錦華粥粉麵

營業中

休息中

住咁耐未食過，次次都食隔嚟幾間河，諗住試吓啦，叫咗個雞翼麵。嚟到見到嘩五隻雞翼咁多，又冇間上海麵咁多炸粉，諗住應該唔錯，但啲河粉質感明顯唔及隔嚟，好厚唔滑。湯底冇特別，但諗住唔係專做河粉好難同人哋牛腩河比較嘅，都要公平啲。食到個雞翼，皮薄但一咬入去未熟，之後打開每隻雞翼都係有血未熟。咁都算啦心諗唔好彩，有個阿姐都好醒目見我係度開都走埋嚟問係咪未熟幫我整過。等佢整過又廢事食哂啲麵又係度齋浸，到嘅雞翼返嚟，一睇點解少咗隻。另一個阿姐就話畢嬲係四隻，我未幫襯過唔知啦，但係咁我本身係五隻㗎嘛，佢總之話四隻啦。之後食落啲雞翼返炸已經炸到深黃色，成陣油味入哂肉，本身啲薄皮都返炸到好厚，最後都冇食哂，好彩佢比少隻我。

上次嚟呢度冇開，今次就嚟呢度買蘭花，順便食豬什 雖然想食粉，不過未食過粥就試吓呢度嘅豬雜粥，而且見到佢價錢平$9不過原來一分錢一分貨，佢豬雜嘅材料用少好多㗎，每件都係只有一至兩件 豬潤，完全唔夠喉粉嘅份量多好多 仲有兩條生菜不過佢粥底煮得唔錯，佢哋話老闆娘兩點起身開始準備煲粥 應該都真係嘅叫佢多蔥花兩次先會多啲 油炸鬼同平時食嘅有少少唔同，比較幼身，所以會熱氣同埋脆身啲 浸腍佢好味好多阿媽嗰碗豬什好靚仔呀上枱，而且火牛比較控制得好，因為粥嗰啲通常都會太熟呢幅就睇到份量嘅比較不過今次覺得佢個粉腸好好味！豬心就正正常常類似雞腎咁嘅質感 肉片都唔錯，唔知點解咁彈牙 應該都加咗工個店員得閒喺度同我哋傾偈，原來成間鋪都係自己屋企run 今次如果唔係阿媽俾咗啲材料我我都應該唔滿足 因為足嘅份量太少哈哈 環境不要有要求服務OK 阿姐都熱情 不過唔鍾意俾人望住食嘢🤣🙈

大埔熟食中心，點可以唔食錦華？今朝又早咗入大埔，照舊走去街市搵食啦，記得好耐冇食錦華，好～早餐一於係佢～今日唔想咁多澱粉，所以冇食到粥炸兩炒麵，點咗另一樣好食嘢，豬雜～我今次配粗麵，真心，豬雜係好食，有腰有肚有心有潤，個湯頭鮮甜味美，薑味適中，唔會蓋嗰啲豬味，(某檔名豬潤⋯⋯你懂的，所以已經放棄咗好多年)，豬雜同湯就真係一流，但個麵⋯⋯我明嘅粥檔我叫乜鬼麵呢⋯⋯個粗麵頭仲未散開一餅死實實，麵淥到過咗火腍到⋯我唔知係咪預先散開麵後無落油所以纏埋一舊，再落水時又耐咗？定係貨問題⋯⋯但個麵真心唔合格⋯唉⋯⋯我錯下次都係叫番粥同腸粉類🤦🏻‍♂️淨係豬雜 4星架⋯⋯係個都拉低咗戴返頭盔先，我覺得好唔好食≠你覺得好唔好食，好唔好食因人而異。

來到這家熟食中心，邊走邊嗅到各種誘人的食物氣息，好過香水多咗！我點咗足料艇仔粥和炸兩，都係地道港式早餐嘅經典😋。埋堆嘅艇仔粥喺口中化開，每啖米花都帶著熱氣和豐富嘅海鮮鮮味，真係滋味十足。而炸兩嘅表現更加出色，鬆脆嘅油條包裹喺軟滑嘅腸粉中，兩種口感嘅碰撞，簡直好過射嚟嘅愛心！再加咗家秘製嘅麻醬和辣油，咬落去嘅那一刻就好似有個小煙花喺口腔裏面爆炸。唯一嘅遺憾，可能就係腸粉嘅甜鼓油冇咁搶鏡，不過呢，總體嚟講，今次嘅食驗差唔多咁滿分👍🏻，地道嘅港式早餐，真係食出滿足感，好過耐唔食！

