鍋霸吃到飽台式養生火鍋 (創興廣場)

營業中

休息中

估唔到鍋霸喺旺角嘅創興廣場開咗新鋪。無限時吃到飽養生火鍋套餐CP值超高！任食Prime Grade安格斯肥牛、西班牙無激素豬肉片。我鍾意佢哋嘅Prime Grade安格斯肥牛唔會切得太薄，肉味香濃，肉質都幾好呀。比起其他任食火鍋質素高。海鮮質素唔錯，海蝦特別鮮甜。蜆、蟶子完全無沙。牛丸多汁。手工丸又幾彈牙！飲品任飲，仲推薦佢哋嘅冷泡茶。最後仲有一人一個雪糕。無限時唔使食到咁趕。不過7點半前離座有8折就更加抵。

一星期有一日可以打邊爐真係爽，呢間台式火鍋湯底又多選擇，有成16款咁多，有辣有唔辣，飲品同配料又多，任君選擇～相信係新開的，地方超級光芒又乾淨，一路食都唔會好大陣油煙味，食完都冇成身味👍🏻，座位間隔闊落，坐得舒服～我哋揀咗$308嘅Prime Grade安格斯肥牛套餐，跟餐有一份自家製Shakeshake鹹蛋黄魚皮，可以自由配搭四款味粉（海苔/芝士/梅子/ 香辣），魚皮夠晒香脆，鹹蛋黄味足夠好香平時打邊爐通常都係叫麻辣味，今次試咗藥膳沙茶牛肉涮涮鍋幾正，好濃郁，又唔會好咸，一齊煲嘅牛肉仲超稔😋牛肉油脂分布均勻，食落唔韌，油脂香同牛肉香都唔錯😋😋豬肉片都推介，豬肉片有時會好驚太乾，但佢唔會，記得要沾埋芝麻醬食👍🏻推介手工黑松露墨魚丸、手工黑松露墨魚滑，鐘意黑松露嘅人唔可以錯過，超級香又夠彈牙👏🏻👏🏻足八吋長蟹棒正常發揮，金沙魚蛋、芋泥貢丸、爆醬濃芝士牛丸（流心）都係必試🤤，絕對真材實料唔hea，同埋最欣賞係每樣都唔會勁大粒，可以叫多啲試多啲味😬😬甜品可以揀Haagen Dazs 或者Movenpick😍😍

原來鍋霸係創興開左新店，哩間野出名性價比高，重點係無限時任食! 唔洗趕頭趕命可以慢慢食! 環境乾淨企理，又唔會迫迫狹狹👍🏻最平個餐$308/人，7點前9點後仲要再平d☑️哩個價我地食足4粒鐘，有安格斯肥牛同無激素豬，仲有海鮮多款火鍋食材，真心抵! 藥膳椰子雞，幾濃幾香椰子味又足料👍🏻未開始打邊爐之前仲有個shake shake炸魚皮先送❤️有唔同口味既shake shake粉，好過癮，就算唔落粉本身都好香口脆卜卜!牛肉都有雪花，有牛味亦腍滑☑️豬薄片滾一陣就得，脂肪少口感不錯。海鮮除左有鱔片，海蝦同沙白之外，仲有少見既蟶子仔! 而且全部都幾新鮮，必encore 👍🏻其他食材好似餃類丸類蔬菜類都係正常水準，特別一讚佢地既擺盤上碟真係好企理，唔會滴哂水感污污糟糟咁，衛生程度5粒星👍🏻仲有放題最尾食完先覺得完滿既dryers同埋movenpick😋全程食得舒服，野食上得齊又快，無限時任食黎講無得挑剔！

再訪高質素火鍋店 人氣台式無限時吃到飽在旺角開了分店!有3個放題套餐，共有16個湯 底可選，個個香濃足料，配上任點高質肉類、丸類、菜類、麵類、海鮮類、台式飲品及雪糕餐廳環境闊落 乾淨企理，服務員個個親切有禮 用QR code下單，上菜速度快，自助區有飲 料及醬汁 餐廳人流好多，記得提早預約!這次選了無限時吃到飽$308套餐，想試兩款口味，便點了雙拼湯底+$48「藥膳椰子雞涮涮鍋」十分香甜滋潤，濃濃的椰子味，好推薦!配有豐富湯料，包括大大件嫩滑 雞塊、栗米、豆卜、洋蔥、黑木耳等等，健康又好味 「麻辣蕃茄牛肉涮涮鍋」味道好高質!麻辣味及蕃茄味都好突出，酸酸辣辣好過癮，配有豐富 湯料，包括大大件軟腍牛肉、栗米、豆卜、洋蔥、黑木耳等等，十分惹味套餐包括2款肉類Prime Grade美國安格斯肥牛、西班牙無激素豬肉片 肉類厚度適中，肥瘦均勻，肉質好鮮嫩，食唔停口火鍋配料款式好多，有很多特別款式 必點推薦:各款餃子、魚雲、花膠、黑松露墨魚滑、白 鱔片、脆鯇魚片、海蝦飲料方面有多款紙包及罐裝飲品，還有自家製冷泡茶，味道有冬瓜茶、烏梅山楂茶、四季 春、桂花烏龍，亦有熱飲提供甜品每人可選一款Mövenp

