34
6
2
港鐵尖沙咀/尖東站 P2 出口 繼續閱讀
電話號碼
27238660
開飯介紹
富豪九龍酒店內的日式居酒屋,改名後主打日本串燒,如燒鰻魚串和免治雞肉串,開放式廚房設計讓食客邊看邊吃,增加視覺享受。 繼續閱讀
特色
適合大夥人
慶祝紀念日
附加資料
開瓶費最多收取$250,切餅費視符人數而定。
營業時間
今日營業
12:00 - 22:30
星期一至日
12:00 - 22:30
付款方式
Visa Master 現金 AE JCB
座位數目
100
其他資料
Wi-Fi
酒精飲品
自帶酒水 詳細介紹
泊車 詳細介紹
電話訂座
外賣服務
加一服務費
食評 (45)
今年叫做第二餐正式生日飯,又可以係5月12日生日前一晚嘅第一餐生日飯,其實今年真係無特別攪生日飯、生日派對、飲酒parties等,但唔知點解忙過上年好多,我自己都好混肴,都唔知自己講緊乜?多謝馬老闆帶我去九龍尖東富豪酒店1樓,多年獲得港澳必比登美食推介,米芝蓮車胎人美食嘅「錦 Nishiki」食串燒,入餐廳前當然要先量體溫及唧酒精搓手液,之後由店員安排座位,隨即放下熱茶、熱毛巾、醃漬物及白蘿蔔蓉,老闆主場,點菜佢發板,未點菜已點一枝純米大吟釀:一品(之後共飲咗1大1細枝),平時夜晚10、11點後先飲酒嘅我,生日月就破介早啲飲,不過都唔係晚晚咁早飲。先上佐酒小食,有燒三文魚乾、燒三文魚翅(印象中)、毛豆、芥辣八爪魚、燒白飯魚乾、螢光魷魚、芝士酒盜,全部都係佐酒嘅美食,大部份都好好食,我最鍾意就係味濃嘅芥辣八爪魚、螢光魷魚同芝士酒盜,而香口嘅有燒三文魚乾、燒三文魚翅同燒白飯魚乾。「錦」嘅名物免治鷄肉腸出場了,先將日本蛋撈勻再塗上鷄肉腸去食,蛋汁嫩滑,鷄肉腸外微微煎香,內裏肉質細嫩、味道適中。燒鷄肝,人老了,大家share一串便可,燒得外脆內粉,膽固醇萬歲。燒牛肋骨肉,剛剛好7-8成熟,肉嫩仍好嚼口。燒煙肉蠔卷,煙肉微脆仍算軟身,蠔肉剛熟、仍能保留蠔汁。燒鷄翼,鷄翼已拆開燒,會比較容易處理同控制,火喉算不錯。喜之次一夜干燒,窮L嘅我有得食喜之次,唔好理佢新鮮定冰鮮,都係燒得幾好食。燒豬柳,又係膽固醇萬歲系列,油脂分佈夠充足,如果唔夠肥真係唔好食㗎。最後一樣到燒鰻魚了,邊度產地就唔考究啦,不過鰻魚係夠大件同夠肥美,美中不足只係有少少碎骨,下次嚟係會再點。店員問要唔要飯、粥、烏冬?平時一定要食澱粉質,因夜啲仲有另一餐生日飯,所以都係夠了。 繼續閱讀
(以上食評乃用戶個人意見 , 並不代表OpenRice之觀點。)
等級3 2019-04-19
3044 瀏覽
還記得第一次幫櫬”錦”是已經快20 年前的事了、老板是沖繩縣民的日本人、經歷過香港經濟的高高低低、由以前日本客人比例8:2 到現在是 2:8 、出品質素一直都無改變過。~ 前菜充分利用下欄食材、簡簡單單唔花巧、好味道~ 白飯魚乾乾身爽脆、送酒一流~ 枝豆交來貨、合格~ 炸雞 自家製、火喉掌握得宜、入口咬落皮脆有肉汁、好味道~ 免治鷄肉腸 當店自慢(指的是最拿手)、入口非常嫩滑、配合蛋黃醬汁、正!係花工功的出品、必食之選!~ 鷄肉葱火喉掌握得宜、入口咬落有肉汁、配合日本大葱嘅幽香、好味道~ 鷄皮 做到外脆內軟、送酒一流~ 腐皮雞肉卷好味道~ 雞心合格~ 雞肝火喉掌握得宜、入口剛剛熟、咬落軟滑無渣~ 雞膝軟骨比較起雞軟骨咬落軟滑無渣、個人至愛~ 雞尾咬落爽口唔油膩、送酒妙品~ 雞腎合格、咬落軟滑無渣~ 鰻魚軟滑好味道、建議配熱辣辣細碗白飯一起吃、正!~ 鷄翼 好味道~ 鷄皮蒜頭卷送酒妙品~ 豬柳合格~ 煙肉蠔卷蠔肉飽滿、配合煙肉燒香後嘅油脂、入口咸咸香香、充滿蠔汁嘅味道、正!~ 燒牛舌個人至愛~ 牛肋骨肉入口咬落充滿肉汁、好味道~ 炸豆腐合格綜合係一間用心經營小店、支持! 繼續閱讀