好耐冇嚟呢間食！今日嘅質素極度好！我同阿媽一坐低就即刻捱過豬雜粉！ $44超級足料！有豬肉片豬膶，豬心都有啊，雖然好細好少仲有豬肚！全部都好好味，而且個湯阿姐話用豬骨去煮，但係又唔會太油膩清得嚟好味唔會口渴仲有豬腸好好味！以前唔係咁鍾意食粉腸，但係呢排喺靠得住或者呢間餐廳食嘅都好好味！因為佢哋處理得好好，亦都煮得好腍豬肉片亦都幾大塊！不過當然唔係新鮮豬肉咁香口味勁肚餓都忍唔住幫佢影特寫💖下次要嗌豬什粥！ $35見到隔離呀，原來都好大碗😚

有時候諗到返大埔食車仔麵，但是卻不太想到應該吃什麼，因為車仔麵不多款式，三不館又有點兒不就腳，多多我又不算太喜歡，麵譜份量又太少，因此終於想到可以來大埔墟街市，想起有次妻子推薦它的豬雜麵，這次便點了個麻辣湯底豬什粗麵。諗起星期六日到熟食市場，搭上搭、再背貼背；閒日有時間，來吃下午茶一個人霸四個位就最正問問阿姐有什麼麵，她說由於時間接近下午四時，只剩下粗麵、幼麵以及米粉，我唯有三害取其輕，因為我通常平時都只會吃米線或者油麵。結果，豬雜粗麵端來之後，發覺份量相當多，麻辣的湯底相當之香辣，因為吸收少許豬膶的味道，因此湯底顯得非常甜香，不過豬潤份量不算太多，正合我意，因為我覺得這樣滾過湯的豬潤，多數都煙靭，因此味道不會太好，豬肚的份量也不太少，爽口彈牙，味道一流；另外有兩塊豬肉青，半肥瘦，不算太肥太乾太柴，味道亦都相當好。另外其他配料還有豬粉腸，份量都算合理，都應該有三四條，質感一流，不算太粉，味道挺不錯的。同行如敵國，我以為熟食市場大家應該是互相爭客，以致爾虞我詐。頂多你做麵條，我賣飲料。豈料，我見到旁邊那間粥品炒麵飯的店舖，竟然到這間錦華叫車仔麵食，好像有點兒倒米般

星期日is a happy day🌞一day off 我就需要去outdoor地方 放一放風🍃今次去入大美督之前 諗住食啲野先 聽朋友仔講 大埔有個糯米糍好出名🔍於是就諗住去試下 見到係大埔墟熟食中心 入到去先發現原來係咁多野食嫁！因為周圍都人多 又無咩位 見錦華姐姐落力叫座 所以就一於試下！叫左兩碗3餸車仔麵🍜$38味道上比較清淡 牛腩都麻麻地🥹同我食開傳統麵店既味道有啲出入 就算加左色 都食唔到腩汁個種精華🥹可取既就係份量真係好多 叫左一餸魚皮🐟真係成籃咁上 多到食唔曬！睇返openrice先發現佢最出色既原來係粥品🤣下次再試下先！

