鎔記潮州飯店

營業中

休息中

今日小編黎到九龍城搵好野食，平時黎到都係食泰國菜，今次一於食潮州菜。呢個大熱天時，一啲食打冷一邊飲啤酒，簡直係人生一大享受😂。。芽菜炒豆卜雖然打令，但係都要叫個菜黎既，普普通通，不過豆卜幾入味。。雜錦滷水拼盤嗰滷水汁係餐廳特製同出面食嘅唔同，味道恰到好處吾會太鹹，而且滷得好入味😋。拼盤好豐富，有豬腸鵝腸紅腸腎豬耳等等，煮得好軟淋，另外仲可以沾少少酸汁食。。滷水鳳爪鳳爪好夠淋，入面仲有d花生，送啤酒一流。。韭菜豬紅豬紅好有咬口，而且好彈吾會一夾就碎，再配上韭菜，簡直絕配😛。。涼瓜炆倉魚涼瓜吾太苦，連吾點食苦瓜既小編我都食左吾少。而倉魚好有驚喜，魚身煎得岩岩好，好好食👍🏻。。潮州炒麵線潮州麵當然有潮州食法，本身已經有味可以就甘食，亦都可以起食之前可以加d醋或者糖，食落幾特別😁。

今日收工過咗嚟九龍城搵食😋，九龍城咁多嘢食都唔知點揀好😖，行吓行吓見到間食潮州打冷，於是朋友話入去試吓🤩。講到潮州菜，我哋第一個諗起韭菜豬紅，豬紅好滑，下面仲有好多好入味嘅韭菜，個汁辣辣地，食完一舊又一舊😋補左好多血👍🏻。另外叫左花生鳳爪，味道略嫌淡，唔夠入味，鳳爪好淋身。芽菜豆卜，芽菜好爽口，豆卜好入味。煎魚豆豉炆苦瓜，最鍾意夠苦嘅苦瓜😍，魚煎得好香口，魚肉好滑，而且冇乜骨👍🏻👍🏻🐠。當然唔少得滷水拼盤，拼盤有滷水鵝，紅腸，生腸，粉腸，豬大腸，墨魚，鵝腸等等，非常之入味呀🥰，份量好多👍🏻。最後有個潮州伊面，建議配上糖同醋食，兩邊煎得好香口，簡單嘅一道菜色，出奇地好味😋😋。

食泰國嘢大家就會諗起九龍城，但係去到九龍城有一間潮州打冷嘅都確實不錯，呢間菜館位置非常容易搵到，今次就約咗一個朋友喺嗰度食晚飯，去到就當然係探熱啦，然後職員就安排我哋入座，嗌左四個餸，清炒豆卜芽菜，豉椒炒蜆，滷水拼盤，韭菜豬紅。清清淡淡嘅豆卜芽菜已經好好味，唔一定要食咁重口味，做前菜都唔錯。豉椒炒蜆數量多好入味，味道好唔錯，值得一試，韭菜豬紅係必食嘅，豬紅嘅口感好好數量都好多，我最鍾意食就係滷水拼盤，入邊有好多種類，紅腸，腩肉，生腸，豬大腸，豬頸肉，魷魚，夠曬入味，可以食多碟添呀，最後當然加罐凍冰冰既汽水，做個完美句號啦👍👍

今晚到九龍城吃潮州菜樓上樓下都有座位，適合大夥人聚會各式小菜招牌滷水上菜前先有餐前小食開開胃入味豬紅，血腥味不重份量多。雖然我平時不吃豬紅，但這個我接受口感很好，不會太厚實，也不會一夾就散。朋友平時愛吃豬紅也大讚出色韭菜同樣入味！除了鵝肉之外，皮也很重要，這個鵝皮充滿彈性，而且滷水很入味又不過鹹。鵝肉同樣入味蠔餅非常酥脆！不會炸成「大板燒」的樣子。蠔肉真的大大粒！而且新鮮。很滿足的一餐，下次也會和朋友來吃

