鏞鏞．藝嚐館

營業中

休息中

𝑹𝒆𝒔𝒕𝒂𝒖𝒓𝒂𝒏𝒕 𝑵𝒂𝒎𝒆 🍽️: 𝒀𝒖𝒏𝒈'𝒔 𝑩𝒊𝒔𝒕𝒓𝒐𝐿𝑜𝑐𝑎𝑡𝑖𝑜𝑛📍: 𝑇𝑎𝑖𝑘𝑜𝑜 𝑃𝑙𝑎𝑐𝑒 , 𝐻𝑜𝑛𝑔 𝐾𝑜𝑛𝑔𝐶𝑢𝑖𝑠𝑖𝑛𝑒 🥂: 𝐶ℎ𝑖𝑛𝑒𝑠𝑒 🏮 「鏞鏞．藝嚐館」香港老字號「鏞記酒家」嘅年輕副線🥢主打新派粵菜✨將80年經典手藝注入現代創意😎口號「呈手藝、傳心意、嚐回憶」就係佢哋嘅靈魂🤏鰂魚涌分店裝潢加入咗復古元素⚜️牆身用咗70年代鏞記原裝磁磚🧱再髹上灰玫瑰色✨低調又有質感😆兩幅巨型手繪壁紙以《蘭亭序》曲水流觴為靈感🎨畫滿鵝群🐤暗扣鏞記招牌燒鵝同鵝池典故🪿 🍽️匠心粵菜🍴1️⃣懷舊干邑糖心皮蛋🥚(✨鏞記招牌）流心皮蛋🥚淋上干邑白蘭地汁🍾配搭砂糖🤏一上菜嗰一下已經聞到浸浸酒味😍食落一啲都唔簡單🤤先係龍龍走香😆砂糖味接踵而來✨最後皮蛋溏心流金✨味道非常有層次👍完全唔可以俾佢平平無奇嘅賣相呃咗🤣2️⃣"嘆"燒原隻鵝髀🪿(✨鏞記傳奇）招牌燒鵝髀🔥原隻上枱😍仲跟個小炭爐保溫🔥燒鵝髀肉質嫩滑多汁🤏外皮超級脆🤤肥瘦均勻😍 皮下油脂甘香但唔膩🫶點埋餐廳秘製花生醬🥜口感更豐富🫶3️⃣燒汁煎釀南澳帶子🇦🇺口感勁似蝦餅🤣🍤表面煎到微焦脆✨中心帶子肉依然軟嫩🤏表面撒咗炸芋絲增加口感👍4️⃣鴛鴦遠年陳

在鰂魚涌飲茶地方重要有戶外可以照顧🐶已經沒乜幾間，地方又迫人，在OP睇咗一陣，見到鏞鏞藝嚐館，在太古坊有分店。假日飲茶點心，小炒。地方簡潔，內部裝修時尚但溫馨，假期又唔洗同人迫。小姐姐細心照顧我的🐶還有狗墊提供！好適合一家大細假日飲茶好地方蝦餃，燒賣，山竹牛肉，叉燒包傳統味道，特別推介原隻鮑魚酥。椒鹽單骨雞翼甜酸鬆化炸雲吞，鍾意食炸野既你一定喜歡偏貴價點心，不過服務同味道滿分。一切都物有所值。

喺太古坊返工，日日食飯都想搵啲健康啲但又唔想太寡嘅選擇。聽同事講「鏞鏞藝嚐館」除咗燒鵝，都有啲精緻小菜同燉湯，就約埋一齊試下。餐廳環境幾舒服，空間感足，坐低唔會好有壓逼感，啱晒我哋呢啲想靜靜哋食個飯嘅人。我哋幾個人叫咗：●麻香花椒鮮黃耳：呢個前菜幾開胃，黃耳好爽口，麻香花椒味唔會太刺激，少少麻辣幾醒神 。●羊肚菌竹笙天白菇燉湯：個燉湯真係好足料，一上枱就聞到好香菌味 。飲落好清甜滋潤，感覺好養生，羊肚菌同竹笙都好爽口 。●雙耳百合炒蝦球：呢個小炒好啱我口味！蝦球幾大隻又彈牙，配埋爽脆嘅雙耳同清甜嘅百合，成個配搭好清新，唔油膩 。●上湯杞子竹笙浸菜遠：想食多啲菜，叫咗個浸菜遠，菜夠嫩，湯底清甜。遠年陳皮紅豆沙：最後叫咗個紅豆沙潤下，唔會太甜，又有啲起沙，仲有淡淡陳皮香，感覺無咁heavy 。