2:30去食嘢，所以人流唔多！坐得舒服好多！捱到呢個食過幾次嘅地方，都大同小異，雖然Menu唔同咗樣，但係食品款式都一樣，價錢就貴咗兩蚊好似不過冇辦法啦，發覺而家香港嘅食店加價都教得好快，可能幾個月或者半年就+2 $3咁其實都明白佢哋生意難做，業主又係咁加價。。。。講返正題，因為上次叫佢淨係豬什佢係冇比多都係求其比，只係走咗面， 所以今次絕對唔會咁樣做🤣🤣🤣要求唔好咁多反而俾返正常惹來！ 一上堂見到咁靚仔嘅住宅好興奮！如圖所見有好多遍豬潤，因為豬什理論上係有豬腰，而且途中豬潤嘅樣薄薄地有啲似我以為係🤣🤣🤣不過我諗可能今日買唔到貨或者賣晒，今次就冇豬腰我就嗌粗麵，媽咪就嗌咗河粉我哋兩個嘅面都煮得太林了，所以口感爭少少🤏🏻佢今次唔知點解問我哋加唔加麻辣， 媽媽鍾意食辣所以要少少試吓，不過原來唔好食，佢話早知唔加價枱上面嘅辣椒油仲香今次嘅豬肚、豬潤、同埋豬腸到好新鮮好好味豬肚同埋豬腸比平時嘅優質本來我麻麻哋鍾意食豬肚，豬腸就一時時，佢住得好夠火喉唔會好硬又唔會冇味選擇困難嘅我以後嚟應該都唔使有困難，揀豬什麵 另外，呢度嘅夥計都係好熟面口，之前非常熱情好客嘅姐姐，依然咁nice同埋我發覺呢間

🎈食物：🌕🌕🌕🌕🌑佢個菜乾粥好好食，好入味，老闆娘都好好人，比勁多菜圃我，係多左少少胡椒粉😂暫時係我食過最好食既菜乾粥，推😍😍😍🎈環境：🌕🌕🌕🌑🌑現場環境都衛生，老闊娘盡量都安排大家分開坐，一來政府要求，都方便大家放袋🎈服務：🌕🌕🌕🌕🌘老闆娘都好好人，但呢間要現金比錢，無得用八達通🫣🎈回購：🌕🌕🌕🌕🌕係大埔又想食粥，一定會揀佢，平靚正❤️❤️❤️

今日三條友嚟大埔，去熟食中心開飯，叫咗佢最出名嘅菜干豬骨粥，都OK好食嘅，但又未到超正個感覺。不過依家出面好多粥舖質素都每況越下，錦華算係keep到…… 我哋仲叫咗及第粥、炸兩、蝦米腸同埋炒米粉！我覺得反而個蝦米腸同炸兩有驚喜😍 蝦米腸好滑好多蝦米，炸兩中間舊油炸鬼脆卜卜👍🏼 另外原來粥舖都有水吧，叫咗一杯熱奶茶一杯茶走，茶味幾香又夠滑，都可以俾個Like佢😘 最後埋單盛惠 $130，抵食程度就一般般咁啦！

大埔街市2樓應該係得兩間有得食粥嘅。我覺得錦華最好味。首先佢啲粥唔會太希。夠綿密但仲食到一粒粒米。唔會為咗慳錢，將啲米完全打爛變成米漿。口感比較好。如果唔想食味精可以轉白粥底。份量比另一間多。佢地嘅油炸鬼係自己做。新鮮非常脆。唔會好似其他舖頭嗌貨返黎嘅油炸鬼咁要返炸。其他舖頭返炸嘅油炸鬼會有油益味。其實我最鍾意食佢哋嘅炸雞翼。比同一個街市其他出名食炸雞翼嘅舖頭好好多。不過今次冇叫。呢一間嘅炒麵好食過另外一間粥舖嘅炒麵。不過唔建議食呢一度嘅雲吞，之前食過一次覺得唔好食。不過佢哋主要係食車仔麵同埋粥，叫呢一啲一定唔會錯。

大埔墟街市出名平同多選擇係呢頭翻工要省飯錢 基本上大埔墟街市係不二之選🤪🤪🤪🤪🤪基本上40蚊以內已經食飽仲要包野飲😊天氣好熱晤想食碟頭飯 今次轉戰車仔麵😆我其實真係好鐘意食麵 配埋每間鋪頭自己調制既辣汁 真係人生一大樂事😍😍😍😍😍今次叫左三送車仔麵 送豆漿一杯都係個句 我好鐘意食餃子，腸仔，雞翼見到一定會叫個種🤪🤪🤪呢到無餃子，得雲呑，照殺呀姐話即包 細細粒 裹面d料幾鮮味腸仔有驚喜 竟然係煎過 裹面d芝士溶晒會爆出黎 小小心機好加分雞翼就晤係好夠味 可能未夠時間辣汁好正 好夠辣

