影片
營業時間
今日營業
12:00 - 01:00
星期一至日
12:00 - 01:00
以上資料只供參考, 請與餐廳確認詳情
有關獎賞計劃
餐廳超大，座位全部都系梳化卡位勁闊落舒服，環境整潔乾淨20款湯底選擇，加咗$48轉鴛鴦鍋，揀咗藥膳椰子雞涮涮鍋同田園蕃茄濃湯豆腐雜菌涮涮鍋；椰子雞湯底比較清甜，湯底啲雞夠嫩夠滑；蕃茄湯底勁濃蕃茄味第一次嚟所以揀咗中間Level L3 $218，主打Prime Grade美國安格斯牛肩胛肉，西班牙伊比利亞黑毛豬，西班牙無激素豬肉片，另再+$40追加海鮮推薦：伊比利亞黑毛豬同美國牛肩胛肉肉質嫩滑沙茶牛肉勁滑好正，沙茶勁入味😋游水海蝦新鮮彈牙仲有花膠任食，超贊手打丸，試咗墨魚丸、潮汕豬肉丸、牛丸，必食💯鮮腐竹、豆卜好味，其他菜類洗得夠乾淨又新鮮任飲嘅選擇勁多，有自家制冷泡茶、有自家制台灣地道風味嘅飲品、汽水等等，仲有熱嘅飲品；推薦台灣黑糖冬瓜檸檬茶同小仙草爽，打邊爐飲好正雪糕雖然唔系任食，但每人可以揀一款Dreyer‘s、Haagen-Dazs或者Movenpick ，超級滿足👍🏻總結火鍋配料選擇多，食材新鮮，性價比超高💯星期一至五 HKD$218（原來兩點後入座88折，雖然今次就受惠唔到😅，不過都好抵食👍🏻）
繼續閱讀
旺角🚇創興廣場呢間鍋霸吃到飽台式養生火鍋店，🤩地方夠大又舒服，而且午市時段仲有🕟4.5個鐘頭任飲任食，👏真係抵到爆呀。佢哋嘅湯底🥣選擇多，特別係多款養生火鍋🍲湯底用料十足，我哋揀咗藥膳沙茶🍖牛肉涮涮鍋拼麻辣蕃茄🍅牛肉涮涮鍋，兩款味道都好濃郁🌶️，尤其係冬天食真係👍暖身又養生。店入面有唔同level嘅🤤套餐，我哋今次揀咗Lv3嘅餐主打 Prime Grade 美國🇺🇸安格斯肥牛同理西班牙🇪🇸伊比亞黑毛豬，牛肉肥美，豬肉甘香嫩滑，😋食落好滿足。另外我哋仲加咗🦐海鮮任食，有多款海鮮🐟可以任食，新鮮美味😍尤其係有花膠可以任食，👏真係好抵！最鍾意佢哋嘅💪手工丸同手工餃，款式多又細粒😊，可以試勻咁多隻味，👍食得好過癮。其他火鍋🍲配料都好豐富，可以🥰慢慢叫、慢慢食，成個感覺☺️好chill。雖然🍨雪糕唔係任食，但每人可以揀一款🤩高級雪糕，有 Dreyer's、Haagen-Dazs 👏同 Movenpick 揀，食完真係好滿足😍！
繼續閱讀
鍋霸吃到飽台式養生火鍋，位於旺角創興廣場，地點好方便，放題店黎講都算好闊落舒服😌湯底超級多選擇，揀左最台式既藥膳胡椒豬肚雞湯拼台灣古早牛肉涮涮鍋，胡椒豬肚雞湯勁好飲，胡椒味濃好暖胃😘古早牛肉鍋有牛腩加濃牛湯，台味濃！👍🏻變身食肉獸🦖Prime Grade安格斯牛頸脊，好靚厚身牛味濃，推介🤩Prime Grade安格斯肥牛，大大塊較薄，口感又唔同，配濃湯好夠味，西班牙伊比利亞黑毛豬肉片，非常濃肉味，正👍🏻沙茶牛肉，落左湯食唔出沙茶因湯太濃🤣牛肉好滑好正，好好味🤤雞髀肉真係要mark實，厚身大舊但又嫩滑又好味，係必食！🌟個古早牛肉湯太正，整左個迷你台式牛肉烏冬，真係十足風味🥳韮菜豬肉餃正常，餡都多，手工麻辣牛丸，牛味意外地濃，手工黑松露墨魚丸，好彈牙，輕輕黑松露味加幾鮮既墨魚味，兩隻丸都細細粒好似食魚蛋咁幾特別幾正😋皇帝菜作結，好味👍🏻想食台灣養生鍋或者食間正既特色火鍋放題，依度真係無得輸😗多野食得黎好食，好食得黎夠特別🤞🏻唯一係真係記住要book位🤣