最近以無限時任食火鍋打響招牌的鍋霸在旺角開設了新的旗艦店，旺角向來是飲食業的強競爭地帶，新開在創興廣場4樓，門面一見就非常乾淨.餐廳內部主要採用淺色系桌椅，需加倍用心保持清潔，場內更有園林造顯出格調，每桌空間都很寬敞，出入或者安坐都非常舒服餐廳出品是台式養生火鍋，所以火鍋鍋底有很多藥膳養生為主，價錢分為$308、$408和$508三種價位，今天選擇基本的價位，肉類已有美國Prime Grade安格斯肥牛和西班牙無激素豬肉片主要使用手機下單，有超過60款的火鍋配料可選，除了一般供應來貨，這裏的自家製手工配料也有很多，包括黑松露墨魚滑、麻辣牛丸和香菇雞軟骨餃等等，另一回本類別是海鮮類，有生猛海蝦、脆鯇魚片和新鮮魚雲等選好鍋底和配料後就可以出去外面自助飲料區和醬料吧逛一圈，說到台式火鍋現在必備的當然是自家飲料，包括冷泡桂花烏龍、四季春和開胃的烏梅山渣茶，罐裝飲品亦有來自台灣、韓國和泰國的特色飲品回到位子時已經送上了藥膳養生雞鍋底和附送的Shakeshake 鹹蛋黃魚皮，湯底有濃厚的藥膳香氣，而且隨著煮料也不會變得過鹹或失卻原味，因為每檯上也有浸泡著枸杞和紅棗的湯底自助加湯Shakeshake

約左成班朋友聚下，揀左就腳嘅創興廣場，新開間無限時打邊爐，想傾幾耐就幾耐！全枱要揀同一個套餐，價錢因應肉類質素分成三款，由$308-$508都有，再因應唔同時間離座入座而有唔同折扣優惠～我今日揀左中間$408，有prime grade 安格斯牛頸脊，西班牙黑毛豬，超好食！湯底有16款，呢個係台灣麻辣雞肉湯底，上枱已經好香，入面有粟米，豆卜，雞肉等送架！脆卜卜好正叫海鮮食回下本😝有帶子，蝦，花膠等最後每人仲有一杯movenpick 呢

朋友知我好驚港式打邊爐，怕食材質素麻麻之餘，又多油。所以呢日佢地想打邊爐，想預埋我，就帶左我去無限時的任飲任食台式火鍋店「鍋霸吃到飽台式養生火鍋」，果然感覺比一般火鍋更養生，任飲任食又好開心🥰🥰呢度地方寬敞，適合朋友聚會。佢哋有16款湯底我哋就揀咗養生湯底藥膳椰子雞湯。而火鍋料有超過60款，由肉類、海鮮、自家製配料等等，應有盡有之餘，又十分高質。🍗🥦🐮🐷肉類方面，Prime Grade美國安格斯肥牛片非常有牛味，不會散碎，十分嫩滑。而西班牙無激素豬肉片，肉質豐厚，但口感細嫩。🐮🐷海鮮方面，有是日精選海鮮，即是蜆與蟶子，生猛海蝦、脆鯇魚片、脆骨腩，以及香鱔片。脆骨腩肉質厚實，十分鮮美，味道一港！🦐🐟🐠至於手工配料甚有誠意，🧆🧆當中嘅手工黑松露墨魚滑、手工梅菜豬肉丸、手工麻辣牛丸，以及自家製香菇雞軟骨餃，都係令人甚有驚喜，都係好入味嘅食材，非常值得一試😍😍打邊爐當然唔少得飲品！🍺🍻🥂呢度有手工冷泡茶、自家製烏梅茶及黑糖冬瓜茶。唔會只有人工汽水，十分清爽解渴👍🏻👍🏻最後仲有一人一杯Movenpick /Hagen Dazs/Dryers/打完邊爐，認真透心涼🍦🍦鍋霸吃到飽台式養生火鍋地址：旺

