開平館 (已結業)

呢兩年都幾鍾意食皺皮腸粉，貪佢皮薄又夠滑，突顯餡料豐富。上星期來發現了呢間餐廳，今日見未夠鐘食飯又有d餓，就試試佢嘅皺皮腸粉！舖面細細，都係買外賣揾個位坐低慢慢食（唔記得左外賣要加$1添）碎牛腸粉 $23+1 (外賣)一開見得兩條細細的腸粉，第一感覺係有少少失望既，好在「睇落」餡料都算豐富。唔知關唔關外賣事，秘製醬油係另上，所以腸粉冇左嗰浸油包住，食起上嚟會冇咁滑口。但好得意喎，我食過五六間皺皮腸粉，唯獨是呢間d腸粉皮咬起來幾有嚼頭！😯 至於餡料呢，食起來其實冇睇落咁多🤔可能佢真係鋪得好薄啦😅。落order時留意唔到原來可以雙拼，我比較喜歡加雞蛋，增加香味。😋或者下次試吓先。…查看更多

首先，店舖一間平民街坊小店，不要苛求有美侖美奐的內部裝修吧食物店舖主打即拉腸粉，故筆者點了蛋叉燒腸粉、碎牛肉腸粉、粟米南瓜粥店的即拉腸粉摺位很足，使腸粉食落有口感，牛肉也夠碎相反，店舖的蛋叉燒腸粉是蛋汁直接混在米漿蒸的，並不像另外一些店舖那樣，腸粉外有煎蛋混在一起上，但這樣看似不太「足料」，有一部分腸粉沒有蛋，而且叉燒份量也比碎牛份量少，另外店舖的醬油並不是市面一般的豉油，是一種像牛肉汁的醬汁，比甜豉油咸，筆者並不喜歡。最後反而南瓜粟米粥又甜又棉，屬驚喜之作…查看更多

一個人的晚餐想吃得清淡，走著走著發現這間小店。它專做即拉腸粉和生滾粥。我叫了豬润腸粉和豆漿。腸粉卷的方法是皺皺的，很有層次😋，豬潤是大大塊，有咬口的， 整體感覺幾好味。下次想試試 他們的家鄉之最……傳統鹹湯圓和 咸雞飯…查看更多

喺朋友屋企通頂打完麻雀，諗住出去搵地方醫下個肚。朋友話佢屋企附近開咗間即整腸粉嘅小店，所以就一齊去食下。間店舖唔係好大約莫坐到16至18人到。既然佢標榜係即做腸粉，所以我哋就叫左兩個腸粉加一個粥。皮蛋粥：個粥煲得算唔錯，幾軟綿綿。但可惜嘅係，佢皮蛋就真係得面頭嗰三粒， 十九蚊嘅價錢 得嗰三塊皮蛋，D料真係太少。粟米腸粉加蛋：粟米粒算幾多下， 腸粉入面係食得出加咗蛋， 但美中不足嘅係啲腸粉唔夠滑，有少少鞋口。芽菜腸粉加蛋：喺面頭已經見到有蛋加左喺腸粉入面。加埋芽菜本身嗰陣清爽，依碟腸粉唔錯。 不過兩碟腸粉都有同一個不足，就係啲腸粉唔夠滑。 同埋加蛋係額外加多三蚊。粥$19,粟米蛋腸少$21,芽菜蛋腸粉$21。total:$61。…查看更多

朝早想食碗粥，行咗長沙灣幾間粥鋪都超多人，呢間唔洗等位冇乜人，咁咪試吓新鋪囉，點知唔試由自可，一試就中伏。…25蚊嘅所謂碎牛粥，所謂嘅碎牛少得可憐，肉碎量大概係一般粥鋪嘅碎牛量嘅十分之一(都唔知有冇)，粥嘅味道比白粥好啲，主要係有薑味，肉味或許只係我心理上嘅錯覺，對有料粥嚟講，呢碗粥真係清到不可再清，浠到就好似一碗普通粥鋪嘅粥加一碗滾水開浠咗咁，大家真係千祈唔好中伏。呢間嘢唯一好處係唔洗等位，，環境同衛生都只屬一般，可能條街根本唔多人流，所以根本冇乜人幫襯。如果問我日後會唔會再幫襯，我可以答你一定唔會。…查看更多