(以上食評乃用戶個人意見 , 並不代表OpenRice之觀點。)
等級1 2018-10-06
3101 瀏覽
聽聞此店主打日式串燒,價錢合理,便跟太太二人前往午膳。我們點了串燒套餐,另散叫了串燒數條,燒魚,鍋物和茶泡飯。用餐時有兩名女侍應當值,客人連我們有四枱,理應綽綽有餘,現實卻事與緣遺。1. 入座時侍應A放下只有一頁的定食Menu。我們未見有任何串燒,逐問侍應A,她才補上Full Menu。本人認為,既然此店主理的是日式串燒,侍應理應主動提供串燒MENU,再好一點是入座時向客人提及可單點串燒,也可選擇較為經濟的午餐定食。2. 點菜時點了牛舌和燒鯖魚,侍應B告知是日皆沒有貨同樣,以酒店日本餐廳而言,可做得更好,例如提前在餐牌上刪去沒有貨的食物,或點菜前主動告知。3. 等待上菜時,侍應B突問我們「個茶泡飯你想幾時食」,我答待燒物上完後。侍應B隨即大聲向師傅說「個飯跟日本人食法呀」首先,侍應B的這問題十分突兀。我理解她想跟客人溝通的原意,但...是否可以表達得更好 - 如確認式的問客人「茶泡飯是否想串燒後上?」。再者,在客人面前高聲向廚房傳話,是否應有的服務表現?最後,飯最後上並不是什麼「日本人食法」。飯一般安排最後上是常識吧!4. 結帳時我碌咭,簽帳後侍應A即向我表示打漏了小數點後的數目($0.1),要重新碌過。埋單總數七百多元,數目只是差了一角,處理是否可較為彈性?發現有錯後隨即拿走本人信用咭再簽帳,一句「唔好意思」也沒有,服務水平和態度實大有改善空間。總括而言, 此店食物質素果真不錯,物有所值,唯服務強差人意,對不起桌上佳餚,直接便此店降格,甚是可惜。 繼續閱讀
(以上食評乃用戶個人意見 , 並不代表OpenRice之觀點。)
等級2 2018-07-30
2658 瀏覽
宜家,每逢想食燒烤,就只會想去“錦”!一個月,最少會光顧兩次!不論食物質素同員工質素都係非常好!其實燒烤應該唔算乜嘢高難度, 但係哩度食到嘅, 外面同樣食材,往往係有所不及。簡單如燒蒜頭,燒飯糰, 都係絕對美味! 魚生嘅鮮美, 亦係非常難得!仲有有善嘅兩名大廚亦係我常光顧嘅原因之一! 一邊飲飲食食,一邊欣賞大廚們料理, 有空又會談天說地,碰杯一下, 實為一大樂事!而大廚安排非常“特別嘅甜品”, 我可以話只此一家, 有興趣嘅食友, 可以去探討一下! P.S. “特別嘅甜品” 唔係人人有得食, 更加唔係人人鍾意食! 繼續閱讀
(以上食評乃用戶個人意見 , 並不代表OpenRice之觀點。)
等級4 2018-03-28
2353 瀏覽
位於酒店內的老牌串燒店,價錢當然不會太便宜,但食物質素絕對是有保證的。今晚4人吃飯閑聊,飲飲食食中3小時便飛逝了。前菜是洋蔥炆鴨,有點像牛肉丼的做法,味道不錯。雖然這裡主打串燒,但也有刺身、鍋物等供應,但質素不及串燒好。留意這兒是港人廚師主理,但手法純熟,所以每每有一半以上是日本客人。今夜推介如下:田樂茄子燒:用上正宗日本肥茄子加上赤味噌,茄子本身肉厚而味道不會過鹹,非常好芝士煙肉金菇卷:本人不太吃芝士,但同行友人一致讚好,淡芝士中和了煙肉的鹹味,金菇又給回些鮮甜的水份唐揚雞軟骨:即叫即炸,灑上少許鹽巴及鮮檸檬汁,佐酒佳品燒飯團:最考功夫的一道菜,需時15分鐘,不能錯過不知名燒魚仔:主食後還剩下一點清酒,店員推薦這款魚乾,烤得微焦,魚身結實帶點鹹香,驚喜非常! 繼續閱讀
(以上食評乃用戶個人意見 , 並不代表OpenRice之觀點。)