鍋一燒 (已結業)

2012.2.27話說夜晚同男朋友行街行到累...想食日本野...去到瓊華門口就睇下有咩好食啦...咁見到呢間鍋一燒都好似幾唔錯...價錢又抵,食到日本野..有任飲任食..咁就去試下啦...呢張係佢係地下的poster*上到去佢餐廳門口..有男侍應招待我地入去..俾左個豌同筷子就行左去...再問佢地先知得壽司要用紙寫咁去點..其他都係行出去自己拎..咁點完壽司我地2個就分別咁出左去拎野食...出到去其實真係覺得無咩選擇..最多的就係肉..同菜..咁拎左d正正常常既野食燒住先..食食下想飲野問個侍應先知原來係自己出去拎!!(因為填order紙的時候已經點埋要咩飲品但佢無同我地講解過飲品方面的野)出到去見到全部都係soft drink...大家可以留意返上面第一張photo寫住任飲包括:芒果茶,酸梅湯,糖水,中西令湯同餘飲..哈哈...明嗎?之後都黎左刺身壽司等等..但我點的卷物就無黎..大家睇下呢張圖..唔錯牙可?仲話必食推介*我仲點左3次但3次都無黎到囉!哈哈..到第3次點的時候我同個侍應講話點左2次都無黎到..最後佢拎左碟野過黎...個賣相正到呢*v*唔食唔知...一食就辣到飛起!!勁多wasabi係入面...想點先...賣相又差...之後再留意返間鋪..企係我後面的女侍應係到同男侍應玩仲講粗口..我都明白返工悶...但出得糧俾你既就應該做好自己本份..再起身四周望下...真係留意到入面廚房(我留意左好耐)拎出黎的食物全部都好似相中圖咁令..但全部都係拎過去旁邊間鋪(就係麻布茶房啦..有直通的走廊)出面自助拎野食的盤原來拎完就無家啦..吉左成晚都無人refill...9個盤入面有8個都係得菜...最後個果都係吉既...我真係未試過可以食到間咁差的放題...點解可以差成咁?…查看更多

本身想食一壽司，但是要4月先會再開返。行下就見到呢間，又過左2130，只是＄108 加一抱住try try 新野的心上左去，就是惡夢開始！！！！！！！一入到去，成間野得幾枱人又好大煙下:(己經不開心坐低見到個爐都覺得ok,有D期望，點左刺身先。嘩！！！！！！勁驚，D刺身不新鮮都算刀法仲勁差！！！:(唉個爐勁彈油，彈到成枱都係，最後彈到臉， 真心怕立即關爐！！！！！！！D STAFF 服務差到爆！個個黑口黑臉！一定不會再去！＊其實食完己經好累，但都一定要打！因為真的憤怒了！＊…查看更多

由於團購關係, 被廣告所吸引, 沒查明底細便買了, 結果OPEANRICE 劣評如潮, 想賣又賣不出, 快要到期唯有硬住頭皮去吃以免浪費了八十幾蚊券上寫明早一天才可訂位, 小星期五等佢地一開門打去, 佢位話連續幾日的5:30場已FULL, 超慶又話早一日先可以訂, 知道發脾氣都沒用, 最後仲有三日, 費事煩早小小用, 以免到時佢地又反口冇位都有小小時間去用.今晚六點一去到幾得2將台有客人, 我出優惠卷就有位, 沒洗等, 冇傳閒中咁差喎咁快, 可能閒日, 又或者D人冇咁早, 又或者團購都用得七七八八啩...入面有三個待應, 因為之前D report 關係, 我都知佢地唔方好得去邊, 唔冇太強求佢地有咩服務, 包括話有咩和牛, 我都冇信, 肯定唔會有, 結果一埋位我一問佢地話冇哂, 只有酸甜蝦, 叫二次見佢地冇件事, 就費事乞人憎, 見過之前D REPORT真係明哂. 叫左D 刺身同花之戀, 依又OK 喎, 真係得得下, 美中不足係三文魚刺身有骨...仲厚又小小, 算啦, 都抵, 叫左1次第2次冇花之戀了, 第3次MISS單, 第4次先黎份量小得多了, 可能人多了的關係吧, 等亦很耐, 第五次佢比被我, 有4舊壽司, 又有刺身, 有殺錯好過冇啦.冇咩涼茶只有汔水任飲, 一罐罐都好過水機既, 飲左2罐,火鍋湯底四選一, 有麻辣, 沙爹, 豬著, 蕃茄, 叫左個沙爹得一半水, 好快都乾, 之前D REPORT話冇人理, 好在我都有, 有個男待應全晚由帶位, 由碟加湯底, 叫單, 送野食都好勤快, 冇左佢就死得....其他一男一女, 女既都會做小小啦, 男既成日老遠, 咩都冇做過囉, 由佢....D丸太雪好唔得, 熱盤不吃也罷, 菜好爛...得返D肉, 冇咩味...冇要求都OK, 唔係話好差, 但肯定10分得5分度, 最好算係牛扒, 其他冇味, 佢地又好攪笑冇醬油點既, 但台面有D孜然粉一放落內去燒, 依又真係勁正果然係秘製, 完全唔同哂. 最後只送左個曲奇但又勁好味, 以價錢黎既都過得去, 邊爐係麻麻, 內係冇味, 不過未燒好時可以打住邊爐食, 順便等佢既刺身都OK, 咁食完邊爐, D燒烤又攪掂了 整體真係OK既. 至於大煙又唔覺只係小小之麻, 火鍋燒烤實有啦. 接受到, 唔利害! 團購價88+23(小費) 致於會唔會再食就一定唔會啦, 成百蚊食既野咁普通, 只能是將價就貨, 勉強收貨! …查看更多

