開心小敘

元朗一向都有唔少高質又平民嘅餐廳，喺雞地呢區尤其多選擇。但偏偏有間茶餐廳成日大排長龍，門口望Menu都唔覺得有咩特別，食物種類甚至比一般茶記仲少，當時都唔明點解咁受歡迎。直到有一日路過，見唔使排隊，心思思想試下。見佢招牌主打係豬排，就叫咗個豬排米線試試。一食之下真係有驚喜！豬排非常Juicy，肉質啱啱好，唔會韌，但又唔會過腍，外皮微微煎香，咬落去好香口。加埋杯飲品，埋單都係 $50 內，真係抵食。終於明白點解成日咁多人排隊，重點係性價比極高。…查看更多

今日放假同屋企人行咗落元朗雞地唔知食咩嘅時候見到有間好多人排隊嘅餐廳咁就入去試吓見到佢原來有面有飯食 我就諗咗好耐到底食咩好因為佢有豬扒同牛扒都好吸引 我最後叫咗個豬扒雙蛋飯一嚟到去個雙蛋係燶邊蛋好正！啲蛋黃仲要係流心 你可以揀唔同汁我就揀咗豉油汁佢豉油會放喺枱面俾你自己任家 之後我仲加咗杯華田雪山跟餐淨係加$8都幾抵 杯華田雪山喺出邊比較少機會有得飲呢度竟然可以試到！ 我仲見到出邊可以同寵物一齊食，下次要帶返自己隻狗嚟先！…查看更多

放假瞓醒覺，專登走咗去元朗食心心念念嘅豬扒飯。一嚟到餐廳，已經聞到陣陣香氣，令人食指大動。豬扒煎得金黃香脆，外皮微微焦香，咬落去卻出奇地腍滑，肉汁豐富，完全唔會乾柴。最正係佢哋嘅半熟荷包蛋，蛋黃流心，撈埋飯一齊食，簡直係絕配！再加埋佢哋特製嘅豉油，味道濃郁得嚟唔會太鹹，將成碟飯嘅味道提升到另一個層次。整體嚟講，呢碟豬扒飯真係冇得輸，豬扒嘅火候掌握得恰到好處，荷包蛋同豉油嘅搭配更加係畫龍點睛。雖然價錢唔算平，但絕對物有所值。如果你係豬扒飯嘅粉絲，呢間絕對值得一試！…查看更多

嚟到客滿個個都係食豬扒煎蛋飯，飲凍檸茶或者奶茶。我今次就試咗雞扒豬扒煎蛋飯！估唔到地飯底好食豉油都好正！加埋佢塊煎豬扒真係超好食，反而雞扒有啲失色，只有一陣香料味。試埋佢個茶走真係冇得輸。不過我呢度咁樣加埋嘢飲都差唔多$80，作為午市有啲貴…查看更多

好耐冇食過成記，因為成記退步咗好多，呢排最多食嘅豬扒就係開心豬扒，每一次嚟到呢間舖都勁多人我每一次都叫過豬扒蛋飯，今日又嚟到開心小聚又係食必食嘅開心豬扒蛋飯，呢間嘢豬扒算係元朗頭三，佢嘅豉油呢係特別甜嘅襯埋啲蛋黃撈飯味道一流，咁環境就好似普通茶餐廳咁啦，員工嘅服務態度都正正常常啦，豬扒扒講真係比成記薄嘅，但係都係好好食，成記嗰啲比較多鬆肉粉，有興趣嘅朋友可以帶三拼，豬扒餐肉蛋飯都係好好食嘅，呢個係我嘅推介…查看更多