一連兩星期光顧這店，今次再臨主要是因為被之前一次蠔餅及油浸筍壳魚吸引！但，好可惜！蠔餅份量少了一半，而諗住再Encor 油浸筍壳魚都要cancel ,等足一個半小時條魚都未煑！當晩是星期日，老闆娘係咪入唔夠貨，廚房每碟菜的份量都比上一次少成三份一。一餐飯入面，聽到老闆娘不停大聲喝伙記快啲做、快啲做！伙記們辛苦又受氣⋯⋯另外，我們又點了香煎牙帶魚（因為朋友喜歡食牙帶魚所以兩次晚餐都叫左牙帶魚）牙帶魚肉質實在有啲梅，又凍又不是脆口，還有一個蠔仔粥，大家唔好再叫！八分水加二份粥，冇方魚、肉碎，好似飲緊蠔水🥴全晚晚餐唯一可以合格只有豬紅韭菜！環境方面，一般般！還可接受。如果水準是因為人流多或食物準備不足，建議真係要改善一下！當晚八個人叫咗八個餸,四枝啤酒，埋單每位$100元左右價錢尚算大眾化！

母親節，帶阿媽食好西～聽好友講，呢間潮州菜館抵食又高質～我地今次叫左４個小菜，包括：鹵水鵝、豉椒炒蜆、煲仔通菜、潮州蠔餅。潮洲打冷，一定要點鹵水鵝～望落賣相好好，切得薄厚適中，而且份量都幾多～食落鵝肉好入味，肉質嫩滑，鵝脾肉食落好最嫩滑，而碟底有配菜豆腐，吸收哂滷水汁，味道好出色！豉椒炒蜆，夠鑊氣，而且粒粒都肥美又鮮甜，醬汁超惹味，配飯配粥都唔錯～通菜用左蝦醬、蝦乾、辣椒絲一齊炒，熱辣辣地呈上，食落健康又好味！潮州蠔餅了，呢個食潮洲菜都係必點的，炸得勁靚，蠔肉鮮甜飽滿，而且好脆好香口！！OVERALL 真係好抵食, 坐得又舒服, 唔錯~

打冷我諗好多香港人都唔多唔少都會一個月有一次勝在方便做好哂自己咩都唔駛搞 今月做完野經過九龍城就自己一個走左去打冷食得潮州菜真係點少得凍蟹 今次呢隻凍蟹真係無得頂 肉質結實 食得岀佢嘅新鮮 而且食落啲蟹膏充滿成個口 一個小炒王就試得岀一間餐廳嘅功夫 因為小炒王有好多唔同嘅材料 要樣樣炒到岩岩好相當困難 而佢地嘅小炒王不但做到呢一點 而且好好鑊氣 上到枱仲係岀哂煙 真係熱辣辣最後點少得鹵水野呀 我就叫左鵝片同埋鵝腸 一睇就知無得彈 佢地嘅鵝片厚薄岩岩好 有咬口之餘又唔會韌 加上鹵得好入味 配埋佢地自家製辣醬 送酒食真係一流 同埋佢地嘅鵝腸爽口之餘 仲相當之肥 食落有種獨特嘅油香~~~~~~~~~~~~~~~~~~~~~~~~~~~~~~今次偶意黎到呢間店 真係無入錯去 下次帶埋朋友一齊黎食多幾個餸

諗起好耐冇食潮州野,所以就決定過九龍城試呢間新野.由於疫情關係,鋪頭晚市都冇咩人,我地被安排上二樓食飯.因為得我同男朋友兩個人食,所以叫左一個潮式蠔餅同椒鹽鮮魷,蠔餅真心足料飽滿,,每夾一下都包住好幾粒蠔仔,粒粒都充滿鮮味, 因為即炸關係,所以都好脆口.椒鹽鮮魷表面灑上淑鹽同炸蒜調味, 外脆內嫩,一咬落口鮮魷唔會咬唔開,點埋喼汁更加惹味!

