影片
開飯介紹
餐廳由台灣人主理，招牌菜為紅燒牛肉麵，湯頭帶牛肉香味及少許藥材味；其台式小食及珍珠奶茶亦有水準。
繼續閱讀
營業時間
今日營業
11:30 - 21:30
星期一至日
11:30 - 21:30
公眾假期
11:30 - 21:30
公眾假期前夕
11:30 - 21:30
以上資料只供參考, 請與餐廳確認詳情
有關獎賞計劃
影片
相片
鐵牛手沖涮涮牛肉麵(安格斯嫰牛肩肉)
+625
+72
相關文章
今日放工同女友去左啟德零售館打保齡球，然後去左附近鐵牛食晚飯。上一次食鐵牛已經係四年前，以前只賣牛肉麵、原來依家鐵牛連涮涮鍋都有，仲有經典台式小食，應有盡有🤩裝潢方面，啟德分店幾大間，燈光非常充足，粉紅色主調令餐廳變得打卡able🥰- 鐵牛手沖涮涮牛肉麵牛肉級數明顯高一個層次，油脂分布好靚，肉質非常稔身。湯頭好重牛肉味，仲有一陣好香嘅藥材味，麵條煙煙韌韌，非常吸湯😋- 鐵牛臭臭鍋話就話一人火鍋，食材非常豐富，包括安格斯牛肉、臭豆腐、鴨血、大腸、芋頭貢丸、蜂巢豆腐、響鈴、蔬菜等等。湯底好濃郁，滲透陣陣「臭味」，食材吸曬臭臭鍋精華，微辣相當惹味。白飯上面舖滿大量紫菜，非常滿足🥰- 木魚炸豆腐炸豆腐超級好食，豆腐外表炸得金黃香脆，入面仍然濕潤，口感同臭豆腐差唔多，加埋木魚同甜酸醬直頭💯- 鹽酥雞拼夜市小香腸前者外脆內嫩，調味啱啱好。後者非常juicy，味道香甜，夾埋生蒜片仲有少少辛辣味。餐廳仲有提供台式飲品，選擇頗多，我地叫鴨屎香狂打檸檬茶同珍珠奶茶，味道同比出面飲品店有過之而無不及👍🏻雖然鐵牛以牛肉麵出名，但以上其他菜式都好好味，證明鐵牛已經從一間牛肉麵專門店轉型到全面台式餐廳👍🏻
繼續閱讀
今日的啟德座擁三個大型商場，地鐵出口那一個，還有地鐵有一段距離的百貨公司，以及體育園。朋友早陣子去過體育園睇show，早早探路知道附近的餐廳坐得比較舒服，還是寵物友善的商場。零售館原來就是商場，我和朋友行左一圈決定食台灣菜。鐵牛不是甚麼新品牌，旺中那一家由讀書食到疫情時，原來現已結業。同時，餐廳似乎想重整品牌，於新區域開分店，一改以往暗深色系變成文青風。以前最喜歡等下午茶餐，有迷你小食三選。而新餐牌就有小食拼盤，一次可以吃到花枝丸、梅子蕃薯、鹽酥雞。梅子粉給非常量的份量，即使點雞點丸也適合。三樣中炸蕃薯最貼近台灣味，蕃薯甜又軟滑，加上酸酸咸咸梅子粉好醒神。我們點的麵亦迅速預備好，排骨肉燥拌麵$79大份又抵食，隨餐送一份都幾辣的泡菜。麵是有咬口那種粗麵，比湯麵的麵更有𡁻頭。連同蔥香肉燥很難不好吃吧。半筋半肉麵是經典的口味，但朋友就另選紅燒蕃茄口味，湯底比意料中更清新。牛肋肉都有三條，炆得很淋。香港好少能夠吃到愛玉，所以毫不猶豫就要一杯柑桔愛玉，自助點餐時可以選擇糖冰奶量。罐子的設計一眼就看到所有材料。愛玉本身就無味，配合酸梅的鹹味整體不會甜，夏天飲應該幾消暑。飲品不單只可以堂食，如果開show等入場記得要補充足夠水份先入場啦。
