡迎follow @foodirectory.hk …查看更多

長沙灣分店，枱唔多，得3張，星期五3點時間，唔需要等位。點了一份台灣麵線餐（$55），可以有麵線同1/4 雞 + 2 款配菜，配菜選了秋葵和芭樂，醬汁：阿土伯醬 微辣 要蔥另一份是 1人餐（$47）1/4 份雞 + 3個配菜：青蘋果 凍豆腐 雞脾菇，醬汁：阿土伯醬 微辣 要蔥可以半價加配飲品，加了 芭樂果茶（$12）和鳳梨果茶（$12）鹽水雞有雞脾肉同雞胸肉，雞胸肉唔鞋口，雞肉肉質結實 彈牙，唔會撕到好碎，件件都大件，加上蔥粒一齊食，增加清新口感。雞脾菇切成片狀，好爽口，份量好多，食極都有嘅感覺秋葵 青蘋果 好新鮮 爽身，青蘋果大粒凍豆腐 芭樂 就一般，無乜特別而阿土伯醬汁均勻 恰到好處，唔會過份濃郁而掩蓋雞味，微辣都無乜辣味，下次可以試下少辣。一個餐嘅份量啱啱好，以下午茶黎講，一個女仔食都夠飽～麵線有好香嘅胡椒味，唔會太鹹，入面有切片嘅花枝丸 木耳絲 同 竹筍條，好有台灣風味。芭樂果茶 鳳梨果茶，唔係鮮果嗰種水果茶，茶味唔濃，普普通通。…查看更多