朋友搬進了九龍城，探訪之餘，順道晚飯，當中有祖籍潮州的，故此今晚目標潮州菜，有著地利的《鎔記》，便是今晚的開餐地。環境尚算乾淨企理，粉紅色枱布，增添幾分雅緻！潮州飯店，必食滷水是常識，點了雜錦滷水拼盤 $118，包羅萬有的拼盤，紅腸、豆腐、大豆芽、生腸、墨魚、鵝腸、雞腎、豬耳、咸肉等，當中吸滿了滷水的豆腐及大豆就最能表現出滷水汁的美味👍💖💖滷水是店家獨家配方烹制，跟一般現成的滷水汁截然不同，是整個拼盤的靈魂👻👻椒鹽九肚魚 $88，外層香脆，最難得是去骨的，吃起來啖啖肉，沒有吐骨的煩惱，加上熱辣燙嘴，全晚最愛 💖💖💖蒜蓉生菜，上枱翠綠，蒜粒金黃，生菜脆口，感覺清新。鹽水豆腐，又一經典的潮州菜式，簡單的炸豆腐配以蔥花鹽水，是那些年的家鄉味，別有一番滋味。 知己聚頭，聊過不亦樂乎，加上懷舊的味道，確實令人滿意。

今晚為了應付零晨的工作。必定要飽腹滿肚先有能量迎接新的工作量。去到工作地方九龍城附近。找了一間食打冷食物的餐廳。本人以前女友是潮州家庭長女。打冷食物經常出現飯桌上。椒鹽九肚魚。地道大排擋的必然菜式。但呢度好特別在將九肚魚散切後化為一細口一細件的煮法。令到肉質更鮮明。食入口有即化的層次⋯黑椒牛仔骨-港式菜色獨特風格。一般葡菜都會有牛仔骨呢類食物。港式必然用燒紅了的鐵鍋。它們的牛仔骨好香肉質彈牙。嫩滑順喉。鑊香充滿味覺的享受

常到九龍城聚餐飽腹，食遍泰式林立的餐廳，換換新口味，打冷是首選也。一入門，姐姐笑容滿面熱情端上滾水水洗碗杯點單，也有濃香的茶，應有的打冷大排檔服務，值得一讚。先來一客椒鹽九肚魚，見金黃外皮沾上薄薄鷹粟粉，大廚起骨切段魚塊，比起外面原條做法好，吃起來啖啖肉安心食用，灑上椒鹽及辣椒粉炸蒜惹味。火侯時間掌握得好，外脆內嫩，筷子一夾就知肉質軟軟，入口即溶，鮮味十足。豉椒炒蜆，一道海鮮菜式，也可作為下酒菜。炒出大排檔風味的菜式，鑊氣夠，肥美鮮甜蜆肉惹味醬汁可算是十分配合。可能蜆肉受熱程度不均，大廚亦不想蜆炒得太熟會韌，部分蜆殼未能完全打開，不得不人手開殼。芥蘭啫啫煲 - 芥蘭菜略帶點苦味，蝦醬正常去苦多提鮮甜味。燒熱鐵鍋猛火快速翻炒，鮮鹹的蝦醬包裹住爽脆的芥蘭和蝦味咸鮮的乾蝦，激發出誘人的鮮香，鑊氣十足。最後，打冷又怎能缺少代表的鹵水鵝，鵝肉入味，薄厚適中，如切得太厚，口感會韌，太薄又吃不到肉味。咬下去味道醇和清香，鵝脾部分肉嫩，配菜豆腐略嫌未能吸收鹵水精華，稍為清淡一點。傳統打冷風味，小菜份量料足，價格實惠，門口張貼長者優惠三餸午餐只是$28， 良心食肆抵讚。

