8
4
2
港鐵朗屏站 B2 出口, 步行約2分鐘 繼續閱讀
所有分店 (2)
營業時間
今日營業
11:00 - 22:00
星期一至日
11:00 - 22:00
付款方式
現金
食評 (18)
等級4 2019-10-25
2056 瀏覽
偶然走走下, 見到「鐵板神燒」既招牌🔥之前一路係飲食平台都有留意到呢間新店, 但唔知原來係朗屏站附近😮周日既中午, 人流唔算多, 始終位置係遠離旺區, 仲要係橋底。門口只係有塊簡單到離奇既MENU, 但入去反而有部自動販賣機🏧見到個價50蚊, 以為只係有兜肉, 點知係連飯連嘢飲連菜既佛心價錢😇是咁的, 流程上, 係你係門口睇下有無位 (OK 睇左), 再係販賣機落個單食乜 (落咗), 再拿張跌出黎既紙仔收據埋去鐵板枱吉位坐低你個張飛比呀師傅炒作 (WELL, 等食)😘舖頭前身係乜唔記得, 但長型既空間, 有一大塊鐵板爐頭, 三個師傅好寬敞咁製作。店內音樂都幾大聲下🎧 但抽氣做得幾足, 無乜油煙味✔️ 反而有陣台灣味🇹🇼 坐低後先係你面前放低錫紙一塊, 再比左一堆芽菜同高麗菜比你食住🥬。然後留意湯同飲品係要自己拿既🥤一路睇住後生師傅仔係度煎熟啲雞肉呀, 豆腐呀都幾寫意, 仲要見到佢不時望下電話, 禁兩嘢咁, 成件事真係好有台式小店既隨意💖雖然話隨意製作, 但係都有心機拼靚個碟上黎。係啲極濃醬汁陪襯下, 小許脆煎豆腐味道合格之上✔️然後到雞扒 (沒有妹), 沙茶醬既濃烈伴住佢送飯, 係客家式既台客便當風。仲有另一個牛肉, 其實味道差唔多。無他既, 用得鐵板都係差唔多水準, 很讚的水平囉✔️唔記得講, 兩個人, 三個菜, 白飯加嘢飲任你加, 都係130蚊。街坊小店, 五個字: 便宜又大碗👏👏👏 繼續閱讀
(以上食評乃用戶個人意見 , 並不代表OpenRice之觀點。)
等級3 2020-03-11
46 瀏覽
近日收工無屋企飯食,唯有搵啲快靚正嘅餐廳。鐵板神燒絕對係一個好選擇,自助落單,揀食乜,搞掂。呢間係好特別嘅食肆,岩晒一向鍾意自助形式嘅我,部自動落單機簡單易用,完全唔洗人幫,同用汽水機買汽水差唔多。不過呢排多咗個步驟,店家會提供酒精搓手液畀你搓手。同朋友叫左兩款主食,魷魚及牛肉。先介紹每款主菜都會配送嘅椰菜同芽菜,好香牛油味,入面仲放左好多一粒粒好細嘅蝦(頓時升了一個級數)而且同廚師講聲,仲可以加添。廚師唔會特別主動refill畀你,都合埋架,點知你要唔要喎而我就只加添左一次。魷魚望住廚師煮特別安心,好乾淨衞生啊!(尖叫)廚師每一步都好用心製作,炒魷魚、加蔥、加洋蔥、落配料,睇完個表演再食,好治癒。魷魚好易咬,吸晒調味料嘅香味,送飯一流。牛肉由於係鐵板關係,碟餸係無可能唔熱!飯亦唔會太早上,廚師會等到碟餸就快上得,先會裝飯畀客人,確保夠熱。碗飯都幾滿,見到廚師努力裝到好滿(連裝飯都係客人面前裝,天啊,我好放心啊,包乾淨!)牛肉肥瘦適中,煮得好入味,好好食,食到最尾,我連汁都撈埋。份量方面: 每個主菜都係一人份量,大家唔好expect係大牌檔小菜份量啊,haha有免費湯,飲過麵豉湯同紫菜湯,岩心水就自己去拎,上面寫明數量有限,不過我食過幾次都未試過拎唔到。有免費飲品,都係自助,飲過紅茶同菊花茶。紅茶好濃同無糖,不過太熱啦.. 慣飲熱茶嘅朋友先飲,我就飲菊花茶,因為有落糖嘅。有主菜、椰菜同芽菜、飯、湯、飲品,每次都唔覺意食到好飽 繼續閱讀