對這間餐廳非常失望 首先我星期2 去book 星期3, 佢話冇位, 態度勁差, 已經有一種受氣的感覺! 見買左coupond, 所以都要去食...去到, 真係唔洗等位, 咁ok啦!我地坐低, 叫晒sushi, 之後出去拎自助料時, 佢突然要我地轉枱, 咁好啦, 轉啦....但係轉完, 碗呀, 筷子咩都冇...叫佢又唔理人, 黑口黑面...搞到要我地自己去返原來將枱拎返d餐具....過份...好啦, 佢呢轉左枱又唔轉單, 見住我地d sushi 俾左個枱岩岩坐底, 單都未落既人食我地d sushi, 我地就要再寫再等, 真係不是味兒呀!!!! 咁再落單, d sushi 唔齊我都預左, 我都費事講呀, 但係賣相呢, wa...真係完全影響食慾!!!!!!! :( 真係一pat, 爛晒咁lee 間野係食一鍋燒, 佢又得hot pot 又有得燒烤, 本身真係幾吸引, 點知, 佢個鍋大過個爐! 有d位係個本枱上, 完全唔夠熱, 都燒唔到...刺身, 冇鮮味, 口感林patpat, 完全唔好味! 刀工差, 大小不一, 不過佢有d "好好" 刀法, 切到勁薄, 可以透光tim 呀! 完全唔好樣, 唔好睇又唔好食!跟住去拎豉油啦, 佢個豉油樽冇豉油...同佢講又唔應人, 之後我見佢後面有個大支莊膠樽豉油, 唉, 我好心d, 幫佢加埋落個豉油樽到啦...邊爐鍋又冇水, 叫佢加, 成世都冇人黎, 都就黎乾水, 我又要自己出去加....唉, 開頭碗筷又要自己拎, 豉油我都幫佢斟埋, 加水都要自己, 佢 lee d 真係 " 名副其實" 既 -自 - 助 - wor! 跟住要講最嬲既, 係groupbuy 都話送澳洲和牛, 我一坐低已經問佢, 係唔係有澳洲和牛, 佢哦左一聲...走左....:(過左30mins, 我又再問, 個和牛未黎呀...又等...再過多30mins, 我都覺得自己煩呀, 再問, 個和牛呢 佢答我, 和牛要等wor....我已經好好聲氣, 唔該前唔該後, 都明白你地人手唔夠, 都做到炆...好啦, 等啦.....點知, 佢冇左件事, 要我問第 4 次!!!!!!!!!!!! wa, 火黎!之後佢入去睇一睇, 同我講, [[ 和牛冇晒啦wor...]] 完全冇道歉, 又唔理我既回應, 走左....wa.....堅係嬲!!!!不過離奇既事發生了, 我見到隔離枱有! 跟住埋單既時候, 換左另一個服務生, 我同佢講多次, [[點解會冇左個和牛, 應該包埋嫁wor ]]佢之後入去拎左一碟俾我地.....!!!!!!!!! wa...咁究竟前一個服務生入去係睇咩呢!最後, lee 間野係唔找錢嫁! 我地係groupbuy 到俾左$ 88, 黎到要再俾 $23 服務費.... 咁佢冇服務, 已經好唔想俾...咁我地兩個人, total $46, 俾$ 50 佢找好正常丫! 佢完全唔諗住找錢! 要我地去同佢講你未找錢先拎返$4 黎....係, $4 姐, 但係咁既服務, 仲要我俾小費, 我過唔到自己個關law....…查看更多

