錦江軒 (已結業)

琴日晏晝同個friend嚟開炮谷山 因為唔熟尼頭就openrice下附近有乜好食 見到尼間啲食評都ok又近我地 所以就去咗試吓原本諗住一人一個主食加一兩樣小食就ok 點知睇餐牌發覺啲野都幾抵食 淨係啲冷盤前菜我地都嗌咗4個 個青瓜唔錯 幾開胃 水晶肴肉同個素鵝都好味 勁快食晒 最抵讚就係個烤麩 好入味 之前試過去幾間食上海菜嘅餐廳 啲烤麩成日都有陣宿味 尼間終於冇 仲要好好味!之後嗌咗個擔擔麵share 個湯好濃同埋好香 而且又唔係太辣 啱啱好 之後因為睇啲食評好多人都讚個小籠包好味 所以我哋都嗌咗個 又真係幾值得推薦 因為真係做到皮薄餡靚最正係入面啲湯 講到我宜加都仲回味緊! 真係必試! 之後仲有個醉雞係見隔離枱食得好滋味所以我地跟住嗌 都唔錯嘅 酒味幾濃 最後我已經飽到坐喺度 但我個friend仲想食甜品 所以佢就自己嗌咗碗酒釀丸子 我冇試到 不過聽佢講話幾好味喎總括嚟講尼間餐廳真係唔錯 如果我住得近應該會成日幫襯 我屋企人都鐘意食上海野 所以遲啲都會帶佢哋去食

今日去完親戚屋企，同媽媽喺附近搵野食。見到呢間食上海野就走入去試下。原本諗住醫飽個肚就算，話曬都係小店，又係喺屋邨位置。點知，小店黎講，佢都相當有水準！好食過平時嗰啲大型上海連鎖餐廳多多聲，重點係，重要平過佢地！！！同茶餐廳既價錢差唔多！！我地兩個人叫左: 醉雞，臭豆腐，小籠包，炒年糕醉雞：酒味都幾濃既，入味既，重點係隻雞係新鮮既。好多餐廳嗰啲係會有陣雪味，或者隻雞一食就知係啱啱喺雪櫃攞出黎。今次呢間係無呢情况！推介程度4粒星！臭豆腐：呢個既話，個個人口味唔同啦。我就鐘意食好好好臭既，而佢就無我想像中咁臭既😂但佢既餘韻會有陣發酵同豆味充戚喺口入面，係好食同特別既，我都唔係好形容到出黎。口感方面係要讚下既！平時既臭豆腐會好淋好散，呢個佢係做到外脆内軟，入面啲豆腐都無散開既，你地睇張相就會明。推介程度都係4粒星！小籠包: 一定要食！！！！！5粒星！！！唔係講笑。好食過平時大家食開既小籠包專門店！！皮係真係好簿！令到肉同湯既味真係好出！佢個包既湯汁唔係濃嗰種，而係鮮！！即使你點左醋，湯既鮮味都係仍然會蓋過醋既味！！真係唔試唔得呢個炒年糕: 呢個就正正常常，無乜特別既評價。口感上既話，唔會好似

途經錦江軒食府，突然想吃上海客飯。今天外賣了兩個客飯，一個是蔥爆牛肉，另外一個是咕嚕肉。前者味道適中，汁醬恰到好處，牛肉腍滑，蔥白入味，配菜飯來吃最好不過。但後者真教人失望，雖然賣相不錯，顏色配搭吸引，但炸過的咕嚕肉有一點千年油的味道，而且肉質乾且韌，頗難咬開，老人家絕對不適宜吃。幸好配菜中的番茄和洋蔥亦算新鮮，汁醬濃度也適中，甜甜酸酸，亦算醒胃。熱豆漿和凍酸梅湯味道尚可。豆槳頗有豆香味，酸梅湯亦不會過酸或甜。