老豆話好想打邊爐就帶佢食台式火鍋，我哋叫左個308任食套餐，主打美國安格斯肥牛以及西班牙冇激素豬肉片，而且超多湯底選擇，健康啲揀左個藥膳養生花膠雞鍋，非常足料既鍋底，大大件花膠原汁原味，夠曬滋補養顏，啱曬女士們，醬汁大推沙茶醬，配任何食物都變得惹味，主角肥牛脂肪比例分布平均，擺碟整齊，好香牛肉味，同老豆忍唔住食左幾盒，入口質感剛好，唔會太煙韌，豬肉片都好味道，可以沾特製甜豉油加麻油香葱，係最傳統但好味既方法，海鮮有鮮海蝦，好大隻又彈牙又爽口，飲品佢哋竟然有熱飲櫃，熱夏枯草同維他奶都有，甜品有haagen Dazs 月同dreyers雪糕做結尾，滿足！

宜家好多火鍋放題都有限時，成日都要食到就住就住，最近搵到間無限時火鍋放題，保證你可以慢慢吃到飽，而且佢啲座位好闊落又舒服。 套餐分咗3種唔同等級，我哋點咗個最平嘅套餐，成人正價時段，每位$308，牛肉係PrimeGrade 美國安格斯肥牛🐮，牛味幾濃郁，肉質嫩滑，肥瘦適中。除咗肥牛，亦都有西班牙無激素豬肉片🐖。 每檯都有會送一袋Shake Shake 黃金鹹蛋黃魚皮，有4種shake shake粉可以揀，香辣🌶、芝士🧀、梅子、海苔，個人都係比較鍾意海苔味，加埋落去黃金脆炸嘅魚皮，滋味無窮。 呢間台式火鍋有好多款湯底，分咗養生、藥膳、田園同埋麻辣幾個唔同系列，足足有16款湯底任你揀，滿足到唔同客人嘅需求。今次我哋揀咗個藥膳養生花膠雞，啲材料都好足夠，好滋補呀🤣。 之後就透過手機落單，非常方便，有前菜、自家製手工配料、火鍋配料、海鮮、炸物等。 食台式火鍋點少得鴨血呢，夠滑又唔會腥。 出面飲品櫃都有好多款式嘅飲品，各種罐裝果汁、汽水，仲有多款宜家好多餐廳都有嘅冷泡茶，怕肥女士啱晒。 最後每人都會有一杯高級牌子雪糕做甜品，作為一個完美嘅句號😍。

約一大班人去食火鍋放題基本上係一個好主意，一個價錢已封頂，任飲任食。但基本上要齊人先入坐，始終有限時嘛。但呢間竟然係無限時架，就算有朋友遲黎都無問題，其他人可以食住等。三款價位套餐，愈貴肉質同肉款都升級，今晚試下$308呢個入門級。入座後就要選湯底，共有12款湯底選擇，”好”辣嘅有麻辣，唔辣嘅有一系列藥饍養生。最終點選呢客藥饍養生花膠鷄涮涮鍋，女士最愛花膠，都幾厚身，仲有鷄件及其他藥材，滾起先飲啖湯，唔太濃嘅藥材味，味道幾甜。掃QR Code落單，簡單方便又環保。每枱送上黃金炸魚皮，仲有4種味粉可加，一路食一路用手機落單，務求令你個嘴時刻都有野食。哇哈哈……………….飲品就出去雪柜拎，種類真係花多眼亂，有樽裝冷泡茶，汽水，清熱爽，果味類飲品等最驚喜係見到佢…………………………….基本上落單後好快就送上材，當然先黎美國安格斯肥牛及西班牙無激素豬肉片。薄薄片，好快就熟，肥牛唔會太多脂肪，食起黎唔會係係柴皮口感。而豬肉片肉質都幾滑，無雪味。除咗有火鍋食材，亦有呢2款前菜任食，個嘴真係好忙……..又一輪食材送上，今次輪到海鮮類主打，有蝦，脆鯇魚片，鴨算亦有唔同款嘅手打丸，如墨魚丸，牛丸及豬肉丸

位於旺角的這家台式火鍋放題餐廳，絕對是一個值得推薦的好去處。餐廳提供了多種高質素的食材和飲品，讓人們能夠在享受美食的同時，也能夠放鬆身心。首先，這家餐廳的藥膳椰子雞湯底非常值得一試。這款湯底選用了新鮮的椰子和多種藥材，讓湯底味道鮮美，且有助於調節身體的氣色和體質。另外，這裡的肉類也非常出色，特別是美國安格斯肥牛和西班牙無激素豬肉片，口感鮮嫩多汁，入口即化。除了肉類之外，這家餐廳的海鮮也非常豐富。新鮮的蝦、蟹、魚等海鮮，都是食客們必點的佳餚。此外，配菜也是這家餐廳的一大特色，提供了多種台式配菜在飲品方面，這家餐廳也提供了大量的選擇。除了各式各樣的茶和汽水外，還有各種特色飲品最後餐廳仲有免費雪糕提供，非常滿足！

