影片
以上資料只供參考, 請與餐廳確認詳情
聽聞係大埔名物所以前往一試，一入到去已經滿枱蚊滋，被安排往另一邊坐低，但一路食啲蚊一路喺啲食物上邊飛！極度唔衛生及近排亦有蚊病毒，員工應該喺開舖之前用蚊拍處理！再加上冷氣不足，極為侷促，令人更加食得唔舒服！離開時亦都俾好多隻蚊咬咗！味道方面，建議有味精敏感嘅人千祈唔好去試！因為佢極高味精，全家人都極口渴！見識過，絕對唔會回頭嘅大排擋
繼續閱讀
今日同屋企人嚟阿三預祝父親節 嚟到全場滿座，心諗有冇咁誇張呀！點知入到去，食第一道菜，嘩左一聲！啲到啲小炒夠晒鑊氣，又夠大份超級好食！今日一家人叫咗五個菜，完全大份到食唔晒要打包😂
繼續閱讀
同朋友仔食飯，諗住食大排檔就上open rice 搵下，見到呢間*阿三大排檔*好多好評，就一於試下小炒王味道👅夠，好夠鑊氣份量多。魚仔好乾身香脆、仲有最傳統的芋頭絲魷魚好彈牙，仲有腰果蝦干👍回味無窮值得一試蜜糖柚子一字脆骨有驚喜炸粉薄身酸甜味道適中，肉質嫩口、脂肪比例平均一咬入口滲著濃濃的蜜糖柚子味，感覺唔會好熱氣。總結：環境大，乾淨整齊，坐得舒服。職員有禮貌，好好人又唔會趕人價錢合理份量大，勝價比高鑊氣夠，一定會繼續支持。
繼續閱讀
同朋友聚會，佢就介紹左呢間大排檔，有冷氣而且環境幾衛生。懷舊蠔餅蠔餅份量多，蠔餅炸得金黃香脆，不油膩，炸漿厚度適中，口感鬆化香脆，蠔肉飽滿鮮甜。小炒王有韭菜花、魷魚、鮮蝦、蝦乾、大頭菜、沙葛及魚乾等。韭菜花鮮嫩爽甜，魷魚同蝦鮮爽可口，蝦乾香甜鮮味且有嚼勁，整體味道出色口感豐富。脆皮咕嚕豬頸肉呢個咕嚕肉係用豬頸肉嚟做，肉質更加嫩滑、肥而不膩，炸到外脆內軟，配上香濃咕嚕汁，酸甜層次豐富，加埋青紅椒同菠蘿，超級開胃！椒鹽鮮魷魷魚新鮮，一樣炸得唔好厚粉，炸到酥脆，鮮魷肉爽滑彈牙，椒鹽好惹味！乳鴿皮脆香可口，咬落去嫩滑多汁，非常美味！
繼續閱讀
去到大埔 隨便揀一間， 阿三大排檔， 我叫咗一個南瓜雞煲， 蒜蓉炒白菜仔， 同埋一個小炒王， 兩個都炒得好有鑊氣， 小炒王配料多，有韭菜花， 腰果， 蝦米， 蝦乾， 青椒，黃椒， 見佢咁好味，即時叫啤酒， 小炒王配醇滑嘉士伯， 真係冇得輸， 跟住個南瓜雞煲， 出面都比較少有，南瓜煲溶咗， 好似鹹蛋黃咁鋪咗喺面頭， 再加埋爽滑嘅雞件一齊食， 正呀， 而且個汁仲好好餸飯， 之後再食一個蒜蓉即炒白菜仔，白菜仔揀啲最細條畀你夠嫩， 配埋蒜蓉 一齊食增加香氣咁難得去到大埔， 又食到咁好嘅嘢 我一定會畀五星星佢
繼續閱讀