店內裝修古樸，掛有一幅清明上河圖。雪菜肉絲湯麵，湯麵質感不錯，因有雪菜所以吃起來帶醎，另外肉絲加芽菜也有咬口亦爽口。上海湯粗麵，麵質雖煮得淋了些，但個人喜歡吃上海粗麵所以淋硬都係覺得好吃。肉絲加椰菜也煮得很淋，整體來說不過不失吧。本來套餐可選例湯或豆漿或酸梅湯，可惜今天例湯已賣晒，只能叫其他飲料。酸梅湯是凍的，微酸醒胃。豆漿，是用微波焗爐叮翻熱嘅，因口喝原故一口氣飲下整杯，飲到中段時覺得有點不熱，時間上可能要叮多30秒。星期一至五午市不加一亦免茶，埋單二人共$96。

一行三人來到北角城市花園的錦江軒食府午膳，點了兩個麵套餐並加了一個點心。這𥚃的午市套餐周一至五均送豆槳或酸梅湯或明火例湯。～上海炒粗麵上枱時是熱騰騰香噴噴的，久違了的上海粗炒倍覺滋味。類似烏冬的粗麵條彈牙兼有韌性，醬油味不會過鹹，配料的椰菜絲和肉絲亦入味。～嫩雞煨麵清清的幼麵煮得比較爛一些，質感是淋淋滑滑的。切碎了的嫩雞肉和蔬菜配青湯麵是最好的配搭，令這麵清得來又不會太啩！～蒸素餃子最喜歡素餃子內切碎了的青菜，餃子皮薄兼煙韌，吃起來有點𡁻口。～熱豆漿熱騰騰的豆漿微甜有豆香，不消一會兒已喝掉整杯。

同學慶生飯局，今回開上海菜。涼拌海哲青瓜：夏日炎炎，最佳涼伴，青爽。四喜烤夫：好味道。薰魚：入味，燻香，肉夠實。酸辣湯：刚好酸辣度，開胃。砂锅雲吞雞：這個菜式，可以作為湯，也可以作為菜，多些湯水，就是湯，多些材料少些湯水，便成菜。今天，兩樣都吃到。蜜汁火方：真正做到肉質鬆化、鹹甜相融的層次，卻為數不多。今次也不例外，一般之作。樟茶鴨：是晚最佳主角，撲鼻煙燻香，肉嫩不肥又juicy。山東燒雞：味道不错，可惜肉略為鞋了点。糖醋黃魚：炸到酥脆，酸甜得宜。小籠包：皮薄肉鮮，湯汁滿溢。

作為一間食肆，食既除左係味道，環境同伙計係非常影響餐廳既感覺。我地訂左六人枱，但係黎到餐廳俾左張加位枱我地，仲要唔係暗角偏僻位，係餐廳正中間成張枱凸左出黎，阻住出菜既路，坐都坐得唔舒服！我同我老公坐最出，成日要左避右避俾d伙計執枱同上菜，已經冇咩心情，仲要個冷氣機係噴水。成餐飯叫左七樣野，但係黎得六樣，因為漏單。食得落口既有手撕雞、小籠包、上海粗炒、上海炒飯。松子魚同獅子頭就千祈唔好order!獅子頭個肉係臭既，下面墊住既菜又係「縮」既，成碟菜上枱既時候係臭既！松子魚係唔熱，所以好腥，食唔落口。咁到埋單啦，因為叫左個螞蟻上樹催左三次單都冇黎，所以就叫佢cancel, 點知佢竟然叫我地俾左成張單，之後先再扣左碟螞蟻上樹俾我地，呢個係咩概念？即刻火都黎，叫佢扣左碟菜再俾個總數我地先俾錢！總結，呢間餐廳我地成家人以後都唔會再黎！