繼續閱讀
尖沙咀分店LUNCH就食得多，估唔到連啟德都開左分店。裝潢完全唔似一般麵店，係走一個時尚輕奢風路線，打卡感十足，用咗好多暖暖嘅木色，好有文青氣息，感覺靜靜哋坐低就舒服晒。講食物先，真係有驚喜！麵條Q彈彈，湯底鮮甜，超級開胃！我點了總鋪師私房牛肉麵，味道層次分明，而且好多配料好豐富。尤其係細節位整得好貼心，例如牛肉份量十足又唔肥膩，牛筋軟軟淋淋剛好。另外，老公就點了麻辣擔擔私房牛肉麵拌麵，同樣好食。至於小食，最令我地驚喜就係唔好睇個豆腐普普通通，完全係外脆內軟，呢個木魚炸豆腐必食推介！逢甲鹽酥雞熱辣辣又脆口，肉質又唔會乾柴，加埋佢個醬汁，真係Level UP!!整體嚟講，啟德鐵牛台灣麵唔止係食好嘢，更係一個 chill 唞氣、打卡靚位嘅好選擇。食飽後拍幾張相！推薦啲搵新嘢試嘅朋友快啲去朝聖啦。
繼續閱讀
餐廳環境幾文青，粉紅色調寬敞舒服，坐低感覺幾relax 🏠。我哋叫咗柚子蜜香雞排乾麵、香辣夜市小香腸、麻辣鴨血豆腐粉絲火鍋種、柚子蜜香雞排便當加滷肉飯，同埋兩杯飲品（小朋友香濃巧克力飲同冰鎮草莓牛奶爆珠飲），總共$356，份量夠兩個人share 💸。食物方面，柚子蜜香雞排乾麵係亮點 🐔，雞肉嫩滑帶點脆皮，配芝麻醬同生菜食落好juicy，正！香辣夜市小香腸都ok，切片配蒜片咬落有煙韌感，但味道偏甜，唔係特別突出 😐。麻辣鴨血豆腐粉絲火鍋湯底濃郁，牛肉片軟腍，入面有豆腐同菜，但整體冇驚喜，感覺中規中矩 🥘。柚子蜜香雞排便當加滷肉飯嘅雞排同滷肉飯配搭唔錯，但飯有啲油膩。最失望係飲品，全都有好重化學味！冰鎮小童香濃巧克力飲聽落新奇，但飲落人工香精味勁，珍珠都唔夠彈牙；冰鎮草莓牛奶爆珠飲甜得過火，完全冇天然feel 😖。如果唔飲野，可能體驗好啲。總括嚟講，鐵牛適合演唱會後食宵夜，因為開得夜同位置方便，但食物除咗雞排，其他都唔係話特別好食，下次可能試吓佢哋招牌牛肉麵或者臭臭鍋，希望有改善啦 👍。人均$180左右，性價比一般，飲品skip咗算數！
繼續閱讀
啟德零售館2鐵牛裝修靚，淺色木系夠光猛又坐得舒服，lunch set有便當、麵食同火鍋，仲有100%鮮果茶鐵鍋豐盛牛肉便當（餐） $88 有金錢腱、牛肋條同牛筋，用鐵鍋裝住一直熱住保暖，全部都煮到好腍，牛骨湯濃郁香甜好送飯，連啲蘿蔔都好清甜！加$8轉埋海苔芝麻飯更容易清碗！套餐可以優惠價加配小食，$28 逢甲鹽酥雞圓軲轆爆滿多汁；另外都單點咗椒麻牛肚絲，牛肚爽口得來軟腍，麻香味辣做前菜一流雖然套餐抵食啲，但冇得揀主餐牌嘅鐵牛手沖涮涮牛肉麵都單點咗 $88，使用安格斯嫩牛肩肉，個湯用茶壺裝住又係一直加熱，確保可以淥熟牛肉，牛肩肉有軟筋非常嫩滑！台南刀削麵 +$3 粗身彈牙勁好食！飲品方面，叫咗南投縣百香果QQ同大甲椰椰芋香，前者有椰果同珍珠，所以用新鮮百香果好香甜，最驚喜嘅係隔咗核唔會咬到黐晒牙🤣🙏🏻 大甲嗰杯係招牌飲品，椰子同芋泥都有淡淡香甜味好夾
繼續閱讀