📍 鍋霸吃到飽台式養生火鍋 (旺角)旺角彌敦道593-601號創興廣場4樓前幾日收早，約左好朋友一齊去食火鍋🍲呢間火鍋店屬於新開，而且地點好近我返工地方，一定要食啦🤤🤤其實佢哋佐敦都有分店，我之前就食過，真係非常推薦🤩🤩因為係無限時任食😳😳當你7點入座，可以食到12點🤤🤤佢地湯底有成16款，我地今次點左養生姬松茸什菌涮涮鍋，入面好多菇菌類同松茸，幾香👍每張枱上面亦已經準備好曬兩壼備用湯底俾我地refill,好細心😍落好曬單，每枱仲免費送上魚皮及4款調味粉俾我地，如果要refill就要另外加錢☺️今次我地揀左最平嘅餐，主要係牛肉質數唔同，但係我見牛肉雪花都仲系好靚🤩👍🤤而且佢地火鍋料選擇真係非常多，以$308呢個價錢可以坐4-5個鐘頭任食，真係好推介！而且新開環境舒適、用具又乾淨☺️☺️絕對可以encore佢哋仲有熱飲提供#任飲任食火鍋 #cp值高 #環境舒適 #美食推介 #美食推薦 #人氣美食 #foodie #yummy #火鍋控 #限時任食 #火鍋推介 #旺角火鍋 #旺角 #香港火鍋 #香港探店

好耐冇同為食姊妹去打邊爐，之前喺佐敦食過呢間火鍋店，質素不錯，見喺旺角有分店，於是相約放工一齊刷餐勁為食姊妹最喜歡吃麻辣，仲一定要食大辣，我呢啲小辣人士，都係點個鴛鴦湯底算數，湯底有好多款選擇，養生鍋也有好幾款選擇，最後揀了養顏的花膠雞湯，湯料一點也不馬虎，新鮮嫩滑的鮮雞，豆卜吸湯的精華，十分好吃打邊爐又怎能少了炸魚皮、響鈴，這些香脆美食，送的黃金炸魚皮，很香鹹蛋黃味點的是每位$308的肥牛套餐，美國安格斯肥牛，色澤鮮艷新鮮，油脂分布均等，入口香濃美味，嫩滑得來帶點口感這裏的海鮮很有水準， 蜆和小聖子新鮮甜美，海蝦大大隻，彈牙爽口，點完一轉又一轉還有充滿香菇味的貢丸，彈牙的墨魚丸，流心的牛丸也很出色，午餐肉芝士腸蟹柳放入麻辣湯底，好吃到不得了吃到最後來過碧綠新鮮的蔬菜清下腸胃甜品有我最愛的雪糕筒和朱古力雪糕呀，還有這裏的自助飲品選擇多地方寬闊坐得舒服，服務員態度親切，值得再光臨

呢間新開🎊嘅鍋霸主打無限時任飲任食🤩台式養生火鍋🍲，價錢實惠💰，乾淨光猛👍，冷氣夠凍，😌環境舒適。佢哋飲品🥤款式都幾多，而且有多款😍自家製冷泡茶，而我就尤其中意❤️台灣黑糖冬瓜茶，🤤香甜潤喉。每枱都會送黃金咸蛋🐟魚皮一客，而且有四款味粉俾你整🛍️ shake shake 魚皮添。前菜麻辣🌶️木耳同埋手拍青瓜🥒少少辣，都幾開胃🤤。佢哋有多款☺️台式養生火鍋🥣湯底任你揀，不過我哋就揀咗台灣🌶️麻辣牛肉涮涮鍋，貪佢夠曬惹味😆辣得刺激！我哋揀咗💰 $308 嘅 Prime Grade 安格斯肥牛🐂套餐，牛肉都幾嫩😋而且牛味濃。除咗牛肉之外，呢度其他🍲火鍋配料都幾豐富高質👍。我特別鍾意❤️佢哋嘅手工丸🥰，款式多又細細粒，可以😌輕鬆試晒咁多款！佢哋嘅手工餃🥟我都覺得好值得一試🤤，個人推介香菇🍄雞軟骨餃同埋🌶️麻辣🌽粟米🐖豬肉餃，口味創新👍又好食。另外佢哋仲有🤩好多款流心丸，超正！呢度亦都有唔同嘅海鮮🦐，而且有不時會輪轉嘅😍時日海鮮款式添。最後每人仲有一個🍨雪糕，有 Mõvenpick/Häagen-Dazs 🥰可以揀，真係大滿足呀😋！

朋友介紹呢新開既火鍋好味，於是咁岩約埋朋友，一齊黎試。我地一行7個人，老闆好細心留左間房比我地，佢係用QR code落單，野食上得好快，而且種類都算多，特別推薦呢到D牛丸同牛肉。最後仲幫我地清晒檯，比我地切埋蛋糕，服務真係好好，今次食飯體驗唔錯