friend 行開太古城，行到攰攰哋，晏晝就決定去新開無耐嘅「鏞鏞藝嚐館」醫肚。一入到去已經「嘩」一聲，個環境真係幾掂，裝修型格得嚟又舒服，同平時呢區食開啲餐廳 style 完全唔同，坐低傾偈都零舍爽啲。我哋幾個人叫咗幾樣嘢 share：●招牌燒鵝 (例牌)： 嚟得「鏞鏞」，點可以唔試佢哋嘅燒鵝！我哋叫咗例牌，啲燒鵝皮好香，肉質嫩滑而且肉汁豐富，點少少酸梅醬，真係經典嘅味道。●清蒸游水海東星斑： 食粵菜點少得蒸魚！呢條東星斑蒸得啱啱好，魚肉好滑溜，又夠晒鮮甜，簡簡單單淋個靚豉油已經將鮮味昇華晒。 ●惹味鎮江黑醋骨： 食完魚想試啲濃味啲嘅，呢個鎮江骨就啱晒。啲醋骨炆到好腍，個鎮江醋汁酸酸甜甜勁開胃，又夠掛汁，啖啖肉，用嚟送飯真係一流！●桂花糖椰汁糕： 食完主菜，梗係要試埋甜品。呢個桂花糖椰汁糕賣相精緻，一上枱就聞到好清香嘅桂花味，椰汁糕體夠滑溜，甜度適中，食完感覺好清新，為呢餐畫上完美句號。服務方面都幾好，介紹菜式都幾詳細，又唔會chur住你。價錢嚟講，喺呢區算中上，但係計埋個靚環境同埋食物質素，我覺得值回票價。

午餐套餐370幾蚊一個人，我哋要求要每一位每兩位上兩sets! 但係餐廳要全台人一大碟上，唔可以每位上，要求兩位一份一份咁食，都唔可以，我地長檯十幾人….幾大碟上點樣分來食呢？ 再要求每4個人分4sets 一齊上，都係唔得！ 最後更講話咁樣師傅會做得好慢，要好多工序，要等好耐，即係都係要幾大碟咁上晒上枱。這個價錢，計埋加一超過$400/位的午餐，什麼服務可言？態度惡劣！ 服務極差，仲嫌我哋煩！這間舖頭永不再幫襯！ 六

喺太古坊返工，見到呢頭多了幾間新餐廳，鏞鏞應該算係其中質素較高嘅一間。環境： 入到去覺得幾舒服喎，裝修係新派中式 feel，紅磚牆加埋啲中式 details，幾有格調。最正係啲位夠闊落，唔使同隔離枱膊頭掂膊頭。牆上面啲手繪畫都幾靚，可以打下卡。食物： 我哋幾個人 share，叫咗幾樣嘢試下：燒鵝：嚟得呢度，點都要試下佢個燒鵝嘅。皮成陣油香，肉夠嫩，保持到中環店水準。鏞鏞雪茄：個樣好似真雪茄咁，炸到脆卜卜，入面係鵝肉絲，幾特別，值得試下。家鄉梅菜扣腩肉：腩肉食落幾軟腍，梅菜好入味，吸晒啲肉汁到暈，撈飯一流。啲 staffs 幾好笑容，serve 得幾快手，啱晒喺太古坊呢頭搵食嘅打工仔。環境舒服，同家人黎食飯或者同同事 happy hour 都得。價錢喺呢區嚟講就中上啦，但質素有返咁上下，值得一試。

中午同同事決定試吓太古坊開咗無耐嘅Yung's Bistro，點知真係有驚喜。餐廳環境簡潔又舒服，設計帶點現代感，喺商業區入面畀到人一種輕鬆嘅用餐體驗。點咗鏞記正宗燒鵝，鵝皮好重油香，肉質軟嫩，味道層次好豐富。星洲炒米米粉炒得乾身，咖喱香濃而不辣，蝦仁同叉燒粒好入味，食到停唔到口。家鄉梅菜扣腩肉，肉質軟腍，梅菜入味，醬汁濃郁得來唔會太鹹，配飯一流。服務有效率，侍應好快手幫我哋落單同上菜。餐廳位置方便，對於office人嚟講係lunch嘅好去處。不過中午真係幾多人，建議book定位或者早啲到。

第一次嚟太古坊呢間鏞鏞，之前K11果間試過，今次同舊同事嚟新嘅呢間飲茶！菜單同K11果間都差唔多，點心依然保持同一水准，好適合週末一家人嚟飲茶Family day！雖然裝修風格偏西式，但係茶市一嚟到都係充滿傳統早茶氛圍嘅感覺

今次已經係第二次嚟打卡啦，真係太好味所以今次一定要寫返篇食評讚美下先得！太喜歡佢哋嘅陳皮牛肉，濃郁嘅陳皮醇香搭配鮮嫩多汁嘅牛肉，實在令人難忘，午餐set基本每個星期都唔同，如果係係附近返工嘅可以試一試

之前去過K11嘅鏞鏞，今次嚟新開嘅呢間，大致嘅菜單同果邊都係差唔多，價錢應該都唔會相差太大！出品都係一樣咁滿意，各樣點心精緻得嚟又好味，而且好有特色，睇得出除咗烹飪之外擺盤方面都落足功夫，適合三五知己嚟飲茶吹水

