阿來泰式地道風味

營業中

休息中

這家泰國菜在旺角一直人氣高企，門口經常要排隊等位，因為其價錢大眾化，味道又好，在這邊逛街的話都會去光顧。開胃前菜，一定選泰式無骨酸辣鳳爪沙律$78，小酸小辣程度，大部分人都能吃，鳳爪爽口，要多醮酸辣汁，和沙律一起吃，這樣味道才正宗，吃得非常開胃。泰王咖哩火山軟殼蟹法包$158，是這裏的招牌菜之一。咖哩不辣是香甜味的，軟殼蟹炸過香脆，拌著咖哩和法包一起吃，越吃越香，不知不覺就吃完了。法包浸在咖哩會變軟，所以要快點吃。這個價錢，吃到這麼美味大份的軟殼蟹法包，很值得一試。泰式suki海鮮炒粉絲$69，很超值的一道菜，海鮮和蔬菜等配料比粉絲還要多，夠份量！最愛有八爪魚仔和大蝦，其他配料還有蜆肉、魷魚、雜菜等，味道是微微酸辣的，朋友吃得很滋味，就是有酸辣味才開胃！椰青$38，吃完辣的，來個椰青解辣最適合。滿滿的椰青水，清甜滋潤，還有椰肉，喜歡的可以挖出來吃。二人埋單加一服務費$377，吃了美味又豐富的一頓泰國菜，性價比很高，所以一直這麼有人氣呢！

成日經過旺角呢間泰菜都排緊隊，好耐冇嚟食啦，今次就寫一寫食後感啦🤣泰式木瓜絲沙律🥗$78清爽開胃！木瓜同青瓜絲脆口，配上酸辣汁超惹味，混着花生碎和蝦，微辣帶甜，好友泰國街頭小攤嘅感覺🤣🐷🐔串燒沙嗲半打（豬肉，雞肉各半）$88豬肉少少柴柴地，雞肉juicy，炭烤味香，配濃郁花生沙嗲醬，超級邪惡滿足，好快清盤😆黃咖喱(牛)🐮$80黃咖喱濃郁香滑，牛肉燉得軟腍～入邊有洋蔥蕃茄薯仔粒～椰奶香氣撲鼻，辣度啱啱好，啱我呢啲冇咁食得辣嘅人，一定要另外加薄餅！薄餅（4件）$39薄餅皮脆內軟，熱辣辣，配上咖喱，食完一塊又一塊😋泰式炒金邊粉$70金邊粉炒得彈牙，蛋香撲鼻，配上蝦和芽菜，醬汁酸辣平衡，酸酸甜甜辣辣，炒得夠鑊氣，而且特別鍾意好多花生碎😋青檸梳打🍋‍🟩$25好清新，冰涼解渴，夏天飲一杯，chill椰青$38椰青清甜，可以解一解食完辣嘢既膩🤪果然屹立到咁多年都有原因嘅，店舖唔算大，所以可能要稍為等一等位，但係嘢食算係正宗得來有鑊氣而且價錢又平🥹而家香港地，呢個價錢可以有呢個質素值得一個讚👍🏻

📍 位置便利餐廳就在先達廣場正對面，地鐵站步行3分鐘即達，招牌顯眼容易找到。泰式裝潢有氣氛，上菜快，服務周到！6時半到達已坐滿食客。平日來都要預先book位穩陣！🥘 四人套餐冬陰功湯 - 酸辣開胃，椰奶香濃，湯裡有5隻大頭蝦，蝦肉新鮮彈牙，香茅和檸檬葉的香氣很突出。泰式炸蝦餅 - 外皮金黃酥脆，內裡蝦肉扎實，能吃到明顯的蝦粒口感，蘸甜辣醬更美味。明爐烏頭魚 - 魚肉細嫩，酸辣湯底越煮越濃，配上香蔥和芹菜提鮮，魚皮膠質豐富。鐵板蠔仔蛋 - 邊緣焦香，蠔仔飽滿爆漿，蛋香混合魚露的鹹鮮，厚度十足像蛋糕一樣。飛天通菜 - 蝦醬炒得夠鑊氣，通菜爽脆入味，微辣非常下飯。追加: 泰皇咖喱炒大蝦 - 大蝦絕對是當晚亮點！每隻蝦都比手掌還大，開背處理得乾淨俐落，蝦殼炸得酥脆卻不油膩。咬下去的瞬間，蝦肉緊實彈牙，鮮甜多汁，完全沒有冰鮮蝦的粉感。微辣帶甜搭配的薄餅有韌性，蘸咖喱一流；蒜蓉包烤得金黃酥脆，蒜香濃郁。

