錫蘭 (軒尼詩道)

食物出品比較穩定的冰室，已經在這裡光顧了幾次點過唔同類型的菜式，炒粉麵飯，常餐，出品都是符合對港式茶餐廳預期這次叫左常餐外賣，沙嗲牛公仔麵配火腿蛋丹麥包沙牛麵味道幾濃生花味，牛肉唔會太靭，正常水平將平時食開既白麵包轉左丹麥包，甜甜地，又加添左少少西餐味道至於杯港式奶茶都係好飲，夠茶味，奶同茶既比例剛剛好有時候諗唔到食咩，又想食港式野，就會諗起另外一題，這裡的蛋撻都好味！總結而言：推介，抵食港式茶餐廳…查看更多

中午想食意粉但又唔想食咁貴，就喺呢間茶餐廳食左碟卡邦尼海蝦意粉。平時卡邦尼都係西餐廳/cafe先見到，但茶記食竟然唔錯，而且份量比平時喺cafe食大份。卡邦尼醬汁口感濃厚，配上海蝦、煙肉同埋蘑菇。蝦香口，肉質彈牙，冇雪味。如果蝦再多一兩隻就更完美啦。菇無煮得過腍，有咬口。意粉煮得唔錯，唔會過腍過硬。醬汁掛得實，唔會食到尾段就變乾。份量方面都算大份。如果怕食食下覺得膩，想有杯嘢飲，需要另外加錢，因為佢唔係套餐，唔包野飲…查看更多

喺銅鑼灣嚟講都算係性價比較高嘅冰室產品味道唔錯重點係夠晒熱同埋地方都闊落 推BB車入去都ok所以都岩一家大小去全日選擇都ok 有常餐 有包 有小菜下次經過都可以係其中一個選擇…查看更多

最近去咗一間銅鑼灣茶餐廳食早餐，環境幾舒服，座位安排唔錯，唔會太擠迫，適合同朋友傾計。鮮茄濃湯牛肉通粉我點咗一碗鮮茄濃湯牛肉通粉，湯底色澤紅艷，聞落去有濃濃嘅番茄香味。通粉煮得剛好，唔會過軟；牛肉切得薄薄一片，煮得嫩滑，搭配上香濃嘅湯，真係一流！火腿炒滑蛋跟住就試咗火腿炒滑蛋，蛋炒得好滑，完全冇油膩感，火腿味道濃郁，啖啖都係肉，簡直係完美早餐嘅一部分。丹麥多士最後，丹麥多士就係一個驚喜！外脆內軟，食落去甜而不膩，配合咖啡或者奶茶真係正！…查看更多

平時晏晝最鍾意食佬飯😆😆😆叫碟小菜，有個湯，有個嘢飲，有個飯一餸一湯一飯一飲品👍👍👍👍呢間茶記就滿足到😃😃茶記每日都有幾個set 午餐除咗呢個之外，仲有啲常餐啦，湯粉麵，炒粉麵，應有盡有，你諗到嘅都有得食所以一諗唔到食咩，都會去依間茶餐廳今日食呢個就南瓜蒸排骨，以茶記呢個價錢嚟講，係幾出色湯就有中湯同西湯揀，我就鍾意飲中湯，佢每日都有唔同款，多數都會有啲料喺裏面，一啲都唔Hea👍…查看更多