錦壽築地 (已結業)

係香港要搵間日本菜餐廳好食而性價比高並唔容易，呢間餐廳係其中之一。呢間餐廳個menu厚到好似書咁，揭極都有，代表佢食物種類包羅萬有，多到同放題差唔多。好，就每個種類都點少少。首先係燒物，餃子雞翼好飽滿，外面都算炸得香脆，只係唔算好熱。相反牛舌就夠哂熱，醃得剛好，香口多汁又有咬口，香濃嘅牛味滲透係口𥚃面，好好食啊！蒜燒原條茄子大到成塊牛扒咁，又係燒到香噴噴，蒜蓉嘅香味混在茄子𥚃面，只係比較多左少少油，但整體水準高。彩虹卷8件，七彩繽紛，件件新鮮，壽司米飯粒粒分明，壓得剛好，性價比非常高。叉燒拉麵也可以，只係隻蛋少少過熟。交通便利，環境算舒適，會再來食其他食物！

今日中午去佐敦買嘢🛍，我記得朋友介紹過呢頭有間日本餐廳幾好食，咁我就試吓啦。呢頭唔係好熟，搵咗一陣先搵到，好彩唔係好多人，個餐牌都幾吸引，都幾多選擇，我心多多諗咗一陣，食魚生飯好？還是食鰻魚飯好？😆最後，我點咗「Omakase刺身丼、是日小食、湯$118」Omakase 意思係由廚師決定，個刺身丼賣相都幾靚，色彩繽紛，有三文魚刺身、油金魚刺身、墨魚片同埋大蝦；魚生都幾新鮮，三文魚亦肥美，但係嗰隻蝦就要有少少腥腥哋😝。

見佐敦人流冇咁多，唔使同人逼，午餐用openrice預先訂座仲有全單85折，點可以唔試。環境好舒服，食物唔錯，絕對值得去。1.豬軟骨拉麵拉麵上碟熱騰騰即叫即整。拉麵可以揀粗或幼。麵質好，唔會太硬。豬骨湯味道恰到好處，唔會過鹹，呢一點其實好多餐廳都失敗。豬軟骨有兩條，大大條，好入味，肉質非常好，軟硬適中，唔會過瘦。兩條荀同埋雲耳做配菜，荀唔會酸，荀味唔錯。最正係有溏心蛋，真流心，蛋味香！2.野菌炒雜菜上碟仲熱熱地。好足料，除左椰菜，仲有好多菇，包括金菇、秀珍菇、冬菇等，同出面唔同級數。調味上有少少牛油味，又唔會過多，香香地好好食。菜又唔會老，冇渣。3.角切魚生丼上碟個樣好靚蟹籽同埋好多脆粒粒鋪滿飯面。打開見入面好多魚生刺身切粒，非常多落足料。有三文魚、吞牙魚、油甘魚、象拔蚌。飯中間仲有一d甜甜地嘅麵筋切絲，飯整體甜甜，好似有少少青檸汁，易入口。幾種魚生味道一般，但象拔蚌明顯有腥味，這個真要扣分。4.燒菠蘿燒得都ok, 食落酸酸甜甜，熱熱地，好好味好開胃。20幾蚊抵食。整體講熟食質素好好，刺生就一般。環境：環境非常好，裝左好多把風扇，炎炎夏日都完全冇問題，勁舒服！服務又好，侍應成日加水。餐

錦壽築地位於佐敦的德興街中間，恆豐酒店後面一條街。很容易尋找，食材新鮮，味道正。值得一試，首先品嚐芒果魚子沙拉，雖然要小份，但是都很多量。中華沙律、鵝肝壽司超正，入口軟軟無腥味，三文魚超長壽司，很夠味。還有刺身拼盤超級夠份量，厚切三文魚、北極貝、海膽、墨魚等新鮮夠味。燒烤的味道有少少偏淡，有待改善，牛舌有哋老左。雞泡魚、秋刀魚、燒菠蘿同茄子還不錯。生啤的味道也不錯，入口比較順。如果無限時就更加唔錯，食咁多加飲酒時，時間唔係好夠用。總體可以推薦。

