錦尚甜 (環鳳街) (已結業)

完全不老實的店。外賣自取，無焦糖燉蛋，半個鐘後去拎至話無。唔緊要。佢話用燉蛋白換。起初無為意，及時睇番價錢燉蛋白係平五元。一講話唔同價錢就發難鬧人。最後無要到，淨係要本身買的另外兩樣湯水就走。結果外賣返到屋企，發現個湯圓只係俾咗四粒，而本身落單已經加錢要多兩粒。咁本身係咪原本一碗湯水只係會有兩粒湯圓？態度差加經營唔老實。不推薦。評分其實連一粒星都唔想俾。…查看更多

食過數10次以上嘅榴槤糖水，是黃大仙最好味的糖水店，以前會叫買埋佢個榴槤pancake，不過老闆話近排沒有了，已介紹過朋友吃，都話好好味，一定要試佢個榴槤西米露再加小丸子！必吃！椰汁味超香，榴槤糖水很濃～小丸子好煙韌，而且有很多榴槤肉，甜度剛剛好，唔會太甜，榴槤糖水有口感結結地～我最鍾意嘅口感～早三星期冇開門，因內部裝修，現在期待已久糖水店，終於開門啦，味道依然咁好食～希望能夠keep住水準，越來越好食…查看更多

年初一諗住嗌個甜品食下，Oder左個幾鐘都照等，結果等黎既係甘既野！到手爛成甘叫人中點食？甘即係點啊？中要無得賠錢！又吾知可以搵邊個追究！真係嬲到震！永遠都冇下一次啊！…查看更多

成日經過鳳德食宵夜都見到佢，咁今次就黎試試佢🤓食完嘅感覺係覺得佢個味道都幾似許留山，芒果汁溝椰汁係許留山其中一個回憶點!不過許留山已經執晒，係小廢嘅童年回憶-▫️皇牌芒果精選 - 鴛鴦汁底(芒汁配椰汁)配小丸子 ($34) 即場新鮮製造，溝埋椰汁令到個個味道更加多元化同濃郁，食落去啲回憶都返返黎入面仲有芒果雪糕，不過一般；小丸子都幾有咬口; 芒果唔酸但唔係好甜▫️楊枝甘撈 ($36) 楊枝甘露係一種很典型的港式甜品，肥仔揀咗佢黎食都幾足料，有柚子、芒果、西米，口感都唔同，配埋一齊食成個口都唔得閒▪️環境都幾寬敞，但得店主1個人負責整甜品、收錢、抺枱等等，所以可能要等一陣先有得食不過價錢唔貴，同基本上唔洗等位，都幾啱坐低同friend或者男/女朋友傾下計hea下- 味道值：7/10C P 值：8/10 環境值：7/10 - 📍錦尚甜 (環鳳街) Kam Sheung Tim (Wan Fung Street)黃大仙環鳳街52號地舖G/F, 52 Wan Fung Street, Wong Tai Sin港鐵黃大仙站 A 出口, 步行約8分鐘共有(4)分店 …查看更多

本身路過諗住睇吓佢係咩類型嘅甜品店 點知發現佢唔係淨係賣水果甜品 連傳統糖水同小食都有賣食開金滿堂小方糖個啲我真係食厭哂天氣咁啱轉涼就嗌左個熱嘅香芋紫米露 尤其是紫米露係女仔恩物 咁嘅時候食真係啱啱好 個人瞬間温暖哂一打開已經好重椰香芋頭香 芋頭足料之餘口感都係綿密嘅 煮得綿爛嘅紫米露配埋椰奶更加香滑濃郁佢唔係死甜先係最重要！當然我仲有嗌其他嘢食 不過都係一般水平 無辦法嘅係個香芋紫米露太岀色 已經蓋過咗本來對其他嘢食嘅期待值有機會先再試吓其他佢推薦嘅甜品啦 回購香芋紫米露就一定㗎啦環境我覺得都算整齊 仲有養住兩條招財大魚 依個都幾得意幾吸引…查看更多