影片
電話號碼
27875135
開飯介紹
主打高級日式鐵板燒，提供海鮮、和牛等高級食材，設有二人或三人的套餐，當中包括前菜、沙律、甜品，及一整碟海鮮或肉類等。
繼續閱讀
附加資料
本店已不再提供商務午餐。
營業時間
今日營業
12:30 - 23:45
星期一至日
12:30 - 23:45
公眾假期
12:30 - 23:45
公眾假期前夕
12:30 - 23:45
*最後落單時間: 23:00
以上資料只供參考, 請與餐廳確認詳情
有關獎賞計劃
我都好喜歡食鐵板燒, 最近工作很忙, 所以要對自己好啲, 食下好西先, 哈哈~ 呢間鐵板超而家午市套餐做緊66折, 當然要黎試下啦!我叫左Set Q套餐:先黎前菜先, 新鮮的沙律菜配上12年黑醋，仲有合桃小漁乾、芥末八爪魚, 食完很開胃!*銀雪魚魚皮煎到好香脆, 魚肉很香滑, 再點小小豉油作調味, 好味~*大海蝦海蝦新鮮, 而肉質彈牙，師傅將蝦頭蝦膏炒過做成醬汁再淋上蝦身，更惹味, 蝦頭的肉同蝦膏就留到最後先食！好正~*鵝肝多士鵝肝表層煎得焦香，外脆內軟, 口感一流，加埋脆多士，絕配。食完食件燒菠蘿，解膩。*日本A4和牛薄燒五成熟，煎得香有牛味, 油脂分佈平均，好味~*炒雜菜 & 雜菇野菜鮮加左黑椒炒得香口，調味剛好, 雜菇煎得一樣香*蝦乾蟹子炒飯好喜歡蟹子要黎炒飯, 飯炒得粒粒分明，充滿蛋、蝦乾、蟹子和蔥花的香味, 味道有層次。*海鮮湯熱辣辣的湯我至愛，飲落都幾鮮甜，飲到有龍蝦味，更有鮮味，唔錯。*甜品荔枝雪糕，味蕾清新, 食完開心又滿足。最後師傅用麵粉整左個Minions公仔俾隔離位的一位可愛小朋友影相, 我都覺得好得意, 即刻打下卡先, 哈哈, 除左畫公仔, 呢間餐廳仲可以慶祝生日, 節日, 師傅都可以整圖案同埋字俾你打卡留念, 真係好好~
繼續閱讀
66折食到鐵板燒？對！而家只要係18:30前結帳，就享有66折優惠，咁質素會唔會有所下跌？今日就等我去食下先。Set U (二人前) $2188(正價)前菜有合桃小漁乾、芥末八爪魚和沙律菜，食完即刻胃口大開。活龍蝦原隻活龍蝦🦞燒香後切件，龍蝦🦞肉質感爽口；龍蝦頭一啲都冇嘥，起哂啲膏整成醬汁，而殼就用嚟煮之後麵豉湯🍵。鵝肝多士鵝肝表面煎得焦香，口感柔潤，油脂香肝味濃，加埋香脆嘅多士，非常好味😍。仲有燒菠蘿，食完正好解一解膩。日本豚薄燒薄切豬肉烤得焦脆，包埋蒜蓉和蔥花一齊食，層次感十分豐富。蝦乾蟹子炒飯飯炒🍚得粒粒分明，每一啖都充滿蛋🥚、切粒蝦乾🦐、蟹子及蔥花香味。炒雜菜野菜🥬新鮮，炒得香口，調味啱啱好😋。海鮮湯個湯熱辣辣🔥，味道非常鮮甜，加上用了龍蝦殼，再多了份鮮味，鮮上加鮮，十分好飲😋。甜品甜品係雪糕，我地分別揀咗紅豆同芝麻味，食完大滿足。
繼續閱讀