💕阿來泰式地道風味💕今日同老公出旺角行街諗諗吓想食泰國菜上網搵到呢間推介咁當然試吓啦入去已經坐滿咗好多人睇餐牌價錢仲好抵食叫咗四款野食 碟碟都好有份量食得好滿足 二人飽住走 埋單先$378 今時今日已經好平星期二食飯時段都坐爆9成位相當熱鬧 高質店鋪😍#########################💙泰式無骨鳳爪💙$78酸甜辣開胃好惹味仲要超多隻 起碼單邊都有10幾20隻 鳳爪爽口好食夠凍仲好夠味道 推薦😋💙馬拉盞炒椰菜苗💙$68份量足夠 馬拉盞超夠味椰菜苗完全爽口完全清哂😂💙泰式乾炒牛肉河粉💙$69系泰國已經好鐘意食依種闊身河粉香港好難遇到 依到竟然有口感彈牙QQ感好鐘意食配上鮮牛肉 重味 炒得乾身好食 滿足😌💙泰式脆蝦薄餅💙$78蝦餅就食得多 依種未試過出奇地好食 薄脆雲吞皮有一層彈牙蝦肉 好好配搭香脆可口 仲不10件甘多必食推薦👍另外仲叫咗兩杯特飲每款$25咸檸七 椰汁三色冰******************************整體野食都超級滿意好美 份量每碟都好大碟味道都十分好食 會再回頭💪🏻

呢間餐廳環境乾淨企理，有上下兩層，位置好坐，入面一入到去就聽到泰國地道歌曲，我地叫左一份豬頸肉，豬頸肉份量好大碟，食物即叫即整，豬頸肉香口，彈牙煙韌。青咖哩雞肉飯，飯量可以選擇多或者少，青咖哩唔係好辣，少少甜，咖哩混入飯度食好開胃。凍奶茶飲落唔會太sweet。凍菜蜜健康好飲。海南雞飯，油飯岩岩好唔會好肥，雞肉嫩滑，沾上特制醬汁食好岩味。價錢好平抵食。阿來泰式地道風味旺角：地址: 旺角通菜街97號地舖

行經旺角，見到間泰國餐廳都幾多人食，就同老公試吓，間餐廳叫阿來泰國餐廳。入面環境乾淨企理，牆上貼左唔少餐廳食物既相，諗唔到食咩都可以參考吓。我哋叫咗一個二人餐，都幾多嘢食。冬陰功湯冬陰功湯好足料，入面有幾隻大蝦，充滿鮮味。泰式炸蝦餅佢嘅泰式蝦餅好大塊，新鮮炸起，好脆好彈牙。青咖喱雞好大兜青咖喱雞，青咖喱味道幾好，用嚟撈飯好好味。炒通菜通菜炒得好青綠，有少少紅椒去炒好香，少少辣好惹味。套餐仲包白飯同飲品，好足夠兩人嘅份量，好抵食。

估唔到呢間泰菜咁旺場！一推門已經坐滿人，好彩樓上別有洞天～裝修簡單但充滿泰國大排檔風情，仲聞到陣陣香茅同咖喱香，即刻餓晒！ ✨**馬拉盞炒通菜** 鑊氣十足！通菜炒得翠綠爽脆，馬拉盞鹹香帶微辣（老細話今日喉嚨痛，唔敢叫辣，結果都偷偷食咗半碟😂）。份量仲要多過其他店，抵讚！ 🍱**小食拼盤** 選擇困難症必點！一次過試齊**魚餅（彈牙！）、蝦餅（爆蝦肉！）、炸雞翼（皮脆肉爆汁！）**，仲有脆到「索索聲」嘅春卷～熱辣辣上枱，每款兩件啱啱好share！ 🍢**沙嗲串燒（豬雞牛）** 泰菜靈魂！大大串、炭火香、超誘人～豬肉最驚艷，嫩滑仲有椰奶香！沙嗲醬花生味濃，忍唔住舔竹籤🤤 🥗**MVP大蝦柚子沙律** 今日冠軍！蝦爽甜又彈牙，柚子肉爆汁又清甜，仲有炸椰絲同咸蝦醬提味～酸辣汁醒胃到未食完就想encore！ 🍹**飲品** - 泰式奶茶：阿姐落單時再三確認「真係要甜啲？」🤭😜果然係茶濃奶滑，飲完成個人泰晒～ - 椰汁三色冰：紅綠白……三色非常打卡able**！椰香唔假甜，三色絲細細條好彈牙，口感玩足全場！ 💬見到隔離枱個**火山排骨**誇張到要雙手捧住食，下次一定要試！

