開心車仔麵 (已結業)

今日趕時間，又嚟呢度食車仔麵，今次要咗豬手牛筋配油麪！油麪好多，煮得啱啱好彈牙，不過今次啲餸就差好多嘞，唔知係唔係貴啲嘅餸都係咁嘅呢？牛筋得三四嚿，每嚿一吋左右，味道唔錯，炆得好稔好入味，又爽又滑又彈牙；豬手差少少，成碗得三嚿，炆得唔夠稔之餘，皮仲有啲硬，而且骨多過肉冇乜嘢食，有啲失望，惟獨係湯底夠味，啲麪又真係幾好食又夠多先至覺得冇咁差！下次都係叫番啲大路啲嘅餸算嘞！

車仔麪除咗上次喺葵芳邨入面食過之後，都好耐冇食嘞，食飯時間過晒，又唔係太肚餓，就去試吓呢間第一次去嘅車仔麪店。呢間店平時好多學生幫襯，所以飯市時間入面人頭湧湧，想入去到幾難！店入面最觸目嘅就係一個好大嘅開放式廚房，枱櫈都係好簡單嘅方枱，冇卡位，行人通道旁有位都放埋枱，力求用盡所有地方。睇吓個餐牌，餸有分四蚊，五蚊，飯麪粉類就全部五蚊，即係任你配搭，而且款式多到記唔晒，咁又幾好喎，我就保守啲，試咗我成日食嘅： 豬大腸牛腩粗麪加辣：碗麪雖然只係十五蚊，不過都幾大碗！湯底鹹咗啲喎，撥走啲加辣用嘅咖哩汁就冇咁鹹，下次都係唔好落或者淨加腩汁！粗麪唔錯幾彈牙，份量亦好夠，牛腩有肥有瘦有肉味，最正係豬大腸，好乾淨之餘亦入晒鹵水味夠晒惹味！食完碗麪好飽夠晒滿足！ 一罐可樂：加五蚊就有！竟然係室溫嘅， 雖然天氣凍不過都係覺得好難飲，下次都係加七蚊飲茶啡！侍應招呼都尚可以，可能做慣學生啦，笑容夠又鐘意講笑，下次會再嚟！

身處葵芳想吃得便宜點,高芳街這邊的確很多選擇, 今次選了良久沒吃的車仔麵,皆因其店名為"開心車仔麵",我也希望可以沾染一下它的開心。在點菜紙上圈了好幾樣喜歡的車仔餸,再放肆地加罐汽水,原來那價錢比吃飯還貴 米粉普通質素,未至於軟至夾不起,還好啦!湯底有點清淡,幸好加了一點腩汁,味道才濃郁起來。豬腸切得大片但薄,吃起來沒有什麼感覺似的,而且味道同是清淡,個人還是喜歡煮得較濃味的豬腸;雞翼兩隻不算很肥美,可能因鹵水味道偏淡關係,雞翼同是沒甚味道.....蘿蔔沒有人工甜味,雖不會覺得非吃不可,但總覺得天然味道會較加工味道較理想,蘿蔔也沒渣,增加纖維之選;冬菇反是最惹味的車仔餸,幾隻小冬菇質感一般和菇味淡薄,由於菇身偏薄所以入味非常,為整碗味道偏淡的車仔麵加添可吃指數。由於小店位處學校區,超多學生來吃午飯,老闆娘對學生們的態度好的無話可說,作為普通食客的月巴人也感到其很愛護學生們,態度可嘉!! 到月巴人結帳時順道問問要是大人吃學生飯取價多少?原來只是多$2! 喜搞爛gag的月巴人說笑的說"我都係細路仔姐!" 想不到可愛的老闆娘也回應我一句"傻豬!!我都一樣好細姐" 老闆娘用上對學生們的語氣跟