相約朋友午餐，對其服務較不滿，先安排座位，眼看門口有兩位食客各坐1張2人枱，待應不但不請那兩位食客坐一起，反而安排我們跟其他一起坐張大枱，最奇怪期後再轉坐另一枱，亦無幫忙將所有茶具碗筷轉到那張枱。奇怪事陸續來，午餐理應要快，不但出餐慢，連上白飯都慢，價錢不如其他平宜，眼看有位待應盛飯超慢動作，上班族趕時間，真多得你。幸好餸菜味道不過不失，點了鎮江小排骨，魚香茄子魚塊及小籠包。魚香茄子魚塊味道尚可，只魚香味稍欠缺。小籠包一般，鎮江小排骨最遲上一道菜，味道尚可，但其他飯餸已放涼，整餐竟要45分鐘完成，如此服務及一般廚藝，雖未致於破壞胃口，但本人未必再光顧。

今日趁放假，諗住好耐冇幫趁，去食lunch。去到發現加咗價，都無所謂啦，諗住食物質素都唔差。點咗糖醋魚塊客飯和蕃茄牛肉麵，等了超過30分鐘都未來，一再催侍應生跟單，佢只係話廚房唔夠人，完全冇跟進。鄰桌的糖醋魚塊先到才再給我們，唔係呀！儲唔夠單唔煮？！飯又唔係跟住上。之後，蕃茄牛肉麵一再催促才給我們。食完飯想借鎖匙去洗手間，門口侍應生叫我去問後面攞，後面侍應生叫我去番門口，最後俾咗條開唔到女廁門匙！真係嬲到爆！呢間食肆以後列入黑名單。

呢黎間上海菜食過幾次，就算星期六夜晚都唔係太爆，可能係由於係屋苑裏面嘅關係，食客都係附近嘅住客。咁仲好唔使成日同人迫。 呢度嘅裝修好簡單，食物價錢一般。但係我都覺得佢嘅上海菜幾正宗，起碼一位枱有七成都係幾好味。佢哋有二人餐四人餐同六人餐唔使點諗所以今日就叫咗個二人餐，535元。另外在叫左個黃金蝦 。以後呢幾道菜係四人套餐裏面嘅。冷盤青瓜海蜇凍肉呢個頭盤份量適中，樣樣都唔錯。回鍋肉份量相對就較小，約兩至三人嘅份量，炒得幾香，肉片偏少，但辣辣地都幾開胃。手撕雞係分量最大嘅一碟，但係佢用豉油醃製嘅做法，味道一般。佢地汁可以用來送飯，但係個雞本身唔好食，偏老，雞肉乾。所以份量雖然最大，反而係食唔晒。糖醋魚片呢個做得唔錯，酸甜到適中。如果分量再大啲就好啦。一人先食到一两塊。黃金蝦係自己另外叫嘅，百幾蚊一碟。用嘅下係細細隻既蝦，分量亦唔多。做出來嘅效果還可以，但係唔算得非常好食。食過佢嘅小籠包，真係好一般。原因係豬肉唔係特別好食，無味偏乾，餃中有湯，但個豬肉唔好食已經可惜。佢哋個炸紅豆沙湯圓，反而做得唔錯。總結嚟講，呢間鋪頭嘅小菜份量唔多，有一半以上都算好食，所以俾個讚佢，由於每次去客人都唔多，所

今日食左個番茄牛肉面，番茄湯底好甜，但又不是太假的茄膏味，因為配料用上大量新鮮番茄! 牛肉是本地牛肉，肉質很滑，不錯，仲有加埋雜菇配料!個面底都好夠份量，我食唔晒，下次要叫佢少面先!跟餐仲送1杯飲品，非常好。炮台山區午餐屬抵食之選!

每逢星期天都會一家三口去錦江軒吃飯，雖然不是個個星期都去，但一有時間就去光顧，全因這裡小龍包，我們是小龍包迷，但不是每一間都好食，但錦江軒的小龍包確實做得非常出色，但今次星期天，如常光顧，my 飛佛小龍包不見了，味道總是怪怪，湯少得可憐！最重要是未夾起己經穿了，連平時熱愛小龍包既我的小孩也不食，發生什麼事情？大失水準啊！是失手還是師父休息？希望本店正視一下，之後叫了上海粗抄，味道幾好，不油，好正，再叫了一碗酸更辣湯，好足料，不過不夠辣，但都好正，其實這𥚃價錢不算貴，同區吃外省菜算平了，但我們是衝著小龍包而來，我們下星期會再來，希望我的小龍歸位吧⋯⋯