前兩日同朋友特登嚟試吓鏞鏞嘅燒味，叫咗隻半燒鵝，皮脆肉嫩，特別啱冬天食。至尊肥燶叉燒都唔錯，鬆軟多汁，蜜味十足 。配餸叫咗個花膠竹笙燉響螺，啲湯好滋補。韭黃三蝦炒滑蛋都好惹味，蛋炒到好滑，蝦新鮮彈牙。見到隔離枱叫嘅流心西施炸蝦丸都幾吸引，下次可以試吓。食完飯行吓商場都幾寫意。

雖然價錢唔平，不過菜品嘅創意同埋擺盤精緻度值得一試，如果偏好傳統飲茶氛圍，呢度或者稍顯西化，不過作為一次融合風味嘅探索，鏞鏞藝嘗館無疑可以為食客帶來耳目一新嘅舌尖之旅。建議提前通過官網預訂，避開高峰時段

鏞鏞‧藝嚐館是82年老字鏞記酒家的年輕版，第二家分店已經到左太古坊！新店環境寬敞，設有露天雅座，且為寵物友好場所，而室內裝潢散發時尚古典氣息。這每道菜都展現了精緻的工藝和豐富的味道，讓人回味。嘆燒原隻鵝髀以原隻廣東黑鬃燒鵝髀上桌，肉質鮮嫩，炭香四溢。流心西施炸蝦丸則以董事長腐乳入味，外層香脆，內裡熱辣的流心醬爆，口感極佳。碧綠甫魚鱈魚球新鮮彈牙，結合時令蔬菜，口感清爽。蔥香櫻花蝦臘肉炊飯，即席烹調，香氣四溢，飯焦的酥脆口感更添風味，令人食指大動。懷舊干邑糖心皮蛋 口感滑順，散發淡淡的酒香，獨具匠心。最後，西米蓮蓉焗布甸搭配金絲椰香脆麻花，香脆與甜蜜完美結合，讓整個用餐體驗圓滿結束。

終於試到太古坊新開嘅鏞鏞啦~~ 🙌🏻 呢間係鏞記嘅副線品牌,之前喺K11都見過,今次趁假期特登去試吓!裝修好靚,入門口已經見到墻上好得意嘅鵝群壁畫,仲要係手繪 架~~環境舒服企理,加上有露天座位,絕對係放工約朋友食飯嘅好地方🌿我哋叫咗:🦐椒香雞樅蝦多士 -多士夠脆,蝦就好彈牙,配埋雞樅菇嘅香味,好特別🦆鏞記正宗燒鵝 – 一上枱已經聞到燒鵝嘅香味,皮酥肉嫩,油香四溢又唔會好漏✨ 絕對係店中招牌之作,不過以份量比預期少咗D，4個人食完仲想再叫😅🥩粵式脆皮燒腩仔 - 皮脆到好誇張!肥瘦適中~~🐟碧綠甫魚鱈魚球 - 意外嘅驚喜!啲魚新鮮彈牙,配埋時令蔬菜好清爽,而啲甫魚粉(即係香港人成日講嘅大地魚)令個味道層次豐富咗,唔會覺得單調😋價錢中上,一個人大概$300-400,勝在味道好,環境舒服,服務態度又唔錯,適合請客食飯或者同三五朋友餐聚。🎊加分位:•⁠  ⁠環境企理,氣氛好•⁠  ⁠燒味品質有水準•⁠  ⁠服務態度專業扣分位:•⁠  ⁠部分餸菜份量唔算好多總括嚟講值得一試,下次想約人食飯絕對係個好選擇! 💫----------------味道 4/5環境 5/5服務 4/5衛生 5/5抵食 4

真忍唔住！人生第一次打post食評。老字號鏞記系，K11試過正常水平的。太古店可能趕開業⋯⋯ 首先. 員工明顯培訓不足，各個細節位好明顯非做開中高檔食肆出身，甚至乎不是飲食服務業。 再者最主要食品質素和賣相嚴重強差人意，而最關鍵叉燒絕對難忘，叉燒幾乎係中菜酒家必然菜系，直接反映該食店嘅水平。賣相形狀似一隻女人手掌，細扁平，細看下原來將叉燒橫腰切一半上碟，第一次看到這種切法十分奇怪，絕對唔係一個正常粵菜燒味師傅手勢，有像請外勞臨時拉夫，而且一半燒到半黑，另一半黑之餘有大半白嘅肥位，好像臘肉一樣，就憑這賣相忍不住向經理反映，吐槽如此奇怪，一試下結果一入超鹹，感覺上在食金華火腿。其他東西如鳳爪雪霉味好重，絕對唔係新鮮，而且雪藏解凍處理不足。蝦餃味道最正常，雖然賣相不是討好，大小好似淘大點心這種！暫時嚟講，最有印象最難食嘅中菜食肆⋯⋯最後補充，環境係唔錯，亦近住家，經常會食中菜，希望可以作出大幅修整，否則看應做不了半年。