行開旺角，見呢到抵食又大份，所以快快入座。叫咗個小食，泰式炸蝦餅，外層酥脆，內裏蝦肉彈牙，搭配特調的甜辣醬，酸甜辣三重滋味層層遞進。好鍾意主菜個泰式乾炒牛河，牛切成薄片配芥蘭，鑊氣十足，河粉柔韌彈牙，羅勒葉的香氣穿透油潤感。豬頸肉炒芥蘭，經泰式香料醃制後煎至焦香，油脂在高溫下逼出琥珀色光澤。搭配脆嫩的芥蘭段快炒，魚露與蠔油調和的醬汁裹住食材，芥蘭的清苦與豬肉的豐腴形成絕妙平衡。點少得甜品芒果糯米飯，當季芒果好甜，蒸熟的泰國香糯米飯拌入椰漿，撒上烤香的綠豆碎，甜而不膩，充滿熱帶風情。非常之解渴嘅椰青，清甜，用勺刮取內壁半透明的椰肉，如啫喱般滑嫩，嚼起來帶著植物纖維的微脆，椰香在齒間縈繞不散。

🌟🍴 【 旺角• 阿來泰式地道風味】 🍴🌟 📍 阿來泰式地道風味 (旺角)旺角通菜街97號地舖🍖🥟🍟🥚🍰🍲🍇 • 🥪🍓🍤🍪🍜🍡🍹 🍗 海南雞：雞肉嫩滑，皮爽口，配上蒜蓉辣醬和黃薑飯，香氣撲鼻，味道超正！⭐⭐⭐⭐🦪 泰皇咖喱炒蜆：蜆肉鮮甜，咖喱醬濃郁微辣，椰香四溢，超開胃！份量足，適合share。🌶️⭐⭐⭐⭐🥬 炒飛天通菜：通菜爽脆，蒜香爆棚，簡單卻惹味，健康又好吃！🥗⭐⭐⭐⭐🍚 油飯：飯粒油亮，香氣十足，配海南雞絕搭！不過略油，建議淺嚐。⭐⭐⭐🥤 泰式奶茶：濃郁奶香，甜度適中，冰涼解渴，泰式風味滿分！🧊⭐⭐⭐⭐🍈 凍柚子蜜：清新酸甜，柚子香氣爆棚，完美ending！🍋⭐⭐⭐⭐ 🍙🥤 餐廳評分🥤🍙 🔥 餐廳環境：🔥🔥🔥🔥🔥 ⛄ 服務質素：⛄⛄⛄⛄⛄ 🍾 食物味道：🍾🍾🍾🍾🍾 🎟️ 性價比：🎟️🎟️🎟️🎟️🎟️ 💰 消費：HKD 380✨🥢🍣🍕🍜🍴🍰✨ #旺角美食 #web3旺角 #阿來泰式地道風味

