開飯介紹
餐廳由台灣人主理，招牌菜為紅燒牛肉麵，湯頭帶牛肉香味及少許藥材味。台式小食及珍珠奶茶亦有水準。
繼續閱讀
營業時間
今日營業
11:30 - 22:00
星期一至日
11:30 - 21:30
公眾假期
11:30 - 22:00
公眾假期前夕
11:30 - 22:00
*截單時間: 21:15
以上資料只供參考, 請與餐廳確認詳情
食家推介
相關文章
每次嚟開尖東都會經過呢間餐廳，今晚終於第一次嚟食晚飯。環境真的不錯，光光猛猛，感覺好乾淨。食物方面我哋揀咗鐵牛臭臭鍋同鐵牛台灣牛肉麵。牛肉麵湯底好味，牛肉稔得嚟有口感，麵煙煙韌韌。臭臭鍋份量很足，基本上一個人會食唔哂。跟餐半價有飲品，仲要免費升級大杯。整體我會俾佢幾高分，有機會一定再嚟幫襯。
繼續閱讀
響尖沙咀附近做完嘢，但係跟住好快又要過去尖東嗰邊搵人，所以一如以往都係諗住直接買外賣上去朋友嗰度食最方便，經過見到鐵牛台灣就去試吓佢啲嘢食。地點方面其實還算可以，響尖東出嚟行幾分鐘就到，雖然係叫外賣，度等咗一陣睇到入邊都好光猛，地方睇落去都好乾淨企理，應該會坐得幾舒服嘅。我叫咗個小時候排骨台灣便當配滷肉飯，再加埋一個半價飲品，大甲椰椰芋香加珍珠。個滷肉飯嘅配菜係粉絲，雞蛋，同埋炸番薯，成個飯嘅份量都幾適合，滷肉飯如果多番少少汁會更加好，而家食落去有少少乾。個炸排骨分量足夠，最主要係炸得真係好好味，肉唔會太乾又唔油膩，味道都啱啱好，真係值得一讚。至於個珍珠奶茶就都係穩穩陣陣，唔會特別印象深刻，但係都算係好飲嘅。睇吓有冇機會下次你試吓佢其他食物。
繼續閱讀
鐵牛台灣牛肉麵去了尖沙咀行街經過見到有臭臭鍋食，即刻去試試鴨血臭臭鍋 鴨血唔係普通鴨血，好濃味臭豆腐都有味道我朋友叫了豚肉，比較硬我叫的牛肉反而好食好多隻杯勁高級又靚😍，可惜未返屋企住唔係都拎走隻杯
繼續閱讀
天氣好熱,無胃口.想起呢間台灣食肆.下午茶份量少少,但好好味.麻辣擔擔麵,麻香微辣,引起食慾.木魚炸豆腐,豆腐外脆內滑.椒麻牛肚絲,微微椒香麻香,美味.滷味豬耳絲,爽,味道被椒麻味蓋過.台灣奶茶,一般般.
繼續閱讀
一號風球，冇雨但天氣超熱35度又乾，人都乾咗…經過尖東原本想去嗰間好耐冇去的特色小型咖啡店食小食，飲下咖啡或下午茶，hea 下，放鬆下個人，但它原來收6pm….見隔離有間台店好多吉位，環境舒適，就係咁去咗間店試新嘢！因為麻麻哋想（下午茶）食麵，先叫住杯飲品解渴先：椰香、紫米、紅豆冰少糖少冰，都有點期待，見食評話食品唔差，相信飲品應該唔差，結果…..以為自己叫咗：淡味椰香、少紫米、少紅豆多冰限定飲….$46加10%；咁啱坐近收銀位，啲歌勁大聲，個人呢…放鬆唔到，頭都快爆炸😩在街邊叫杯台飲仲抵，又多款，味道又啱口味。其實都失望，之後連小食都冇叫….直頭要即寫食評表達下失望的感覺⋯⋯
繼續閱讀
您可能會有興趣的...