影片
以上資料只供參考, 請與餐廳確認詳情
食家推介
招牌菜
原本衝著老字號來吃，以為會很好，結果非常失望。一到那裡就發現沒有河粉也算了，想試試他們的生麵，結果變成了黏乎乎的鹼水麵，感覺像漿糊。店員還問我們是不是不習慣鹼水麵，叫我們加點醋，但加了之後也沒什麼幫助。而且哪裡有這麼黏的鹼水麵，難道是長洲獨有的嗎？招牌的魚蛋、牛丸、雲吞和牛肚全都不好吃，尤其是魚蛋，一點都不彈牙，沒有魚味，還自稱是招牌。一般市區的面舖都比他們做得好。雖然價格不便宜，我本來有心理準備，但沒想到質素會這麼差。炸魚皮又油又膩，讓人失望。早知道不如去對面的海龍王大排檔吃得更好。
繼續閱讀
原本衝住老字號黎試 諗住實無死 點知勁失望 一黎到冇曬河粉唔緊要 試下佢個生麵 叫左撈粗啲鹼水麵勁黏 好似漿糊咁 個店員仲問我地係咪食唔慣鹼水麵 叫我地落啲醋 落完當然冇幫助 而且邊有鹼水麵係咁黏 唔通係長洲獨有？🤯招牌魚蛋 牛肚 雲吞 牛丸都完全唔好食 特別係魚蛋 一啲都唔彈牙 冇魚味 雲吞仲要勁細粒 一般市區嘅麵鋪都做得好食過佢🥲價錢預左唔平就一定架啦 但質素都要對得住顧客同自己☹️炸魚皮勁油 超失望 早知去對面海龍王大排檔食好過 希望頂住老字號嘅招牌 好好改進下食物嘅質素 唔好令其他香港人/遊客失望😣
繼續閱讀
前幾日揾食去咗長洲張記，爆晒味蕾嘅魚蛋河🍜，真係揭起我童年嘅回憶！湯底味美鮮甜，清新得黎又唔油膩，真係解渴又解饞！啖啖嘅魚蛋，鬼咁爽彈，仲有魚片，嫩滑得滯，蔥花香氣同冬菜嘅鮮味咬落就更惹味啦！記憶中既河粉，依家食落依然幼滑，真係過癮到不得了呀！食落麵條又有韌勁，同以前差唔多，但可能大咗，覺得碗細咗少少。咁香口既麵，唔洗太複雜既調味都一流！啲餛飩仲要提一提，餛飩皮滑嘅，蝦肉又新鮮，清湯掂過泡菜啦！今次冇排長龍真係好彩，得閒一定再黎呀，希望下次味道依然準，唔好話我食多咗就唔記得昔日味道嚕！😄🍲👍
繼續閱讀
嚟到離島呢間肯定一定要打卡，落船冇幾遠就見到呢間張記魚蛋。魚蛋就唔洗講一定要食啦，真係好夠彈，打乒乓波都得啊，分量都係好足，好扎實！聽啲夥計口音貌似有幾個係潮州人，不夠聽唔出邊個地區嘅口音 ，食完啱啱好望住日落，心情靚晒
繼續閱讀
去過好多次長洲但一次都無食過魚蛋粉，行到熱熱地就隨機搵間餐廳坐低休息食嘢。.🍜魚片頭墨魚丸河粉墨魚丸有驚喜，食落唔會好多粉漿，爽口彈牙，有墨魚鮮味，好食！魚片頭大大嚿，有鮮甜味。可惜嘅係河粉煮得太淋，影響口感。.🍜魚蛋雲吞河粉魚蛋係潮州魚蛋做法，食落一樣有鮮味，但相比之下，鍾意食墨魚丸多啲。雲吞正常味道，無咩特別。.兩碗麵嘅湯底都偏淡，要加返幾滴辣油搭夠先得。.呢度無套餐，飲品要另叫，我哋覺得偏貴，所以無叫到🙈🙈🙈
繼續閱讀
您可能會有興趣的...