有朋友知道小妹為食，由於佢喺佐敦返工，又係一個終極日本迷，就問小妹有冇好介紹，但係小妹去佐敦好多時候就淨係得澳牛、拉麵、同埋糖水，好少向日本嘢打主意，於是，今次就跟各位食評前輩們指引，黎到呢度覓食起初以為自己行錯地方，因為外表好似住宅咁，餐廳原來位於一樓要試日本餐廳，除咗試刺身壽司好唔好食，熟食都好緊要㗎，事關，都有海量嘅朋友一啲生嘢都唔食㗎嘛，咁冇理由要唔食生嘢嘅朋友一聽到食日本嘢就心情低落晒㗎小妹今次真係試晒壽司、天婦羅、燒物，仲有就係sake啦🤪🤪，喺餐牌上見到個燒茄子，即刻一定一定要點，因為小妹好少見有餐廳會半條咁燒出嚟，結果同樣冇令我失望試完，小妹仲帶咗個外賣滑蛋吉列豬扒飯俾朋友仔食，佢都好鍾意呀，真係放心介紹俾朋友仔嚟

食材新鮮，好味，價錢相宜最鐘意佢個蟹籽牛油果軟殼蟹壽司，佢係新嘅炸出黎。再黎個特長三文魚壽司，真係好長。最少都有成50cm。佢所有野份量都好適中完全符合大食細食既人最後，員工服務態度好好，好滿意

凡試都係無期望就無失望，有人話好食，但又未必係事實嘅全部，但係唔試過又點知呢？餐廳係一樓，地面就見到外賣自取優惠，仲有2019大眾點評年度好評商戶。不過講真咁樣第一印象都幾唔日本料理feel，俾人感覺板x仲高級過佢。上到去環境唔錯，夠涼爽。lunch set有7款。見到A,B,E set都係推薦，套餐都配芝麻醬豆腐同味噌湯。E餐Omakase廚師發辦都只係$118，是日刺身有8款：赤蝦、象拔蚌、北寄具、劍魚、油甘魚、海膽、章魚、玉子。真係好大碗，珍珠米飯配搭少許飯素，整體中規中矩，一分價錢一分貨，最好食係劍魚。B餐$88大約有10件壽司，最吸引人注意嘅當然係長三文魚，可惜有幾薄就切到幾薄，切到幾乎連魚紋都不見了😂魚肉當然唔見得肥美鮮甜。除咗甜蝦係正之外，其他全部都正常發揮。野飲大話7要加錢，7喜加幾粒話梅，好彩冇伏😂

朋友生日 提早訂左4位 有留言朋友生日有店員打黎確認時間時 有耐心講解有生日壽司蛋糕可以訂 或者keep蛋糕要提前 同埋切餅費幾多 亦有講解用餐時間 好有禮貌 最驚有啲餐廳係去到先講食品種類好多 有魚生 壽司 拉面 飯 燒物 炸物 雪糕等等岩哂唔食生野或者唔食海鮮或牛嘅朋友一齊食 因為我地一枱4人 已經齊哂有唔食得嘅野 但係呢到都搵到自己岩食嘅野壽司品質唔錯 新鮮 炸物同串燒都係叫先整 要等埋小小 炸雞軟骨特別好食 店員有問要唔要食哂生野先食熟食 好細心最後食哂枱面野食 其實已經到左用餐時間個半鐘 不過店員冇叫我地即刻埋單 仲問我地食唔食甜品雪糕 我地有叫到 食埋都冇催埋單 值得一讚 食得安心 坐位算好闊落 枱好大 一次過叫好多野食都放得落 整體黎講好好

行行下街有d餓，就搵下佐敦有乜食咁就上左去呢到呢到係壽司一件件叫，係唔錯既（有少少貴，不過食左你就覺得值得嘅）d員工超有禮貌😍好like!!!!右口魚邊勁好味。出面果d成日都唔係好熟。呢到岩岩好，重要突登教我點食先為之最好味！可以再黎😍😍😍😍😍😍

