鐘路雞林辣炖雞湯元祖

【暴雨夜探店·韓國一隻雞食評】暴雨夜專登嚟試呢間韓式小店，暖黃燈光加熱辣辣食物，瞬間驅散壞天氣嘅悶氣！以下分類細評：🍗 主菜：韓國一隻雞傳統韓式做法，原隻春雞以清湯燉煮，雞肉極嫩滑，幾乎離骨！湯底清澈鮮甜，帶淡淡人參同紅棗香氣，飲落好舒服。食完雞後可以加湯變火鍋，吸收精華後更暖身。🌹 玫瑰醬年糕全晚最大驚喜！年糕煙韌有嚼勁，玫瑰醬香甜微辣，帶淡淡奶香，味道層次豐富到忍唔住用嚟點所有嘢——蘸炸雞、拌煎餅甚至撈飯都超夾！醬汁控必點。🍗 炸雞（皮下酒小菜）韓式炸雞粉漿薄脆，肉汁鎖得好好，點埋Cass啤酒真係一流配搭。不過略嫌調味偏甜，如果多個辣醬版本選擇更好。🍺 Cass啤酒冰涼清爽，氣泡細密，完美中和炸物同濃味菜式嘅油膩感，係韓餐不可或缺嘅配搭。🥞 雜錦煎餅煎餅拼盤有韭菜、泡菜、薯仔三款，煎得香口唔油膩。最特別係薯仔煎餅，口感軟糯帶焦香，點埋玫瑰醬意外地夾！泡菜煎餅酸辣開胃，韭菜版本就香氣十足。總結：暴雨夜中嘅溫暖慰藉！一隻雞湯底清甜，玫瑰醬年糕驚艷到可以單點醬汁，煎餅同炸雞都係穩陣之選。會為咗玫瑰醬同雞湯再嚟！…查看更多

未試過食一間韓國野食到咁差味道差、份量少、價錢貴由小菜開始，得水浸嘅芽菜同苦到爆嘅蘿蔔，連基本嘅泡菜都冇仲要收$30一細碟，難食到傻。叫咗招牌炖辣雞湯 $368成個湯得蒜頭味，大約十舊雞 (兩隻雞翼)，幾粒年糕，大量蔥蒜，根本完全食唔到蒜頭外嘅味。啲雞少肉，又冇味。之後用$50加咗個炒飯，正常食法係喺個湯度炒埋，但係呢度就係攞入廚房用好難食嘅甜辣醬炒出嚟。見到隔籬枱叫咗碟炒章魚，成隻碟大約一隻手掌大細~20cm，仲有一半係芽菜，收$130。啲炸雞就好似萎縮咁，乳鴿都大隻過佢。食完個雞鍋加炒飯都好肚餓，但係真係叫唔落手。一支韓國嘅Terra啤酒，飲開酒嘅都知韓國啤酒有幾平，500 mL佢竟然夠膽死賣$62一支，呢個價錢，又喺出面日本或者韓國餐廳嗌過啤酒飲嘅都知有幾離譜。總括而言，價錢，味道，食物種類，係食過前所未有咁差。好真心咁樣真係唔建議任何人去食。…查看更多

嗌咗個招牌辣燉雞湯，啲雞都OK，但食到中間已經好鹹，加多個拉麵食咗一半都冇已經食唔到嗌咗個紫菜粉絲卷，味道都OK 跟住再嗌咗個炸雞， total有六至八件，每人食咗一件已經食唔到落去，啲雞超級鹹，個味同KFC好似總括而言，以後唔會…查看更多

由韓國開過嚟嘅「鐘路雞林辣炖雞湯元祖」，主打韓式雞肉火鍋同辣炖雞湯，今次我揀咗唔辣嘅版本，試下最原味嘅風味，雞湯同雞肉都好有驚喜！🔥 必試推介
✔ 韓式雞肉火鍋（細）$368
適合2-3人，湯底清澈鮮甜，用上半隻雞，堆滿蒜蓉同大蔥，香氣十足！雞湯一飲落去好濃郁又唔油膩，飲完令人懷念韓國🇰🇷～配料有年糕、土豆等，雞肉嫩滑到爆，即使煮耐咗都保持滑嫩，超驚喜。✔ 泡菜煎餅 $70
貼心地分細細塊，每塊都煎得脆卜卜，唔會油淋淋，泡菜香味突出，越食越開胃～💡 總結
想食韓式雞火鍋唔一定要重辣，原味版都一樣有驚喜！湯底香濃，雞肉滑嫩，環境舒服，幾啱三五知己坐低慢慢嘆～…查看更多

韓國過江龍燉雞湯！餐廳韓式設計 冇得去韓國嚟呢度度過吓口癮都唔錯～不過覺得冷氣太凍🤣🤣辣燉雞湯 Spicy Chicken Stew $368雞湯略嫌味精太重 食完好頸渴不過雞好滑 蒜味重 年糕煲腍咗之後好好食！蟹籽紫菜飯糰 Rice Balls with Flying Fish Row $50好有驚喜！呢個絕對係我喺香港食過最好食嘅手抓飯白飯配上麻油、醃蘿蔔碎、紫菜碎、蟹籽加分位係蟹籽好脆口大粒 每一啖都卜卜脆🙂‍↕️🙂‍↕️…查看更多