長發小廚

營業中

休息中

椒鹽鮮魷拼九肚魚 $138：滾熱辣，不油膩。但是我較喜愛舊式有少許吉士粉味，上薄干生粉版本。生啫麻辣雞煲/半隻鸡 $178：如果菜名不是叫麻辣雞煲，便OK. 說了要加辣，來到時完全不辣。港式雞煲做法，炒熟曬然後放入燒熱的煲。乾香是OK，不過名字不符。真不明白，其實這裏是賣粵港式菜，為何不烹調自己應該較拿手的啫啫雞煲，狗仔鴨煲，羅定豆豉雞煲等等。脆炸大腸伴菠蘿 $98：乾淨，冇異味，有嚼勁。上皮水不均勻，左邊深色的較脆皮，右邊淺色的不夠脆。白飯一碗 $10，藍妹一支 $36，二人晚餐合共HK$460。 員工都很客氣。但是去大排檔及熟食中心用膳，有時是圖熱鬧氛圍。以前要排隊攞飛，一別十數載，今次整個場非常冷清。餐牌選項不多又沒有拿手菜式。CP值鵝頸及駱克街市比較高。所以暫時都沒有誘因再回頭。

😎夏日炎炎，想吃中餐就想起街市熟食中心。終於等到5點半就上去食飯，星期日晚人不是很多，可能時間尚早。避風塘椒鹽鮮魷拼椒鹽九肚魚🥹🤌，九肚魚好嫩，鮮魷彈牙。菠蘿咕嚕肉薯仔牛柳粒🥹🤌靚女推介的招牌菜，重黑椒，牛柳入味，薯仔吃起來也像肉，調味甜咸平衡好好吃🤓

叫咗三味餸，有蒸鱔，小炒皇，椒鹽九肚魚及鮮魷椒鹽雙併，啲粉多到呢，鮮魷冇味。好似咬膠蒸鱔等咗45分鐘，都爽口嘅，但等得太耐，碗飯都凍晒。。。撈汁失晒色小炒皇ok的，好香周圍好多人食煙，好難頂！連老細都係咁食。。。為免要吸煙，不會再去了。。。

行過街市附近搵晏仔食， 就試下e 間長發係街市熟成中心內的鋪， 唔好車望點好環境。 但佢黎講， 台、 櫈都算企理。今日食海鮮炒飯，料： 飯， 蛋， 應該係翠玉瓜粒， 蝦仁， 魚柳/肉粒上碟， 量OK， 鍋氣係有D， 佢炒得冇咁油（個人中意）有湯+ 熱飲， 改凍飲+$3埋單$45

我哋3個人食，叫左5碟餸，份量都幾多，所以我地最後食唔曬，上菜速度都幾快，基本上我地影完相準備食既時候，下一碟就會到初初上既係蒜蓉粉絲扇貝，呢個我覺得必食！佢地落既粉絲同蒜蓉我覺得有出面既一倍，用黎送飯一流👍🏻蝦多士落既蝦同蟹籽量都好多，熱辣辣一上枱我地三個就秒清🤣仲有薯仔牛柳粒都好好味！佢地薯仔切得細粒啲所以好入味，外脆內軟。整體黎講好有驚喜，比我地預期中好食，我地叫嗰幾碟海鮮都好新鮮，下次都會再黎食～

假期諗住食d 簡單野，點知真係嗨運到，揀中間人間極品！嗌4樣野，首先黎一個厚厚炸粉雙拼，足足炸L咗9個字，等咁耐已經係問題，更大問題係98蚊你俾碟炸粉同炸蒜我食？？然後等到過咗一個鐘，再上到個莧菜，同時間上個爐同吉煲俾我，大佬，食空氣呀？？你搞笑都唔係咁玩呀？雞同煲分開上？？再等多9個字，先俾雞，我真係等到九縮！！食龍肉都無味啦！但都未算，最後仲有一個蛋白炒飯，落單後炒𠹌咗兩個鐘，大拿拿120分鐘先炒得起一碟飯！！！坦白講，邊有咁彬洲嘅餐廳㗎，你廚房無人手，咪休息一天囉，何必出嚟浪費大家時間呢？

今日跟幾個同事去食lunch 行左去街市食飯 呢間餐廳每日都有5/6 款午餐今日叫左冬菜蒸鯇魚同事叫左炒麵 上枱好香 佢地話呢到招牌 下次再試下🤣坐底就比左碗湯 入邊應該有胡椒辣辣地 幾好味 飲完唔會覺得超口渴🤔今日比左個魚頭位置 都跟左d肉 我自己本身都會食魚頭 如果唔食魚頭既朋友 呢到兩啖應該已經無送食😂😂另外叫左杯凍咖啡少甜 都ok 唔會有怪味 好飲過一般茶餐廳水平街市係有冷氣 同埋1 點去到無咩太多人 除咗環境多佬d 其實都好坐🤣 $40 +2 凍飲 加埋都係42 仲有埋湯 唔錯！