(以上食評乃用戶個人意見 , 並不代表OpenRice之觀點。)
等級2 2020-03-07
50 瀏覽
呢間餐廳好近朗屏西鐵站,大概行5分鐘就會到啦。夜晚嘅時候唔使等位,直接坐低。餐廳入邊都舒服清潔,服務員會行過嚟協助你用機買嘢食,但記得只可以比現金啊(太新嘅紙幣係唔收㗎)師傅仲會係你前面幫你整嘢食㗎!湯係任飲嘅,嘢飲都係任飲嘅。買嘅套餐都會包一碗飯,仲有兩碟前菜。無論係佢嘅牛肉、雞扒套餐,份量都好足夠,亦很入味。男朋友都讚不絕口,因為可以撈飯。另外仲嗌左個三文魚,超超超超好食。絕對唔會硬晒,係Juice㗎。燒蠔唔錯架值得一嗌 繼續閱讀
(以上食評乃用戶個人意見 , 並不代表OpenRice之觀點。)
等級1 2020-02-23
58 瀏覽
中午去食原本見三個員工有帶口罩,都有比搓手液又吾多人同咪係黃店諗住可以試下,點咗兩個炒飯午餐。點完餐比咪錢有個員工冇帶口罩入煮食區,睇住佢抹鼻涕同咳,吾帶口罩重要張鼻涕紙扔落地下!撩完牙支牙籤又扔落地下!😡😡😡😡😡😡之後重要冇洗手冇帶手套用手攞沙律比客人食!(注意我一路全程𥄫住佢因為係開放式廚房)我地當然無食個沙律😡佢比完沙律我地繼續吾口罩坐附近又咳又用手撩牙🤢🤢🤢🤮睇都眼火爆想即走!雖然依間話係黃店,但係黃店吾係大哂,大把有良心有質素嘅黃店選擇,有d咁嘅員工想吾結業都幾難!PS. 第一次嬲到寫食評😡 繼續閱讀
(以上食評乃用戶個人意見 , 並不代表OpenRice之觀點。)
等級4 2020-02-17
134 瀏覽
經過見到有間鐵板燒長期都非常之多人,今次終於有機會喺午飯嘅時間嚟食吓佢係用自助落單機,所以冇$100 $50同$20散紙嘅人要唱定先好入去由於我哋去嘅時間係晏晝所以就有午餐提供,我哋今次就叫咗一個炒飯同埋一個定食佢入面提供嘅湯同埋飲品係自己去拎既,菊花茶都幾好飲我哋落左單之後就將張單交俾廚師,咁就可以望住佢真人整好快就上咗個前菜,櫻花蝦炒芽菜,同埋炒椰菜,佢哋嘅份量完全唔少調味剛剛好有黑椒蒜蓉味,以前菜來講佢係好大碟海膽牛肉炒飯,一睇就知佢牛肉嘅份量都非常之多同足夠而海膽嘅份量都幾多,調味剛剛好,$60又有得任飲嘢飲加上個錢財都咁好食個人來講覺得非常之好鯖魚定食都幾好下次要試吓佢嘅燒牛肉同埋另外嘅餐,如果齋宴午餐來講佢呢個價錢同依個質素佢係非常之CP值高不過由於小店嘅環境比較細可能就冇乜服務可言,不過依個價錢來講個人來講非常之抵食 繼續閱讀
(以上食評乃用戶個人意見 , 並不代表OpenRice之觀點。)