62
13
2
| 餐廳: | 長洲鐵漢 |
|---|---|
| 資訊: |
為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html
影片
以上資料只供參考, 請與餐廳確認詳情
相關文章
今日係佛誕，應該有唔少人會入長洲睇飄色以及搶包山應下節🤪唔少得要攞返個平安包寓意平平安安啦😛之前我都久違地去咗長洲玩返半日，見到有間串燒店主打脆脆平安包串燒，咁特別一於試吓。餐廳牆上貼滿不少八九十年代嘅電影劇照，唔少係周星馳嘅女神們，回憶返晒嚟！不少串燒改名都幾有玩味，好似黎姿、狂野魷魚、鐵漢少女心、冚家富貴set等，見到都會心微笑🤣🤣🥯脆脆平安包（流沙奶皇） $28嚟長洲點可以唔試平安包，不過就咁食平安包冇乜特別，呢度就有脆脆平安包，做到外脆內軟，裡面爆出流沙奶皇餡🤤好有特色，可以一試😋🦪串燒金蠔 $68、狂野魷魚 $38海鮮有幾款串燒同炸物。蜜糖金蠔食得多，串燒版本比較少見，燒到金蠔漲卜卜，食落除咗帶蜜糖嘅甜香，仲有突出嘅桂花香幾特別😚狂野魷魚認真狂野地大大隻，唔會燒到乾，保留彈牙口感😙🍗台灣直送雞腿卷 $38、鹽燒牛舌 $32雞卷啱晒鍾意啖啖肉嘅人，雞皮燒得好脆，內裡雞肉啖啖肉😽食到爆出嘅雞油好邪惡😈牛舌就正正常常都幾爽彈。🥓黎姿（荔枝豚肉）$28、豚肉京蔥卷 $28黎姿呢個名都好耐冇聽😂將豚肉包住荔枝，充滿荔枝甜香。京蔥版本幾爽脆，帶點辛辣感嘅京蔥同豚肉無疑係好配搭。不過豚肉本身脂肪位佔多，所以燒過之後變得好細塊包唔住京蔥🤣🥬娃娃菜 $18、翠玉瓜 $15蔬菜類都係正正常常，不過娃娃菜份量偏少。🍝鐵漢撈丁 $25見到菜名加咗鐵漢兩個字忍唔住試吓😆賣相有啲似indomin，以為食落都會好似，但係調味不同，公仔麵加入蝦乾、蝦米、蒜油等，鹹鹹辣辣幾惹味😛推介指數（10分為滿分）：7分
繼續閱讀
超級推薦，長洲必食！🤩.早幾星期無特別搵既情況下，俾呢間鋪頭既靚裝修吸引咗入去食，非常有驚喜👍🏻 所以今日帶埋朋友，四大兩細，特別再入長洲搵鐵漢😂 結果朋友都非常滿意，仲話一定會再推介俾其他人，有好嘢大家一齊分享😍.脆脆平安包同埋豚肉荔枝係必點，其他串燒都好有水準，仲要佢個價錢係市區係無可能食得番佢咁高質。如果鍾意飲啤酒，仲有好多款手工啤😋.地點又近碼頭，一落船拿拿臨去搵鐵漢醫飽個肚，先至開始探索長洲🥳
繼續閱讀
今日閒日入嚟長洲慢活Chill下，lunch去左呢間長洲鐵漢，午市食lunch set都幾抵，揀左串燒set好味道。串燒種類都唔少，仲有好多特色配搭，例如招牌臘腸肉餅好食又香味濃郁，有臘腸嘅串燒真係第一次食，食落好juicy，加埋咸蛋黃真係特別香！另一樣特色我就覺得係脆脆嘅平安包，入面係流沙奶黃。第一次食烤平安包，外面炸到脆脆哋，中間嘅奶黃唔會太甜又流心，鹹鹹香香，好滋味～鐵漢少女心又係好食，豚肉包住士多啤梨非常夾。豚肉嘅油脂香再加埋士多啤梨嘅酸甜，零舍開胃，口感同味道都好豐富，正！冰鎮黃金咖喱魷魚，平時都食得多，但呢到嘅魷魚同白蘿蔔都係冰凍嘅，咖哩味濃郁，少辣，熱天食辣又涼，好過癮～開頭以為食串燒會唔飽仲叫咗兩碗麵，但佢嘅串燒都幾有份量。好在兩碗麵食都好味道。蝦籽撈粗尤其有港式風味，粗面Q彈加上蟹籽更香又更有口感；胡麻醬撈烏冬呢個係唔會輸嘅配搭，芝麻醬夠香，烏冬滑溜，好快就食完。整體係一間好用心經營嘅小店，值得支持，好食，老闆亦親切！
繼續閱讀
長洲鐵漢🦾，佢最出名係炸流心奶黃平安飽，不過我哋實在食唔落🤣😭 叫咗幾串串燒嚟試吓，最特別就係佢嘅鐵漢少女心(豚肉士多啤梨) 同埋黎姿(荔枝豚肉)，兩款都同個肉好夾，而且果肉嘅甜可以解咗肉嘅肥膩！
繼續閱讀
每次嚟長洲都想食，可惜每次喺長洲週圍食嘢搞到每次夜晚都冇容量嚟食，今次決定唔食其他嘢一定要試吓你有幾好食冰鎮咖哩魷魚，好似係招牌嘢，優點魷魚係好爽好彈牙，味道方面都幾好味，缺點係啲粉落得唔夠分散，集中嘅地方食到有啲苦，同埋雖然蘿蔔只係用嚟墊底嘅配菜，但都唔駛硬到好似生咁串燒望落都幾正咁，但嚟到第一件事就話大腸係用唔知乜嘢汁整，所以會深色啲，但我真係分到深色同燶嘅分別囉，不過眼見都未必係真，就好似叉燒燶邊可以整到好燶都冇燶味，但結果我都真係食到燶味，而且第二嗰嚿直頭好似食炭咁，仲有個流沙包，第一件好乾，感覺好似返炸咗幾次咁，第二件就正常會流心，味道都唔錯，至於其他嘢都ok不過埋單要二百幾，性價比就真係唔高
繼續閱讀