繼續閱讀
養生火鍋都可以瘋狂？踏入旺角創興廣場的「鍋霸」，午市火鍋放題不僅提供長達4.5小時的用餐時間，更以超值的價格帶來令人驚艷的美食盛宴。今次選擇lv3套餐可以無限享用西班牙伊比利亞黑毛豬，再加上海鮮拼盤的加持，搭配超過60種台灣特色配料，讓這場火鍋之旅充滿無限可能。店家的招牌伊比利亞黑毛豬絕對是必試之選。那如大理石般細膩的油花紋理，只需在湯中輕涮五秒，便能呈現出令人陶醉的口感。肉片入口即化，獨特的堅果香氣在口腔中蔓延，完全顛覆了對豬肉的既定印象。今次壽喜燒湯底，襯托出黑毛豬同牛肉質的細膩。甜甜地好夠味海鮮愛好者絕對不能錯過追加手掌大小的虎蝦肉質緊實彈牙，蝦頭飽滿的蝦膏更是鮮味十足；而薄如蟬翼的脆鯇魚片在熱湯中快速捲曲成花的形狀，魚皮爽脆、魚肉鮮甜，蘸上店家特製的蒜蓉醬油，每一口都是極致的享受。來自台灣的特色食材更是為這場盛宴增添不少亮點。爆漿濃芝士牛丸切開瞬間流出的金黃芝士漿，與鮮嫩多汁的牛肉完美融合，創造出令人驚豔的味覺體驗；足八時長蟹棒一絲絲的蟹肉纖維，在吸飽湯汁後鮮味更加突出；而滑嫩如啫喱的台灣鴨血，其絕佳的吸湯特性與麻辣湯底堪稱天作之合。店家自製的手工丸餃同樣值得一試。蟹粉蟹籽丸外脆內鮮，咬開時蟹籽在口中迸發的鮮味令人難忘；魚包蛋外層的魚漿彈牙有勁，內餡的流心蛋黃與蟹籽交織出豐富層次；而皮薄餡多的韭菜餃，翠綠的韭菜保持著爽脆口感，足見其新鮮程度。整體而言，鍋霸不僅提供了超值的用餐體驗，更在食材品質上毫不妥協。貼心準備的多款養生茶飲，讓人在大快朵頤之餘也不用擔心上火。鍋霸吃到飽台式養生火鍋🌟地址：旺角彌敦道601號創興廣場4樓。
繼續閱讀
本來想訂樓下嗰間牛X試吓, 點不知佢話full booking喎! 咁咪再翻啅鍋霸，訂位到當日入坐過程都十分之順利。嘩！原來佢有個新推出嘅午餐4.5小時任飲任食，由中午12點至下午4點半，我哋梗係食最高Lv5級別，啲澳洲極上Prime Grade霜降牛小排勁正，配合埋個台灣古早味牛肉涮涮鍋，真係無得輸，仲有坐卡位十分舒適，帶埋部平板邊煲劇邊吃，真係爽到無曬煩惱！而且環境十分整齊寬敞乾淨又舒適，連洗手間都定期有人清潔，當日所有服務員都很有禮貌又高效率，所有落嘅order又快又準確送達，飲品種類極其多，尤其是火鍋店自製嘅烏梅檸檬茶十分好飲， 又解渴消暑又幫助消化，下次再吃火鍋必然再來鍋霸不去牛X了，哈哈！最後埋單發現，原來我選用渣打嗰張World and World Elite Mastercard綁定用OpenRice pay有全年滿$400即減$80優惠，十分之開心又滿足！
繼續閱讀