因為無預計係維園要等4個鐘先出到去，所以無行到去中環終點就係中途去咗預先訂咗團購嘅小菜館食晚飯，首先嚟咗個鮑魚南瓜粟米羹，雖然唔知d鮑魚真定假不過煙煙韌韌又真係令個湯更加好味 ，而個小籠包d皮好薄而入面d肉同湯汁真係好好味道 冷盤6選4揀咗- 雞絲粉皮(我覺得d醬麻麻無咁好味 )- 涼伴海哲(standard )- 四喜烤夫(standard )- 花雕醉雞(好味道不過份量太少 )主菜6選4-灌湯百頁卷(清清淡淡唔錯但份量太少) - 糖醋魚塊 (好味道不過份量太少 )-蒜子瑤柱上湯津白(份量少)- 山東手撕雞(最大碟雞肉亦算嫩)- 雞火炒飯(standard )- 桂花酒釀丸子(好味道)- 豆漿(任飲)其實真實份量同團購嘅相真係有d距離 不過加埋個炒飯都okay飽嘅 。 最欣賞係亞姐會好主勤幫我哋添飲豆漿$298/4人套餐再加埋茶介$19

第一次團購就是錦江軒的四人套餐， 由於後多加了一個小朋友和一個老人，網上是說團購價按比率計算，結果入鋪頭後好耐都不來落單，後有個阿姐說要按另一種兩人的團購餐價格算但食物一樣，（貴著20元每位），剛開始我們想都來到了又等那麼耐，不計較幾十元，如果食物好吃就得，點知仲衰！1.團購上的圖案分量很多，看起來也很美味，實際上分量超級少，6人份的四種前菜剛好拼成一淺碟，而且全是些蔬菜，看不出有丁點肉類，就這樣一碟就是4種前菜了，後來我就覺的是不是有地前菜未上，叫了阿姐，阿姐對下少了一樣酒雞，還說是不是我們吃了， 後來又補上但分量是比平時吃的一件雞扒的分量還小， 還是6人的分量......2.主菜有一份點心類一份糖醋魚，吃完了都看不到那份點心出來，糖醋魚六人份的分量還小過隔壁的四人分，其他兩款就只有看到雜菜雜菜雜菜.......畢竟我們始終是肉食者,又叫阿姐問, 阿姐說對不住點心沒了,可不可以換其他主菜, 其他都是雜菜, 不通這餐是吃齋嗎? 後來我們提出不如換碟炒飯, 至少吃的飽,想想我們六個人......3.上菜速度非常之快,主菜沒吃完已上湯及甜點,我們還沒反應菜齊全了沒就已經完全處於被動了, 上

昨天一家三口到錦江軒吃晚飯，又有一些的新驚喜。總括來說。味道是好的，當然可再改進。環境都挺好的，服務方面其實人是不足夠的。而衛生方面是清潔的。首先我們點了一碟松子苔條肉鬆炒飯，飯不太乾又不太濕，質地良好。然後就是一碟上海炒粗麵，那碟粗炒裏有冬菇絲，椰菜絲等，讓我吃完後回味無窮。重頭戲來了，就是招牌上海小籠包，濃郁的湯和肉在厚度適中的皮裏盪漾著，點一點鎮江醋吃下去時湯和醋爆發出來。爆發的強度就如美國黃石國家公園下的超級火山爆發岩漿的強度，讓它們混在一體，真厲害。後來吃下的北京水餃和鍋貼都有著同樣的效果，惦！還有吃了一碗的鱔糊湯拉麵，湯是清湯，與鱔糊濃郁的醬汁簡直就是天作之合，非常好。最後吃了家常餅，它很乾身，也帶有點脆，又不會很油膩，如可再加點蔥那就更錦上添花了。