今日同同學聚下,唔知食乜又想搵可以坐多陣既地方就上左去本來都係抱住姑且一試的心態,上到去見到係麻布系到以為包冇死入到去,點左第一轉野食,同出去揀野食之後先知中伏出到去,火鍋+板燒野食理應好多點知我地要將同樣的野食,分別係邊爐同板燒各整一次當兩味野食好啦自助counter中左伏,放題伏更大壽司有到,魚生寫左兩次,食左成三個鐘一件都冇上過,其他檯都有上,催過兩次冇下文算了,火鍋板燒質飽算,今日都係志在有得食有地方坐坐左個半鐘,我朋友已經係到問係咪呢到特別大煙本身我都唔覺,可能有食開韓燒都慣左,坐果時冇咩留意一出到去,原來街到空氣真係好清新,番到屋企個頭洗左兩次陣味都係散唔到仲有,頭先咪講到魚生唔到既,叫佢埋單之後我同我朋友埋緊數,個waiter已經係到收本薄幾次,係幾次我即刻彈佢一句:錢你又識收,魚生你幾個鐘都唔識黎?仲有D Staff成日三五成群係到傾計,有個甚至係樓面拍埋幾張櫈係到訓當D客冇到?服務差,硬件差,仲有衛生真係好唔得D碟5隻有3碟上面都有漬,個板燒爐設計好易比油彈到野飲機擺到上米7,到底係果到做野班人有冇腦?呢次之後,我會罷去所有麻布系列伏,中一次就夠…查看更多

第一次黎寫係因為大開心!! 希望大家要多多幫襯今日同班朋友去左一間叫鍋一燒既好"鬼"正地方食飯1. 係個帶位台問3個職員竟然有3個答案2. 服務一流，果度d侍應十問十應不過全都唔做3. 野食唔好食唔左講，火炙三文魚同埋三文魚刺身更加係"名菜"不得不試4. 烏冬盤長期係哈密瓜真係吹脹5. 消閒娛樂，唔駛去溜冰場，呢度有得免費玩，另外鍾意繩結既人有褔啦，呢度足夠既電線俾大家一展身手6. 環境一流，超級大煙，好似火"燭光晚餐"咁，油煙味好勁，未開始食已經一頭7. 最正常係雪糕，因為係雀巢雪糕。另外正常野就係汽水，因為有7-UP8. 最經典既係叫佢上蛋糕佢真係將個蛋糕完封不動上返俾你，叫佢攞碟叫左3次3次都應你但都唔見有碟，最後自己去攞好過:(…查看更多

O係GROUPON買咗3張COUPON去試, $88 + $23加一服務費 = $101, 價錢經濟, 無諗過會有10分咁好食, 就打算試吓喇!(問題一) 打去訂位, 辦公時間完全打唔通, 打咗成個晏晝, 落場時間又無人聽, 最終我O係要用1小時來回再加$32停車場直接上去訂LOR!(問題二) 一坐底比個鐵板中間有個湯碗既電子爐, 未開始燒野食, 就見到一個鐵板都係鑊LO, 叫侍應換, 佢話第二隻都係咁, 幫你加D油無野喎! 好... 就試吓佢個SUGGESTION, 結果咪一燒野就成塊生肉滿晒鑊LO囉.(問題三) 抽氣系統極差, 好似無咁滯, 未食已一頭煙.(問題四) 刺身切出黎仲衰過我個10歲既仔O係屋企切O個D, 仲有水O係裡面, 連埋D墨魚... 象BUT蚌等一碟撈埋, 見到都唔敢放入口, 又唔想浪費食物, 最終放晒落個湯度打邊爐.原本個仔考完試想氹佢開心吓, 點知佢見到D野完全無胃口, 咁細個都識評分, 就知間野得唔得喇! 唔會再去, 亦會叫人唔好去LOR!…查看更多

