鍋嚐 (已結業)

結論：中大伏禮拜日走去試下呢間屋企附近無差評嘅餐廳一行入店內一陣廁所味，具體d係廁所入面的尿騷味，再加埋冷氣開得唔大，成間餐廳就焗住陣味變得更加濃。 （fine 抵鬼死我哋夾硬坐低試 心諗冇嗰差評）嗌咗兩樣都味道麻麻。跟住係食材差，嗰鰻魚飯，鰻魚係霖霖地，過嗮期好腥臭，牛肉鍋d肉好似係雪咗成個世紀，冇嗮肉味好似𡁻緊d塑膠食環署可唔可以去查下佢哋d食材？開咗喺呢個位置，本身就係做街坊生意做到咁差仲有得開？

地方很小坐位有點迫，但仍然吸引很多街坊經常來的小店，來過幾次午餐時間都滿座。服務到位，食物即叫即煮，等食物上枱時間正常，已經是第二次來了。食烏冬的話可以加錢改洞庭烏冬或手打烏冬，我哋食普通烏冬都已經唔錯。如果加錢轉手打烏冬應該更加味道昇華。肥牛鍋＄55估計是用鐵鑊仔即煮即上，所以熱辣辣香噴噴幾特別，肥牛夠簿片，入口軟腍口感唔錯，湯味鮮甜伴配娃娃菜及窩蛋鋪面，無論肥牛、烏冬、湯及伴菜都好足，整體唔錯。滑雞鍋$56同肥牛鍋差不多，雞唔算好嫩滑但都滑而且好味，味道比較肥牛鍋更清甜。整體滿意，下次再來！

兩位老闆親力親為 即叫即做入到去老闆熱情招呼 服務一流 女老闆好靚女 新鮮好味抵食 上枱熱辣辣人氣小店有時要排隊 又抵又好食值得等推薦👍🏻👍🏻👍🏻👍🏻👍🏻

依家天氣突發凍咗好多！最啱食暖笠笠嘅嘢🥰由於疫情關係，依家都唔敢去餐廳度食火鍋類嘅嘢。咁啱見到啲外送平台有呢間青衣嘅小店，所以就叫外賣試吓啦。我係同其他人一齊夾訂嘅，所以除翻開運費都唔貴，如果想自己一個訂嘅朋友建議都係同人share運費一齊訂～～～送到去屋企或者工作地方，唔使出去等又唔使拎都幾方便🤩雞球鍋燒烏冬 轉粉絲本身都想食佢啲烏冬，但點知嗌嘅時候發現烏冬有太多糭，基於選擇困難😂 我決定試吓新野叫粉絲😂😂😂 不過聽同事講佢啲烏冬都係唔錯幾好食😂佢份量真係好多，外賣嘅話會變咗係膠碗，雖然不及堂食會滾下滾下，但送到黎都仲係熱辣辣嘅！！粉絲都幾煙韌，好有口感～雞球同配菜嘅份量都幾多，湯底係日式清湯，有淡淡的甜味，雞肉就冇咩醃過嘅味道，保留佢原先雞肉嘅香味～～我見到堂食嘅價格係仲更加抵，有機會都想試吓佢其他嘅鍋燒烏冬😆性價比好高啊😆😆😆

尋日去青衣搵朋友順便食晏，佢話屋企樓下有間唔錯食鍋烏冬既鋪頭，佢叫我可以試試佢。入到去鋪面唔係好大間鋪但係好乾淨企理。坐底一👁餐牌全部都係烏冬😋（本人勁好烏冬）重要價錢都係$4x-$5x，加上見到隔離枱食緊個鍋都幾大碗下。咁就叫咗個雞球鍋🥘試下，黎到見到又真係好大碗。入面有好多菜又有菇。食落烏冬好夠彈牙，飲淡湯底好有日式湯底既甜味，雞肉夠滑。confirm係又平又好食又大碗，下次一定會再去試其他鍋🥘🥘。👍超級推薦👍

今次係第2次過嚟食～首先我係一個好鍾意食烏冬嘅人，最鍾意食湯類嘅烏冬～小店環境較迫🙊但充滿人情味～介紹返個豬肉豆乳鍋先～材料有日本腐皮、紅蘿蔔、津白（應該係）、洋蔥、豆腐、豬肉片（可轉其他肉類）、烏冬。首先烏冬有口感吾會太軟身值得一讚👍🏽因為我最憎食烏冬/公仔面煮到過哂鐘淋到一入口就化開😇配料同湯底好夾～另外建議可以放啲菇類，例如蠔菇、鮮冬菇提升口感～由於我好少出街食嘢所以對咸好敏感🙃湯偏咸但吾差。飲品方面我叫左紅茶豆漿（熱）～👍🏽希望下次有機會試到依度嘅早餐☺️

今日提早收工返屋企陪屋企人～ 係美景呢間野都開左一段日子但都無咩點幫襯過～ 應該係頂左上一手黎做～ 今日同仔女一齊去食～間野主要食烏冬～做街坊生意～ lunch 價錢40幾蚊去到60幾蚊都有交易～ 經濟實惠唔花巧～叫左3款烏冬～ 鍋仔燒$49～特盛海鮮鍋$65～豆乳鍋$59～ 鍋仔燒～ 一個有雞～豬肉～ 肥牛～生雞蛋～金菇～娃娃菜～冬菇～ 既雜錦鍋～ 加上鰹魚湯幾好味～ 呀仔就食特盛海鮮鍋～有4舊魚肉 ～d魚肉有醃過唔會淡而無味～不過如果多d蝦呢個鍋會再抵食d~ 呀女就食豆乳湯～有豆腐 ～ 豬肉～ 蟹柳～ 總括嚟講～ 推薦食鍋仔燒～ 好味～份量又大兜～50蚊都唔洗就有交易

轉左手之後第一次幫襯，餐牌上的選擇都幾多，有啲選擇困難症，見到隔離座位的大朋友食緊鍋咖喱烏冬，忽然間又想食，咁就揀佢啦⋯⋯香濃咖喱雞扒烏冬做早餐，咖喱有少少咸，雞扒幾大塊味道唔錯，除咗碗烏冬還有火腿雞蛋同牛油麵包，飲品叫咗凍檸茶，一餐豐富的早餐好滿足👍🏻