12
1
0
港鐵九龍灣站 A 出口, 步行約4分鐘
繼續閱讀
開飯介紹
足料港式粥粉麵店，推介艇仔粥、牛肉粥及皮蛋瘦肉粥等粥品。粥底香綿而且配料夠多。
繼續閱讀
以上資料只供參考, 請與餐廳確認詳情
食家推介
相關文章
是日牙痛，所以lunch 過咗街市買粥。牛頭角街市2樓嘅熟食中心，呢間粥舖由細食到大，平時會食艇仔粥（勁多料㗎），今日要下吓火所以食皮蛋瘦肉粥。等外賣時見住阿姐落咗足一隻皮蛋，絕對無慳住俾，瘦肉唔係肉鬆呢啲柴口瘦肉絲，係切粗條嘅瘦肉，粥底綿綿好味道，再加脆脆花生同蔥花，食完順曬好舒服。另外加咗一份炒米粉，份米粉基本上無乜餸，有少少豆菜同芝麻，但勝在大大份都只係10蚊好飽肚，食曬碗粥再食咗1／3份米粉已經夠曬，剩返嘅米粉可以留下一餐，幾慳家🤣
繼續閱讀
由於之前食得太多炸雞, 喉嚨有O的唔舒服, 所以諗住食下皮蛋瘦肉粥下吓火.呢間衛生環境真係有O的驚恐, 但粥就真心好食, 而且瘦肉份量真係堅多.另外加左個齍腸, 不過呢個就麻麻O地, 只係份量唔少.價錢方面真係非常平, $16 粥 + $10 腸粉. 如果頂得順個環境, 呢度係非常之抵食.
繼續閱讀
【鑑記粥品】街市覓食!今次去左牛頭角街市搵食吖，呢間粥店長時間都好似好多人咁，今次揀左都好多人點既炸兩($8)、牛肉粥($12)同艇仔粥($12)，先加入配料，再倒入熱粥將配料滾熟🤣。粥底夠綿係基本，牛肉好細嫩，而且每羮都畢到牛肉碎，好足料！同樣艇仔粥都係，一畢起就係滿滿既配料，魷魚、牛肉、魚片等，仲可以叫多花生添😝不過講定先～環境呢就係一般街市熟食檔既環境，要視乎大家接唔接受到啦😝
繼續閱讀
近來的持續低溫，香港實在少見。不必強勢進補，其實一碗正粥已可使人窩心暖胃。一碗豬紅艇仔粥，既補血又熱心，絕絕對對是對抗寒冬的一大佳品。粥底夠綿，不會撈兩撈便起水；況且料多過粥，魷魚絲、豬皮、花生、蔥等等越吃越有，每一口都是料！魷魚及豬皮極之腍滑，店方落得豪邁，客人食得開心。豬紅更是大大磚的，不似坊間某些粥舖碎濕濕的上，爽滑而有咬口，過足豬紅癮！本來還想叫炸兩，結果都是免了，皆因吃過了粥，已甚滿粥之至。
繼續閱讀
糧尾的時候被迫要出外揾食，係食碗米線一餸都要$32既環境，錯有錯著黎到牛頭角街市揾食時遇到這糧尾恩店！雖未至平靚正，平靚係有的，味道一般，但價錢真係平到以為自己睇錯艇仔粥$12 蝦米腸$10食到飽一飽先$22, 同埋用料一d都唔求奇，艇仔粥料多過粥，粥底好綿。食完有少少口喝。蝦米腸就比粥品差一點，好淋，醬油可能有調整過，顏色深但食落唔咸，仲可以加甜醬麻醬黎食。跟住發現大家都叫炒米粉，唔知係咪會好食d呢~如果為味道就唔太吸引既，加上環境係街市，唔講都知唔會太整潔同舒服，但快食餐肚又平，出品亦有心，好食過個d十幾廿蚊碗既雲吞麵，呢度絕對係糧尾精選！
繼續閱讀
您可能會有興趣的...