錦川餐廳 (已結業)

晚上仲要開會開到好夜，完成後大家一齊食晚飯，揀咗呢間茶餐廳，門面光鮮，入面橙色主色好搶眼！有卡位有圓枱，唔使等位，我哋坐圓枱，店員就𢳂每人一碗例湯，我個位望到廚房嘅廚師即刻起鑊炒炒炒！小菜好快到！例湯：好足料無味精，唔喜歡中湯嘅我都覺得好味椒鹽鮮魷：金黃色幾靚，不過魷魚🦑比較濕碎細件，口感唔夠！炸漿薄，點喼汁都幾好味嘅！欖菜肉碎四季豆：四季豆大條無渣，濕濕地肉碎汁，不過無乜欖角鹹香味！豉椒炒蜆：賣相靚，醬汁有點杰身，唔夠豉椒香，蜆肉無沙，略嫌唔夠肥涼瓜魚菘：涼瓜我唔食，魚菘片彈牙好味霸王雞：賣相以為好辣，點知唔係，雞肉嫩滑，醬汁鹹香！好味食物好味，店員勤快幾nice，同我哋同其他客人談天！幾夠鑊氣嘅小菜…查看更多

我好少見一個茶店 ，飯店有錦川那麼好心機是月的午餐仲分組合成，無論質素如何總覺得是老闆的心意！女員工每日親手寫黑板用白粉我看到午餐才44$充滿活力 努力 合作無間可能我已老了白粉筆黑板能令人感到意外 留守 和美好時光下午茶敘我也選了好立克真貼心有時候我浪漫情懷像詩人的不過個人幾時都很精明杯立克好濃密本人什少讚茶餐廳杯好立克多數飲奶茶咖啡我的吉列石斑沙拉新鮮炸的魚質不錯沙拉料都新鮮魚肉炸透脆皮很妙一看就知道32$我什幸運🍀最怕不新鮮沙拉菜炎炎夏日⋯⋯我最喜歡干淨雖則話只是午後茶但炸物香脆沙拉衛生杯立克夠濃夠熱卻令人愉快當然三十二不太便宜但有時貪平又不滿意不如一分錢一分愜意經一事長一智-⋯⋯遺憾的是因天氣熱魚 醃過咸可能方便保存:)…查看更多

本身想嚟呢一間，係想試佢嘅麻辣薯粉， 上次喺度食晚飯時，侍應話麻辣湯薯粉淨係下午茶先有得食，於是我今日專登下午茶嚟食，點知都係冇，好失望下午茶選擇都算多， 我見當時都接近六點 ，於是就當做食晚餐我地叫咗一個肉絲炒麵，可能係下午茶嘅關係，分量偏小。 麵炸得幾脆口 ，食落都唔錯，而肉絲芽菜撈埋啲芡汁， 感覺就冇咁熱氣，但對於重口味既我黎講，味道淡咗啲另外，仲叫咗個叉燒炒蛋飯。 份量都係較少，而且蛋炒得過熟，所以呢個飯，我唔推介…查看更多

2017 年 12 月 10 日，禮拜日傍晚約六時半。我們一行五個大男人往吃晚飯，我點了福建炒飯，照例聲明多汁。侍應端來的飯，分量平平，材料尚算夠，但汁則嫌太稀，而且分量太少。福建炒飯的汁，必須為濃稠的獻汁才好吃。飯粒超硬而難以嚥下，不像是飯煮得不夠熟，而像是用了太舊太老的米，煮極也不能把飯煮得軟熟。加上汁少且稀，令那碟飯非常難吃整碟飯足足用了大半句鐘才能吃完❪平常福建炒飯，小弟不用十五分鐘便能吃完喔❫。49大元買了一碟記憶中最差的福建炒飯，深感中伏，非常失望矣…查看更多

因為住附近見佢身材又有辣嘢食，所以叫咗外賣送上屋企食！諗住俾個機會佢，叫咗水煮魚，口水雞，麻辣牛柏葉！首先講講麻辣牛百葉，個味道完全係將個牛百葉分開，食得出牛百葉白灼完先混入個醬汁一邊！已口水雞個醬汁還可以接受到，但係隻雞嘅雪藏味，同肉嘅質地非常之有可疑！完全食唔落去！三個餸之中只有水煮魚係最正常，不過咁嘅價錢入邊只不過得幾條魚片，個樣仲要好似脆鯇腩嗰隻feel咁！本來諗住帶啲辣野你送走宿醉，結果真心比佢嚇親！…查看更多