勁少野食呀~~ 冇咩野選擇~~~~ :(:(邊爐位同燒野食位又super細~~我地有4個人~~邊夠位呀~~ 燒左幾塊肉就停左手~~D野食我真係食唔落~~ ~~~ 坐左冇幾耐已經想走~~~ 感到無奈~~~~ 係連一d好簡單既野食都掂~~ 邊爐丸粒粒都咬落去爛爛地甘~~味道又唔得~~叫左sushi & 刺身 ~~諗住好D啦~~ 點知~~~火炙三文魚~~又燒D唔燒D~~ 飯又硬有飯焦粒~~三文魚sushi d 三文魚咬唔爛~~~ TOO BAD~~~呃錢架 !!! 刺身都唔掂又冇刀功~~~塊塊唔同樣~~不嬲食飯會影相~~~ 今次我連影都唔想影~~ 仲要回家登記OPENRICE評論下~~ …查看更多

買了GROUPBUYER團購,廣告上以為好多嘢食,好正..但點知....味道差,選擇少,衛生環境差,食物唔新鮮…首先,前一,兩日BOOK位...當日6:30PM去到唔駛等位..但第一樣嘢 - 服務員已經講無三文魚刺身...覺得勁奇怪,6:30PM已經賣晒,當時食堂並非滿坐...入到去先知原來廣告上SHOW出嚟的食物並非全部免費...火煱料自己攞...肥牛盤,熟食長期空空如也...我等肥牛等了20分鐘先再出... 熟食亦都係食飽先見有…點了刺身,個樣勁唔新鮮, 當然無鮮味…最後服務員同我講連甜蝦都賣晒..當時未到7PM...即刻覺得俾人呃..又無三文魚, 又無甜蝦…其餘的刺身個樣又恐怖,唔敢再食…燒肉好難食,個爐又一邊熱一邊唔熱, 燒咗勁耐d嘢都未熟….火煱料麻麻哋...$80只係食火鍋, D料又少,勁唔抵….GROUPBUYER廣告絕對是個誤導, 又一證明團購未必信得過…曾經SEND EMAIL去團購投訢,但無回覆,可能佢哋一早知道,鍋一燒的質素係咁差,都廢事睬我…希望唔好再有人俾誤導! …查看更多

之前見到有團購，見好似好抵咁就去試下，BOOK位都幾難BOOK，唔係因為個場FULL晒，而係因為打極電話無人聽，足足打左我3日先有人接電話因為限食2小時，同時又一定要響2030前走，所以BOOK了1830，咁就可以食到2030了準時去到，已經有三四枱人食緊，一入間餐廳，超級大煙，好似火燭咁，油煙味好勁，未開始食已經一頭煙！呢間野好特別，可以同時食燒烤+邊爐+刺身。佢用電磁爐，條線響正枱低，一路成一路Q腳，坐都坐得唔舒服。個邊爐連埋個鐵板一齊，中間打邊爐，側邊鐵板就可以用來燒烤，設計好似幾好咁，一雞兩味，但係個鐵板唔熱既，一件雞扒夠膽死煎20分鐘先熟，全間舖都無抽氣設備，煎野既油煙加上邊爐既蒸氣不停上升，真係食到一頭煙，坐低響低位都還好，一起身完全有進入火場搶喉既感覺，好想咳，又難呼吸，真係想拎條濕毛巾掩鼻。為了減少油煙，所以食完一轉邊爐同鐵板就放棄，轉攻壽司同刺身，其實響一入坐時已經交了ORDER紙叫野食，點知等成30分鐘左右先到，到來的食物好唔新鮮，食物淡而無味，自己食緊乜都唔知，平時我對食物都無乜要求，今次真係可以用唔要得去形容，真係好難食算，轉食甜品，個綠茶紅豆完全無綠茶味，淨係知自己食緊一舊用粉做既糕！全晚食得最正常係雪糕，因為唔係佢地自家做，而係雀巢雪糕。另一樣正常野就係汽水，因為有7-UP，都唔係佢地自家做，咁先飲得安心…查看更多

買左Groupon 自助放題, 由下晝12:00打電話打到5:00pm都無人聽電話最後5:30殺上去好彩有位野食方面, 好少澳洲和牛, ok火鍋肥牛, 可以燒烤食品, 可以刺身, (自己估下啦)日式食品 - 非常唔吸引啊, 好怪既蒸蛋, 怪味日式醬汁雞腎以上就係$80既價錢既配料佢個用電磁爐加火鍋, 鐵板真係唔多得你要加極大量既油先可以整得熱D野食最離譜係我5:30入坐, 6:15就已經無哂三文魚了6:30 就無埋軟殼蟹壽師師傅只得一個, 不停漏單我order左好耐既壽司要到我離開出門口先見到佢岩岩整好:(希望之後佢有改善, 其他買左Groupon既人可以食D更好既野…查看更多