好中意食鐵板燒,但價位通常都有d貴,唔係特別既日子都唔會去食。呢排幫朋友慶生,見佢午市66折,加埋佢既海鮮都好豪華,價錢又冇其他鐵板燒咁貴,就帶左朋友黎慶生。我地叫左u餐,有龍蝦、銀雪魚、日本豚。首先食左前菜先,沙律都好正,有士多啤梨,賣相可觀。跟著師傳就係我地面前燒半隻澳洲龍蝦。拆肉,切成一口一口,仲有龍蝦膏,肥美可口,大滿足。師傳真係神乎奇技,處理龍蝦一板一眼,好似好簡單,但有好多年既功力。切完個龍蝦頭後,一d都唔浪費,拎左去bowl龍蝦湯比我地飲,食到濃濃既龍蝦味,個龍蝦頭仲有d肉可以食添呀!個銀雪魚師傳都煎得好靚,肉皮煎到好香脆用黎做裝飾,最後我都有食到。鵝肝多士煎到恰到好處,好香好惹味。日本豚包住香蔥、各款配料,蔬菜加蔥,一d都唔油膩。櫻花蝦飯炒到好香,師傅打蛋仲好勁添!粒粒分明既飯加埋配料,真好食!甜品係雪糕,有lychee同埋芝麻選,我食既係lychee,好清新,加埋薄荷葉,靚。最驚喜係師傅用麵粉整左個tinkerbell比我朋友,佢比我地選圖案同埋字,師傅倒轉都寫到happy birthday既英文字。勁!最後仲比我地入去同幅藝術品影相添。朋友係度過左個難忘既生日!
繼續閱讀
鐵板超位於尖沙咀，地點超方便，附近返工放lunch想食返餐好嘅叉叉電都可以考慮下～呢度嘅鐵板燒和牛真係超正，入口即溶好有牛味，燒完溢出牛油嘅香真係超正，唔會燒得太乾，裏面仲鎖住肉汁好Juicy，師傅仲好細心兩件走青兩件冇走，滿足食客提出嘅需要😋燒海老同埋鱈魚又係超好味，蝦好新鮮又大隻，火侯剛剛好，將海鮮嘅鮮味迫晒出嚟～鱈魚好嫩滑，將魚油煎出魚皮好脆，口感非常豐富😍鵝肝多士好邪惡，鵝肝油非常甘香，煎完出嚟可能會有啲膩，但係配合脆多士吸左啲精華中和咗就好完美，多多都食得落🤩成個餐設計得好好，幾度主菜份量啱啱好唔會太漏，而最後嘅炒飯都好好味好夠鑊氣，啱晒一定要食少少碳水先夠頂肚嘅朋友。前菜沙律蔬菜非常fresh，食完好開胃，而最後有一個炒雜菜，令全餐飯嘅營養更加全面。總括而言，餐廳走中高尚路線，但絕對物有所值，食材新鮮燒得恰到好處，推介大家拍拖生日約埋朋友仔一齊嚟試吓～
繼續閱讀
呢次試咗呢個U餐二人前，真係一次奢華同味覺享受嘅美食體驗。首先，作為主角嘅活龍蝦真係100分。呢道菜將龍蝦最鮮美嘅部分完美呈現出嚟，龍蝦肉質嫩滑而富有彈性，鮮甜味道係你一入口就感受到。廚師煮得恰到好處，令到龍蝦肉保持住最佳嘅口感，再配合特製嘅醬汁，令龍蝦更加出色，絕對係一次難忘嘅海鮮體驗。🦞跟住係四選二嘅主菜，呢次我哋揀咗銀鱈魚同帆立貝。銀鱈魚煎得外脆內嫩，魚肉雪白細膩，入口即溶，輕輕嘅鹹香味同魚肉嘅鮮味完美結合，真係令人一試難忘。帆立貝方面，煮得非常嫩滑，保留住原有嘅鮮甜味道，輕輕嘅煎封令外層微微焦香，而內裡彈牙，食落口感滿分。🐟師傅提前知道朋友今日生日，仲特登準備咗驚喜俾佢，畫咗一隻非常之可愛嘅多啦A夢，見到師傅俾心機咁畫覺得好窩心。💕
繼續閱讀