19
3
1
港鐵朗屏站 E 出口, 步行約4分鐘 繼續閱讀
所有分店 (6)
電話號碼
28861997
營業時間
今日營業
17:45 - 23:00
星期一至日
17:45 - 23:00
付款方式
Visa Master 現金
其他資料
加一服務費
食評 (33)
早一日打去book位,3個人食20:30-23:00,兩個半鐘。準時去到,門口已經排左10幾20個人等緊。探完熱就入去坐卡位,坐得舒服寬敞。一坐低就送上蔥蒜末、乾蒜、辣椒粒四樣佐料、醬油供自己調沾醬。枱面有計時器來計算每樣食材滾煮時間。牆上亦貼有建議最佳煮食時間。很貼心又清楚明瞭!然後我地點了肉蟹+沙白蜆鍋底,$200/人,因為龍蝦售罄了,想點龍蝦最好在訂座時預定,$220一位。揀好五款海鮮,等左5分鐘就上齊好快,員工都好周到提供了裝殼的兜,蟹鉗,樣樣齊全放在枱面。服務非常好!蟹係半個for一人。鮑魚一人一隻。按人頭配量,我地三個人份量如下。海鮮除左肉蟹、沙白粥底,仲有另揀左多寶魚、象拔蚌同鮑魚(一人一個)、大尾魷、海蝦(每人2隻)。都好新鮮,蝦同鮑魚仲係郁緊架~~正!因為怕蜆入邊有沙,所以第一樣就煮左蜆先,2分半鐘就食得。點知我第一口食,果然「莫非定律」,第一啖咬落個蜆肉度,每一口都是沙。我吐出來,食其他,之後每粒都乾淨,係得第一粒蜆係滿滿沙。之後都好和味鮮甜,特別係鮑魚、多寶魚,鮑魚好爽口沾醬品嚐到鮮甜,我原本麻麻地鮑魚都覺得好好食,一試難忘!多寶魚好滑、入口即溶咁,大尾魷同海蝦彈牙,蟹好食,就係食得好麻煩,蟹鉗都要好用力夾先開到來吃,食左好耐。象拔蚌我自己認為好韌,似香口膠咁咬唔爛,要成舊吞,我覺得麻麻。食完海鮮就可以落蔬菜:南瓜、芋頭粒,仲有粟米。其他八樣食材揀左:雞骨丸、雞滑、豬梅頭片、豬腩片()、肥牛、竹笙、花膠仔、雞塊。我地係食肉獸~~原本係揀海鮮菇,後來員工話無曬,於是改點豬腩片,點知錯有錯著~~真係幸運,豬腩片超乎意料地有驚喜!好驚艷啊一食落口,係無揀錯架....好好食!就係偏肥先好食,滿滿口腔濃濃既油脂香,超級滿足,(絕對必點豬腩片!!!)不油膩而齒頰留香,每人兩片。竹笙量幾多、索曬湯既精華;花膠仔都好滑好咬好食~粟米夠曬甜多汁。雞塊係滑,不過其他就一般般,不過不失。原本見其他人推薦:雞骨丸、雞滑,個人覺得麻麻,個調味重味精,偏鹹。雖然雞骨丸出邊少見,我亦未食過,但試過之後,覺得係唔好味的。食曬肉之後,就可以搵職員加綿密既米粥,仲有些配料:豬油渣、菜脯、芫茜。滾左就食得,粥好濃南瓜味,海鮮味就食不太出。食左兩碗粥,仲有剩,有職業主動詢問要不要外賣盒打包帶走。服務真係一流、好貼心周到~而且經常幫我們枱收走多餘既空盤、清走殼骨,態度和善溫柔,一百分。難怪市道唔好,都排長龍等位!埋單$200一位,個價錢食海鮮係好抵,坐得又舒服鬆動,同朋友傾下計,兩個半鐘慢慢食夠曬。而野飲方面 選擇就唔算多,價錢亦偏貴唔抵,所以無嗌野飲。整體,係值得再去~必點既:鮑魚、花膠仔、肥腩片、多寶魚。龍蝦無食到唔知,但肉蟹係的確唔錯。 繼續閱讀
(以上食評乃用戶個人意見 , 並不代表OpenRice之觀點。)
等級1 2020-06-22
2173 瀏覽
鋪頭本身有3段時間比人預約,所以唔駛點等就直接入去坐,book 左第一個時段,食完仲可以去食個甜品。入去到全部都係卡位,裝修幾好又幾好坐,加錢揀左個龍蝦set,上菜都0K快,先上海鮮,我仲諗住會有湯底,原來用清水黎煮,朋友話咁食先食到海鮮原來既味道,我本身麻麻地海鮮,所以覺得味道幾淡,上原晒海鮮到其他配料,我覺得配料好食啲,不過除左原來跟餐既8種配料,再加要$20一份,覺得貴左啲就冇加到,所以食完唔太飽,最後有職員幫手攞料黎煮粥,真心覺得怪怪地,食完海鮮又生蝦又貝殼,跟住用同一煲水黎煮粥,總之就唔係好敢食,都試左兩啖,都係果句"好淡"。 繼續閱讀
(以上食評乃用戶個人意見 , 並不代表OpenRice之觀點。)
等級3 2020-06-21
1643 瀏覽
首先揀左龍蝦+沙白定肉蟹+沙白先之後揀5款海鮮小編揀左鮑魚、多寶魚、花甲、海蝦、大尾魷然後揀8款火鍋配料煲完果個粥底真係鮮甜好味200蚊真心抵!!!仲要唔洗清理海鮮又唔使洗碗碟--鮑魚好有靭勁,慢慢咬D 鮮味慢慢泌出黎蟹膏豐富,d蟹肉亦肥美鮮甜多寶魚魚肉嫩滑,骨都唔算太多海蝦新鮮,上台仲好生猛,跳跳下甘花甲同沙白就略嫌有少少沙選用靚靚肥牛,唔會太肥,肉味濃郁牛丸咬落去爆汁果下好正響鈴索番湯底既精華超味美小籠包略嫌個皮太厚,肉都唔算特別雞肉滑加埋馬蒂,食落爽口唔肥膩唔會好濟 繼續閱讀
(以上食評乃用戶個人意見 , 並不代表OpenRice之觀點。)
等級1 2020-06-21
830 瀏覽
父親節呢日黎左食第一次,有龍蝦有鮑魚 有花甲 沙白蜆,d海鮮都麻麻地,仲要花甲 沙白蜆都隻隻有沙,配料揀左8樣,粟米都可以唔好食 唔爽口唔甜,唔知點講了 唔會再去食第二次 繼續閱讀
(以上食評乃用戶個人意見 , 並不代表OpenRice之觀點。)
等級1 2020-05-18
1802 瀏覽
跟同事去佐敦吃的時候就覺得非常記憶深刻,聽說元朗開了分店就把媽咪拉去一起吃。我是下午三點打電話預約的,排隊入場都好快。第一個吃的蜆居然瓜左一個,D沙走曬出來。不過店員態度很好,馬上就連粥底重新都換了。只是母親大人似乎有少少陰影,之後個個蜆都要望下入邊確定無沙先放入去。肉蟹,五六份海鮮,八樣非海鮮食材,我都預左會飽到不得了。有服務話有30元幾隻生蠔,媽咪話好抵,我阻止了她,因為真的會好飽。最後煮左粥,打包帶走。個粥味無上次香,可能是因為上次六個人海鮮多。總之是非常抵的一餐! 繼續閱讀
(以上食評乃用戶個人意見 , 並不代表OpenRice之觀點。)