第一次黎寫係因為食到一肚氣!! 希望大家唔好好似我咁...夜晚見9:30後 $98 加一 任食火煱壽司刺身上黎試下, 店內大概兩成有客, 但我地兩個人都被安排坐廚房出面, 見到屬同一集團麻布茶房既食物/ 甜品響同一個廚房拎出出入入, 我地幾想過番麻布食!!!先叫三文魚/赤貝/象拔蚌刺身/ 花之戀壽司/ 甜蝦, 店員初時話你寫一就黎三四件左右, 結果我地每樣填四..都只係黎左四件!!三文魚 - 普通 / 赤貝象拔蚌 - 明顯唔新鮮 / 花之戀壽司 - 散哂再叫下其他壽司兼追埋甜蝦壽司, 店員先通知: 甜蝦冇哂第二round 叫三文魚 x 10 / 八爪魚壽司 / 鰻魚 等等結果都係得7,8件三文魚....之前又話寫一等於3-4件?? 再追其他未黎既野...店員話等等.....好再等....再追...再等等....店員先響壽司bar拎果碟原來一早兩個字前放左出黎既壽司比我地!!??仲有其他壽司/刺身呢??? 到我地走都冇黎過lor!!!! 只係不時見到店員/ 壽司bar既員工傾計...玩 etc.....講番個火煱鐵板燒, 個鐵板響你面前, 而上面d 油係咁周圍彈!!!! 未放野上去已經開始彈..放埋野上去我地都要就住就住咁燒, 時不時都有油彈落手要縮開!!! 燒左一兩round 已經冇哂心機燒, 搵野com住個鐵板但求d油唔好再彈落我地度已經好好!!走果時見到我地雖然唔係食左好多野...但成枱面都係一點點油..唉.........百零蚊雖然唔係貴..但咁既食物 + 服務態度 + 環境........真係一肚氣 --- 差!!.......希望大家諗清楚!!!…查看更多

1-8-2011(Mon)男友放假,而我放工後有事出旺角,佢就同我一齊出,出去處理o左一件,另一件因人o地講得唔清楚而處理唔到,於是食飯去,原本諗住返屋企食埋前一晚o既舊飯餸,但男友話唔想,咁….食咩好呢?韓燒啦,好耐冇食.印象中我記得旺角有間叫東大門o既,但我成日唔記得抄低地址,而行經呢頭,男友話去漢陽苑啦,咁行入呢幢大廈啦.地下有好多食肆廣告,我睇睇,咦?!有間自助和燒喎,重要只係$128.00一位咁抵,咁上去睇睇先啦.去到,麻有茶房o係隔離,我o地行到門口,冇人招呼,個女侍應走出o黎,同我講呢o度食自助燒,$128.00一位加一,可任食兩個鐘.但壽司刺身類冇甜蝦,甜蛋同我唔記得邊兩樣.而我同男友都冇問題,就入去lu.7點幾,唔多人,只有三枱客左右,女侍應問我o地要咩o野湯底,我o地揀o左牛蒡.一齊擺好晒,我o地攞o野喇.男友攞o左菜同唔知咩o野返o黎,我就睇有咩刺身同其他熟食.好味o既有:1. 味噌牛舌,牛舌唔太薄入味,口感唔太差.2. 忌廉湯,我勺o既時候已嗅到好香同埋覺得佢質地幾杰,返到埋枱,男友都話嗅到好香.飲吓先,味道真係好夠亦夠杰,唔錯.3. 日式唔知咩湯,有好多豆腐,質地都係杰,呢個有啲似豆腐羹,但唔淡,都唔錯.:)4. 香草青魚柳,好夠味.5. 蒜蓉豬扒,呢個幾好味,可惜係我o地已經好飽,每人只咬o左一啖.冇問題o既有:6.-16.芋絲,蟹柳,唔知咩菇,金菇,椰菜,生菜(不過有啲菜賣相麻麻),豬肉片,疑似牛(月展),牛丸,墨魚丸同知咩牛柳,17. 芒果紅茶,男友飲第一啖話似酸梅湯,我飲落,開頭覺得冇乜味,飲飲吓就飲到芒果味.18. 黑椒豬扒,我明明唔係攞呢隻,到食o既時候食到黑椒味.麻麻o既有:19. 炒烏冬,呢個一pat pat又濕’立’’立’,好彩只攞少少.20. 清酒蒸雞,真係好清,清到冇乜味.21. 蕃茄芝士牛脷炒飯,我冇勺炒飯,只有餸,夾o既時候,牛脷已經細細件同爛容容咁,食落,口感唔得,味道亦冇味噌牛舌咁好.22. 香草雞中翼,冇乜味,不過雞中翼係斬開一半,咁就好易熟.23. 雞扒,都係冇乜味.刺身類:24.-28.: 我剔o左五樣,每樣四件,但o黎到份量就唔係跟足.三文魚多到極,墨魚,鯛魚同赤貝就係四件,象拔蚌就得兩件.三文魚,墨魚同赤貝都冇問題,而我覺得鯛魚口感麻麻,不過男友話係咁o既.象拔蚌都冇問題,不過得兩件就少啲,之後臨尾我都叫多次四件赤貝同象拔蚌,呢次赤貝冇問題,但象拔蚌就厚切,有啲’o鞋’口,而且唔係靚o既部位,麻麻.29. 雪糕得一隻味,就係椰子,但有提供麻布茶房常用o既方塊,有芝麻味(好重芝麻味),綠茶(唔係好覺有味),椰子(o係芝麻同綠茶之間),有啡糖o係面o既糯米糕o個類(呢個又煙韌又好食)30. 生果:有西瓜,蜜瓜,菠蘿同罐頭水蜜桃.而湯底呢,男友話佢食芋絲時食到幾清,不過冇湯匙,佢冇勺o黎飲.冇攞到o既有:吉列魚塊,薯蓉,沙爹青魚柳,金鎗魚刺身,天皇蟹柳剃身(呢個唔記得睇相,所以冇點),沙爹雞中翼,壽司同卷物類.食完至覺得唔可以算係日式,不過都唔太差o既.服務:一開頭,個女侍應樣樣都講得好清楚,而且有禮貌,唔錯.男侍應有主動問我o地使唔使加湯,但奇怪係冇幫我o地加茶.負責切刺身o既兩位哥哥仔效率就麻麻喇.環境:好闊落舒適,兩人坐四人枱.而原來佢o地都係麻布茶房o既,因為入面係打通,亦見到侍應們拎o野過去.…查看更多