📍#錦壽築地 📍Oishi Sushi #OishiSushi.🇭🇰香港佐敦德興街德成軒1樓🇭🇰 1/F, City 18, 18 Tak Hing Street, Jordan, HK.人均消費: HKD765.味道: 👅👅👅👅賣相: 👀👀👀👀價格: 💰💰💰💰環境: 🌹🌹🌹服務: 👨🏻👨🏻👨🏻性價比: ⭐️⭐️⭐️⭐️回頭率: 🔆🔆🔆🔆.心血來潮想食日本菜，揾咗幾間最後決定食係佐敦嘅錦壽築地！樓上舖地方算可以，係二人枱比較迫，但其他4人枱都睇落幾舒服餐牌選擇多，價位唔算好貴點完餐店員話會先上刺身俾我地食左先🤤.⭐️#深海池魚薄切 10片 HKD168先上左個深海池魚薄切！好多時有池魚刺身我都會點，貪佢口感特別！一共10片又唔算貴！肉質好爽脆，略帶油香，連上面啲蔥花再蘸醬油好好味！但平時食係蘸類似醋的東西，但今次係蘸芥末醬油，但都幾好味.⭐️#什錦刺身 10款 HKD458HKD458嘅10款刺身幾抵食喎！有三文魚，白肉豚，油甘魚，帶子，活赤貝，八爪魚，甘蝦，北寄貝，海膽，墨魚，蟹籽！全部都好新鮮海膽好甜，包紫菜食一人都食到3,4份！特別好味嘅一定墨魚，超級爽，咬落仲有黏口嘅感覺！特別一提，白肉豚

今晚第一次和朋友去錦繡築地食晚飯，十分有驚喜。食物賣相很美、味道十分有水準，選擇也很多。有壽司串燒、天婦羅、拉麵、烏冬炒飯等等。其中壽司拼盤非常值得推介，很新鮮、味道和賣相非常好😋串燒波蘿、雞翼和牛舌也吃得津津有味。還有店員非常有禮貌和細心，除了不斷為我們添加熱茶，茶涼了也主動為我們更換熱，很貼心。綠茶可樂和豆腐雪糕也可一試😃錦繡築地價錢合理、食物水準高，是值得推薦的食店。綠茶可樂和豆腐雪糕也可一試😃

有85折 咪平平地試下 叫左個角切don 其實都知角切一定係頭頭尾尾無好野 點知個面仲放一大堆天婦羅碎 堆到成左山 搞到成個don油林林 好大油炸味 整走堆天婦羅都有排 真係有折先去

之前有朋友食過話OK，我行完街路經附近，今次就等我嚟會一會啦😌午飯時間，餐廳都唔算多人，一去到就可以即時入座。見到餐牌款式唔算好多，但係賣相都幾吸引而且價錢真係好抵呀我揀咗個壽司lunch set $88，仲包前菜及麵豉湯餐飲方面，柚子茶係免費嘅！如果想飲其他嘢或汽水就要加錢喇，亦有加一服務費。上餐效率唔錯好快有得食，侍應服務態度亦都唔差，食物賣相都幾吸引而且新鮮，性價比高！下次要嚟試埋其他款式先😁魚生壽司有八件，仲要有一件蟹子手卷兩件卷物及玉子。其中三文魚壽司係長長的三文魚（捲起），重點係⋯其中一件係海膽呀！平時食最少都$20件Lunch set都有得食大家睇吓除咗有兩隻大大嘅甜蝦之外，仲有一件海膽壽司呀，兩者都非常甜美😋螺肉前菜雖然樣子普通，但味道都唔錯！麵豉湯都係日本餐廳一貫水準唔會太咸。

經朋友介紹，連續食咗幾星期 （每星期一次），食物堅美味，食咗幾次都重未食哂想食嘅嘢。老板錦師傅又好nice, 每一次都好熱情咁招待。特長三文魚壽司好抵食，芒果酥皮pizza都超讚，重有鰻魚壽司，魚生拼盆... 太多美食，不能盡錄😋值得一去再去

令人難忘既A5和牛壽司，一上碟已經心心眼，塊和牛遮蓋左成舊飯，入口立即溶化，而且個汁調得好好，帶出味道之餘又好清。除左和牛；另一個驚喜係左口魚壽司，用紫菜包住食，又係立即溶化，而且魚油好香。其他刺身、壽司、天婦羅都不過不失。