影片
營業時間
今日營業
12:00 - 01:00
星期一至日
12:00 - 01:00
以上資料只供參考, 請與餐廳確認詳情
有關獎賞計劃
餐廳超大，座位全部都系梳化卡位勁闊落舒服，環境整潔乾淨20款湯底選擇，加咗$48轉鴛鴦鍋，揀咗藥膳椰子雞涮涮鍋同田園蕃茄濃湯豆腐雜菌涮涮鍋；椰子雞湯底比較清甜，湯底啲雞夠嫩夠滑；蕃茄湯底勁濃蕃茄味第一次嚟所以揀咗中間Level L3 $218，主打Prime Grade美國安格斯牛肩胛肉，西班牙伊比利亞黑毛豬，西班牙無激素豬肉片，另再+$40追加海鮮推薦：伊比利亞黑毛豬同美國牛肩胛肉肉質嫩滑沙茶牛肉勁滑好正，沙茶勁入味😋游水海蝦新鮮彈牙仲有花膠任食，超贊手打丸，試咗墨魚丸、潮汕豬肉丸、牛丸，必食💯鮮腐竹、豆卜好味，其他菜類洗得夠乾淨又新鮮任飲嘅選擇勁多，有自家制冷泡茶、有自家制台灣地道風味嘅飲品、汽水等等，仲有熱嘅飲品；推薦台灣黑糖冬瓜檸檬茶同小仙草爽，打邊爐飲好正雪糕雖然唔系任食，但每人可以揀一款Dreyer‘s、Haagen-Dazs或者Movenpick ，超級滿足👍🏻總結火鍋配料選擇多，食材新鮮，性價比超高💯星期一至五 HKD$218（原來兩點後入座88折，雖然今次就受惠唔到😅，不過都好抵食👍🏻）
繼續閱讀
旺角🚇創興廣場呢間鍋霸吃到飽台式養生火鍋店，🤩地方夠大又舒服，而且午市時段仲有🕟4.5個鐘頭任飲任食，👏真係抵到爆呀。佢哋嘅湯底🥣選擇多，特別係多款養生火鍋🍲湯底用料十足，我哋揀咗藥膳沙茶🍖牛肉涮涮鍋拼麻辣蕃茄🍅牛肉涮涮鍋，兩款味道都好濃郁🌶️，尤其係冬天食真係👍暖身又養生。店入面有唔同level嘅🤤套餐，我哋今次揀咗Lv3嘅餐主打 Prime Grade 美國🇺🇸安格斯肥牛同理西班牙🇪🇸伊比亞黑毛豬，牛肉肥美，豬肉甘香嫩滑，😋食落好滿足。另外我哋仲加咗🦐海鮮任食，有多款海鮮🐟可以任食，新鮮美味😍尤其係有花膠可以任食，👏真係好抵！最鍾意佢哋嘅💪手工丸同手工餃，款式多又細粒😊，可以試勻咁多隻味，👍食得好過癮。其他火鍋🍲配料都好豐富，可以🥰慢慢叫、慢慢食，成個感覺☺️好chill。雖然🍨雪糕唔係任食，但每人可以揀一款🤩高級雪糕，有 Dreyer's、Haagen-Dazs 👏同 Movenpick 揀，食完真係好滿足😍！
繼續閱讀
鍋霸吃到飽台式養生火鍋，位於旺角創興廣場，地點好方便，放題店黎講都算好闊落舒服😌湯底超級多選擇，揀左最台式既藥膳胡椒豬肚雞湯拼台灣古早牛肉涮涮鍋，胡椒豬肚雞湯勁好飲，胡椒味濃好暖胃😘古早牛肉鍋有牛腩加濃牛湯，台味濃！👍🏻變身食肉獸🦖Prime Grade安格斯牛頸脊，好靚厚身牛味濃，推介🤩Prime Grade安格斯肥牛，大大塊較薄，口感又唔同，配濃湯好夠味，西班牙伊比利亞黑毛豬肉片，非常濃肉味，正👍🏻沙茶牛肉，落左湯食唔出沙茶因湯太濃🤣牛肉好滑好正，好好味🤤雞髀肉真係要mark實，厚身大舊但又嫩滑又好味，係必食！🌟個古早牛肉湯太正，整左個迷你台式牛肉烏冬，真係十足風味🥳韮菜豬肉餃正常，餡都多，手工麻辣牛丸，牛味意外地濃，手工黑松露墨魚丸，好彈牙，輕輕黑松露味加幾鮮既墨魚味，兩隻丸都細細粒好似食魚蛋咁幾特別幾正😋皇帝菜作結，好味👍🏻想食台灣養生鍋或者食間正既特色火鍋放題，依度真係無得輸😗多野食得黎好食，好食得黎夠特別🤞🏻唯一係真係記住要book位🤣
繼續閱讀
🥘鍋霸吃到飽台式養生火鍋🥩同班姊妹嘅工作日療癒時光❤️❤️🤗一入座就被個「蟲草花花膠雞養生鍋」驚艷到！金黃湯底滾住都聞到超香，蟲草花好似金線咁飄浮住～我哋最後揀咗Lv2套餐（188/位）係美國Prime牛肩胛肉啲雪花靚到似大理石紋，淥三秒就變粉紅棉花咁腍🔸手工三寶丸：墨魚丸彈牙到可以打乒乓球、豬肉丸爆肉汁、牛丸牛味濃到似台灣夜市🔸脆皖厚切魚片薄到透光卻爽脆到「咔嚓」聲🔸台灣鴨血好滑同埋同外面食既質感好唔同🔸蜂巢豆腐吸湯能力滿分，咬落去似湯包咁噴汁☑️自助區超豐富：• 18款醬料任調我嘅「沙茶+腐乳+生蒜」邪惡組合• 飲品區冬瓜水清甜解膩，冷泡茶回甘正到痺由12點半食到2點半，隔離枱OL望住我哋疊到成座山嘅空碟偷笑。最後食住杯MOVENPICK雪糕計數：「平均每小時$42，仲平過食茶記啊！」📍鍋霸吃到飽台式養生火鍋旺角彌敦道601號創興廣場4樓
繼續閱讀
「鍋霸」走任食火鍋路線，最大賣點是環境舒適，座位寬敞，非常適合一班朋友「坐定定」慢慢烚下烚下、傾足成晚。對於著重聚餐氣氛、想搵個地方慢慢聊天嘅人來說，確是不錯的選擇。食物選擇方面，坦白說不算十分豐富，尤其比起坊間一些以款式海量作招徠的任食店。火鍋料、丸類、蔬菜等基本盤齊備，但驚喜或高級食材就較少見。亮點在於其肉質，以任食火鍋來講算係「OK合格」。雖然未到頂級，但牛肉、豬肉等主要肉類切片尚算新鮮，入口不過韌，沒有明顯雪藏味，算係對得住價位。湯底選擇中規中矩。總結而言，鍋霸贏在舒適悠閒嘅環境，係傾計聚會嘅好地方。食物選擇不算多，但主力嘅肉類質素合格，加上啤酒任飲等配套，適合追求坐得耐、傾得舒服，對食物款式要求不極高嘅食客。純粹想「抵食」兼傾計，可以一試。
繼續閱讀