打冷確實有風味，好多經典滷水菜都非常吸引。同家人一齊食當然要叫返個滷水拼盤，拼盤好大碟，而且入邊乜都有。最緊要係可以食到唔同嘅種類。鵝片係主打，仲有鵝腸、大腸豬耳、墨魚等。滷水都幾入味。蒜蓉蒸開邊蝦賣相唔錯，面上有好多蒜蓉。開邊蝦最好係方便食，唔使用手剝殼。蝦嘅肉質都唔錯，幾香。韭菜豬紅都係潮州菜經典嘅餸菜之一，豬紅最好就係補血；而且豬紅辣辣地，韭菜又較多。鹹肉芥菜好耐冇食，鹹肉大大嚿，芥菜夠林。炸蠔餅，點熱氣都要叫。哈哈，大大份，蠔大隻。

香港都唔算有好多地方有潮州嘢食，今日經過九龍城就入咗去試呢間潮州菜。餐廳雖然是小店，但有兩層。睇吓餐牌都有不同嘅食物除咗潮州菜仲有啲經典小菜我哋叫咗滷水拼盤：有鵝片、鵝腸、大腸、豬耳、豆卜、芽菜、墨魚等等，好多好大碟。韭菜豬紅，份量亦都好多。韭菜好香，豬紅亦都幾結實，辣辣地幾好味。當然唔少得蠔餅，大大件即炸，有個鹹鹹地嘅醬汁，不過如果再多啲蠔就好喇。蒜蓉開邊蝦，大大碟，賣相唔錯，好多蒜蓉，蝦幾新鮮，味道唔錯。

今日同男朋友係依間潮州菜館試下，真心不錯👍。菜館格局簡約，頗有傳統風味😌，在窗前掛滿唔同種類的潮州打冷滷味，全部都好吸引😋😋。除了地下幾張枱之外，樓上亦有座位，適合一班朋友聚會🍻。店員好快就沖左壺茶，又整左D 小食俾我地食，係酸菜，酸味味都幾醒胃😊。睇下餐牌，都有唔少傳統打冷菜式。同埋都有唔少時令海鮮。滷水鵝都幾大份下👍。滷水汁味道出色，有好香嘅花淑八角味。鵝肉好入味，肉質嫩滑，亦唔會太肥。在碟底的滷水豆腐索哂D 汁，非常美味😋😋。酸甜咕嚕肉味道幾好，酸甜得宜，咕嚕肉有咬口但又唔靭，肥瘦比例適中，炸粉亦唔厚，我覺得係中上水平🤗。椒鹽九肚魚岩岩炸起，熱辣辣好味道，九肚魚肉質鮮嫩，一D碎骨都無食到。好快俾我地一掃而空🤤。煲仔炒通菜依碟係老闆娘推介，佢話今日通菜幾靚。通菜係用蝦醬，蝦乾🦐，辣椒絲🌶同薑絲一齊炒，再用煲仔上。食落味道同熱度都剛好，香濃而無蓋過通菜本身的鮮味，蝦乾亦都有唔少，好有蝦味，唔錯唔錯😉。整體用餐體驗好好，店員都好有禮貌，上菜都好快，食物份量同質素都不錯😊。另外餐廳有長者優惠，午餐都只係28元😆😆。

行過九龍城唔知食乜好，有朋友建議打冷，就去OpenRice睇吓附近有乜嘢打冷揀。平日七點幾都唔算多人，姐姐幫我地安排位置。可能冇乜人，餸都來得好快。嗌左幾個餸點評一下。滷水拼盤食潮州菜都要叫過滷水拼盤啦，中規中矩，入邊都有好多材料紅腸、滷豆腐、生腸、豬大腸等。個人覺得再濃味d會更好，會更加入味，但係勝在款式較多份量夠大，三個人食都食唔晒。豆卜芽菜呢款都係典型嘅潮州菜，芽菜爽口， 豆卜入味，用來做前菜都唔錯。好簡單嘅一碟餸，就係豆卜配芽菜。椒鹽豆腐椒鹽豆腐好多打冷舖都有嘅菜式，有了椒鹽，就算淡而無味的豆腐也變得好吃。豆腐切到細細粒，一口一啖，脆口夠味，唔錯！由於份量都好足，我哋就冇叫到飯啦。總體來講，佢個地方算大，服務質素可接受，喺九龍城食厭咗泰國菜都可以黎試吓潮州菜嘅。