呢間地道泰國菜餐廳，真係唔可以錯過🙌我之前都食過幾次👍佢哋嘅午市套餐極抵食，免加一，50幾蚊就可以食到飽，套餐入面有多款選擇，性價比超高😽豬手飯豬手肉質軟嫩，搭配上香濃嘅醬汁，非常入味👍另外餐廳仲配搭咗一個清新嘅酸汁，淋上豬手上面，食落減少咗豬手嘅油膩感，超好味😽青咖喱雞飯亦係一個必試嘅選擇，青咖喱嘅香氣撲鼻而來，雞肉煮得剛好，配上白飯，味道絕對一流🙌煎魚餅外脆內嫩，魚肉鮮甜，搭配上特製醬汁，口感非常好，不過份量就比較少，但兩個人食都啱啱好😸蒜蓉雞翼係餐廳非常一個受歡迎嘅小食，蒜香味十足，雞翼肉質鮮嫩惹味，令人食到停唔到落🤤蒜蓉炒通菜通菜鮮嫩脆口，充滿鑊氣，加上蒜香味令整道菜更加提味，好開胃🤤白雲鳳爪沙律鳳爪軟滑爽口搭配上清爽唱啦沙律醬汁，味道清新開胃🤤椰青跟餐加$22，清涼解渴，完美結束一餐🤭🤭我哋仲加咗$16有兩件椰汁西米糕，超推薦！食午市記得加👍📍 阿來泰式地道風味 (旺角)旺角通菜街97號地舖

今次嚟到旺角嘅阿來泰式地道風味，真係感受到正宗泰國菜嘅魅力！阿來海南雞飯可以加$10轉雞髀，雞髀大大件，肉質特別嫩滑，皮薄脂香，雞肉鮮甜多汁。海南雞飯嘅雞汁酸辣開胃，辣度啱啱好，配埋香噴噴嘅泰式黃飯，每啖都食得出誠意，食完真係回味無窮。泰式無骨酸辣鳳爪沙律係必點，鳳爪新鮮爽口，無骨食得方便，啖啖彈牙。沙律仲有大量生菜、辣椒、洋蔥、蔥同蘿蔔，配合酸酸辣辣嘅醬汁，每一口都有層次感，特別醒胃，辣味夠晒勁，啱晒香港人口味。小食拼盤選擇豐富，有素春卷，入面包住粉絲、蘿蔔、芋頭同蔬菜，外皮炸到金黃香脆，內餡清新唔膩。炸蝦餅用足料蝦滑，外脆內彈牙，蝦味突出。雞翼炸得香口，肉質嫩滑，唔會太油膩。炸魚餅最特別，帶有濃郁冬陰功香味，一咬爆香，辣味同香料味完美平衡，食落好過癮。飲品方面，凍檸水少甜少冰，味道清新解渴，唔會搶去主菜風頭。椰青新鮮即開，椰汁香甜，椰肉軟腍易咬，飲完仲可以食埋椰肉，感覺超滿足。整體嚟講，阿來泰式地道風味價錢親民，份量足夠，全部菜式都見得到誠意，環境舒服，職員服務有禮，係旺角區想食泰國菜嘅一個好選擇。推介比鍾意泰菜、又想搵抵食好味之選嘅你！

*冬陰功湯湯色橙紅透亮，香茅與南薑的清香, 鮮蝦彈牙，草菇吸了湯汁的精華, 濃郁的酸香與辛辣口感, 又不會滿口辣椒碎, 一讚*泰式炸蝦餅外皮酥脆與內餡蝦肉的飽滿彈牙、鮮甜，搭配酸甜醬汁, 正。*泰式明爐烏頭魚烏頭好大條. 魚肉的鮮嫩、湯底的酸辣與香草清新，味覺豐富, 必點*泰式鐵板蠔仔蛋上桌時的滋滋聲、鑊氣、蛋餅的嫩滑焦香、蠔仔的鮮美飽滿加點魚露醬汁, 鮮味更出, 碟底嘅芽菜係精髓*炒通菜一定係大火快炒的通菜, 才保持著翠綠的色澤與爽脆的口感,微辣, 有泰式嘅味道*咖喱炒大蝦大大隻的蝦裹滿了濃稠的咖喱醬汁。這椰奶的香甜平衡了咖喱的辛香與複雜香料味，辣度溫和卻層次豐富。蝦肉質緊實彈牙，鮮甜飽滿，每一隻都裹著厚厚的醬汁，入口是濃郁的椰香咖喱與海鮮甜美。用蒜蓉包同薄餅蘸取盤底香濃的咖喱醬汁，是絕不能錯過的精華，每一口都是滿足感。