上次黎呢到食個陣,食物新鮮,服務都可以接受,諗住可以接受就黎第二次,但非常失望,食物唔新鮮,叫了一個"麻醬娃娃菜",賣相可接受,但食落去就不予置評,魚生唔新鮮,有點腥未,火鍋配料都可以接受,但令我一肚氣就係服務,好記得21:30落單,等左20分鐘一樣野都未到,之後追追佢,再等20分鐘還未到,再追追,如果係廚房要煮野等下都冇所謂,但我落單個d係火鍋料同魚生加飲品,都要等咁耐就真係唔可以接受,一直等,到了22:15再追一次,竟然話冇幫我落單,要重新落單,真係一肚火,相信以後都唔會再黎.…查看更多

是日夜晚係我同男友既紀念日、我同男友都偏愛食日式放題慶祝D特別日子既、今次就揀左呢間'鍋一燒'食放題慶祝,,佢地既放題分開兩個價錢: $138 同$188兩個價錢俾人客選擇、食物包括有刺身, 火鍋, 燒物...呢間放題係無點菜紙提供俾人點菜架..要點菜既話就要叫侍應幫你落單、但由於係食放題、如果要侍應企係你面前、用手寫你要既野食、其實真係好麻煩兼浪費時間..OK搞左幾分鐘個侍應先寫晒我地要點既菜、而我地就當然坐係度等食架啦、點知等左幾個字先上4件壽司、而我地叫左幾樣火鍋配料連火鍋既醬油就遲遲未上’催左佢地兩次先等到D火鍋配料、但個醬油就催極都冇影…每次催親佢地、佢地既反應都係‘好啊~我幫你跟跟……跟丫跟…跟極都唔見果兩碟醬油呢…至於其他既刺身炸物..又係要三催四請先上…嘩…~~!!成個鐘頭淨係不斷催佢地漏單都唔知幾多次…真係食到成肚火.成晚都唔知食左幾多野落肚、.唔出聲就側側膊, 唔多覺. 而且食物味道一般..係旺角呢個競爭咁激烈的地方, 咁既服務態度和食物質數絕不可接受.呢間野真係請我都唔會再去食多次啊…查看更多