當初帶住嘗試的入去北角熟食中心看看， 一入到門口就問問保安大哥有那間推介， 就介紹咗「長發小廚比我哋」， 一試啲嘢食 ～超級難食 . 叫了4個餸 ： 香煎牛仔骨 （大大嚿又多肥脂肪，唔香） ，椒鹽魷魚（一來到看了就問朋友這個是什麼，點解上咗咁多炸粉，我食開過啲唔係咁，咁怪嘅 ，點都好就試試，真的全部都是粉，食唔到魷魚味），蒜蓉炒白菜（普通嘢），炸豬大腸 （唔香唔脆好難食）… 總括無個好食 . 都唔明點解呢晚都咁多人食呢間野. 真的真心問 … 是否在拍戲嗎？ 成班人行嚟行去又食煙，又飲酒又嘈，又唔帶口罩 ，見隔離幾枱都食清枱上的食物. 「做晒假象」以為多人食就代表間野食物好食，啲嘢食仲難食呢普通茶餐廳. ～ 唔會再幫襯～

叫了個炸豬大腸,但我非常失望, 炸得太硬太老了, 一點也不脆, 那個椒鹽鮮魷, 用太多粉炸了！一点口感也沒有,炸完又不熱,還有叫了個香煎牛仔骨,食落去成口油了,肥肉又多,一點也不好食,如果上黎渣華道街市,不要試依間吖,這裡還有很多可以選擇的, 長發小廚一定會令你們失望

食物評分:榨菜蒸鯇魚午餐包湯及飲品 $38本來去新開的北角匯行，可是食店開了的不多，於是周圍行下，結果行了入去這個北角街市的熟食中心，成層食肆最多客人的一間便是他們，覺得比較可信，便坐下了。午市餐牌每日不同，且每日都有幾種選擇，如果在附近工作的，多來這裡也不會太悶也有不同選擇。👍午市也有粉麵飯。榨菜蒸鯇魚午餐包湯及飲品 $38 😋👍餐湯有瓜有肉，而且任加😊👍飯不夠的話也是任加。👍😊午餐通常有湯或飲品其中一樣，比較少兩樣都有，而且只是$38，質素亦非常好，抵👍😊飲品方面有另一優勝之處，除了一般的奶茶咖啡檸水檸茶外，檸蜜是不用另加錢，一般都需另加錢，這裡不用加，且檸檬也足，蜜也夠味，不會有淡和撈水的感覺，讚👍😊我和朋友都叫了榨菜蒸鯇魚，不同部位，質同量都超過合理。好好👍😊總體而言非常推薦，價錢抵，質和量都物超所值。👍😊

服務態度好差，由其老板娘，好似有生意都唔想做咁，請大家三思是否去食，黎食飯唔係要食埋你地說話同臉色，請大家廣傳出去，請問大家除了openrice, 那可再廣傳，謝

從未幫襯過，見評語不差，一行六人拉隊試試。8:15pm登記，9:20pm仍然未有枱。問過登記阿姐，佢話已經叫咗我哋個number，原來我哋六個人12隻耳朵👂🏻，都聽唔到一個number，呢個阿姐好有性格，叫number用曬兩文三語，廣東語丶英文丶普通語，好似好專業，但問多一句都嫌你煩，叫在坐等食嘅人唔使趨。可惜，D登記number全部劃係張咭紙上，亂七八糟，佢自己先識睇，但係佢四眼喎，一堆劃刪嘅數字，叫咗未又唔知，係咁劃劃劃，絕對有視覺差異丶靠唔住。由於已等超過一個鐘，再等又唔知要幾耐，最後未幫襯就走人。

今天蒲台島旅行出來，船家在北角公眾碼頭放人，差不多半船人都上岸了，在蒲台島已經借島上店家的有線電話和飯友約好北角晚飯，到北角，大班人好自然就會想到去渣華道街的熟食中心大排檔，在市區的飯友好自然的打去比較出名的名店訂位，我們訂得早，6点，但那邊店都會留下一句（遲五分鐘，訂位賣檯）咁旺查實，我們4点多就落船了，略為梳洗下，5点就衝上了熟食中心，由於期間行友介紹熟食中心出名隔離果間《明記》仲好，價錢抵好多🤔🤔🤔，就這樣我上到熟食中心揾《明記》，但在三樓的熟食中心怎樣看都沒有《明記》喎！說時遲那時快，《長發小廚》的樓面即刻出來說是改名了、、、哦！哦！哦！我們一行有十三人，長發大廳中央的大檯，估計多坐3個都可以，大排檔坐得都算舒服，食了13個菜～有一隻雞的豬肚雞煲，牛腩煲，豆腐海鮮煲，哚椒魚雲，椒鹽鮮尤、、、有啤酒有汽水，冇乜米氣，每人平均才$120。抵食！雞煲和牛腩都推介👍👍

朋友仔即興約食飯，近近地就揀左渣華道熟食中心長發，鍾意呢度價錢公道，小菜味道幾好 2個女人仔唔食得太多野，3餸1白飯啦惹味椒鹽鮮魷，份量有d 多，我諗4人食就剛剛好，魷魚彈牙3個餸入面最好味

清明时候过来食的，之前一直冇写翻，依家补翻。最近几次去香港都係住北角，多以一般都会去渣华道的熟食中心，首选当然是东宝，但係遇到东宝排队，又唔想等，就干脆来呢度。其实招呼都几好嘅。出品的话其实东西都差不多，薯仔牛柳粒，薯仔表面有层糖衣，脆脆哋，几惹味。牛肉就有黑椒香味，都唔错啊！沙拉骨的话，感觉就比较普通，肉有点淋，虽然好好厚肉，但是味道一般，比东宝会差啲。但係唔使等，价钱又便宜咁多，冇么好讲，具体价钱唔记得了，两个菜一百六七十可以搞掂，结合出品，性价比是OK嘅。