阿來餃子

營業中

休息中

屋企人幫手買外賣，好聲好氣問清楚員工啲餃子點賣（因為餐牌紙寫得唔清晰，佢寫八隻淨餃同埋六隻湯餃連麵我睇落就覺得淨餃係就咁買未煮好嘅餃返屋企，因為餃子店係會有呢啲生餃賣我就諗如果要食湯餃嘅話就要買六隻連麵）佢答完我屋企人就即刻入咗廚房煮，都未搞得清楚之後原來八隻淨餃係湯餃或者煎餃嚟我唔想食麵所以叫屋企人嗌返八隻湯餃佢就即刻勁唔耐煩咁同廚房講整多兩隻仲叫我屋企人你返番出面等啦咁樣態度嘅員工，俾錢買難受？以後唔會幫襯！

是日去紅磡做野，路過呢度食個early lunch先叫左十隻煎餃🥟，白菜豬肉🥟同粟米豬肉🥟，加$20有小食同嘢飲餃子size ok，唔算好大，煎得幾好，好脆好脆，但係唔會太燶，餡料味道唔算好突出小食我要咗涼拌海蜇，味道唔錯，不過如果酸少少🤏🏻就好喇不過我唔鍾意小食用外賣盒，明明堂食都要用外賣盒🙁水係自助，自己斟，不過又係紙杯😕埋單$66 ，10隻煎餃，小食加汽水，以呢個價錢嚟講，質素算正常。不過餐盤睇落有少許污糟。

隆基大廈呢到有勁多小店一到lunch 真係好多打工仔出嚟搵嘢食求其去左間比較有位坐既店試下佢有淨餃同配麵食我揀左淨餃8隻湯餃 粟米豬肉餃 $42價錢尚可接受 加埋麵就$50 不過唔包野飲佢寫明係手工包制 新鮮豬肉Size不算太大 中等啦咬落肉香味不太突出自家雞湯底 亦不是太濃 唔講都唔會知係雞湯食完感覺岩岩好 唔係太飽 但又未致於餓感覺一般般 下次都未勿再去 因為附近太多選擇

小店約有8張枱，餃子有6款：韭菜豬肉餃/ 白菜豬肉餃/ 椰菜木耳豬肉餃/ 粟米豬肉餃/ 芫茜豬肉餃/ 西洋菜豬肉餃(是日精選)是日精選通常要睇買手當日去街市邊款食材新鮮就會當日做，有時會係豆苗，紫菜等。。。西洋菜豬肉餃(湯) $46皮薄餡料飽滿，肉質鮮嫩，調味適中唔會太咸，蔬菜比例重，更食到西洋菜清爽鮮甜，另配自家製雞湯，濃而順喉芫茜豬肉餃(煎) $46即叫即煎，煎得金黃香脆，芫荽新鮮，肉汁鮮甜，再配上辣椒醬加醋，又是另一種風味

外賣點了10隻雙拼湯餃($42)，5隻韭菜餃，5隻木耳椰菜餃，外賣加$1。落左order先見到有off menu嘅是日推介香菇蓮藕豬肉餃，唯有下次先試。餃子皮薄，餡料足，大小適中。個人覺得韭菜餃味道較濃好食D；至於木耳椰菜餃就較有口感。雞湯湯底冇乜特別，略淡，但飲完唔口渴。外賣都有三盒醬：醋就最match餃子；豆瓣醬太杰唔係我杯茶；菜甫爽脆略嫌唔夠辣。紅磡區內餃子店唔多，呢間都可以一試。遲D打算翻兜試埋煎餃，同其他口味餃子。