今次已經係第2次食錦華，第1次試食係因同事介紹食佢既車仔麵，開頭都半信半疑，一間粥粉麵又粥又魚旦粉又車仔麵，咁多野點會好食呢？咁就膽博膽心態去試，第1次試食個車仔麵個湯底唔差，而且食完之後個感覺係會再番黎食。我食左雞亦尖同牛柏葉，好有細個跟呀媽食車仔麵既feel. 而且價錢又平2或3餸都係32 蚊，每碗麵仲有油菜。今次同呀媽再食，今次試滑牛米，我食過咁多間滑牛呢間係最好食，滑得黎又有咬口，媽媽就叫左個艇仔粥，d料多到不得了，炒麵媽媽都話超正，今次第2次黎食都有驚喜真係不得不介紹呢間錦華粥粉麵。不過我地叫左個炸兩，但條油炸鬼鬼就差d ,感覺炸左出黎有d耐，但包住個油炸鬼個腸粉皮好滑，我想信腸粉都應該唔差。所以值得推介比大家呢間錦華粥粉麵。

知道大埔個街市非常之壯觀，我雖然係九龍人都好想入去朝聖一下，於是搭咗成個鐘頭車入去參觀街市，順便搵食。街市地下個肉檔同埋魚檔非常之多選擇，好精彩，如果我屋企樓下個街市係咁就正！二樓就係買乾貨嘅，我哋行咗一陣，就直接去搵食啦。熟食檔位於3樓，店舖非常之多，人流極之暢旺，枱同枱之間非常之迫。基本上好難行人，上面粥粉麵飯樣樣齊，病病地既時間揀左食粥。坐低叫咗碗菜乾豬骨粥同埋鹹肉粽，鹹肉粽叫之前已經問咗阿姐鹹肉粽有冇蛋黃，佢答我有。嚟到之後叉爛咗個粽，好難先揾到粒 蛋黃，粒蛋黃嘅大細得正常嘅四分之一，食咗入口都唔覺，仲有就係有舊肥豬肉，綠豆嘅份量又唔係好多，好彩佢鼓油較得幾好味道食得曬，菜乾粥個菜乾份量都唔少，但只有淡淡嘅菜乾味，勝在無沙…雖然大牌檔啲阿姐忙得不可開交，但係佢哋都好耐心咁招呼…整體感覺還可以。

呢日萬里無雲，大大個太陽伯伯掛在天上。風和日麗的日子，最岩帶母親大人去放電。玩時玩，出發前都要食飽飽先，甘至夠力氣。母親大人晨早就囔住要黎呢度食，話要食牛脷酥 (話時話，點解我平時食熱氣野佢就話熱氣，到佢食熱氣野就d野食就立即變成唔熱氣？)呢朝熟食中心人流都唔算太多，黎到弼鋪仲有位，「簡」個靚位，母親大人二話不說就叫左個牛脷酥同豆漿，而我就叫左個及弟粥同炸腸。說時遲那時快，粥店阿姐好快手就上左個牛脷酥同冰凍豆漿。母親大人因為落單時好忘記同阿姐講剪開件牛脷酥，本來非常懊惱，見到阿姐遞上的牛脷酥已經剪開左之後，立即笑逐顏開，雀躍萬分。是甘的，呢次個牛脷酥係凍的，不過母親大人怕熱氣，所以覺得凍都係可以接受。甘既然講得甘好食，我當然都抆左一大舊試一試味。雖然係凍左，但外層都仍保留到些微脆皮，絕對唔會「韌」，咬落去個心係好鬆、同好有質感，滲有點點甜味，食完口腔亦唔會有怪味，真係一讚。廿幾蚊一大碗及弟粥真係好抵，如果女士細食d就可以2個人開心「些牙」(share)。碗粥有油炸鬼、咸香脆花生，蔥花鋪面，仲灑左少少胡椒粉。食啖粥先，d粥底幾綿，有米香，食到尾都無出水算幾真材實料。材料幾多，有肉片、腸，