5
0
0
港鐵大圍站 A 出口, 步行約5分鐘 繼續閱讀
所有分店 (6)
電話號碼
28862884
營業時間
今日營業
17:45 - 23:00
星期一至日
17:45 - 23:00
*用餐時段: (1) 17:45-20:30; (2) 20:30-23:00
付款方式
Visa Master 現金
其他資料
酒精飲品
電話訂座 詳細介紹
外賣服務 詳細介紹
加一服務費
食評 (6)
等級4 2020-04-15
604 瀏覽
其實幫襯咗鍋心已經有4年多了,食過超過20次,食到個店員都認得我哋😂食品每一次都好有水準,仲要咁多年都無加過價,真係好難得!疫情之後都好少出街打邊爐,但太耐無食真係好掛住鍋心個粥底火鍋,所以捉埋老公兩個撐枱腳。當晚所見檯與檯間隔得好開,大家都可以安心食。一直以來對於鍋心嘅蟹都情有獨鍾,就算而家有得揀波士頓龍蝦(好似每位要加$20)我哋都無揀,照舊食蟹。今次隻蟹唔算好大隻,不過一樣咁新鮮,而且啖啖肉實的的,好有口感,但蟹膏唔多。鍋心嘅蝦真係好新鮮,每次上檯都仲係碗內紥紥跳,所以真係要用鉗夾實放入鍋中,等佢變紅色先好放手,唔係熱水會彈到自己。其他海鮮都好新鮮,尤其是鮑魚size中等但完全唔軔!花甲、白蜆同聖指都無乜砂。食完海鮮就放粥底配料(粟米、芋頭等)俾佢淆,然後就食打邊爐配料。黑毛豬兩種都好食,我自己就鍾意多肥嗰隻、肥牛正正常常,有牛味但少少軔;竹笙、花膠仔呢種出面火鍋店賣到好貴的配料都有得揀,抵食!特別介紹油炸鬼(唔記得影相)餐牌上寫明新鮮炸,上檯時真係熱辣辣㗎!雖然係炸品但油份恰當,而且唔會有好大噚油溢味! 最後食晒火鍋料就可以加粥底,配埋一堆配料(豬油渣、大頭菜、芫茜、菜甫)就熄火享用。我最鍾意就係個大頭菜,好香口! 繼續閱讀
(以上食評乃用戶個人意見 , 並不代表OpenRice之觀點。)
等級1 2019-10-20
651 瀏覽
雖然住喺附近,往往要個多星期前要訂座,不幸有賴個無良症苦和黨跌人為製造宵禁,三日前預訂到,叫到兩蟹兩龍蝦,海鮮非常新鮮,阿叔介紹🉐️十分細心有耐性,不停遊走顧客之間,照顧得極之周到,煱心已成為我飯堂名單之一。 繼續閱讀
(以上食評乃用戶個人意見 , 並不代表OpenRice之觀點。)
等級3 2019-10-03
518 瀏覽
鍋心食過蒸海鮮鍋!🦀🦐當然要試埋佢個粥底火鍋啦!🍲😋趁住入秋!🍂成班朋友一齊食返個暖笠笠既粥底火鍋!😋🥰佢都係每位計算,食物一樣以海鮮為主!🦀🦐主打六款海鮮!🐟🦐而且每款海鮮佢都有指示圖教你煮幾多分鐘!仲好窩心咁有埋個計時器俾你!⏱海鮮都好新鮮!蝦🦐跳跳扎!鮑魚仲識郁既!👍🏼我較喜愛食配菜!有八款配料俾你揀間!👍🏼自家製手打馬蹄雞滑!👍🏼🐔家製手打雞骨丸!👍🏼🐔必叫!👍🏼😋😋個粥底經過海鮮同配菜融合,再粥底主要配料!南瓜粒🎃芋頭粒,粟米件🌽再夾埋,之後再落蔥,冬菜同豬油炸,成個粥底就變到好出色!👍🏼🌈自己都食咗兩碗!😋埋單時候平均每人都係二百幾蚊,不停同朋友講其實呢個老闆係賺咩錢?!🤔真係性價比高!💰👍🏼😃#鍋心粥底火鍋#大圍積存街18號地下 繼續閱讀
(以上食評乃用戶個人意見 , 並不代表OpenRice之觀點。)
等級4 2018-10-31
1737 瀏覽
成日都打邊爐,但粥底打邊爐我其實第1次食,朋友提議試下呢間好多人話好既粥底火鍋一個人200蚊吾洗加一, 我哋再叫咗啲啤酒同埋嘢飲, 一個人除開先係235蚊呢度嘅粥底海鮮火鍋, 本身就包咗蟹同埋沙白, 再可以喺當日七款海鮮裏面揀5款, 另外包粟米,南瓜粒, 芋頭粒,另外再可以喺幾十款配料裏面揀8款我地另外加左20蚊要左4粒蝦丸d蝦丸真係好味到不得了啲海鮮全部都好新鮮,蝦上檯嘅時候仲係跳下跳下個蝦丸只可以散叫,但真心好好味其他嘅配料都好新鮮, 雞件俾好左多, 啲肥牛同黑豚肉都好好味相信我一定會再返黎食 繼續閱讀
(以上食評乃用戶個人意見 , 並不代表OpenRice之觀點。)
等級2 2018-07-23
1547 瀏覽
歡送同事,因為鍋心是時段制的,我們下班去所以是有點點遲到啦!但如果下一節又太晚😩結果我們就很趕時間的吃,碗裡的東西未吃完就又一新的一波海鮮跑出來😂店裡會有告示教你毎種海鮮大約要煮多長時間,個枱客還會給你一個計時器!所以不會像平時打邊爐想吃什麼才落什麼東西慢慢煮,而是一次過把整碟下鍋,再計時,一次過拿起來吃,這種吃法一來比較容易控制不會吃到不熟的東西交叉感染,二來吃得超有效率🙈但海鮮真的很新鮮!放蝦的時候一定要跟店裡的告示一隻一隻夾著放下去,要不然鮮蝦真的會跳出來😂另外餐廳坐位比較迫😞遇到風口位想避都避不到 繼續閱讀
(以上食評乃用戶個人意見 , 並不代表OpenRice之觀點。)