是日與朋友去旺角阿來泰式地道風味吃晚餐。我們點了泰式炒金邊粉，泰式香辣魚伴青芒沙律，蒜蓉包，串燒沙嗲，泰式炸蝦餅，泰式肉碎生菜包，西米糕，泰象啤，泰式奶茶，椰青。泰式炒金邊粉-金邊粉炒得乾身，而酸甜味道更加令人吃過不停。泰式香辣魚伴青芒沙律-青芒沙律有著酸辣味道刺激了我的味覺。而魚加上醬汁更加惹口。蒜蓉包-香脆包配起燒香了蒜蓉更加好味道。串燒沙嗲-燒到肉夠晒香，肉質都好而醬汁令肉更加吸引。泰式炸蝦餅-蝦餅口感同味道俱佳，再炸到蝦餅中冇多餘油份令口感有所提昇。泰式肉碎生菜包-用新鮮蔬菜包著肉碎吃唔會有一份油膩感。西米糕-面層椰汁咪香，底層西米同芋頭粒有口感又夠香口。泰象啤-吃泰國菜必飲之一泰象啤。味道夠清，唔會太濃味。泰式奶茶-茶底香，奶味濃，拉出來夠晒滑口。椰青-清甜甜地椰水，又夠清涼。連椰肉也刮埋出來吃。

今晚到旺角阿來泰式地道風味食晚飯。今晚點左泰式炸蝦餅，泰式炒金邊粉，泰式肉醉生菜包，串燒沙嗲（豬肉，雞肉）,泰式香辣魚伴青芒沙律，蒜茸包，西米糕，椰青，泰式奶茶，泰象啤。泰式炸蝦餅：炸到金黃脆口，蝦肉肉質爽口彈牙。泰式炒金邊粉：甜甜酸酸令人非常開胃，仲有幾隻大大隻蝦。花生粒同西檸汁令口感更加有口感。泰式肉醉生菜包：新鮮生菜包住洋蔥香料炒香了的豬肉碎。串燒沙嗲（豬肉，雞肉）：串燒鎖得住肉汁又燒得夠香口。配上香濃花生味沙嗲醬更加可口。泰式香辣魚伴青芒沙律：魚肉鮮嫩，配上香辣青芒沙律令人開胃食到停唔到口。蒜茸包：蒜蓉包烤得香脆。西米糕：西米糕入面有粒粒芋頭，口感好好。椰青：成個椰青上枱，非常清甜。刮椰肉出來吃更加有口感 泰式奶茶：甜度剛剛好。泰象啤：泰象啤清爽，隻杯雪凍更加涼入心中。

🌟喺旺角咁多選擇之中，想搵間地道泰國菜真係唔容易。呢次係朋友介紹下嚟咗「阿來泰式地道風味」，位置方便，入面裝潢簡約企理，最重要係菜式誠意十足又抵食，真係有驚喜✨🦐金柚子鮮蝦沙律 $78第一啖已經充滿開胃感，柚子清甜多汁，蝦新鮮爽口，酸辣味道平衡得好好，加上炸紅蔥頭、花生、辣椒等配料，層次分明又唔膩，好啱香港人口味💯🍤青咖喱海鮮 $88青咖喱香料味突出但唔嗆鼻，又有椰香，微辣程度啱啱好，配飯一流！入面仲有大量海鮮料，例如大蝦、蜆肉、魷魚，份量唔馬虎，個汁濃郁得黎唔會死咸，幾驚喜🧄🌿🍝泰式炒金邊粉 $70炒粉香氣四溢，調味掌握得恰到好處，酸、甜、鹹、辣比例好平均。粉條唔會過淋，有口感，每啖都有蝦香加花生碎，好有泰國街邊檔嗰種味道🥜🍋🥥椰青 $38冰凍清甜，飲完仲可以慢慢挖啲椰子肉嚟食，食完啲辣嘢再飲返啖真係透心涼😌🥭芒果糯米飯 $68芒果夠熟又甜又多汁，糯米飯仲熱辣辣上枱，煙韌香口，配埋微鹹嘅椰汁一齊食，完全係完美甜品收尾🍚💛呢間「阿來」真係有驚喜，價錢合理，份量足味道正，幾道菜都好出色。以旺角區嚟講算係性價比高之選，想食泰國菜又唔想踩雷，呢度可以列入口袋名單🇹🇭💥